އެމްއެމްސީ މެމްބަރުން ހޯމް މިނިސްޓްރީގެ އިސްބޭފުޅުންނާ ބައްދަލު ކުރެއްވުން-- ފޮޓޯ: އެމްއެމްސީ
07 މާޗް 2018 - 21:48
9 comments
ނޫސް މަޖައްލާތަކުގެ އެޑިޓަރުންގެ އަތުގައި ޑިގްރީއެއް އޮތުން މަޖުބޫރުކޮށް، ހޯމް މިނިސްޓްރީން އަލަށް ނެރުނު ގަވައިދު އިސްލާހު ކޮށްދިނުމަށް އެދި މޯލްޑިވްސް މީޑިއާ ކައުންސިލް (އެމްއެމްސީ) އިން ހޯމް މިނިސްޓްރީގެ އިސް ވެރިންނާ މިއަދު ބައްދަލުކޮށްފި އެވެ.
ހޯމް މިނިސްޓްރީން މިދިޔަ ޖެނުއަރީ މަހު 30 ވަނަ ދުވަހު ގެޒެޓް ކޮށްފައިވާ، "ނޫސް މަޖައްލާ އާއި މި ފަދަ ތަކެތި ރަޖިސްޓްރީ ކުރުމުގެ ގަވާއިދު"ގައިވާ ގޮތުން ނޫސްތަކުގެ އެޑިޓަރުކަން ކުރެވޭނީ ނޫސްވެރިކަމުން ނުވަތަ ގުޅުން ހުރި ދާއިރާއަކުން ޑިގްރީ ހާސިލްކޮށް، ނޫސްވެރިކަމުގެ ދާއިރާ އިން ފަސް އަހަރުގެ ތަޖުރިބާ ލިބިފައިވާ މީހަކަށެވެ. އެ ޝަރުތުތައް ހަމަނުވާ އެޑިޓަރުން ތިބި ނަމަ، މިދިޔަ ފެބްރުއަރީން ފެށިގެން މަސް ދުވަހުގެ ތެރޭގައި އެޑިޓަރުން ބަދަލު ކުރުމަށް އަންގާފައި ވެ އެވެ.
ހޯމް މިނިސްޓްރީގެ އެ ނިންމުމާ ގުޅިގެން، އެމްއެމްސީގެ މެމްބަރުން ހޯމް މިނިސްޓަރުގެ ނައިބު މުހައްމަދު ތޮލާލާ އެކު އެ މިނިސްޓްރީގައި ބޭއްވި ބައްދަލުވުމަށް ފަހު، އެ ކައުންސިލުން ބުނީ މީޑިއާ އަށް ފަސޭހަ ވާނެ ގޮތަށް އެ މާއްދާ އިސްލާހު ކުރުމަށް ހުށަހަޅާފައިވާ ކަމަށެވެ.
Editorunge sharuthu baathil kuran MMC in masaikai kuranee
The most trusted news source in the Maldives
Mihaaru
އެޑިޓަރުންގެ ޝަރުތާމެދު އެމްއެމްސީން ކަންބޮޑުވުން ފާޅުކުރުން..
"އެކަމަށްޓަކައި ކައުންސިލުގެ މެންބަރުން ވަނީ، ތަފާތު ފިކުރާއި ޚިޔާލު މިނިސްޓްރީއާ ހިއްސާކޮށްފައި. މެންބަރުން ވިސްނުންފުޅު ގެންގުޅުއްވާފައި ވަނީ، އެޑިޓަރުންނާ ގުޅޭ މާއްދާ، މީޑިއާތަކަށް ފަހިވާނެހެން އިސްލާހު ކުރުމަށް،" އެމްއެމްސީން ބުންޏެވެ.
މީޑިއާ ކައުންސިލްގެ މެމްބަރުންގެ ކަންބޮޑުވުންތައް ސަރުކާރުގެ ކަމާބެހޭ ފަރާތްތަކާ ހިއްސާ ކުރުމަށް ފަހު، ޖަވާބެއް ދޭނެ ކަމަށް ހޯމް މިނިސްޓްރީން ބުނެފައިވާ ކަމަށްވެސް އެ ކައުންސިލުން ބުންޏެވެ.
އެމްއެމްސީގެ މެމްބަރަކު ކުރިން ވިދާޅުވި ގޮތުގައި އެ ބޭފުޅުންގެ އެންމެ ބޮޑު ކަންބޮޑުވުމަކީ، "ނޫސް މަޖައްލާ އާއި މި ފަދަ ތަކެތި ރަޖިސްޓްރީ ކުރުމުގެ ގަވާއިދު"އަށް ބޮޑު ބަދަލެއް ގެނައި އިރު ރާއްޖޭގައި ނޫސްވެރިކަމާ ގުޅުން ހުރި ދާއިރާތަކުން ޑިގްރީ ނަގާފައިވާ މީހުންގެ އަދަދު މަދުވުމާއި އެ ފަދަ މީހުންގެ ތަޖުރިބާ ނެތުމެވެ. އެހެންވެ، ޑިގްރީއެއް ނެތް ކަމަށް ބުނެ، މިހާރު ތިބި އެޑިޓަރުން ޝަރުތު ހަމަނުވާ ކަމަށް ކަނޑައެޅުމަކީ ގަބޫލު ކުރެވޭނެ ކަމެއް ނޫން ކަމަށް އެ މެމްބަރު ވިދާޅުވި އެވެ.
ނޫސްވެރިންގެ މައިގަނޑު ކަންބޮޑުވުމަކީ އެޑިޓަރަކީ ޑިގްރީއަކާއެކު އެހާ ގިނަ ދުވަހުގެ ތަޖުރިބާ ހުރި މީހަކަށް ވުމެވެ. އެޑިޓަރުކަމުގެ ޝަރުތުތަކުގެ ތެރޭގައި ނޫސްވެރިކަމުގެ ޑިގްރީއެއް އޮތުން ނުވަތަ ފަސް އަހަރުގެ ތަޖުރިބާ ހުރުމަކީ މައްސަލައެއް ކަމަށް ނޫސްވެރިން ނުދެކެ އެވެ.
ރާއްޖޭގެ ބޮޑެތި ނޫސްތަކުގެ އެޑިޓަރުންގެ އަތުގައި ޑިގްރީއެއް ނެތް ނަމަވެސް، އެއީ މަދުވެގެން 20 އަހަރު ދުވަހުގެ ތަޖުރިބާ ހުރި ބޭފުޅުންނެވެ. އަދި އޭގެ ތެރޭގައި ގިނައީ ނޫސްވެރިކަމާއި ލިޔުންތެރިކަމުގެ ދާއިރާ އިން ގައުމީ އިނާމު ހޯއްދަވާފައި ބޭފުޅުންނެވެ.
ރާއްޖޭގެ ތަޖުރިބާކާރު ނޫސްވެރިން ސިފަކުރައްވާ ގޮތުގައި ހޯމް މިނިސްޓްރީގެ އެ ގަވައިދަކީ މީޑިއާއަށް ކުރި އުނދަގުލެއް ނުވަތަ ޖެއްސުމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޑިޓަރު
08 March 2018
އެޑިޓަރުކަމަކީ އާދައިގެ ކަމެއް ނޫނެވެ. އެއީ ފިސާރި ކަމެކެވެ. އެކަމަށް ވަކި ދާއިރާއަކުން ކިޔަވާކަށް ނުޖެހެއެވެ. އެޑިޓްކުރުމަކީ ކޮބައިކަން ދަންނަ، ކަންކަމަށް ލޯހުޅުވިފައި ހުރި، ތަޖުރިބާ ހުރި، ހުނަރު ހުރި މީހެއް ކަމަށްވަންޏާ އެޑިޓަރުކަން ކުރެވޭނެއެވެ. އައިޓީ ކިޔަވައިދޭން ފުރަތަމަ ފޮތް ލިޔެ އެޑިޓްކުރީ އައިޓީ ކިޔަވައިގެން ތިބި ބައެއް ނޫނެވެ. ތަފާތު ރޮނގުތަކުގެ އިންޖިނޭރުން ލިޔުނު ލިޔުންތައް އެޑިޓްކޮށް ފޮތްތައް އެކުލަވައިލީ އައިޓީއަކީ ކޯއްޗެއްކަންވެސް ނުދަންނަ، އެޑިޓްކުރަން ވަރަށް މޮޅު ވިއްސަކަށް އެޑިޓަރުންނެވެ.
ހޮޓްކިންގ
08 March 2018
އެޑިޓަރުންގެ ޑިގްރީއެއްނޫން މާސްޓަރ ހަދާފައި އޮތަސް ނޫސްވެރިކަން ރަނގަޅުވާނީ ޤައުމީ މަސްލަޙަތު އިސްކުރާފަދަ އަޚްލާްޤް ރަނގަޅު ބަޔަކު ތިބެގެން. އެހެންނޫންނަމަ ގައުމު ދާތީ ފިތުނަވެރިވެ ފަސާދަވެގެން. މިއީ މުސްލިމް ގައުމެއްގައި ނޫސްވެރިކަން އޮންނަންވީ ގޮތެއްނޫން ތާއަބަދު މީހުންގެ މެދުގައި ރުޅިވެރިކަން އުފެއްދުމާއި ދޮގުވާހަކަ ފެތުރުން މިއީ. ދިވެހި ބަހުން ލިޔެފައި ހުންނަ އެއްޗެހި ބަހުގެ ހަމައާއިވެސް ޚިލާފަށް ލިޔެފައި ހުރޭ. އެކަމަކު އެބުނާ އެޑިޓަރުން ތިބެނީ ނިދާފައި ތޯއްޗެއް.
އެޑްމުންޑޯ
08 March 2018
މީ ވަރަށް ހެއްވާ ބައެއް ، ކޮންމެ ދާއިރާ އަކަސް އެދާއިރާ އަކުން ޕްރެފެޝަނަލް މީހަކަށް ވާންއެބަޖެހޭ ސްމާޓް ވުމަކީ ދާއިރާ އިން މަތީތައުލީމް ލިބުން ، ފޯނަށް ސްމާޓްފޯނެކޭ މިކިޔަނީ ކީއްވެ ، ފަހަތަށް ނުގޮސް ނޫސްވެރިކަންވެސް ސްމާޓްވާން.ޖެހޭނެ
އެޑިޓަރު
08 March 2018
ދާއިރާއަކުން ކިޔަވައި މޮޅުވުމަކީ އެޑިޓަރުކަން ކުރަން ޝަރުޠު ހަމަވާކަމެއް ނޫނެވެ. އެޑިޓްކުރުމަކީ ކޮބައިކަން އެޑިޓަރުކަން ކުރުމަކީ ކޮބައިކަން އިހަށް ދަސްކުރައްވާށެވެ.
ސަރުކާރު
08 March 2018
މަޖިލިސް މެމްބަރުންނޯ؟؟؟؟ ނޫސް މަޖައްލާތަކުގެ އިޑިޓަރުންނަށް މުސާރަ ދެނީކީވެސް ސަރުކާރުގެ ފައިސާއަކުން ނޫންދޯ؟ މީ ހެއްވާ ބަޔަކު އުޅޭ ގައުމެއް. ގަބޫލު ކުރެވެނީ ނޫހެއް ހިންގޭނީ ކޮންމެސް ބަޔަކު އެ ނޫހެއް ކިޔާތީ ކަމަށް. އަދި އެ ނޫހެއް ހިނގުމަށް ބޭނުންވާ އިސްތިހާރާ އަގަށް ޝާއިއުކޮށްދޭ އެއްޗެހި ވެސް ގިނައިން ލިބޭނީ ގިނައިން މީހުން ކިޔާ ނޫސްތަކަށް. ބުނަން މިއުޅޭނީ ކޮންމެސް ވަރެއްގެ ކޮޕްޓެޓިވް މާކެޓެއްގައި ކުރާ މަސައްކަތަކަށްވާއިރު ނޫހުގެ ހިއްސާދާރުންވެސް އެނޫހެއްގެ އެޑިޓަރަކަށް ލާނީ ކަމަށް ކޮންމެސް ވަރެއްގެ ގާބިލުކަމެއް ހުރި ބައެކޭ. މިތަނަށް ސަރުކާރުން މިހާއަވަހަށް ގުއި އުދުޅި ތޮރުފަން ޖެހޭ މާ ބޮޑު ސަބަބެއް ނުފެނޭ. ސަރުކާރުން ސްޓޭންޑަރޑައިޒް ކުރަންޖެހޭ އެހެން ސަރުކާރުގެ ތަންތަން އަދިވެސް ހުރިއިރު!! މިސާލަކަށް މަޖިލީސް މެމްބަރުން، ސަރުކާރު ކުންފުނީގެ ބޯޑުތަކަށް ހޮވާ މީހުން. ކޯޑިނޭޓަރުކަމަށް ހޮވާ މީހުން.
ނަޖުމާ
07 March 2018
ސިވިލްސާވިސް މުވައްޒަފުންގެ އަތުގައި ޑިގްރީ އޮތުން ލާޒިމް ނޫސްވެިންނަށް ލާޒިމެއްނޫން ހެއްވާކަމެއް
އަލްޖިބްރާ
07 March 2018
އެއީ އުދަގުލެއް ނުވަތަ ޖެއްސުންކުރުމެއްވެސް ނޫން ! މަތިން އޯޑަރު އަންނަނީ އިދިކޮޅު ހުރިހާމީޑިއާއެއް ބަންދުކުރަން ! އެކަން އެއްފަހަރާ ނުކުރެވިގެން އެއުޅެނީ ! މިރާއްޖޭގެ ވެރިކަން ކުރާމީހެއްގެވެސް ތިބުނާ ޝަރުތުތައް ހުންނާކަށް ލާޒިމެއް ނުކުރޭ ! އެހެންވީމާ ވެގެން އުޅޭގޮތް އެބަ އެގޭނު؟ !
އަލިމްސް
07 March 2018
މީޑިއާގެ ގައުމީ އެވޯޑް ލިބިފައިތިބި މީހުންގެވެސް ޑިގްރީއެއްނެތް. ދެނޯ
އެފް އެމް
07 March 2018
މީޑިއާތައް ހަރުދަނާކުރުމަށް ކޮންމެ ފިޔަވަޅެއް އެޅިޔަސް އެވަނީ ޖެއްސުމަކަށް ފަހިވެފަ އޮންނަންވީ މީޑިއާއަށް އެހެޔޮ މުޅިގްއުމުގެ މަސްލަހަތަތައް ނަގާލަމުން ދިޔަޔަސް