ކޯސްތައް ހަރުދަނާކޮށް އެމްއެންޔޫގައި ނާސިން ސްކޫލެއް ހުޅުވައިފި

އެމްއެންޔޫ ގައި އަލަށް ގާއިމުކުރި ނާސިން ސްކޫލް ހުޅުވަން ބޭއްވި ހަފްލާގައި މިނިސްޓަރު ނާޒިމް (ވ)، ހެލްތު ސުކޫލް ރަސްމީކޮށް ހުޅުވައިދެއްވަނީ.---ފޮޓޯ: ހުސެއިން ވަހީދު/މިހާރު

އާސިމާ ނިޒާރު، މިހާރު

01 ފެބުރުއަރީ 2018 - 11:41

8 comments

މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ) ގައި ހިންގާ ނާސިންގެ ކޯސްތައް ހަރުދަނާކޮށް އިތުރަށް ތަރައްގީކުރަން، ނާސިން އަށް ހާއްސަ ސްކޫލެއް އެ ޔުނިވާސިޓީގައި މިއަދު ހުޅުވައިިފި އެވެ.

ފެކަލްޓީ އޮފް ހެލްތް ސައިންސް ބިލްޑިންގައި ބޭއްވި ރަސްމިއްޔާތެއްގައި، ނާސިިން ސްކޫލު ހުޅުވައިދެއްވީ ހެލްތު މިނިސްޓަރު އަބްދުﷲ ނާޒިމް އިބްރާހިމެވެ.

މި ރަސްމިއްޔާތުގައި ވާހަކަދައްކަވަމުން އެ ޔުނިވާސިޓީގެ ޗާންސެލާ ޑރ. މުހައްމަދު ލަތީފު ވިދާޅުވީ ރާއްޖޭގައި ސިއްހީ ދާއިރާ އިތުރަށް ފުޅާވެ ތަރައްގީވަމުން އަންނަ ކަމަށެވެ. އެހެންވެ އެ ތަންތަނުގައި މަސައްކަތްކުރާނެ ސިއްހީ ހިދުމަތްތެރިން ތަމްރީނުކުރަންޖެހޭ ކަން ލަތީފު ފާހަގަކުރެއްވި އެވެ.

އޭނާ ވިދާޅުވީ ނަރުހުން ތަމްރީނުކުރާނެ ހާއްސަ ސްކޫލެއް ގާއިމްކުރެވިގެން ދިއުމަކީ ސިއްހީ ދާއިރާ އަށް ލިބޭނެ ބޮޑު ކުރިއެރުމެއް ކަމަށެވެ.

އެމްއެންޔޫގެ އަލަށް ގާއިމުކުރި ނާސިން ސްކޫލު ހުޅުވަން މިއަދު ބޭއްވި ހަފްލާގެ ތެރެއިން.---ފޮޓޯ: ހުސެއިން ވަހީދު/މިހާރު

އެމްއެންޔޫގައި ހިންގާ ކޯސްތަކުގެ ތެރެއިން ދަރިވަރުންގެ އެންމެ ބޮޑު ތަރުހީބެއް ލިބެމުން އަންނަ އެއް ކޯހަކީ ނާސިންގެ ޕްރޮގްރާމެވެ. ގިނަ ދަރިވަރުންނަށް ފުރުސަތު ދިނުމުގެ ގޮތުން އެ ޔުނިވާސިޓީން މިހާރު ވެސް އަންނަނީ އަހަރަކު ހަތަރު ފަހަރަށް ނާސިންގެ ޕްރޮގްރާމްތަކަށް ހުޅުވާލަމުންނެވެ. އެއީ ޖެނުއަރީ އާއި އޭޕްރީލް މަހާއި ޖޫންގެ އިތުރުން ސެޕްޓެމްބަރު މަހެވެ.

މީގެ ކުރިން ނާސިންގެ ކޯސްތައް ހިންގީ ފެކަލްޓީ އޮފް ހެލްތް ސައިންސްގެ ދަށުންނެވެ. އެކަމަކު ދެން އެ ކޯސްތައް ހިންގާނީ ނާސިން ސްކޫލުންނެވެ.

މި ރަސްމިއްޔާތުގައި ވާހަކަދައްކަވަމުން ނާސިން ސްކޫލުގެ ޑީން އާސިޔާ އިބްރާހިމް ވިދާޅުވީ، ނާސިން އަށް ހާއްސަ ތަނެއް ހަމަޖެއްސުމުން، އެ ދާއިރާގެ ކޯސްތައް އިތުރަށް ހަރުދަނާކޮށް ތަރައްގީ ކުރެވިގެންދާނެ ކަމަށެވެ.

އެމްއެންޔޫގެ ނާސިން ސްކޫލުގެ ލެބޯޓަރީގައި ދަރިވަރުން ހަރަކާތްތެރިވަނީ.---ފޮޓޯ: ހުސެއިން ވަހީދު/މިހާރު

އޭނާ ވިދާޅުވީ އެމްއެންޔޫ އިން ތަމްރީނުވެފައިވާ ގިނަ އަދަދެއްގެ ނަރުހުން ރާއްޖޭގެ އެކި ހިސާބުތަކުގައި މަސައްކަތް ކުރަމުން އަންނަ ކަމަށެވެ. އެހެންވެ ސިއްހީ ދާއިރާ ތަރައްގީ ވާއިރު، ނާސިންގެ ދާއިރާއިން އިތުރަށް މީހުން ތަމްރީނުކޮށްދޭން ޖެހޭކަން އޭނާ ފާހަގަކުރެއްވި އެވެ.

އާސިިޔާ ވިދާޅުވީ ނާސިންގެ ކުރިމަގަށް ބަލާއިރު، އެ ދާއިރާއިން ސްޕެޝަލިޓީގެ ކޯސްތައް ހިންގަންޖެހޭ ކަމަށެވެ. އަދި ރާއްޖޭގެ އެކި ރަށްރަށުގައި ހުންނަ ކެމްޕަސްތަކުގައި ޑިގްރީ އަދި މާސްޓާސް ފެންވަރަށް ނާސިންގެ ކޯސްތައް ހިންގައި، އެ ދާއިރާއިން ރާއްޖޭގައި ތިބެގެން ޕީއެޗްޑީ އަށް ކިޔެވޭނެ މަގު ފަހިވެގެން ދިއުމަކީ ވެސް އުއްމީދެއް ކަން އާސިޔާ ފާހަގަކުރެއްވި އެވެ.

އެމްއެންޔޫގައި މިހާރު ވެސް 900 އަށް ވުރެ ގިނަ ދަރިވަރުން އަންނަނީ ނާސިން ކިޔަވަމުންނެވެ.

ސިއްހަތު ދިވެހި ގައުމީ ޔުނިވަސިޓީ ޑރ. މުހައްމަދު ލަތީފު މިނިސްޓަރު އަބްދުﷲ ނާޒިމް އިބްރާހިމް ނާސިން ސްކޫލް

8 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދީބާ

01 February 2018

ތިތާ ނަރސިންގ ހިންގާތާ 40 އަށް ވުރެ ގިނައަހަރު ވެއްޖެ. އަހަރެން ނާރސް އެއިޑް ކޯހުން ފެށިގެން މާރސްޓަރޒް ވެސް ހެދީ ތިތަނުން. ނަން ބޯޑު ބަދަލު ކުރުން ފިޔަވާ އާކަމެއް ތިތާކު ނުކުރޭ. ހަމަ ނޫހަށް އަރާލަން މޮޅުކަމެއް ކޮށްލީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައެން

01 February 2018

އެޑިޔުކޭޝަންން ހިންގާ އޮންލައިން ނާސިންގ އެންޑް ސާޖަރީ ކޯހުގައި ބައިވެރިވާ ދަރިވަރުން ކިހެލެއް ހަދާނީ ފޫޅުމައިން ތަމްރީންކުރަން 2018ގައި އެޑިޔުކޭޝަން އޮންލައިންކޮށްފައްޓާއިރު އެމީހުންނަށް ވާނީކިހެނެއްބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމާ

01 February 2018

އެހެންވެދޯ ކުޅުދުއްފުށީ ގައި ހިންގުމަށް ހަމެޖެހިފައިވާ ގިނަ ކޯސްތައް ކެންސަލްކުރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުޤިއްޔާ އަހުމަދު

01 February 2018

މަސައްކަތެއް ނުލިބިފަތިބި ފޫޅުމައިން ތާޒާ ކުރުމުގެ ކޯހެއްނެއްތަ!އަހަރެމެން ނަކީ ތިންމަސް ދުވަހުގެ ޓްރޭނިއްނެއްހެދިބައެއް މަސައްކަތެއް ނުލިބުނުތާ އިތުރުއިލްމެއްވެސް ނުލިބުނު މިއީމީގެ ދިހަވަރަކައް ފަނަރަވަރަކައް އަހަރު ކުރިން ރާއްޖެތެރޭގަ ހެލްތުން ހިންގި ކޯސްތަކެއް މިހާޒުވާން އުމުރެއްގަ ސައުޤުވެރިކަން ހުރެގެން ދަސްކުރަން ފެނުނު މަސައްކަތަކީ އެއީ އަހަރެމެންނައް ވެސް އިތުރައް ކިޔަވައިދީގެން ނަމަވެސް މަސައްކަތުގެ ތަރޭގަ އުޅެވޭނެ ފުރުސަތެއް ތިފެކަލްޓީއަކުން ނުލިބޭނެތަ ޓުރޭންކުރުވި ފޫޅުމައިން ކަމުގަވީތީ އެމީހުންގެ ރެކޯޑްތައް ހެލްތު މިނިސްޓީގަ ހުންނާނެތާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިބެބަލަ

01 February 2018

ކޮބާ ރަންރީނދޫ ޓްވިޓަރޭ ތަމެންނަށް ފެނޭތޭ ފެނޭދޯ. ފެނޭތޭ ފެނޭދޯ. ތަމެންގެ ވެރިކަމުގައި މޯލްޑިވްސް ނޭޝަނަލް ޔުނިވަރސިޓީން ވެސް އެއްވެސް ކަމެއް ނުކޮށް އެމެން ހުނިގޭނީތޭ ތަމެންގެ އެޑިއުކޭޝަން މިނިސްޓަރު ގޮވައިގެންނޭ މަމެން ބުނަން ނެތީމު ދޯ. ކޮން އެއް ކެންޑިޑޭޓް ނެރެންތޭ ރަންރީނދޫ ޓްވިޓަރޭ ތިޔާ އުޅެނީ ތަމެންނަށް ރަނގަޅަށް އެއް ކެންޑިޑޭޓް ނެރެދޭނަމޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަނާ

01 February 2018

ހަރުދަނާ ވެއްޖެޔާ ކިތަންމެހާވެސް ރަގަޅު.... ޔަގީނުންވެސް ކުރިން ވަރަށް ކަޑަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާސިޔާ

01 February 2018

ތިއީ 1973 ވަނަ އަހަރުން ހިނގަމުން އަންނަ ތަނެއްގެ ނަން ބަދަލު ކުރީ... އިންޓާރނަލް ސިޔާސީ ބޭނުމަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަވޭ

01 February 2018

ކޯސްތައް ހަރުދަނާކޮށް އެމްއެންޔޫގައި ނާސިން ސްކޫލެއް ހުޅުވައިފި ނަމަ އެކަމަކީ އެއީ މަމެން ވަރަށް އުފާ ކުރާ ކަމެކެވެ. މޯލްޑިވްސް ނޭޝަނަލް ޔުނިވަރސިޓީ އެބަޖެހޭ ސިންގަޕޯރގެ ނޭޝަނަލް ޔުނިވަރސިޓީ އާއި ގުޅިގެން މެޑިކަލް ޑޮކްޓަރުންނާއި ނަރުހުން ތައްޔާރުކުރަން ރާއްޖޭގައި ކިޔަވާދޭން ފަށަން. ހަމަ އެކަނި މޯލްޑިވްސް ނޭޝަނަލް ޔުނިވަރސިޓީ އަށް މިކަން ވާނެ ކަމާއި މެދު މަމެން ޝައްކު ކުރަމެވެ. އެހެންވެ ރާއްޖޭގައި ދިވެހި ޑޮކްޓަރުން މަދު ވެގެން މިއުޅެނީ.