ޚަބަރު / ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީ

ކުދިންނަށް އަނިޔާކުރާ މައްސަލަތައް ގިނަ ވަނީ

އާމިނަތު ޝިފްލީން، މިހާރު

15 ނޮވެމްބަރ 2017 - 18:46

ކުޑަކުދިންނަށް އަނިޔާކުރުމާ ގުޅިގެން ޖެންޑާ މިނިސްޓްރީ އަށް ހުށަހަޅާ މައްސަލަތައް އިތުރުވަމުންދާކަން އެ މިނިސްޓްރީގެ ތަފާސްހިސާބުތަކުން ދައްކައިފި އެވެ.

ޖެންޑާ މިނިސްޓްރީން މިއަދު އާންމުކުރި މިދިޔަ މަހުގެ ތަފާސްހިސާބުތައް ދައްކާގޮތުން 272 މައްސަލައެއް އެ މިނިސްޓްރީ އަށް ހުށަހަޅާފައިވެ އެވެ. އޭގެ ތެރެއިން 122 މައްސަލަ އަކީ ކުޑަކުދިންނަށް އަނިޔާކުރުމުގެ މައްސަލަ އެވެ.

ތަފާސްހިސާބުތަކުން ދައްކާ ގޮތުން ކުޑަކުދިންނަށް އަނިޔާކުރުމުގެ މައްސަލަތަކުގެ ތެރޭގައި ވެސް އެންމެ ގިނައީ އެ ކުދިންނަށް އިހުމާލުވެގެން ހުށަހަޅާފައިވާ މައްސަލަތަކެވެ. އެ ފަދަ 33 މައްސަލައެއް ހުށަހަޅާފައިވާއިރު ޖިންސީ ގޯނާކޮށްގެން، 28 މައްސަލައެއް އަދި ޖިސްމާނީ ހާނިއްކަ ކުރުމާ ގުޅިގެން 25 މައްސަލައެއް ވަނީ ހުށަހަޅައިފަ އެވެ.

މީގެ އިތުރުން ބުލީ އަދި ފުރައްސާރަ ކުރުމުގެ 15 މައްސަލައަކާއި ނަފްސާނީ ހާނިއްކަ ކޮށްގެންނާއި ގެވެށި އަނިޔާތައް ފެނި ނުވަތަ ދެއްކުމުގެ ނުވަ މައްސަލައެއް ވަނީ ހުށަހަޅައިފަ އެވެ. އަދި ސައިބާ ބުލީން އާއި ކުދިންގެ ފަރާތުން ނާޖާއިޒް ފައިދާ ނެގުމުގެ ބައެއް މައްސަލަތައް ހުށަހަޅާފައިވާ ކަމަށް ވެސް ޖެންޑާ މިނިސްޓްރީން ބުންޏެވެ.

މިކަމާ ގުޅޭގޮތުން އެ މިނިސްޓްރީން އާއްމުކޮށްފައިވާ ބައެއް މައުލޫމާތުތަކަށް ބަލާއިރު، އެކި ކަހަލަ ކުށްތައް ކޮށްގެން 18 ކުއްޖެއްގެ މައްސަލަ އެ މިނިސްޓްރީއަށް ވަނީ ހުށަހަޅައިފަ އެވެ. އޭގެ ތެރޭގައި ވައްކަން ކުރުމާއި މާރާމާރީ ހިންގުމާއި ތަންތަނާއި ތަކެއްޗަށް ގެއްލުން ދިނުމުގެ މައްސަލަތައް ހިމެނެ އެވެ.

ކުޑަކުދިންގެ އަޚުލާގީ 19 މައްސަލައެއް ވެސް މިދިޔަ މަހުގެ ތެރޭގައި ޖެންޑާ މިނިސްޓްރީއަށް ވަނީ ހުށަހަޅާފަ އެވެ. އޭގެ ތެރޭގައި ސްކޫލަށް ދާން ބޭނުން ނުވުމާއި ރުޅިގަދަވުމާއި ގެއިން ނިކުމެގެން ދިޔުން ހިމެނެ އެވެ.

އާއިލީ ގިނަ މައްސަލަތަކެއް ކުޑަކުދިންނަށް ދިމާވެގެން ވެސް ގިނަ މައްސަލަތަކެއް ހުށަހަޅާފައިވާއިރު އޭގެ ތެރޭގައި އެންމެ ގިނައީ ކުދިން ބެލުމުގައި ދިމާވާ މައްސަލަތައް ކަމަށް ޖެންޑާއިން ބުންޏެވެ.

ކުޑަކުދިން ކުޑަކުދިންނަށް އަނިޔާކުރުން ކުޑަކުދިންގެ ހައްގުތައް ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީ

9 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނާސު

16 November 2017

ރަހުމާންވަންތަކަމުގެ ޒައްރެއް މަގޭ ކިބައިގަ ނެތީޢްޔާ މަ އެހެން މީހުންނަށް ދެނީ ކޯއްޗެއް؟ މުޖުތަމައު ގެ އެންމެން ކިބައިން އެބައި ދަނީ ދަށަށް. ދެން އޮންނާނީ ގަދަ މީހާ އެހެން މީހުންނަށް އަނިޔާ ކުރުން. ރަހުމާނުވަންތަ ކަމުގެ ސިފަ ލިބޭނީ އައްރަހުމާނުގެ(ހެއްދެވި ފަރާތުގެ އެއް އިސްމު ފުޅު) ފަރާތުން. މި ދުނިޔަވީ އެއްވެސް އެއްޗަކުން ނުލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާއިޒް

16 November 2017

ކުޑަކުދިންވެސް މައިންބަފައިންނަށް ކޮންޓްރޯލް ނުވާ ހިސާބުގަ. ޔޫޓިއުބަކާ ވީޑިޔޯ ގޭމް ބެލުން ނޫން ކަމެއް ނެތް. ކުޑަކުދިން ބޭރުގަ ނޫޅެން ޖެހޭ ގަޑިގަޑީގަ ވެސް ބޭރަށް ދާން އެބަޖެހޭ ތައުލީމުގެ ނަމުގަ. އިސްލާމް ދީނުގެ ރަން ޒަމާނުގެ މީހެއްގެ އަހްލާގު ގޯސްވީމަ ޖެހެނީ ސާލިހު މީހެއް ކައިރީ ވަގުތުކޮޅެއް ހޭދަކޮށްލަން އޮޓޮމެޓިކުން މައްސަލަ ހައްލު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު

16 November 2017

މިއީ ހައިރާންވާން ޖެހޭ ކަމެއް ނޫން. މިސަރުކާރުން މިދާއިރާއަކަށް އިންވެސްޓެއް ނުކުރޭ. މިދާއިރާ އޮތީ އަޅާނުލާ ދޫކޮށްލާފާ. އެންމެ ކުޑަވެގެން މުވައްޒަފަކު ނުދޭ. ބަޖެޓެއް ނުދޭ. ހުރިހާ ވިސްނުމެއްވެސް ހުރީ ވެރިކަމުގައި ފައިވިއްދުމުގެ ވިސްނުން. ދައުލަތުގެ ބަޖެޓް ތަޅާ ހުސްކުރަނީ މަޖިލިސްގެ މެންބަރުންނާއި ބޮޑުންގެ ނަމުގައި ހަދާފައި ހުރި ކުންފުނިތަކުން ނަގާ ކޮންކޮރީޓް މަޝްރޫޢުތަކަށް. ސޯޝަލް ޕޮލިސީއެއް ނެތް. އަދި އެފަދަ ޕޮލިސީއަކަށް ޕްރިއޮރިޓީއެއްވެސް ނެތް.ވ.ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ނާޒިމް

16 November 2017

މިއޮއް %100 މުސްލިމް ގައުމުގަ ކުޑަކުދިންނާ ބެހި އަނިޔާ ކުރުނީ؟ ގަބޫލެއް ނުކުރެވޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާޝް

15 November 2017

ފުރަތަމަ މިނިސްޓްރީއެއް ހިންގޭ ފެންވަރުގެ މީހަކަށް އެ މިނިސްޓްރީއެއް ހިންގަން ހަވާލުކޮށްބަލަ! އެމް.އެސް 2 ގަ ތިބި ބަޔަކު އިރުއެރިއިރު މިނިސްޓަރުކަމާއި ނައިބުކަން ލިބުނީމާ ދެން މުވައްޒަފުންޖެހޭނީ ޓައިމް ޝީޓް ލިޔެލިޔެ ތިބެންތާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަތްފުނާ

15 November 2017

ކުޑަކުދިން ބަސްނާހާންޏާ ހަރުކަށިކަމާ އެކީ ބަސް ބުނެގެންވެސް ޖެހޭނީ އެކަން ހުއްޓުވަން އަދި އެކަންވެސް އެގޮތަށް ކޮށްގެން ނުހުއްޓޭނަމަ ހަރުކަށި އަދަބުދީގެންވެސް ޖެހޭނި ހުއްޓުވަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަންހަނާ

16 November 2017

ހަރުކަށި އަދަބު ދޭށޭ.... ކުޑަކުދިން ބަސްނޭހިމަށް ނުޖެހޭ ހަރުކަށި އަދަބު ދޭށޭ ކިޔަގެން އެކުދިން ގައިގާ ތަޅާ އަނިޔާ ކުރާކަށް. އަދި އެކުދިން ލަދު ގަންނަ ކަހަލަ ކަންތައް ކުރާކަށް ވެސް. އުމުރުން 6 އަހަރުން ފެށިގެން 16 އަހަރު ވަންދެން ތިލުބުނު އަދަބު ތަކަކާ ހެދި އަދިވެސް މިއުޅެނީ ސަލާމަތް ނުވެގެން. މިހާރު 30 އަހަރު ވާން ގާތް ވަނީ. އަދަބު ދޭށޭ ކިޔާފަށް ނުޖެހޭނެ އުމުރުން 6 އަހަރުގައި އެންމެންގެ ތެރޭގައި ކުނިގޮނޑުގައި ހުންނަ ކޮންޓެއިނަރ އަށް ލާކަށެއް. ދަރިން ދުނިޔެއަށް އަންނަނީ ފިތުރަތުގެ ސާފުކަންމަތީ. އެކުދިން ބަސްއަހަނީ ވެސް ބަސްްނަހާނީ ވެސް ތަރުބިއްޔަު ދެވޭ ގޮތުން. އައްމިލަ ކުށް ފުރަތަމަ ގަބޫލު ކޮށްލާ. އަތްފުނާ މެން ކަހަލަ މީހުންނާށް ހެޔޮ ވިސްނުން ދެއްވާށި. އާމީން.