ހައްދެއް ނެތި ޔުރޭނިއަމް ފައްކާކުރާނަން: އީރާން

އީރާނުގެ ރައީސް ހަސަން ރޫހާނީ ގައުމާ މުޚާތަބް ކުރައްވާ ތަގްރީރު ކުރައްވަނީ. --ފޮޓޯ:އޭއެފްޕީ

ހަސަން އާމިރު، މިހާރު

09 މެއި 2018 - 10:56

ތެހެރާން (މެއި 9) - ނިއުކްލިއާ އެއްބަސްވުމުން އެމެރިކާ ވަކިވުމުގެ ރައްދެއްގެ ގޮތުން ހައްދެއް ނެތި އީރާނުން ޔުރޭނިއަމް ފައްކާ ކުރަން ފަށަން ޖެހިދާނެކަމުގެ އިންޒާރު ރައީސް ހަސަން ރޫހާނީ ދެއްވައިފި އެވެ.

ނިއުކްލިއާ އެއްބަސްވުމުން އެމެރިކާ ވަކިވިކަން ރައީސް ޑޮނަލްޑް ޓްރަމްޕް ރޭ އިއުލާން ކުރެއްވުމާ އެކު ރޫހާނީ ދެއްވި ބަޔާނުގައި ވިދާޅުވީ އީރާނުން ފަހުގެ ނިންމުން ނިންމުމުގެ ކުރިން އެއްބަސްވުމުގައި ސޮއިކޮށްފައި ތިބި އެހެން ގައުމުތައް ކަމަށްވާ އިނގިރޭސި ވިލާތް، ފްރާންސް، ޖަރުމަން، ރަޝިޔާ، ޗައިނާ އަދި ޔޫރަޕިއަން ޔޫނިއަންއާ އެކު މަޝްވަރާ ކުރާނެ ކަމަށެވެ. ޓްރަމްޕުގެ ނިންމުން ރޫހާނީ ސިފަ ކުރައްވާފައި ވަނީ އީރާނާ ދެކޮޅަަށް އިއުލާން ކުރި ނަފްސާނީ ހަނގުރާމައެއްގެ ގޮތުގަ އެވެ.

"އީރާނިއަން އެޓޮމިކް އެނާޖީ އޮގަނައިޒޭޝަނަށް އަޅުގަނޑު މިހާރު ވާނީ ޔުރޭނިއަމް ފައްކާ ކުރަން އަޅަން ޖެހޭ ފިޔަވަޅުތައް އެޅުމަށް ތައްޔާރުވެ ތިބުމަށް އަންގާފައި. ގޮތެއް ނިންމުމުގެ ކުރިން ނިއުކްލިއާ އެއްބަސްވުމުގެ އެހެން ބައިވެރިންނާ މަޝްވަރާ ކުރާނަން،" ގައުމީ ޓީވީން ދެއްކި ތަގްރީރުގައި ރޫހާނީ ވިދާޅުވި އެވެ.

އީރާނުގެ ރައީސް ވިދާޅުވީ ނިއުކްލިއާ އެއްބަސްވުމުގައި 2015 ވަނަ އަހަރު ސޮއިކުރި ފަހުން އެ އެއްބަސްވުމަށް އީރާނުން ފުރިހަމަ އަށް އަމަލު ކުރިކަން ބައިނަލްއަގުވާމީ ފަރާތްތަކުން ހެކިވާނެ ކަމަށެވެ. އެކަމަކު އެއްބަސްވުމާ ޚިލާފުވީ ކޮން ގައުމެއްކަން މިއަދު ހާމަވެއްޖެ ކަމަށް ވިދާޅުވި އެވެ.

އިޒްރޭލަށް އިޝާރަތް ކުރައްވާ ރޫހާނީ ވިދާޅުވީ ޓްރަމްޕުގެ ނިންމުމަށް ތާއިދު ކުރި ހަމައެކަނި ބަޔަކީ ޒަޔަނިސްޓް ދައުލަތް ކަމަށެވެ.

އީރާން އީރާންގެ ނިއުކުލިއާ ޕްރޮގްރާމް

7 ކޮމެންޓް, 37 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޔޯޔޯ

09 May 2018

ނަފްސާނީ ހަނގުރާމައޭ؟ އެކޯޗެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

09 May 2018

ޔަހޫދީންގެ ސިފަ ތަކުގެ ތެރޭގައި ހިމެނޭ ވައުދެއް ވިއްޔާ އެވައުދަކާ ހިލާފުވުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުންއަސަރު

09 May 2018

ތީ މީހުންނަކީ. ކުރާތި. ކޮށްފާނޫނީ ހުއްޓާނުލާތި. ކަމެއްނުކުރަންޏާ ފިސާރި ކެރިގެންކުރާތި. އަނގައެއްއޮތަކަސް އަދި ކަމަކު ނުދާނެ. ކަންވެސްވާންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޤީރުކަލޯ!

09 May 2018

އީރާނަކީ ކޮންބައެއްކަން ކަލެއަށް އެނގޭތަ؟ މިހާތަނަށް ފާރިސީން ބަލިވެފައިވަނީ ހަމައެކަނި މުސްލިމުން އަތުންނެވެ. މިއަދުގެ އެމެރިކާ އެ މުސްކުޅިވަނީ އީރާނު ބަލިކުރަން ކުރި ހުރިހައި މަސައްކަތެއް ފަނުފުލުން ގޮސް ގޮތްހުސްވެގެންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުންއަސަރު

10 May 2018

މިކިޔަނީވެސް ހަމަ ތިހެން. ތިކިޔަނީވެސް ހަމަ މިބުނާގޮތަށް. އެނގޭތީ މިކިޔަނީ. ހުރިހާއެއްޗެއްވެސް ފައްކާކުރަންވާނެ. ޔަހޫދީންބަލިކަށިކޮށް ނިކަމެތިވާވަރަށް ފައްކާކުރަންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫ ބެއްޔާ

09 May 2018

ބޮޑު އަނގަ ނުތަޅާށެވެ. އެކަން ޓްރަމްޕަށް ނުކުރެވޭނެކަމަށް ކިހާ ބާރަށް ބުނިކަން ހަނދާންވޭހެއްޔެވެ؟ https://mihaaru.com/world/8707

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބްރާންޗް

09 May 2018

ނުކުރެވޭނެއޭ ބުނީ، އިންސާނުން މި ތަބާވާ ޢާއްމު ހަމަތަކާ ބައިނަލްއަގުވާމީ ޤާނޫނީ އިމުގެ ތެރެއިން ކުރެވޭނެކަމެއް ނޫންވީމަ.. ސިޔާސީގޮތުން މީހުން ދައްކާ ވާހަކަތަކާއި ދޭ އިންޒާރުތައް ނޭންގެންޏާ ކޮމެންޓްނުކޮށް ޓޮމް އެންޑް ޖެރީ ބަލަން ގޭގަ އޮވެބަލަ.