އިޒްރޭލަށް މިހާރު ޒިޔާރަތް ކުރަމުން އަންނަ ބަހްރައިންގެ ވަފްދުގެ ބައެއް މެމްބަރުން ގުދުސްގައި.
11 ޑިސެމްބަރ 2017 - 12:15
އިޒްރޭލުގެ ވެރިރަށަކީ ގުދުސް ކަމަށް އެމެރިކާ އިން، މިދިޔަ ބުދަ ދުވަހު އިއުތިރާފްވުމާ ގުޅިގެން، އެކަމާ ދެކޮޅަށް މުޅި ދުނިޔެ ތެދުވެފައިވާ ދަނޑިވަޅެއްގައި މެދުއިރުމަތީގެ އިސްލާމީ ގައުމެއް ކަމަށްވާ ބަހްރައިންގެ ވަފްދެއް އިޒްރޭލު ސަރުކާރާ ގުޅިގެން ގުދުސަށް ޒިޔާޜަތް ކުރަމުންދާތީ އެ ގައުމަށް ވަރަށް ބޮޑަށް ފާޑު ކިޔުން އަމާޒުވެއްޖެ އެވެ.
އިޒްރޭލުން ބުނެފައިވާ ގޮތުގައި ބަހްރައިންގެ ވަފްދު އިޒްރޭލަށް ޒިޔާރަތް ކުރަނީ، ދޭދޭ ދީންތަކުގެ މެދުގައި ގުޅުން ބަދަހިކުރުމަށް ކުރިން ރާވާފައިވާ ދަތުރެއްގެ ތެރެއިންނެވެ. އަދި މި ދަތުރުގައި ސިޔާސީ އެއްވެސް ކަމެއް ނުހިމެނޭ ކަމަށް އިޒްރޭލުން ބުނެ އެވެ.
މި ޒިޔާރަތުގައި ބަހްރައިންގެ ޖަމިއްޔާއެއްގެ 24 މެމްބަރުން ބައިވެރިވެ އެވެ. އަދި މިއީ ވޭތުވެ ދިޔަ އަހަރުތަކުގައި ބަހްރަައިންގެ ވަފްދެއް މިހާ ފާޅުކަން ބޮޑު ގޮތެއްގައި އިޒްރޭލަށް ޒިޔާރަތް ކުރާ ފުރަތަމަ ފަހަރެވެ. މި ވަފްދުގެ މެމްބަރުން އިޒްރޭލުގެ ތެރޭގައި ހިންގާ ހަރަކާތްތައް އިޒްރޭލުގެ ޓީވީތަކުން ދަނީ މުޅި ދުނިޔެއަށް ދައްކަމުންނެވެ.
ބަހްރައިންގެ ވަފްދު، މިދިޔަ ހޮނިހިރު ދުވަހު ވަނީ، އިޒްރޭލުގެ ޓީވީ ރިޕޯޓަރުންނާ އެކު އެވޭލާ ގުދުސަށް ޒިޔާރަތް ކޮށްފަ އެވެ. އަދި އިއްޔެގެ ވަގުތެއްގައި އެ ވަފްދުގެ މެމްބަރުން މަސްޖިދުލް އަގްސާ އަށް ވަންނަން ދިޔުމުން ފަލަސްތީނު މީހުން ވަނީ އެކަމަށް ހުރަސްއަޅައި އެ ވަފްދު އެ ތަނުން ފޮނުވާލައިފަ އެވެ.
އެމެރިކާގެ ރައީސް ޑޮނަލްޑް ޓްރަމްޕު (ކ) އާއި ބަހްރައިންގެ ރަސްގެފާނު ހަމަދް ބައްދަލު ކުރައްވަނީ.
އަރަބި އަދި އިސްލާމީ ގައުމުތަކުން އިސްރާއީލާ ދެކޮޅު ހަދަމުންދާ އިރު، މިފަހަކަށް އައިސް ބަހްރައިންގެ ސިޔާސަތު ފެނުނީ ތަފާތު ގޮތަކަށެވެ. އެ ގޮތުން، އަރަބި ގައުމުތަކުން އިޒްރޭލު ބޮއިކޮޓް ކުރާތީ އެކަމާ ދެކޮޅަށް ބަހްރައިންގެ ރަސްގެފާނު ހަމަދް ބިން އީސާ އާލް ޚަލީފާ ވަނީ ވާހަކަފުޅު ދައްކަވައިފަ އެވެ. އަދި އިޒްރޭލުގެ ޔަހޫދީންގެ އިސް ދެ ފާދިރީއަކީ ރަސްގެފާނު ވަނީ މިދިޔަ ފެބްރުއަރީ މަހުގެ ތެރޭގައި ބަހްރައިންގެ ވެރިރަށް މަނާމާގައި ބައްދަލު ކުރައްވައިފަ އެވެ.
ގުދުސަކީ އިޒްރޭލުގެ ވެރިރަށް ކަމަށް އެ ގައުމުން ނިންމާފައިވާ ނިންމުމަށް، މިދިޔަ ބުދަ ދުވަހު އެމެރިކާ އިން ރަސްމީކޮށް އިއުތިރާފްވެ، އިޒްރޭލުގައި ހުންނަ އެމެރިކާގެ އެމްބަސީ ގުދުސަށް ބަދަލުކުރަން ނިންމަވައި އެމެރިކާގެ ރައީސް ޑޮނަލްޑް ޓްރަމްޕު ނެރުއްވި ގަރާރުގެ ސަބަބުން މުޅި އިސްލާމީ ދުނިޔޭގައި ދަނީ އެމެރިކާ އާއި އިޒްރޭލާ ދެކޮޅަށް މުޒާހަރާތައް ކުރަމުންނެވެ. އަދި ފަލަސްތީނުގެ ބިންތަކުގައި ފެށިފައިވާ އިޒްރޭލާ ދެކޮޅު އިހުތިޖާޖުތައް މައިތިރި ކުރުމަށް އިޒްރޭލު ސިފައިން ދެމުންދާ ހަމަލާތަކުގައި ފަލަސްތީނުގެ ބައެއް ޒުވާނުން މަރުވެ އެތައް ސަތޭކަ ބަޔަކު ވަނީ ޒަޚަމްވެފަ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ހަގީގަތް
11 December 2017
ބަހްރެއިންގަ ވެރިކަންކުރަނީ ސައުދީއިން. އެއީ ޝިއާއީންގެ މެޖޯރިޓީ އޮތް ގައުމެއް އެކަމަކު އޮންނަނީ ސައުދީގެ ޕަޕެޓް ސުންނީ ސަރުކާރެއް. ސައުދީއިން ކުރަން ބޭނުންނޫންކަމެއް ބަހްރެއިން ސަރުކާރުން ނުކުރާނެ.
ޙަގީގަތް
11 December 2017
ތީނަމުގަ އަރަބިން، ޔަހޫދީންނާ ގުޅިގެން ތި ސައުދިއްޔާ، ބަހުރެއިންވެސް އުޅެނީ، ގަތަރު ފަލަސްތީނައް އެހީވާތީނު ސައުދީންނާ ބަހުރެއިންނާ ރާއްޖެޔާ ސިޔާސީ ގުޅުން ކަޑާލީ، ސައުދީގެ ގޮނޑިކޮއްކޮ، ޗައިނާގެ ގޮނޑިކޮއްކޮ މިހާރު ދިވެހިރާއްޖެ އަކީވެސް، އެކަމު މިރައީސް ބުނަނީ އަމިއްލަޔައް ކަންތައްތައް ނިންމޭބަޔަކަށް ދިވެހިންވާންޖެއޭ. ދެން އަތްޖަހާ!
އެދުރު
11 December 2017
މިހެންވީމަ އަހަރެން އީރާނަށް ތާއީދު ކުރަނީ.. ޝިއައީން ނަކަސް މުސްލިމުންނަށް މާ ރަނގަޅު އެމީހުން...
ކުނި
11 December 2017
ތީ މިހާރު އަރަބިންގެ ފެންވަރު ނިކަމެތިކަމުގެ އިންތިހާ އަބަދުވެސް ރަސްކަން ދިފާއުކުރުމުގައި
ބޮލި
11 December 2017
ލަދު ނުގަންނަ ބޮލި(ބަހުރައިން)
ރަދީފް
11 December 2017
އަސްލު މުސްލިމު ގައުމުތަކުގެ ސިފަ އޮންނަނީ ފޮރުވާފަ.ހަމަ އަޑީގަ ތިބެގެން އިޒްރޭލަށް ތާއީދުކުރުން ނޫންކަމެއް އެމީހުން ނުކުރޭ.ނަތަންޔާހޫގެ ކެމްޕެއިނަށް ފައިސާ ހަރަދުކުރިކަމަށް މުސްލިމުންގެ ބައްޕަ ކަމަށް ދައުވާކުރާ މިހާ އުޅޭ ގައުމުންވެސް އެއްބަސް ވި.
އިސްލާހު
11 December 2017
މިއީ ނަގާ ކިޔާ އަރަބި ޤައުމުތަކުން މުޅި އިސްލާމީ އުންމަތަށް ވެފައިވާ ބޮޑު ޚިޔާނާތެކެވެ.
ަސދަސދ
11 December 2017
ބަހްރެއިން އިން ރާއްޖޭގައި ކުރާ ވިޔަފާރިއެއްނެތް. އަހަރުމެންނަށް އެޅޭނެ ފިޔަވަޅެއްވެސް ނެތް
އަސްލު
11 December 2017
ދިރާގު އަކީ ބަހްރެއިންގެ ބަޓެލްކޯ ކޮމްޕެނީގެ ބައެއް.
ބިންތު ސަޢޫދު
11 December 2017
ތީ ސަޢޫދީ އަޑީގަ އޮވެގެން ހިންގާ ކަންކަން! ސަޢޫދީ ވެރިކަން ހިމާޔަތް ކުރުމަށްޓަކައި ހިންގާޖަރީމާތައް!