ޖަކާޓާގެ ސްޓޮކް އެކްސްޗޭންޖުގެ ސީލިއަން ވެއްޓުނު މައްސަލަ ފުލުހުން ދަނީ ބަލަމުން. --ފޮޓޯ:ރޮއިޓާސް
15 ޖެނުއަރީ 2018 - 18:58
2 comments
ޖަކާޓާ (ޖެނުއަރީ 15) - އިންޑޮނީޝިއާގެ ވެރިރަށް ޖަކާޓާގެ ސްޓޮކް އެކްސްޗޭންޖް އިމާރާތުގެ ފުރަތަމަ ބުރީގެ ސީލިން ވެއްޓި 72 މީހަކު ޒަޚަމްވެއްޖެ އެވެ.
ފުލުހުން ބުނީ ޒަޚަމްވި މީހުންނަށް ތަފާތު ތިން ހޮސްޕިޓަލަކުން ފަރުވާ ދެމުންދާ ކަމަށެވެ. ފަނަރަ އެމްބިއުލެންސްގައި މީހުން ގެންދިޔަ ކަމަށް މަންޒަރު ދުށް މީހުން ބުންޏެވެ. ސީލިން ވެއްޓިފައި ވަނީ މެންދުރުގެ ކެއުމަށް ގިނަ ބަޔަކު ދިޔަ ވަގުތު އެވެ. އެހެންވެ އާއްމު ގަޑިތަކަށް ވުރެ ސީލިން ވެއްޓުނު ގަޑީގައި ސްޓޮކް އެކްސްޗޭންޖުގައި މީހުން މަދެވެ.
ފުލުހުން ބުނީ މިއީ ގަސްދުގައި ބަޔަކު ކުރި ކަމެއްތޯ ބަލަން ތަހުގީގު ކުރިއަށްދާ ކަމަށެވެ. ސީލިން ވެއްޓުނު ނަމަވެސް މެންދުރު ފަހު ވަނީ ސްޓޮކް އެކްސްޗޭންޖުގެ މަސައްކަތް ފަށައިފަ އެވެ. ސްޓޮކް އެކްސްޗޭންޖުގެ ސީއީއޯ ވިދާޅުވީ ސިސްޓަމްތަކަށް އެއްވެސް ގެއްލުމެއް ނުލިބޭ ކަމަށެވެ.
ޖަކާޓާ ސްޓޮކް އެކްސްޗޭންޖަކީ ދެ ޓަވަރުގެ އިމާރާތެކެވެ. ސްޓޮކް އެކްސްޗޭންޖުގެ ލޮބީ އޭރިއާ ހަދާފައި ވަނީ ޖާގަ ތަނަވަސްކޮށް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހައުސިންގް
15 January 2018
ތިވާނީ މަރާމާތަށް ނައްޓާލީކަމަށް
ޔުނައިޓެޑް އައްޑޫ
15 January 2018
ސަމާލުވޭ! މިއީ މިއަހަރުގައި ސީލިންގ ބޮލަށްވެއްޓޭ ދުވަސްވަރު. އިހަކަށްދުވަހު މިލަންދޫ ސުކޫލްގެ ސީލިންގްވެސް ވެއްޓުނީ.