03 ޖެނުއަރީ 2018 - 12:30
20 comments
މއ. އަލިދޫގެ ހެދުމަށް އެ ގޯތި ތެރޭގައި ކޮނެފައިވާ ވަޅުގަނޑުގެ ގުންޑޮޅި، ރޭ ކުރި ވިއްސާރައިގައި ކަނޑައިގެން ގޮސް މަގަށް ގެއްލުންތަކެއް ވެއްޖެ އެވެ.
ޝަހީދު ކުޑަނެވި ތުއްތު މަނިކު ހިނގުމުގައި ހުންނަ، 6،000 އަކަފޫޓުގެ އެ ގޯތީގައި ފައުންޑޭޝަން އެޅުމަށް ކޮނެފައިވާ ސަރަހައްދުގެ ބޭރުން މަގުގެ އަރިމަތީގައި ޖަހާފައިވާ ބިތްގަނޑު ވެސް ވަނީ، ގުންޑޮޅި ކަނޑައިގެން ދިއުމުގެ ސަބަބުން އެ ގޯތި ތެރެއަށް އަރިއަޅާލައިފަ އެވެ. ބިތްގަނޑު އަރިއަޅައިލީ އެ ގޯތީގައި ކޮނެފައިވާ ވަޅުގަނޑުގެ ތެރޭގައި ފެންބޮޑުވެ މަގާ ވީ ފަރާތުން ވަޅުގަނޑުގެ ތެރެއަށް ވެލިގަނޑު ފާބައި ގުންޑޮޅި ކަނޑައިގެން ދިއުމުގެ ސަބަބުންނެވެ.
ވިއްސާރާގައި ގުންޑޮޅި ކަނޑައިގެންގޮސް މަގަށް ގެއްލުންތަކެއް ވެފައި-- މިހާރު ފޮޓޯ: އަހުމަދު ސާއިލް އަލީ
އެ ސަރަހައްދުގެ ގުންޑޮޅި ކަނޑައިގެން ދިޔުމުގެ ސަބަބުން، މަގުގެ އެ ފަރާތުގައި އަތުރާފައިވާ ގިނަ އަދަދެއްގެ ގާތައް ވެސް ވަނީ އެ ގޯތީގެ ތެރެއަށް ފައިބައިފަ އެވެ. އަދި އެ މަގުގެ ނަޖިސް ހޮޅިއެއް ވެސް ވަނީ ފަޅައިގެންގޮސްފަ އެވެ.
އެމަގަށް ދުއްވާ އެއްޗެހި ނުވަދެވޭ ގޮތަށް މިހާރު ބަންދު ކޮށްފައިވާ އިރު، ބެޗް ކޮންސްޓުރަކްޝަންގެ އޮފިޝަލް ބުނީ، އެމްއާރުޑީސީ އާއި އެމްޑަބްލިޔުއެސްސީއާ ގުޅިގެން އެ މައްސަލަ ހައްލު ކުރުމުގެ މަސައްކަތް ކުރަމުން އަންނަ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މައިތިރި
04 January 2018
މާލޭކަހަލަ ބައިބޯ މީހުން ތޮއްޖެހިފައި ތިބި ތަނެއްގައި އިމާރާތްކުރާ އިރު ސިވިލް އިންޖިނިއަރިންގ ގެ ބެސްޓް ޕްރެކްޓިސްއާއި އެއްގޮތަކަށް ނޫން ކަންތައް ކުރަމުން ދަނީ.. ނަސީބު ރަނގަޅު ވީމަ މިހާތަނަށްވެސް ހިތާމަވެރި ހާދިސާއެއް ނުހިނގާ އޮތީ.. ތިވަރުގެ ބޮޑު ވަަޅުގަނޑެއްގެ ގުންޑޮޅި ކަނޑައިގެން ދާއިރު ޖެހިގެން ހުރިި އިމާރާތްތަކުގެ ފައުންޑޭޝަންގެ ދަށުން ވެލިގަނޑު ދަމައިގެން ގޮސް އަރި އެޅިނަމަ ކިހާ ގެއްލުމެއް ވާނެ.. އަދި އަލުން ތިތަން ބަރާއިރު ވަށައިގެން ހުރި ތަންތާގެ ފަސްގަނޑު ބާރު ކުރަން ޖެހޭ... އަނެއްކާ ތިވަރު ތަނެއް ކޮންފަ ޑީވޯޓަރ ނުކޮށް އޮތީ ކީއްވެ؟ ޑީވޯޓާރ ކޮށްފަ އޮތްނަމަ ވިއްސާރަވިޔަސް ތިހާވަރަށް ފެން ބޮޑެއް ނުވާނެ
2322
04 January 2018
ތިބުނި އެއްޗެއްމާރަނގަޅަށް ސާފެއްނުވި އެކަމު ހީވެތީ ރަނގަޅު ވާހަކައެއްހެން.
މައިތިރި
05 January 2018
ޑީވޯޓަރ ކުރުމަކީ ފައުންޑޭޝަން އަޅަން ކޮނެފަ އޮންނައިރު ފެންބޮޑުވިޔަ ނުދޭން ޕަމްޕު ބޭނުންކޮށްގެން އެހެން ތަނަކަށް ނުވަތަ ކަނޑަށް އެފެންގަނޑު ބޭރު ކުރުން.. އިމާރާތް ކުރަން ފަށާއިރު މި ފެންނަނީނު ހޮޅިތަކެއް އަޅާތަން.. އެއީ އެފެން ބޭރު ކުރަން ކުރާ ކަމެއް.. އޭރުން ގުންޑޮޅި ކަނޑައިގެން ނުދާނެ.. އަދި ވާރޭވެހުނަސް ފެންބޮޑުވާ މިންވަރު ވަކިވަރެއްގައި ކޮންޓްރޯލް ކުރެވޭނެ..
ލެޕްޓޮޕް
03 January 2018
ވަށައިގެން އާބާދުވެ ފުރިފައިވާ ސަރަހއްދަކުން ގާތްގަނޑަކަށް 50×100 { 5000 ) އަކަފޫޓުގެ ބޮޑު ވަޅުގަނޑެއް ކޮނެ ބޯކޮން ވާރޭ ވެހޭއިރު ވެލިގަނޑު ފައިބައިގެން ދާގޮތަށް ބޭއްވުމަށްފަހު ގޮސް ދެފައި ދަމައިގެން ނިދާފަ ކަންކަން ވެގެންދާނެ ގޮތާމެދު ފިކުރެއް ޚިޔާލެއް ނެތި ދިއުމުގެ ސަބަބުން ރައްޔިތުން ނުރައްކައުތެރިކަމަށް ޙުށަހެޅުނީ
މުއިއްޒު
03 January 2018
ހައުސިންގް މިނިސްޓްރީގެ ހުއްދަ ކުރިން ނެގުމަކާއިނުލާ މާލެއަށް އެހާބޯކޮއް ވާރޭވެހިފައިވާތީ ސަރުކާރުން ބަޔާނެއްނެރޭނެ ކަމަށް އުންމީދުކުރަން.
މޮހޮނު
03 January 2018
އަނެންހެން އެހާ މަޖަލެއްނޫން ތިބުނި އެއްޗެއް!
ޙަހަހަ
04 January 2018
ޔޫގެ ކޮމެންޓް މާމަޖާ މޮހޮނޫ!
އަނިޔާވެރިކަމާ ދެކޮޅު މީހާ
04 January 2018
ސަރުކާރުގެ ގިނަކަންކަމާ މެދު ހިތްހަމަ ނުޖެހޭ. އެކަމަކު ކުފުރުގެ ބަސްބުނުމާމެދުވެސް ހިތްހަމައެއް ނުޖެހޭ. ތިކަހަލަ ވާހަކަ ނުދެއްކުމަށް ނަސޭހަތްތެރިވަން.
އަނިޔާ ވެރިޔާ
04 January 2018
ދެކޮޅު މީހާއަށް އެގޭނެތަ ކުފުރު ބަހެއް ފެނުނިއްޔާ!! ތީ ހިތުން ޝޭހެއްތާ؟؟
މޯޑް
03 January 2018
އިމާރާތް ކުރުމަށް ހުއްދަ ދޭއިރު ފައުންޑޭޝަން އަޅަން ކޮންނަ ބައިގެ ރައްކާތެރިކަން ބެލުމަށް ކޮންމެވެސް މިންގަޑެއް އެކުލަވާލުން މުހިންމު. މިސާލަކަށް ވަށައިގެންވާ މަގާއި އިމާރާތްތައް ރައްކާތެރި ކުޅުމަށް އަޅަންޖެހޭ ފިޔަވަޅުތަކާ، ކޮންނަ ބައިގެ ޕައިލް ނުވަތަ ސަޕޯޓް ހުންނަ ގޮތުގެ ކުރެހުން އިންޖިނިއަރުންގެ ސޮޔާއެކު ހުށަހެޅުން ފަދަ ޤަވާޢިދެއް އޮންނަ ނަމަ މިގޮތަށް ކަންކައްތައް ވުން ދުރުވާނެ ކަމަށް ފެނޭ!
5ކިލޯ
03 January 2018
އިހްމާލުގެ ސަބަބުން ފަސްގަނޑަށް މިއައި ދޫކަން މުޅިސަރަހައްދަށް ކުރާނެ އަދި ފަސްގނޑު ދޫވެ ގުންޑޮޅި ކަނޑައިގެން ދިއުމުގެ ނަތީޖާއެއްގެ ގޮތުން ކަްިރީގަވާ ޢިމާރަޓްތަކަށް މިކަމުގެ ނޭދެވޭ އަސަރުކުރާނެ މިކަމުގެ ބަދަލް ހޯދެންޖެހެނެ
އަހްމަދު
03 January 2018
ގުންޑޮޅި މީ ކޯއްޗެ
މޯޑު
03 January 2018
ގުންޑޮޅި: ވަޅުގަނޑެއްގެ ނުވަތަ ފެންގަނޑެއްގެ އަރިމަތީ ފަސްގަނޑު. ރާޅުޖަހައިގެން ގިރަމުންދާ ތަނެއްގެ ކައިރިފަށުގައި، އުސްކޮށް އޮންނަ ފަސްގަނޑު.
ޝަހާމު ޝަރީފް
03 January 2018
މިފަދަ ކަންކަން ދިމާވަނީ ބަލަންވާވަރަށް ނުބަލާ ކަންކަން ކުރާތީއެވެ. މިއީ ވިއްސާރަ މޫސުމެއް ކަން އިގޭއިރު ރައްކާތެރި ގޮތުން އަޅަންޖެހޭ ފިޔަވަޅުތައް ނާޅާ އިމާރާތް ކުރާތީއެވެ. ނަސީބެއްނޫން! އަވަށްޓެރި ގެއެއްގެ ގުންޑޮޅި ކަނޑައިގެން ގޮސް ގެ ނުވެއްޓުނުކަން...! ސަރުކާރުން ހަރުދަނާ ފިޔަވަޅު ތަކެއް އަޅަން އެބަޖެހޭ. އަދި އުސްކޮށް އިމާރާތްކުރާ 1000 އަކަފޫޓަށްވުރެއް ބޮޑެތި ތަންތަން ފުނަށް ކޮންނަން ފެށުމުގެ ކުރިން ޕައިލްކުރަން އެބަޖެހޭ. ރައީސް ޔާމީންގެ ގެ މިހާރު އެހައްދަވަނީ އެކަހަލަ ގޮތަކަށް. ފުރަތަމަ ޕައިލް ކޮށްފައި، ދެން ބޯހޯލް ތޮރުފާފައި ކޮންކްރިޓް އަޅާ ތަނބުތަކެއް ބިމުގެ ވަރަށް ފުނަށް ޖަހަނީ އެއަށްފަހު 2 މީޓަރަށް ކޮނެލާފައި އެކީއެކަށްޗަކަށް ފައުންޑޭޝަން ޕެޑް އަޅާފައި އިމާރާތް ކުރަން ފަށަނީ...!
ލ.އަތޮޅު
03 January 2018
ވިއްސާރަ މޫސުމެއްނޫން މިއީ.އެކަމަކުވެސް އަސްލު ކަންކުރަންވިގޮތަށް ނުކުރެވުނީމަ މިއޮތީ ގޯސް ހިނގާފަ.
މިއަތޮޅު
03 January 2018
ލ.އަތޮޅަށް ވިއްސާރަ ނުވެދާނެ. އެކަމު މާލެއަށް ވިއްސާރަ މިއަދުވެސް. އަދި ގިނަ ދުވަސް ދުވަހު ވައިވެސް ގަދަ.
ދޮޅަސް
03 January 2018
ހެލޯ ލ.އަތޮޅު..... ނަކަތުގެ ނަމަކީ "ހަޅަ" ހަޅާގައި ގަދަވެ ވިއްސާރަ ކުރާނެ، އަހަރެން އެއްމެ ކުޑައިރުންސުރެ މިއަދާހަމައައް ތަޖުރިބާ ކުރި މިނަކަތް، ބައެއްނަކަތުގާ އިހުގަކުރި ވިއްސާރަ ފަހުގެ އަހަރުތަކުގާ ނުކުރާކަންވެސް ފާހަގަކޮއްލަން ނުކުރެ
ދިލް
03 January 2018
މިރޭ ނިދާފަ ހޭލާ އިރު، އެއްވެސް ކަމެއް ހަނދާނެއްނުހުންނާނެ، އިޓް ވިލް ބީ އަ ހޯލް ނިއުޑޭ!
ތުއްތީދިބެ
03 January 2018
21% މީހުން މި ހަބަރު ކިޔާފަ އުފާ ވީ ކީއްވެބާ؟ ބަޔަކަށް ލިބޭ ހިތާމައިގަ އުފާ ވަނީ ކީއްވެބާ؟ ދިވެހިން ގެ އަހުލާގު މިޔަށް ވުރު ރަގަޅު ކުރަން ވެއްޖެ ނުންތޯ؟
ޔެސް
03 January 2018
ތިޔަ ހުންނަނީ ހަމަ އަޖައިބުވާ ވަރުގެ ކަންކަން.