ސަރުކާރުގެ ގިނަ އޮފީސްތަކެއް ހިންގާ ވެލާނާ ބިލްޑިން: ސިވިލް ސާވިސް މުވައްޒަފުން ބޭރުގައި އުޅޭ ވަގުތަށް މުސާރައިން އުނި ކުރަން ސީއެސްސީން ވަނީ އޮފީސްތަކަށް އަންގާފައި --ފޮޓޯ/މިހާރު
29 އޮކްޓޯބަރ 2017 - 14:57
52 comments
ސިވިލް ސާވިސް މުވައްޒަފުން ރަސްމީ ވަގުތުގައި އަމިއްލަ ކަންކަމުގައި އޮފީހުން ބޭރުގައި އުޅޭ ނަމަ މުސާރައިން އުނިކުރަން އެންގީ އެކަން އެގޮތަށް ނުކުރެވޭނެ ކަމަށް އެޓާނީ ޖެނެރަލް މުހައްމަދު އަނިލް، މިނިސްޓްރީއަކަށް، ލަފާ ދެއްވާފައި ވަނިކޮށް ކަން "މިހާރު" އަށް އެނގިއްޖެ އެވެ.
ސިވިލް ސާވިސް ކޮމިޝަން (ސީއެސްސީ) އިން މިދިޔަ ހަފުތާގައި ނެރުނު ސާކިއުލާއަކުން ވަނީ ސިވިލް ސާވިސް ގަވާއިދުގެ 160 ވަނަ މާއްދާގެ ށ. ގެ ދަށުން، ރަސްމީ ވަގުތުގައި އަމިއްލަ ކަންކަމުގައި އޮފީހުން ބޭރުގައި އުޅޭ ވަގުތަށް މުސާރަ އާއި ސާވިސް އެލަވަންސުން އުނި ކުރަން ޖެހޭ ގޮތަށް ހަމަޖައްސައިފަ އެވެ.
އެކަމަކު އެގޮތަށް އެންގުމުގެ ކުރިން، މި މަހުގެ 10 ވަނަ ދުވަހު އެޓާނީ ޖެނެރަލްގެ އޮފީހުން އޮތީ އެކަން އެގޮތަށް ނުކުރެވޭނެ ކަމަށް ފިޝަރީޒް މިނިސްޓްރީއަށް ލަފާ ދީފައި ކަން "މިހާރު" އަށް ވަނީ ކަށަވަރުވެފަ އެވެ. އޭޖީ އޮފީހުން އެ ލަފާ ދިނީ އެ މިނިސްޓްރީން އެކަމުގެ ލަފަޔަކަށް އެދުމުން ކަމަށް ވެސް އެނގިފައިވެ އެވެ.
އޭޖީގެ ލަފާގައި ވާ ގޮތުން މުވައްްޒަފުންގެ މުސާރައިން އުނިކުރެވޭނެ ހާލަތްތައް ވަޒީފާއާ ބެހޭ ގާނޫނުގައި ބަޔާން ކޮށްފައިވާއިރު އެ ނޫން ހާލަތެއްގައި މުސާރައިން އުންޏެއް ނުކުރެވޭނެ އެވެ.
ފިޝަރީޒް މިނިސްޓްރީން އޭޖީގެ ލަފައަކަށް އެދުނީ ސީއެސްސީގެ ނިންމުމަށް އަމަލްކުރަން އެ މިނިސްޓްރީއަށް އެންގުމުންނެވެ.
މި މައްސަލާގައި ސީއެސްސީން މިއަދު ބުނީ ބޭރުގައި އަމިއްލަ ކަންކަމުގައި އުޅޭ ވަގުތަށް މުސާރަ އާއި އެލަވަންސުން ކަނޑަށް އެންގީ ގަވާއިދުގައި ކުރިން ވެސް އެގޮތަށް އޮންނާތީ ކަމަށެވެ. އެކަމަކު ފިޝަރީޒް މިނިސްޓްރީއަށް އެޓާނީ ޖެނެރަލް ދެއްވި ލަފައާ ގުޅޭ ގޮތުން ސީއެސްސީން ވަކި އެއްޗެެއް ނުބުނެ އެވެ.
"ގަވާއިދުގައި އެގޮތަށް ކުރިން ވެސް އޮންނަ އެއްޗެއް އެއީ. އޭޖީގެ ލަފައާ ގުޅޭ ގޮތުން ވަކި ކޮމެންޓެއް އަޅުގަނޑުމެންގެ ނެތް،" ސީއެސްސީގެ މީޑިއާ އޮފިޝަލް ވިދާޅުވި އެވެ.
މީގެ ކުރިން ވެސް ސީއެސްސީން ވަނީ އޭޖީގެ ލަފައަކާ ޚިލާފަށް ގަވާއިދު އިސްލާހުކޮށްފަ އެވެ. އެ ފަހަރު ގަވާއިދަށް ބަދަލުގެނައީ މުވައްޒަފުން ސަލާމް ބުނާ ދުވަސްތަކަށް ސާވިސް އެލަވަންސުން ފައިސާ އުނިކުރާ ގޮތަށެވެ. އެކަން އެގޮތަށް ނުކުރެވޭނެ ކަމަށް އޭޖީން ސީއެސްސީއަށް ލަފާ ދިނުމުން ވެސް އެއާ ޚިލާފަށް ގަވާއިދު އިސްލާހު ކޮށްފައި ވަނިކޮށް ހައި ކޯޓުން ވަނީ ގަވާއިދުގެ އެ އަކުރު ބާތިލްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކާފަ
09 November 2017
ގަވާޢިދަށް ކޮންމެ އިސްލާހެއް ގެނަސް ހުރިހާ ދުއްޕާނެއް އޮތީ، ސަރުކާރަށް ތާޢީދުނުކުރާ މީހުނަން އެކަނި. މި ގައުމަކު މިހާރަކު ގާނޫނެއް ގަވާއިދެއްނެތް.
ޑިމޮކްރަސީ
30 October 2017
ސީއެސް ސީގެ ރައީސަކަށް މިހާރު ތިހިރީ ސިވިލްސަރވަންޓުންނަށް ވަރަށް ނކަމެތިކޮށް ކަންކުރާމީހެއް /އޭނަގެ ސަބަބުން 2018 ގައި ވަރަށް ގިނަ ވޯޓް މިސަރުކާރަށް ގެއްލިގެންދާނެ
އެޑްމުންޑޯ
30 October 2017
އަތްފުނާ އަށް ވާނުވާ ނޭގޭކަން އެއީ ދެރަކަމެއް ، އޭޖީގެ ލަފައަކީ ވަޒީފާ ބެހޭ ގާނޫނާއި ފުށިއަރާތީ ނެރުނު ލަފައެއް ، އެއީ ގާނޫނެއް ، ސިވިލް ސަރވިސް އިން ދައްކަނީ ގަވާއިދެއްގެ ވާހަކަ ، މީ ތަފާތު ދޭއްޗެއް ، ގާނޫނު ފުށުއަރާ ގޮތަށް ހެދޭ ގަވާއިދު ތަކަކީ ބާތިލު ވެދާނެ އެއްޗެއް ، އޭގެ މިސާލެއް މީގެ ކުރިންވެސް ވަނީ ފެނިފައި ،
ކަނދުރާ
30 October 2017
ވަޒީފާޔާބެހޭ ޤާނޫނަކީ، ހަމައެކަނި ފޮތް ބޯކޮށްލައްވަން ހިމަނާފައިވާ ގަނޑުތަކެއްބާވައޭ ހިތަށް އަރައެވެ. މުވައްޒަފަށް ލިބޭއެއްޗެއް އުނިކުރެވޭނެގޮތް ވަރަށް ސާފުކޮށް ޤާނޫނުން އެނގެން އެބައޮތެވެ. ސިވިލްސާރވީސްވެސް ޤާނޫނަށްވުރެ ތިރިވާންޖެހޭނެކަމަށް އަޅުގަނޑު ދެކެމެވެ. އަޅުގަނޑަށް ހިތަށްއަރަނީ، އެންޓިކެމްޕޭނެއް ފެއްޓެވީބާވައޭ.
ތޮލާ
30 October 2017
ޙުރިހާ މިއަޒަފުން ފިންގާ ޖަހާފަގެއައް.Okވނެ
ޚިޔާލު
29 October 2017
ސިވިލްސާވިސް އުފެދުނުފަހުން ރައީސްކަމުގައާއި މެންބަރުކަމުގައިވެސް އެތައްބަޔަކު އުޅެފި. އޭރުވެސް ތިގަވާއިދެއް އޮވޭ. އެކަމަކު ތިޔަށް އަމަލުނުކުރީ ކަމެއް ވެގެންތާ. ގަވައިދުގައި ނެތީތަ މަސައްކަތު ގަޑީގައި ބޭރުގައި އުޅޭ މުއައްޒަފުންނާމެދު އަޅާނެފިޔަވަޅު. ފިޔަވަޅު ނާޅައި ސިވިލްސާވިސްގެމަސްއޫލިއްޔަތު އަދާނުކޮށް ބައެއްގެމުސާރަކެނޑުން ހުއްދަކަމަށް ދައްކަން ތިއުޅެނީ ތިކޮމިޝަނުގައި ތިކަަމަށް ކުފޫހަމަވާ މީހަކުނެތިގެންކަން މިހާރު އެންމެންނަށް މިއެނގުނީ. ކޮމިޝަނު އެކީ އިސްތިއުފާ ދިނުމަށް ގޮވާލަން.
ބީޖި
29 October 2017
އޭޖީ ވެސް ގިނަ ވަގުތު އުޅެނީ އޮފީސް ގަޑީގައި ބޭރުގައި އެހެންވެ
ރެޓޭ
29 October 2017
ޝަމީމު ތިޔަ އުޅެނީ ސަރުކާރަށްއޮތް ތާއީދު ގެއްލުވާލަން. ރަނގަޅަށްވެއްޖިއްޔާ މީނާއަކީ މައުމޫނު ފެކްޝަނގެ މީހަކަށްވާނީ! ޔާމީނު ޖެހޭނެ މިކަހަލަ ވައިރަސްތަކާ ދެކޮޅަށް ރޮކެޓް ސްޕީޑުގައި ފިޔަވަޅުއަޅަން.
އަތްފުނާ
29 October 2017
''ސީއެސްސީން މިއަދު ބުނީ ބޭރުގައި އަމިއްލަ ކަންކަމުގައި އުޅޭ ވަގުތަށް މުސާރަ އާއި އެލަވަންސުން ކަނޑަށް އެންގީ ގަވާއިދުގައި ކުރިން ވެސް އެގޮތަށް އޮންނާތީ ކަމަށެވެ '' ވީމާ މި ހަދާފައިވާ ގަވައިދަށް އިހްތިރާމު ކެނޑޭ ގޮަތަށް ނުވަތަ މިކަން ނަފީ ކުރަން އޭޖީގެ ލަފައަށް އަހަންޖެހޭ ސަބަބެއް ނެތް. އަދި އިތުރުން ދައުލަތުގެ އެހެން މުއަސަސާތަކުގެ ލަފާވެސް ހޯދަކަށެއް ނުޖެހޭނެ.މިކަމުގައި ސަރުކާރުގެ ވުޒާރާއަކުން ލަފާއެއް ހޯދޭނީ ގަވައިދުގައި ނެތް ނުވަތަ މާނަކުރުމުގައި ފުށުއަރާނަމަ.ސީއެސްސީންވެސް މި ގަވައިދަށް އަމަލުކުރަން ނިއްމާފައި އެވަނީ މުވައްޒަފުންގެ ފަރާތުން މިކަމުގައި ނޭދެވޭ އަމަލުތައް ތަކުރާރުވީމާ.ދައުލަތުން ޖެހޭނީ މި ގަވައިދަށް އިހްތިރާމުކުރަން.
ޛެހޭ
29 October 2017
އަހަންޖެހޭނެ. ވަޒީފާގެގާނޫނާ ފުށުއަރާވާހަކަ މިކިޔަނީ. ގާނޫނަކަށް ވުރެން ގަވައިދު ވަރުގަދައެއް ނުވާނެ.
falaku ain
29 October 2017
އޭ.ޖީ އެދިން ލަފާ އެއީ ވަކިމިނިސްޓްރީއަކަށް ދީފައިވާ ލަފައެއް. އެހެންވީމާ އެހެން މުއައްސާސަތަކުގެ މުވައްޒަފުންގެ މުސާރައިން ކެޑުމަކަށް ހުރަހެއްނެތް. ގާނޫނުގައި ބުނާނީ އެތަނެއްގެ މުވައްޒަފުންގެ މުސާރަޔާއި އިނާޔަތާއި ދިނުމަކީ އެތަނެއްގެ ކަމެކޭ. އަދި ދޭންވެސް ވާނެޔޭ. އެތަނެއްގެ މުވައްޒަފުންގެ ކަންކަން ނިންމާނީ އެތަނެއްގެ އެޗް.އާރ. ކޮމިޓީންނޭ. އެއީކީ ގާނޫނަކާ ބެހޭ ކަމެއްވެސް ނޫނޭ. ދެން އިންސާފު ލިބިދޭތަނުންވެސް ބުނާނީ ކެނޑިއްޔާ ކެނޑުނީއޭ ނުކެނޑިއްޔާ ނުކެނޑީއެވެ.
ބަރު
29 October 2017
ލަފައެއްނޫނޭ އެއީ. އެކިޔަނީ ގާނޫނަކާ ފުށުއަރާ ވާހަކަ. ކޯންޗެއް ކިޔަން ތިއުޅެނީ.
ޒައި
30 October 2017
ވަޒީފާއާ ބެހޭ ޤާނޫނު ހިނގާނެ ހިރިހާ ސިވިލް ސަރވަންޓުންގެ މައްޗަށް ވެސް.. ޤާނޫނާ ހިލާފަށް ޤަވާއިދެއް ނުހެދޭނެ.. ކުރިން ވެސް ބޮނޑި ބުއި އެހެން ގަދަ ދައްކަން ހަދައިގެން