ޖަޕާނުގެ ސެޓާޗީ ކުންފުންޏާއި މޯލްޑިވިއަން ގުޅިގެން އުފައްދާ ކުންފުނިން ގެންނަން ނިންމާފައިވާ ކޮޑިއެކް މަރުކާގެ ސީޕްލޭނެއް ނައްޓާލަނީ. އެ ކުންފުނީގެ އޮޕަރޭޝަން އަންނަ އަހަރުގެ ކުރީކޮޅު ފަށާނެ.
21 ޑިސެމްބަރ 2017 - 16:08
5 comments
ރާއްޖޭގެ ގައުމީ އެއާލައިން "މޯލްޑިވިއަން" އިން ޖަޕާނުގެ ސެޓާޗީ ހޯލްޑިންގްއާ ގުޅިގެން ރާއްޖޭގައި ސީޕްލޭން ހިދުމަތް ދޭން އާ ކުންފުންޏެއް ހަދަން މެމޮރަންޑަމް އޮފް އަންޑަސްޓޭންޑިން (އެމްއޯޔޫ)އެއްގައި ސޮއިކޮށްފި އެވެ.
"މިހާރު"އަށް އެނގިފައިވާ ގޮތުގައި ގާތްގަނޑަކަށް 100 މިލިއަން ޑޮލަރު (1.5 ބިލިއަން ރުފިޔާ) އިންވެސްޓްމަންޓްކުރަން ނިންމާފައިވާ އެ އޮޕަރޭޝަން އަންނަ އަހަރުގެ ކުރީކޮޅު ފެއްޓުމަށް އައިލެންޑް އޭވިއޭޝަނުން ސެޓާޗީއާ އެކު އެމްއޯޔޫގައި ސޮއިކުރީ މިދިޔަ މަހުގެ ތެރޭގަ އެވެ.
މޯލްޑިވިއަން އާއި ސެޓާޗީ ގުޅިގެން ޖޮއިންޓްވެންޗާ ކުންފުންޏެއް ހެދުމަށް ފަހު އެ އޮޕަރޭޝަން ކުރިޔަށް ގެންދާނީ ސްކައި އެޓޯލް ޕްރައިވެޓް ލިމިިޓެޑުގެ ނަމުގައި ކުންފުންޏެއް އުފައްދައިގެންނެވެ.
އެ ކުންފުނިން ނިންމާފައި ވަނީ ކުރިޔަށް އޮތް ހަތަރު އަހަރެއްހާ ދުވަހުގެ ތެރޭގައި 50 ބޯޓު ގެންނަ ގޮތަށެވެ. އަދި ސެޓާޗީން ގެންނަ ބޯޓުތަކުގެ އޮޕަރޭޝަންސް ޓާގެޓްކުރަނީ ރާއްޖެ އަންނަ މަތީ ފެންވަރުގެ ޓޫރިސްޓުންނަށް ކަމަށް ވެސް އެނގިފައިވެ އެވެ.
ބޭރުގެ ބައެއް ނޫސްތަކުގައި ދާދި ފަހުން ބުނެފައި ވަނީ ސްކައި އެޓޯލްގެ ވިޔަފާރި ފަށައިގަތުމަށް ކޯޑިއެކް 100އެސް މަރުކާގެ ހަތަރު ސީޕްލޭން އަށް އޯޑަރު ދީފައިވާ ކަމަށެވެ. ކޯޑިއެކް މަރުކާގެ ބޯޓުތަކަކީ އެމެރިކާގެ ކުންފުންޏަކުން އުފައްދާ ބޯޓުތަކެކެވެ.
ސެޓާޗީ ހޯލްޑިންގްސްގެ ދަށުން ހިންގަމުން އަންނަ ކުއެސްޓް އެއާކްރާފްޓް ކޮމްޕެނީގެ ސީއީއޯ ރޮބް ވެލްސްއާ ހަވާލާދީ ބައެއް މީޑިއާތަކުގައި ބުނެފައިވަނީ، ކޯޑިއެކް 100އެސް މަރުކާގެ ސީޕްލޭން ރާއްޖޭގައި ބޭނުންކުރަން ނިންމީ ވަރަށް ބޮޑަށް ބެލުމަށް ފަހު ކަމަށެވެ. އެއީ ރާއްޖޭގަައި ބޭނުންކުރަން އެންމެ އެކަށީގެންވާ ސީޕްލޭން ކަން އިވެލުއޭޝަންތަކުން ދައްކާފައިވާ ކަމަށް ވެސް އޭނާ ވިދާޅުވި އެވެ.
ކޯޑިއެކްއަކީ ކުއެސްޓް އެއާކްރާފްޓް ކޮމްޕެނީން އުފައްދަމުން އަންނަ ސީޕްލޭން މަރުކާގެ ބޯޓެކެވެ. ލަގްޒަރީ މި ސީޕްލޭންގައި އޮންނަނީ 10 މީހުންގެ ޖާގަ އެވެ.
މޯލްޑިވިއަނުން ސީޕްލޭންގެ ގޮތުގައި މިހާރު ބޭނުން ކުރަމުން އަންނަނީ ޓްވިން އޮޓާ ބްރޭންޑުގެ ޑީއެޗްސީ6 ސީރީޒްގެ ބޯތުތަކެވެ. އެ ކުންފުނިން މިހާރު ވެސް 15 މީހުންގެ ޖާގައިގެ ދިހަ ސީޕްލޭން ބޭނުންކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދުވާފަރު މީހާ
22 December 2017
ވެން މަސް ވެނަށް ކާންދޭން އުޅޭހެން ހީވަނީ ..
މައިތިރި
22 December 2017
ވިސްނަބަލަ ނޭފަތުގެ ކުރިޔަށްވުރެ ދުރަށް... ކޮންމެ ރަށެއްގަ އެއަރޕޯޓު އެޅުމަށްވުރެ ރަނގަޅު ސީޕްލޭން ޑޮކްތައް ހަދާފަ އެއަރޕޯޓް ހަދަން ހުންނަ ލާރިން 15 މީހުން ފެށިގެން 50 މީހުނާ ހަމައަށް މީހުން އުފުލޭ ވަރުގެ ސީޕްލޭން ގެންނަންވީ... ދެން އަތޮޅު ތެރޭގައި ދުއްވާ ފެރީވެސް ވިލާ ލޯންޗްސެކްޝަންގައި ގެންގުޅޭ ރޯޅި 26 ކަހަލަ ބޯޓް ގެންނަންވީ.. މީތި ފެނިފަ ނުވަތަ އެރި މީހަކަށް އިގޭނެ 120 މީހުންގެ ޖާގަ ހުންނާނެ.. އޭސީކޮށްްފަ ހުނާނީ... ފްލައިޓުތަކުގެ ބިޒްނަަަަސް ކްލާަސް ސީޓުތައްވަރު ނުވިޔަސް ނިކަން އަރާމު ސީޓުތައް ހުންނާނީ.. މިހުންނަނީ އަހަރެމެންގެ މާހައުލާ ގުޅޭނެހެން ދުނިޔޭގެ ފެންވަރުގަ ތަރައްގީއާއި އުފާވެރިކަން ހޯދޭނެ ގޮތްތައް.. ފައިސާ މާ އެފެކްޓިވްކޮށް ހަރަދު ކޮށްގެން. މައްސަލައަކީ ވެރިކަން ކުރަނީ ތަރައްގީގެ ވިސްނުމެއް އިނޮވޭޓިވްކަމެއް އުފެއްދުންތެރި ކަމެއް ނުވިތާކަށް އިޚްލާސްތެރިކަމެއްްވެސް ހުރެގެނެއް ނޫން... ޕްރޮފެސަރ އުގައިލް ކަހަލަ މީހެއް ރާއްޖޭގެ ވެެެރިކަމަަަަށް ގެންނަން ޖެހެނީ މިހެންވެގެން.
ރަދީފް
21 December 2017
މަރުހަބާ މޯލްޑިވިއަން.ވިޔަފާރީގަ މޯލްޑިވިއަން ހޯދާ ކާމިޔާބީ އެއީ ހުރިހާ ދިވެހީން އެކަމާ އުފާވާނެ ކަމެއްކަން އެނގި ކަށަވަރުވެ ޔަގީންވޭ. ޓިފަނީ މެޓާ އަދި ލެކްނޯ ޖޫސް ޕެކެޓް ނޫން އެހެން ޗޮއިސްއެއް ޑޮމެސްޓިކް ޕެސެންޖަރުންނަށް ލިބޭނެ ދުވަހެއްގެ އިންތިޒާރުގަ ހުރި ވާހަކަ ދަންނަވަން.ވ.ވ.ވ.ވ..ވ.ވެދުން
މެންޓަލިސްޓް
21 December 2017
ސީޕްލޭންގެ ވިޔަފާރިއަށް ހެލްތީ ކޮމްޕެޓިޝަންއައުމަކީ ރަގަޅުކަމެށް ،،،،، މިހާރު ވަރަށް ގިނަރިސޯޓްތަކާއި އެހެނިހެން މީހުން މައްސަލަ ޖައްސާ ސީޕްލޭންގެ އަގުބޮޑުކަމުން ،،،، އަޅުގަނޑު އުއްމީދުކުރަން މޯލްޑިވިއަންއިން ފުޅާދާޢިރާއެއްގައި ތިޔަކަން ފެށީމައި އަގުތަކަށް ހެޔޮ ބަދަލުތަކެއް އަންނާނެކަމަށް ،،،، އެހެންނުވާކަމުގައިވަނީނަމަ ތިޔައީ އަސްލުގައި ބޭކާރުކަމެށް ،،،، ވަތަނިއްޔާއާއި ދިރާގު ކޮންމެޕެޓިޝަނުން ލިބުނު ކަހަލަ ފައިދާއެއް ރައްޔަތުންނަށް ކުރަންވާނެ ،،، ގެސްޓުންނަށް ކުރަންވާނެ ،،،، މައައްސަލާމާ ،،
މޭން
22 December 2017
ބަލަ އެއޮތީ ލިޔެފަ އެންނު މިބޯޓުތަކަކީ މަހުޖަނުންނަށް ޓާގެޓް ކޮއްގެން ގެންނަ އެއްޗެކޭ. އަގުތަކަށް ވަރަށް ހެޔޮބަދަލު އަންނާނެ.