22 ޑިސެމްބަރ 2017 - 16:08
23 comments
ދ. ރިނބުދޫ ކައުންސިލްގެ ހުއްދަ ނެތި، އެހެން ރަށެއްގެ މީހަކު އެ ރަށަށް ދަތުރުދިއުން އެރަށު ކައުންސިލުން މަނާކޮށްފި އެވެ.
ރިނބުދޫ ކައުންސިލުން މިދިޔަ އަންގާރަ ދުވަހު ނެރެފައިވާ އިއުލާނެއްގައިވާ ގޮތުން އެހެން ރަށެއްގެ މީހަކު އެ ރަށަށް ދަތުރު ދާންވާނީ ރިނބުދޫ މީހަކު ޒިންމާވާ ގޮތަށް އެ ކައުންސިލްގެ ހުއްދަ ހޯދުމަށް ފަހު އެވެ. އެ ނޫން ގޮތަކަށް އެ ރަށަށް އަރާ ފަރާތްތަކާ މެދު ފިޔަވަޅު އަޅާނެ ކަމަށް އެ އިއުލާނުގައިވެ އެވެ.
އެ އިއުލާނުގައިވާ ގޮތުން އެގޮތަށް ހަމަޖެއްސީ މިހާރަކަށް އައިސް އެ ރަށަށް ދަތުރުދާ މީހުންގެ ސަބަބުން އެ ރަށުގެ އާންމުންނަށް އެކި ކަހަލަ އުނދަގޫތައް ކުރިމަތިވާތީ އެވެ. އަދި ރަށުގެ ސާފުތާހިރު ކަމަށް ވެސް އެފަދަ މީހުން ސަމާލުކަން ނުދޭ ކަމަށް އެ ރަށު ކައުންސިލްގެ އިއުލާނުގައިވެ އެވެ.
ދާދި ފަހުން ހއ. އިހަވަންދޫ ކައުންސިލުން ވަނީ އެ ރަށުގައި އުޅޭ ބިދޭސީންގެ މައްޗަށް "ކާފިއު" އެއް ހިންގައި، އިއުލާނެއް ނެރެފަ އެވެ. އެގޮތުން ބިދޭސީން ވަލަށް ދިއުމާއި ވަކި ވަގުތެއްގައި ބޭރަށް ނިކުތުމާއި ގްރޫޕް ހަދައިގެން ބޭރުގައި ތިބުން އެ އިއުލާނުގައި ވަނީ މަނާކޮށްފަ އެވެ. ކައުންސިލްގެ އެ ނިންމުމަށް ފާޑު ކިޔުން އަމާޒުވެފައި ވަނިކޮށް، ކައުންސިލްތަކުގެ ބެލެނިވެރި ފަރާތް ކަމަށް ލޯކަލް ގަވަމެންޓް އޮތޯރިޓީ (އެލްޖީއޭ) އިން ވަނީ އެ ނިންމުން ބާތިލްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުޑަސިޓީ
22 December 2017
މާލެ ފައިބަން ކުޑަސީޓި ހެއްދި ދުވަސްވަރު މާޒީވެއްޖެ. ! ތިޔަ ކައުންސިލްގެ ބައެއްމެމްބަރުން ރޭގަނޑު 9 އެއްގެ ފަހުން އަމިއްލަ ގެއަށް ވަނުން ގޮއްޔެ މަނާ ކުރީމަ އެކަމުގެ ޕްރެޝަރުހެން ހާދަ ހީވޭ. ..
އަކޫމަލީ
22 December 2017
އަޅުގަނޑަށް ވިސްނޭ ގޮތުގަ އެ އިއުލާނުގަ އެވަނީ އާއްމުކޮށް ރަށަށް އަރާ ފައިބާ ހަދާއިރު ހުއްދަ ނަގަންޖެހޭ ވާހަކައެއްނޫން .. އެ ބުނަނީ އެރަށް މިހާރު އަރާ ބައެއްފަރާތްތަކުން އެ ރަށް ބޭނުން އެ ކުރަނީ ދަތުރު ދާން ބޭނުން ކުރާ ފަޅު ރަށެއްގެ ގޮތުގައޭ . އެފަދަ ފަރާތްތަކުން އިންތިހާއަށް ރަށުގެ އެތަށް މިތަނަށް ކުނިވެ ފުޅައަޅާ ޒާތުގެ ތަކެއްޗާއި ކުންޏާއި އަދި އެފަދަ ތަކެތި ގޮތެއް ފޮތެއް ނެތި އެތަށް މިތަނަށް އުކާލުމުގެ ސަބަބުން އެ ސާފު ތާހިރު މާހައުލު ތަގައްޔަރުވެާ ކަމަށް .. އަނެންހެން މިހާރު އެންމެން މާލެ ބަދަލުވާން ވެރިޔާ ގޮވާލާފަ ވާތީ ރާއްޖޭގެ ހުރިހާ ތަނެއް އޮންނާން ޖެހޭނީ މާލެ އޮންނަހާ ސާފު ތާހިރުކޮށްތާ ދެއްތޯ ؟
މޮޔައިން
22 December 2017
މި ހާދަ ބާރުގަދަ ބަޔަކަށް ވެގެން އުޅޭ ކައުސިލެއް. ކައުސިލަށް ހޮވުނީމަ ނިމުނީ ދޯ. ކުރެވޭ ނުކުރެވޭ ކަމެއް ނޭގޭ ދޯ. ދިވެހި ރާއްޖޭގައި ގާނުނު އަސާސީ އަކާއި ގާނޫނު ތައް އަދި ގަވާއިދުތައް ހުރިކަން ހަނދާން ނެތިގެން ތި އުޅޭ. ތިއީ ރިނބިދޫއަށް އުފަން މީހުންގެ އެކަނި ބިމެއް ނޫން. ތިއީ ދިވެހި ދައުލަތުގެ ބިމެއް އަދި ހުރިހާ ދިވެހި ރައްޔިތުންގެ ބިމެއް. މާ ގަދަ ވާން ނޫޅޭ..
ޟޮހޮލު
22 December 2017
ތި ރިނބުދޫ މީހުން މާލެ ފައިބާފަ އުޅޭގޮތުން އަހަރުމެނަށްވެސް ވަރަށް އުނދަގުވޭ.
ކުންޑިބާ
22 December 2017
ބައްލަވާ ރިނބުދޫ ކައުންސިލް. ޤާނޫނު އަސާސީގައިވާގޮތުން ކޮންމެދިވެހި ރައްޔިތަކަށް އެމީހަކު ބޭނުންރަށަކަށް (ދިވެހިރައްޔަިތުން ދިރިއުޅޭ) އެއްވެސްހުރަހެއް ނެތިދެވޭނެ. ދިވެހިރައްޔިތަކަށް ނުޖެހޭނެ ހުއްދަ ހޯދާ ސްޕޮންސަރ ހޯދާކަށް.
ސޭކު
22 December 2017
ލޮލް!
ގާފު
22 December 2017
ގައުމެއް ހަލާކުވާނީ އަހްލާގު ނެތުމުން. މި ގައުމަށް ގެންނަ ބަންގްލާދޭޝް މަސައްކަތު މީހާ އޭނާގެ ބޮސް ކުރިމަތީގަ ހެޑްފޯން ޖަހާފަ ކަންފަތުގަ މުދިލާފަ އުޅެވޭނަމަ ދެން އިތުރަށް ދައްކާނެ ވާހަކަ އެއް ނެތް. އެންޓި ރޭސިސްޓް މީހަކު ކޮމެންޓް ކުރުމުގެ ކުރިން ހަދާންކޮށްދެން މި ދައްކަނީ އަދަބު އަހްލާގުގެ ވާހަކަ ކަން. ހައްގުގެ ވާހަކަ އެއް ނޫން. ސިގިރޭޓް ބުއިމަކީ ހައްގެއް ނޫން.
އާދަނު
22 December 2017
ކުޑަސިޓީގެ ޒަމާން އިއާދަވުމަކީ އެތައް އަހަރެއް ފަހަތަށް ސޮއްސާލުން. އިންތިހާބުކުރާ މަޤާމުތަކަށް ތައުލީމީ މީހުން ހޮވުމަކީ ރައްޔިތުންގެ ޒިންމާއެއްކަމުގައި ދެެކެންޖެހޭ
ޕޯޓަބަލް
22 December 2017
ރިނބިދޫ އެމްބަސީއެއް މާލޭގަ ނުހުރޭތަ؟
ސިންތިލީ ވޫމް
22 December 2017
ކޮއްމެއް މީހަކު ކޮއްމެއް އެއްޗެކޭ ބުންޏަސް، ދިވެހިން ނައް ރާއްޖޭގެ "މީހުން" ދިރިއުޅޭ ހުރިހާ ރަށަކައް އެއްވެސް ކަހަލަ ހުއްދަ ޔަކާނުލާ ދަތުރު ކުރެވެން ޖެހޭނެ.