ހާރިޖީ ގުޅުންތަކާ ގުޅޭ އެކި ކޯސްތައް ހިންގުމުގެ އެއްބަސްވުމުގައި ސޮއިކުރެއްވުމަށްފަހު ފޮރިިން ސެކްރެޓަރީ ސަރީރު (ކ) ވާހަކަދައްކަަވަނީ.-- ފޮޓޯ: އެމްއެންޔޫ
05 ނޮވެމްބަރ 2017 - 15:53
3 comments
ޚާރިޖީ ދާއިރާ އިތުރަށް ހަރުދަނާކޮށް އެ ދާއިރާ އަށް މީހުން ތަމްރީނު ކުރަން ފޮރިން މިނިސްޓްރީ އާއި މޯލްޑިވްސް ނެޝަނަލް ޔުނިވާސިޓީ (އެމްއެންޔޫ) އިން މިއަދު އެއްބަސްވެއްޖެ އެވެ.
ފޮރިން މިނިސްޓްރީގައި ބޭއްވި ރަސްމިއްޔާތެއްގައި އެ މިނިސްޓްރީގެ ފަރާތުން މި އެއްބަސްވުމުގައި ސޮއިކުރެއްވީ، ފޮރިން ސެކްރެޓަރީ އަހުމަދު ސަރީރު އެވެ. އެމްއެންޔޫ އިން ސޮއިކުރެއްވީ އެތަނުގެ ވައިސް ޗާންސެލަރު ޑރ. އަލީ ފަވާޒު ޝަރީފު އެވެ.
އެއްބަސްވުމުގައި ސޮއިކުރެއްވުމަށް ފަހު ވާހަކަ ދައްކަވަމުން ސަރީރު ވިދާޅުވީ ތަމްރީނުތަކާއި ކޯސްތައް ހިިންގާނީ ފޮރިން މިނިސްޓްރީގެ ދަށުން ހިންގަމުން އަންނަ ފޮރިން ސާވިސް އިންސްޓިޓިއުޓް އޮފް މޯލްޑިވްސްއާ ގުޅިގެންނެވެ. އެގޮތުން ދެ ފަރާތް ގުޅިގެން ތަމްރީނުތައް ހިންގާނެ ކަމަށާއި ފޮރިން މިނިސްޓްރީގެ މުވައްޒަފުންނަށް ވެސް ކޯސްތަކުގައި ބައިވެރިވުމުގެ ފުރުސަތުތައް އޮންނާނެ ކަމަށް ވިދާޅުވި އެވެ.
މީގެ އިތުރުން ޚާރިޖީ ގުޅުންތަކާ ގުޅޭ ދިރާސާތައް ހަދައި އާއްމުންނާ ހަމައަށް އެ ލިޔުންތައް ނެރުން ހިމެނޭ ކަމަށް ސަރީރު ވިދާޅުވި އެވެ.
ހާރިޖީ ގުޅުންތަކާ ގުޅޭ އެކި ކޯސްތައް ހިންގުމުގެ އެއްބަސްވުމުގައި ފޮރިން މިނިސްޓްރީގެ ފަރާތުން، ފޮރިިން ސެކްރެޓަރީ ސަރީރު (ކ) އަދި އެމްއެންޔޫގެ ވައިސް ޗާންސެލާ ޑރ. ފަވާޒު ސޮއިކުރެއްވުމަށްފަހު އެއްބަސްވުން ބަދަލުކުރައްވަނީ.-- ފޮޓޯ: އެމްއެންޔޫ
މިއަދުގެ ރަސްމިއްޔާތުގައި ވާހަކަ ދައްކަވަމުން ފަވާޒު ވިދާޅުވީ ފޮރިން މިނިސްޓްރީއާ އެކު ވި އެއްބަސްވުމުގެ ދަށުން އެންމެ ބޮޑު އިސްކަމެއް ދޭނީ ޚާރިޖީ ގުޅުމާ ގުޅޭ ދިރާސާތައް ހެދުމަށް ކަމަށެވެ. އެގޮތުން ދިރާސާ ކުރުން ހަރުދަނާކޮށް، ޚާރިޖީ ދާއިރާ އިން މީހުން ތަމްރީނު ކޮށްދިނުމުގައި އެމްއެންޔޫގެ ފުރިހަމަ އެހީތެރިކަން ލިބޭނެކަން އޭނާ ފާހަގަކުރެއްވި އެވެ.
އެމްއެންޔޫގައި މިހާރު ވެސް އަންނަނީ ޕޮލިޓިކަލް ސައެންސް އެންޑް އިންޓަނޭޝަނަލް ރިލޭޝަންސްގެ ޑިގްރީ ކޯހެއް ހިންގަމުންނެވެ. ފޮރިން އިންސްޓިޓިއުޓުގައި ސެޓްފިކެޓް ލެވެލްގެ ކޯސްތައް ހިންގަމުން އަންނައިރު، ކުރިއަށް އޮތް ތަނުގައި އެމްއެންޔޫ އިން ފޮރިން ރިލޭޝަންސްއާ ގުޅޭ މާސްޓާސް ފެންވަރުގެ ކޯސްތައް ހިންގަން ފޮރިން މިނިސްޓްރީގެ މުވައްޒަފުން އެހީތެރިވެދޭނެ ކަމަށް ބުންޏެވެ.
ފޮރިން ސާވިސް އިންސްޓިޓިއުޓް އޮފް މޯލްޑިވްސް އަކީ ޚާރިޖީ ދާއިރާގެ މީހުން ތަމްރީނު ކުރަން 2014 ވަނަ އަހަރު އުފެއްދި އިންސްޓިޓިއުޓެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާއްޖެތެރެމީހާ
06 November 2017
އާދޭސް ކޮށްފައި މިބުނަނީ ވަޗުއަލްކޮން ރަށުގަތިބެގެން ކިޔަވައިދޭ ގޮތްހަދައިދީބަލަ ޖިސީއީ އޯލެވެލް އަދި އޭލެވްލަހަދައިގެން ނުކުންނަ ތޫނު ކުދިންގެ ތެރޭގައި ހިމެނީ ނިކަމެތިކުދިންނަށް ކިޔެވޭނީ އެއިރުން މަންދުކޮލެޖުގައި ގެންގުޅޭ މޮޑެލް ވަރަށް ފައްކާ ނިކަމެތިން ކިޔަވަން އެކަމަކު ބޭނުމީ ގައުމި ޔުނިވަސިޓީގައި ކިޔަވަން
މުސްތާގު
06 November 2017
މަންދު ކޮލެޖުން ކިޔަވާދޭ ގޮތް ފައްކާވީ ކީއްވެގެން ތޯއެވެ؟ އެއީ ކުލާހަކަށް ނުގޮސް ރަގަޅު އެކަށީގެންވާ ހަރުދަނާ ގޮތެއްގަ ނުކިޔަވަ ފަސޭހަ ކަމާ އެކީގަ ސެޓްފިކެޓް ލިބޭ ތީ ތޯއެވެ؟ މި ރާއްޖޭގައި އަދި ވަރޗުއަލް ކްލާސް ރޫމް ހެދޭ ވަރަށް ކިޔަވާ ދިނުމުގެ އެހެނިހެން ކަންކަން ކުރިއަރާ ނުދާތީ އެމް.ކިއު.އޭ އިން ވެސް ތިޔަ ކޮލެޖުން ތިޔަ ކުރާ ކަންކަމާ ވަރަށް ނުރުހޭ. ހަގީގަތުގަ ރަގަޅު ހުއްދައެއްވެސް ނެތި ހިންގަމުން އެ ދަނީ. މަންދު ކޮލެޖުން ވަރޗުއަލް ކްލާސް ރޫމްތައް ބޭނުން ކޮށްގެން ހިންގާފަ އެހެން އެއްވެސް ކޮލެޖަކުން އަދި ޔުނިވަރސިޓީއަކުން އެކަން އެގޮތަށް ނުކޮށް އެކި އަތޮޅުތަކުގައި ކެންޕަސްތައް ހަދާ ބޮޑު ހަރަދު ކޮށްގެން ތިޔަކަން ކުރަމުން އެދަނީ ސަބަބެއް އޮވެގެން. އެއްވެސް ގޮތަކަށް މަންދު ކޮލެޖުން ތިޔަ ގެންގުޅޭ ވަރޗުއަލް ކްލާސްރޫމްގެ ސެޓަޕެއް ނުހެދިގެނެއް ނޫން.
ފައިސަލް މޫސާ
06 November 2017
އަހަރެންނަނަށް ފެންނަނީ ފޮރިން ސެކްރެޓަރީ އަހުމަދު ސަރީރު ޗާންސެލާގެ މަގާމެއް ތިޔަ މިނިސްޓްރީގެ އިންސްޓިޓިއުޓްގެ ތެރެއިން އުފައްދައި އެތަން ޔުނިވަސިޓީއަކަށް ބަދަލުކުރުމަށް އަދި ދިރާސާ ކުރާނެ ޔުނިޓެއް ހަދައިގެން ރާއްޖޭގެ ހާރިޖީ ދާއިރާއަށް އަދި ދުނިޔޭގެ ޤައުމުތަކުގެ ހާރިޖީ ދައިރާއަށް މީހުން ތަމްރީންކުރަން ފަށަން، އަދި ތަމްރީނުތަކާއި ކޯސްތައް އެތަނުން ހިންގަންފެށުން، އަދި މިހާރު ދުނިޔޭގެ އެންމަބޮޑަށް ތަރައްޤީވެފައިވާ ގައުމުތަކުންވެސް މިހާރު އެންމެ ބޭނުންވެގެން އުޅެނީ ތިޔަ ތަނުން ހިންގާ ހާރިޖީ ތަމްރީން އަދި ތިޔަތަނުގެ ދިރާސާތަށް، ކީކޭ ދެން ބުނާނީ؟