ބަޣާވާތަށް ފަހު ތުރުކީ ސަރުކާރަށް ތާއިދު އޮތްކަން ރައްޔިތުން ދައްކުވައިފި

ތުރުކީ އަށް ގެންނަން އުޅުނު ނާކާމިޔާބު ބަޣާވާތަށް ފަހު ރައީސް އުރުދުޣާން އަށް ތާއީދު އޮތްކަން ދެއްކުމުގެ ގޮތުން އިސްތަންބޫލްގެ ތަކްސިމް މައިދާނަށް ގިނަ ބަޔަކު ޖަމާވެ އަޑު އުފުލަނީ. --ފޮޓޯ:އޭއެފްޕީ

ހަސަން އާމިރު، މިހާރު

17 ޖުލައި 2016 - 11:19

9 comments

އަންކާރާ (ޖުލައި 17) - ސިފައިންގެ ތެރޭން ބަޔަކު ނުކުމެ ތުރުކީ އަށް ގެންނަން އުޅުނު ނާކާމިޔާބު ބަޣާވާތަށް ފަހު ސަރުކާރަށް ތާއީދު ކުރުމުގެ ގޮތުން ގިނަ ބަޔަކު އިސްތަންބޫލް އާއި އެނޫން ވެސް ސިޓީތަކަށް އެއްވެއްޖެ އެވެ.

ބަޣާވާތް ގެންނަން އުޅުނުތާ 24 ގަޑިއިރު ވެސް ނުވަނީސް ރައްޔިތުން ނުކުމެ ވަނީ ނާކާމިޔާބުވި ބަޣާވާތުގައި އިސްކޮށް އުޅުނު މީހުންނަށް ބަހުގެ ހަމަލާތައް ރައްދުކޮށްފަ އެވެ.

ތުރުކީ އަށް ގެންނަން އުޅުނު ނާކާމިޔާބު ބަޣާވާތަށް ފަހު ރައީސް އުރުދުޣާން އަށް ތާއީދު އޮތްކަން ދެއްކުމުގެ ގޮތުން އަންކާރާގެ ކިޒިލޭ މައިދާނަށް ގިނަ ބަޔަކު ޖަމާވެ އަޑު އުފުލަނީ. --ފޮޓޯ:އޭއެފްޕީ

ސަރުކާރުގެ ބާރުތައް ވަރުގަދަ ކުރުމުގެ ގޮތުން ގާތްގަނޑަކަށް 3،000 ސިފައިން ހައްޔަރުކޮށް، 2،700 ފަނޑިޔާރުން ވަނީ މަގާމުން ދުރުކޮށްފަ އެވެ. ހައްޔަރުކުރި މީހުންގެ ތެރޭގައި ސިފައިންގެ އިސް ޖެނެރަލުން ވެސް ހިމެނެ އެވެ.

ބޮޑު ވަޒީރު ބިނާލީ ޔިލްދިރިމް ވިދާޅުވީ ބަޣާވާތަކީ ތުރުކީގެ "ޑިމޮކްރެސީގައި ޖެހުނު ލައްގަނޑެއް" ކަމަށެވެ. ބަޣާވާތް ކުރި މީހުންގެ ތެރޭން 104 ސިފައިން މަރުވެފައިވާ އިރު އާއްމުންގެ ތެރޭން ވެސް ވަނީ 161 މީހުން މަރުވެފަ އެވެ. ގާތްގަނޑަކަށް 1،440 މީހުން ވަނީ ޒަޚަމްވެފަ އެވެ.

އުރުދުޣާންގެ ވެރިކަމުގެ 13 އަހަރުގައި ކުރިމަތިވި އެންމެ ބޮޑު ގޮންޖެހުމަށް ފަހު ވަނީ ރައްޔިތުން މަގުތަކަށް ނުކުތުމަށް އެ މަނިކުފާނު ގޮވާލައްވައިފަ އެވެ. އިސްތަންބޫލްގެ އިތުރުން ރައީސް އުރުދުޣާންގެ އުފަން ސިޓީ ކަމަށްވާ ކިސުކްލީ އާއި އަންކާރާގެ ކިޒިލޭ މައިދާން އަދި އައްސޭރި ފަށުގެ ސިޓީއެއް ކަމަށްވާ އިޒްމީރަށް ގިނަ ބަޔަކު ނުކުމެ ވަނީ ސަރުކާރަށް ތާއިދުކޮށްފަ އެވެ. އުރުދުޣާންގެ ވެރިކަމާ ތުރުކީގެ ގިނަ ބަޔަކު ދެކޮޅު ހަދަމުން ދިޔަ ނަމަވެސް ސަރުކާރާ އެއްކޮޅަށް ގިނަ ބަޔަކު ނުކުތީ ބަޣާވާތާ ދެކޮޅު ހެދުމުގެ ގޮތުން ކަމަށް ތަޖްރިބާކާރުން ބުނެ އެވެ. އަދި ބަޣާވާތުގެ ވެރިކަމަކުން ގައުމަށް ލިބޭނެ ރަނގަޅެއް ނެތް ކަމަށް ތުރުކީ ރައްޔިތުން ގަބޫލް ކުރެ އެވެ.

ތުރުކީ ބަޣާވާތް

9 ކޮމެންޓް, 98 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައި

17 July 2016

ހަމަ ގައިމުވެސް މި ސަރުކާރަށް ތެދުވެރި ނު ހުރިހާ މުއައްސަސާ އެއް، ދައްކަބަލަ އަމާނާތް ތެރި އިންސާފުވެރި ވެރިކަމެއް ކޮށްފަ. އަގައެއް ނަުން ތަޅަންވީ ކީއެއް. އަނެކެއްގެ ގޯސް ނުވަތަ ކަރަޕްޓް ވާހަކަ އަކީ ތިބާމެން ކަރަޕްސަން ހިންގަން ހުއްޖަތެއް ނޫން. ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާޅު

17 July 2016

ދިވެހިބަހުގައި ބަޣާވަތު ބުނަނީ ޤާނޫނާ ޚިލާފަށް ސަރުކާރު ވައްޓާލަން މަސައްކަތްކުރުމަށެވެ. ދެން މިއިތި ދިވެހިބަހުގައި ބަޣާވަތަކަށް ނުވާނެ ސަބަބެއް ނެތެވެ. އެކަމަކު އިސްލާމީ ޝަރީޢަތުގައި ބުނާގޮތުން 7 ފެބްރުއަރީ 2012 ގައި ހިނގީ ބަޣާވަތެއް ނޫނެވެ. އެހެންވީމާ ދެގޮތަށް ބުނާ މީހުންވެސް އެބުނަނީ ކޮންމެވެސް އެއްސިފައެއްގައި ރަނގަޅަށް ފެނެއެވެ. ފްރާންސްގައި އަދި އެ މީހުނަގެ ޓްރެފިކް ނިޒާމަށް ތަބާވާ މީހުން ދުއްވަނީ މަގުގެ ކަނައަށް ފަޅިންނެވެ. އިނގިރޭސިންނާއި އެމީހުނަގެ ޓްރެފިކް ނިޒާމު އޮންނަ ތަންތާ ދުއްވަނީ މަގުގެ ވައަތް ފަޅިންނެވެ. މި ދެގައުމުގެ ދެމީހުން އެމީހެއްގެ ގައުމުގައިވާ ގޮތަށް ދުއްވާފަ ކޮންމެ މީހަކުވެސް ބުނާނީ އަހަރެން ދުއްވީ ގަވާއިދު ފަޅިންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޫ

17 July 2016

މިރާއްޖޭގައި ބަޚާވާތްކުރި މީހުންނަށް ލިބުނީ މަޤާމުގެ ކުރިއެރުމާއި އެކި ނަންނަމުގެ ބޯނަސްތަކާއި މެޑަލްތައް. އެންމެފަހުންގޮސް އެއީ ބަޚާވާތެކޭ ބުނާމީހާ ކުށްވެރިވާ ހިސާބަށް އެކަން ދިޔަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނުބެ

17 July 2016

ބޫ!! ނިކަން ވިސްނާފަތަ ތިކޮމެންޓް ތިކުރެއްވީ!! ފުރަތަމަ ކަމަކީ މިރާއްޖޭގައި ބަޣާވާތެއް ނުކުރާކަން!!އެކަން އެންމެނަށް އެގޭއިރު "ބޫ" އެކަން ގަބޫލުނުކުރެވިގެން ތިއުޅެނީ ކޮންސަބަބަކާ ހުރެކެން އަޅުގަޑު މިތާގަ ބުނެދޭކަށް ބޭނުމެއްނޫން!! "ބޫ" މެންފަދަ ބޭފުޅުން އޭރު އެއީ ބަޣާވާތެކޭ ތަހްގީގުކުރަންޖެހޭނެޔޭ އަދި ތަހްގީގުކުރަންޖެހޭނީވެސް ކޮމަންވެލްތުންނާއި އަދިވެސް ތިބޭފުޅުން ބުނިހާ ބަޔަކު ތިބެގެންނޭ ބުނީމާ އެކަން އެގޮތަށް ނޫންތޯ ކުރީ!! އެތަހްގީގު ރިޕޯޓް އެއޮތީ ފެންނަނަން "ބޫ" ގޮސް ނިކަން ބަލާލަބަލަ!! އެތަހްގީގުންވެސް އެދުވަހު އެހިގާ ދިޔަ ކަންތައްތަކަކީ ބަޣާވާތެކޭ ބުނެފައިނެތް އެރިޕޯޓްގަ!! އެހެންވީމާ "ބޫ" ތަންކޮޅެއް ހަމަޖެހޭ ވާހަކަ ދައްކަވާ!! ކަނޑައެޅިގެން އެގެން ހުންނަ ކަންކަމާ "ބޫ" ކަހަލަ ހަމަޖެހޭ މީހުން ދެކޮޅު ހެދީމާ މީހުން ބުނާނެ "ބޫ" ގެ ވިސްނުމުގެ މައްސަލަ އުޅެޔޭ!! ވަރަށް ސަލާމް!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

17 July 2016

ތުރުކީ ރައްޔަތުން އެކަންކުރީ ދީނުގައި އަންގަވާފައިވާގޮތަށް ، ބަގާވާތާ ދެކޮޅަށް ނުކުމެ ހަނގުރާމަކުރުމަށް އޮތީ އަންގަވާފައި ، ރާއްޖޭގައިވެސް ފެބްރުއަރީ7 ގައި ރައްޔަތުންނުކުމެ ކުރިމަތިލީނަމަ އެކަންފެއިލްވެގެންދިޔައީސް ، ނަމަވެސް 6 ވަނަދުވަހުގެ ރޭ ސަރުކާރު ޓީވީއިން އެންގީ ހުރިހާ ރައްޔަތުން ގެޔަށްވަޑައިގަނެ އަރާމުގައި ނިދުމަށް ހުރިހާ ކަމެށް ކޮންޓްރޯލްކުރެވިފައިވާކަމަށް ، އެންމެފަހުން 7 ވަނަދުވަހުގެ އިރުއެރިއިރު އޮތި ވާނެ ހައެތިވެފައި ، އޭރުވެރިކަމުގައި ހުންނެވި ނަޝީދުއަށް ގޯސް ޑެޝިޝަންއެއްނުގެނީ ، ސިފައިންގެޔަށްވަދެ ބަގާވާތްކުރިމީހުންގެ މެދުގައި ތާށިވެ ނޭވާނެލެވުނީ ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަންޖަބީލު

17 July 2016

މި ކުޑަކުޑަ ރާއްޖޭގައިވެސް ބަޣާވާތާ ދެކޮޅައް ރައްޔިތުން ނިކުތް.. އެކަމަކު ކޮރަޕްޓް ސިފައިންނާއި ފުލުހުންގެ އަނިޔާވެރިކަމުގެ ޝިކާރައަކަށްވުން ފިޔަވައި އެރައްޔިތުންނަށް ލިބުނު އެއްވެސް ކަމެއް ނެތް.. އަދި ވެސް މި ރާއްޖޭގައި ދިމާވަމުން މިދާ މައްސަލަ ތަކުގެ އަސްލަކީ މިއީ.. ތުރުކީގައި އެއޮތީ ބަޣާވާތް ކުރި ސިފައިންނާއި ކޮރަޕްޓް 2700 ފަނޑިޔާރުން ހައްޔަރު ކޮއްފައި.. ރާއްޖޭގައި ނަމަ ގޮވާނެ ފަނޑިޔާރުން ވަގަށް ނެގީއޭ ތަޅު އެޅުވީއޭ.. މިހުރިހާ ކަމެއް މިވަނީ ރައްޔިތުން ތަރައްގީ ނުވާތީ.. ތުރުކީގެ ރައްޔިތުންގެ ތެރެއިން އެގައުމުގެ ރައީސަށް ތާއިދު ނުކުރާ ރައްޔިތުންވެސް ބަޢާވާތާ ދެކޮޅަށް ނިކުމެގެން ބަޢާވަތް ފެއިލް ކޮށްލީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު

17 July 2016

3000 ސިފައިން ހައްޔަރުކޮށް 2700 ފަނޑިޔާރުން މަގާމުން ދުރުކޮށްފި. މިފެންނަނީ ގައުމެއްގެ ކަމެއް ގޯސްވެގެންދާއިރު ފަނޑިޔާރުން ޒިންމާނަގަންޖެހޭ ވަރު. މިކުޑަ ރާއްޖޭގަ ވަކިކުރަންޖެހޭ ފަނޑިޔާރުންގެ ކިހާވަރެއްވާނެބާ.؟؟