އުރީދުއަށް ފަހު ކުއާޓަރުގައި ފައިދާގެ ގޮތުގައި 140.8 މިލިއަން ރުފިޔާ ލިބިއްޖެ

އުރީދޫން މިދިޔަ އަހަރު ބޭއްވި ފުރަތަމަ އޭޖީއެމްގައި އެ ކުންފުނީގެ ޗެއާމަން އާއި ސީއީއޯ އަދި އެހެން ބޯޑު މެމްބަރުން ބައިވެރިވެވަޑައިގަންނަވަނީ. ފޮޓޯ: އުރީދޫ

އަބްދުﷲ ޖަމީލު، މިހާރު

30 ޖެނުއަރީ 2018 - 16:02

1 comments

އުރީދޫ މޯލްޑިވްސްއަށް މިދިޔަ އަހަރުގެ ފަހު ކުއާޓަރުގައި ސާފު ފައިދާގެ ގޮތުގައި 140.8 މިލިއަން ރުފިޔާ ލިބިއްޖެ އެވެ.

އެ ކުންފުނިން މިއަދު ނެރުނު މާލީ ހިސާބުތައް ދައްކާ ގޮތުން 472.4 މިލިއަން ރުފިޔާ އާމްދަނީގެ ގޮތުގައި ލިބިފައި ވެ އެވެ. އެއީ އޭގެ ކުރީގެ ކުއާޓަރަށް ވުރެ ފަސް ޕަސެންޓް އިތުރު އަދަދެކެވެ.

އުރީދުއަށް މިދިޔަ ކުއާޓަރުގައި ޚަރަދުތައް ކަނޑައި، ހިންގުމުގެ ފައިދާގެ ގޮތުގައި 176.5 މިލިއަން ރުފިޔާ ޖުމްލަ ފައިދާގެ ގޮތުގައި ލިބިފައިވެ އެވެ. އަދި ޓެކްސްއަށް ކެނޑުމުގެ ކުރިން ލިބިފައި ވަނީ 173.4 މިލިއަން ރުފިޔާ އެވެ. އުރީދޫން ޓެކްސްގެ ގޮތުގައި 32.5 މިލިއަން ރުފިޔާ ދައްކާފައިވެ އެވެ.

އެ ކުންފުނީގައި ވަތަނިއްޔާ އިންޓަނޭޝަނަލްގެ 90.5 ޕަސެންޓް ހިއްސާ އޮންނައިރު، މިދިޔަ އަހަރު ދިވެހިންނަށް 9.5 ޕަސެންޓް ހިއްސާ ވިއްކާފައިވެ އެވެ.

މޮބައިލް ފޯން ޓެލެކޮމިއުނިކޭޝަން އުރީދޫ

1 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޓޮނޭ

31 January 2018

ތިޔަ ލިބޭ ފައިދާއިން ޚިދްމަތް ރަނގަޅުކޮށްބަލާށެވެ. މިއުޅެނީ ހުޅުމާލޭގެ ފްލެޓެއްގެ ސިޓިންގރޫމުގައިވެސް ރޭންޖް ނުލިބޭތީ ފޯން ނުކުރެވިގެންނެވެ. ތިތަނަށް ނަންބަރު ބަދަލުކުރީ ވަރަށް މޮޅުތަކެއް ވާނެ ކަމަށެވެ. މިއަދު އިތުރު ޚަރަދެއް ކޮށްގެން ނަންބަރު ބަދަލުކުރެވު މޮޔަ ހިތަށްއަރައެވެ.