12 ނޮވެމްބަރ 2017 - 18:52
24 comments
ހދ. ކުޅުދުއްފުށީ އެއާޕޯޓުގެ މަސައްކަތް އަންނަ އަހަރުގެ މެދެއްހާ ހިސާބުގައި ނިންމާލެވޭނެ ކަމަށް ޓޫރިޒަމް މިނިސްޓަރު މޫސާ ޒަމީރު މިއަދު ވިދާޅުވެއްޖެ އެވެ.
ކުޅުދުއްފުށީ އެއާޕޯޓް އެޅުމަށް ބޭނުންވާ ބިން ހިއްކުމަށް މިއަދު ހަވީރު އެ ރަށުގައި ބޭއްވި ކުލަގަދަ ރަސްމިއްޔާތުގައި ވާހަކަ ދައްކަވަމުން މިނިސްޓަރު ޒަމީރު ވިދާޅުވީ ބިން ހިއްކައި ނިމުމާއެކު، ރަންވޭގެ މަސައްކަތް ފަށައިގަނެވޭނެ ކަމަށާއި އެކަމުގެ ތައްޔާރީތައް މިހާރު ވެސް ވަމުން އަންނަ ކަމަށެވެ.
"އަޅުގަނޑުމެން ޝެޑިއުލް ކޮށްފައިވާ ގޮތަށް މަސައްކަތްތައް ކުރިއަށް ދާނަމަ 2018 ގެ މެދުތެރޭގައި މި އެއާޕޯޓުގެ މަސައްކަތް ނިންމާލެވޭނެ،" އެއާޕޯޓް އަޅާނެ ކަމުގެ ޔަގީންކަން ކުޅުދުއްފުށީ ރައްޔިތުންނަށް ދެއްވަމުން ޒަމީރު ވިދާޅުވި އެވެ.
އެކަމަކު ކުޅުދުއްފުށީ އެއާޕޯޓުގެ މަސައްކަތް ހަވާލުކުރާނެ ބައެއް، އަދި އެކަން ކުރިއަށް ގެންދަން ރާވާފައިވާ ގޮތެއް އޭނާ ވިދާޅެއް ނުވެ އެވެ.
ކުޅުދުއްފުށީ އެއާޕޯޓުގައި 1200 މީޓަރުގެ ރަންވޭއެއް އެޅުމަށް ނިންމާފައިވާއިރު، ރާއްޖޭގެ އެހެން ޑޮމެސްޓިކް އެއާޕޯޓްތަކުން ލިބޭ ޚިދުމަތް އެ އެއާޕޯޓުން ވެސް ލިބޭނެ ކަމަށް މިނިސްޓަރު ވިދާޅުވި އެވެ.
އެއާޕޯޓު އެޅުމަށް ކުޅުދުއްފުށީ ކުޅި ހިއްކާތީ ބައެއް ފަރާތްތަކުން ކަންބޮޑުވުން ފާޅުކުރަމުން ދާއިރު ޒަމީރު ވިދާޅުވީ ކުޅިން ހިއްކަނީ 30 ޕަސެންޓް ކަމަށާއި ބާކީ 70 ޕަސެންޓް ރައްޔިތުންނަށް ލާބަ ލިބޭ މަސައްކަތް ކުރުމަށް އޮންނާނެ ކަމަށެވެ.
ކުޅި ހިއްކުމާއެކު ކުޅުދުއްފުށީގައި ފެން ބޮޑުވުމުގެ މައްސަލަ ކުރިމަތިވެދާނެތީ، އޭގެ ހައްލު ވެސް ހޯދަމުން އަންނަ ކަމަށް މިނިސްޓަރު ވިދާޅުވި އެވެ.
އެއާޕޯޓުން ސީދާ ފައިދާތަކެއް ނުވި ނަމަވެސް އެއާޕޯޓް އެޅުމުން އެ ސަރަހައްދުގައި ރިސޯޓްތައް ހުޅުވި ގެސްޓް ހައުސްގެ ވިޔަފާރިތަކާއެކު ރައްޔިތުންނަށް ފައިދާވާން ފަށާނެ ކަމަށް ވެސް ޒަމީރު ވިދާޅުވި އެވެ.
ކުޅުދުއްފުށީ އެއާޕޯޓް އެޅުމަށް ބޭނުންވާ ބިން ހިއްކުމުގެ މަޝްރޫއު ރައީސް ޔާމީން ފައްޓަވައި ދެއްވިއިރު، ކުރިއަށް އޮތް މަސް ދުވަސް ތެރޭގައި އެ މަސައްކަތް ނިމޭނެ ކަމަށް އެމްޓީސީސީން ބުނެ އެވެ.
ކުޅުދުއްފުށީ އެއާޕޯޓު އެޅުމަށް ބޭނުންވާ ބިން ހިއްކުމުގެ މަސައްކަތް ރަސްމީކޮށް ފައްޓަވައި ދެއްވުމަށް ރައީސް ޔާމީން މިއަދު ހަވީރު އެ ރަށަށް ވަޑައިގަތުމުން، ކުޅުދުއްފުށީގެ ރައްޔިތުން ވަނީ އެމަނިކުފާާނަށް ވަރަށް ހޫނު މަރުހަބާއެއް ދަންނަވައިފަ އެވެ.
ކުޅުދުއްފުށީގައި އެއާޕޯޓު އެޅުމަށް ބޭނުންވާ ބިން ހިއްކުން ރަސްމީކޮށް ފެށުމުގެ މުނާސަބަތާއެކު އެ ރަށަށް ބޮޑު އީދެއް އައިސްފައިވާއިރު، އެއީ ކުޅުދުއްފުށީގެ ވަރަށް ގިނަ ބަޔަކު ބޭނުންވާ ކަމެކެވެ. އަދި އެއީ ރައީސް ޔާމީންގެ ރިޔާސީ ވައުދެއް ވެސް މެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބައްޓީ
13 November 2017
އިންޑިޔާ އިން ވެއްޖެއެއްނު މަލިކުގައި އެއަރޕޯޓެއް އަޅައިދޭން
އއަލިބެ
13 November 2017
އަޅުގަނޑުމެން މިހާރު ދެރަވޭ އަޅުގަނޑުމެންގެ ރަށުގައިހުރި ކުރީޒަމާނުގެ މިސްކިތްތަކާއި ރައްޔިތުންގެ އިމާރާތްތައް ތާރީޚަށްޓަކައި ނުބެހެއްޓުނީތީ. އަދި މިޖީލުގެ ޒުވާނުންނަށް އެތަންތަން ނުފެނުނީތީ. ހަމަ އެގޮތަށް ކުޅުދުއްފުށީ ރައްޔިތުން ފަހުން ހިތާމަކުރާނެ ތިބުނާ މަށިކުޅިއާއި ހިތްގައިމު ރީތި ތިމާވެށީގެ އަސަރުތައް ނައްތާ ލެވުނީތީ. މިކަންކަން އިހުސާސްވާނީ އަދި ދުވަސްކޮޅެއްފަހުން. ވަރަށްބޮޑަށް ޝުކުރިއްޔާ. ދެން އަތްޖަހާ.
މަހޭބެ
13 November 2017
ޒަމީރޫ އަދި ތިއުޅުއްވަނީ އެއަރޕޯޓް ހަދާނެ ބައެއްވެސް ނުލިބިގެން ... ކުރިން ހަވާލުކުރި މެލޭޝިޔާގެ ކުންފުންޏަކީވެސް ތާކުންތާކު ޖެހޭބައެއް ނޫން މިހާރު އަނެއްކާ އަނެއްވާހަކަ... ކުޅުދުއްފުށީގަޔާއި ގއ. ވިލިގިލީގައިވެސް އެއާޕޯޓް އަޅަންވާނެ... އަދި މާލޭގައިވެސް ހަމަ އަޅަންވީ އޭރުން ފަހަރެއްގަ މާލޭ ރައްޔިތުންގެ ތާއިދުވެސް ލިބިދާނެ... ދެރައީ އިގްތިޞާދޭ ކިޔާތި، ޒުވާނުންނޭ ކިޔާތި.
އާމިނަ
13 November 2017
ކީއްވެ ދިވެހިން މީހުން ދިރި އުޅޭ ރަށްތަކުގައި އެއާޕޯޓްއަޅަން ފޯރި ހުންނަނީ؟ ރަށަށް ރީތި ނަމެއް ހޯދަން؟ ރަށް ތަރައްޤީވާނެ ކަަމަށް ހީކޮށް؟ ވޯޓު ލިބޭނެ ކަމަށް؟ ކުދި ކުދި ރަށްތަކެއް. ރައްޔިތުންގެ ސަލާމަތާއި ރައްކާތެރިކަމަށް އެއްވެސް ޕްލޭނެއް ހެދިފައެއްނެތް. ބޯހިޔާވެހިކަމާއި، ހިތްފަސޭހަ މާހައުލެއްލިބެން ނެތް.
ހާސަރު
13 November 2017
އެއަރޕޯޓެއް އެޅުނިއްޔާ ތިއެޅެނީ ކުޅުދުއްފުށީ ރައްޔިތުންނަށް ސާބިތު ކަމާއެކު ސަރުކާރަށް ފާޑުކިޔަން ކެރުނީތީ. އިދިކޮޅުފަރާތްތަކުގެ ސަބަބުން އެހިތްވަރުދެމެހެއްޓުނީ. ދޫނުކޮށް އެގޮތުގައި ތިބެގެން ނޫނީ ތިކަން އަދިވެސް ނުވާނެ. ދޫނުދީ ހިފަހައްޓާ
އަލީ.
13 November 2017
ނުނިމޭނެ ބަރަވެލި ދުވެލި ފެންނަނީ މިހާރު 2 އަހަރުން އަޅަންބުނި އެއާޕޯޓެއް 5 ވަނައަހަރު ނިމޭތާ ކޮޅުމައްޗައް ހަޑިއެއްހާވަނީ ފެންވަރުދައް ޓާމިނަލް ގަނޑެއްހަދާފަ ވޯޓުއަތުލަން ރައްޔިތުން ގުނބޯ ހައްދަން އިދިކޮޅައް ވޯޓުދެއްވާ
އެމީޙާ
13 November 2017
ހާދަ ރަނގަޅު ދިމާލެއްގެ ދޯ އެއޮތީ ޓާރމިނަލް އަޅާފަ.
ފަލަޑޭ
13 November 2017
ދުނިޔޭގެ ގައުމުތަކުގެ ޓްއަރިޒަމް މިނިސްޓަރުން ލަންޑަންގަ ބޭއްވި ޑޓމ ފެއާރ އަށްދިޔަ އިރުގަ ދިވެހިރާއްޖޭގެ މިނިސްޓަރ މިއުޅުއްވަނީ ޕާރޓީ ޕްރޮމޯޓް ކުރުމުގަ ވަރަށް ބިޒީވެފަ. އެޓާނީ ޖެނެރަލް ފެއާރ އަށްދިޔާމަ އެނގިގެން ދިޔައީ އެކަންވެސް ބޭނުންކުރީ ސިޔާސީ ވަކި ބޭނުމެއްގަ ކަން.
ނުނިމޭނެ
12 November 2017
އެއީ އެއަރޕޯޓް އަޅާ ސަރަހައްދުން ވަރަށް ގިނަ ބައެއްގެ ގޯތި ނަގަން ޖެހޭތީ އެމީހުންނަށް އެހެން ސަރަހައްދަކުން ގޯތި ރާނާ ވަދެވޭ ވަރެއް ނުކޮއްދެވޭނެ އޯގަސްޓްގެ ނިޔަލަކަށް، ވެލާނާ އެއަރޕޯޓްގަ ޓަރމިނަލަ އަޅަން ބަޔަކާ ހަވާލު ކުރިތާ 1 އަހަރުވެއްޖެ އަދިވެސް އަމަލީ މަސައްކަތެއް ނުފެށޭ ފެންނަނީ ހިއްކި ބިމެއް އެކަނި
ގަޅިބެ
12 November 2017
ކުޅުދުއްފުށީ މީހުންނަށް ޑޮމެސްޓިކް އެއަރޕޯރޓެއް. ރަށުން މާލެއަންނަން..... ރަށަށް ހުންނާނީ ތަރައްގީ އައިސްސަ.