ޑިމޮކްރެސީ އަށް ޖާގަ އޮތްކަން ތުރުކީ ރައްޔިތުން ދައްކުވައިދީފި

ޑިމޮކްރެސީ އަށް ތާއީދުކޮށް ތުރުކީގައި ބޭއްވި އެއްވުމުގައި އިދިކޮޅު ފަރާތްތަކުން ވެސް ބައިވެރިވި. --ފޮޓޯ:އޭއެފްޕީ

ހަސަން އާމިރު، މިހާރު

25 ޖުލައި 2016 - 11:26

އަންކާރާ (ޖުލައި 25) - ތުރުކީ އަށް ގެންނަން އުޅުނު ބާޣާވާތް ކުށްވެރިކޮށް، އެ ގައުމުގައި ޑިމޮކްރެސީ އަށް ޖާގަ އޮތްކަން ދައްކުވައި ދިނުމަށް އެތައް ހާސް ބަޔަކު އިސްތަންބޫލްގައި ބޮޑު އެއްވުމެއް ބާއްވައިފި އެވެ.

ޑިމޮކްރެސީ އަށް ތާއީދުކޮށް އެއްވުން އިންތިޒާމް ކުރީ އިދިކޮޅު ސީއެޗްޕީންނެވެ. މި އެއްވުމަށް ވަނީ ރައީސް ރަޖަބް ތައްޔިބު އުރުދުޣާންގެ އޭކޭ ޕާޓީން ވެސް ތާއީދުކޮށްފަ އެވެ. ރަތް ދިދަތަކުން މައިދާން ފުރާލާފައިވާ އިރު އެއްބަޔަކު ވަނީ "ގައުމު ދިފާއުކުރާނެ ކަމަށް ބުނެ" ލިޔުންތައް އުފުލައިފަ އެވެ.

އިސްތަންބޫލްގެ ތަކްސިމް މައިދާން ވަނީ ރަތް ދިދައާ އެކު ޑިމޮކްރެސީގެ ފެސްޓިވަލެއްގެ ގޮތަށް ބަދަލުކޮށްލާފައި. --ފޮޓޯ:އޭއެފްޕީ

ސީއެޗްޕީގެ ލީޑަރު ވަނީ ޑިމޮކްރެސީ ކުރި ހޯދައިފި ކަމަށް ވިދާޅުވެފަ އެވެ. އަދި އޭނާ ވަނީ ޚުދުމުޚުތާރުކަމުގެ ނުރައްކާ ބޮޑު ކަމަށް ވެސް ވިދާޅުވެފަ އެވެ. ޚިޔާލު ފާޅުކުރުމާއި އެއްވެ އުޅުމުގެ މިނިވަންކަމުގެ މުހިންމުކަން ބޮޑު ކަމަށް ވެސް އޭނާ ވިދާޅުވި އެވެ.

"ބަޣާވާތާ ވެސް ދެކޮޅު. އަދި ޚުދުމުޚުތާރު ކަމާ ވެސް ދެކޮޅު،" އެއް ބެނާއެއްގައި ލިޔެފައިވެ އެވެ.

ސީއެޗްޕީގެ ސަޕޯޓަރުން އިސްތަންބޫލްގެ ތަކްސިމް މައިދާނަށް ރަތް ދިދަތައް ހިފައިގެން އެއްވި އިރު ތުރުކީގެ މި ޒަމާނުގެ ބާނީ މުސްތަފާ ކަމާލް އަތާތުރުކުގެ ފޮޓޯތައް ވެސް ހިފައިގެން އެއްބަޔަކު ތިއްބެވެ. ސިޔާސީ ގޮތުން ގައުމު ބައިބައިވެފައިވީ ނަމަވެސް އިސްތަންބޫލްގެ މޭޔަރާއި އޭކޭ ޕާޓީގެ އެހެން ލީޑަރުން ވެސް އެއްވުމުގައި ބައިވެރިވި އެވެ.

އެއްވުމުގައި ބައިވެރިވި ގިނަ މީހުން ތިބީ ތުރުކީގެ މި ޒަމާނުގެ ބާނީ އަތާތުރުގެ ފޮޓޯތައް ހިފައިގެން. --ފޮޓޯ:އޭއެފްޕީ

ބަޣާވާތަށް ފަހު ރައީސް އުރުދުޣާން ވަނީ ތުރުކީގައި ވަރަށް ގިނަ ފިޔަވަޅުތައް އަޅުއްވަން ފައްޓަވައިފަ އެވެ. ތިން މަސް ދުވަހަށް ކުއްލި ހާލަތު އިއުލާންކޮށްފައިވާ އިރު ބައި ލައްކައެއްހާ މީހުންނާ ދެކޮޅަށް ވަނީ ފިޔަވަޅު އަޅައިފަ އެވެ. އަދި ރިޔާސީ ގާޑުންގެ ލަޝްކަރު ވަނީ އުވާލައިފަ އެވެ.

އެމްނެސްޓީ އިންޓަނޭޝަނަލް އިން ބުނެފައި ވަނީ ބަޣާވާތާ ގުޅިގެން ތުރުކީގައި ހައްޔަރުކޮށްފައިވާ މީހުންނަށް އަނިޔާކޮށް ރޭޕްކުރާ ކަމުގެ ހެކި އެ ޖަމާއަތަށް ލިބިފައިވާ ކަމަށެވެ. އަދި ބަންދުގައި ތިބި މީހުންނަށް ބައިނަލްއަގުވާމީ މޮނިޓަރުން ޒިޔާރަތް ކުރުމުގެ ފުރުސަތު ދޭން ޖެހޭނެ ކަމަށް އެމްނެސްޓީން ބުންޏެވެ.

ޑިމޮކްރަސީ ތުރުކީ ބަޣާވާތް

4 ކޮމެންޓް, 27 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މެންޓަލިސްޓް ރިލޯޑް

25 July 2016

އެކުވެރި ރަދީފް ބްރޯ ތިބުނީ ވަރަށް ބޮޑުތެދެއް.ދިވެހިރާއްޖޭގަ ޖާގައޮތީ ހުުދުމުހްތާރު ވެރިކަމަށް ކަމަށް. ނޫސްތަކުގެ ސުރުހީތަށް އެކަނި ހެކިދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

25 July 2016

އާނ ދެން އަމިއްލަޔަށް ބައާވާތް ކޮއްފަ މަގުތަކަށް މީހުންނެރެ ތިޔަހެން ސްޓަންޓެއް ހެދިދާނެ.މަރުހަބާ ގުލް.މަރުހަބާ ރައީސް ރަޖަބް ތައްޔިބު އުރުދުޣާން. ރާއްޖެއިންވެސް ދަނީ ކާބަންކޮޕީގަ ތިޔަކަން ފޮރުވަމުން. ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކްސް

25 July 2016

އާނ ތިކަން އެބަ އެނގޭ ހުޅަނގުގެ މީހުން ތުރުކީގައި ހިނގައިދިޔަ ނާކާމިޔާބު ބަޣާވާތާއި ގުޅޭގޮތުން އެތިބަ އުޅޭގޮތުން. ހުޅަނގުގެ މީހުންގެ އަޑީގައި ތިބެގެން ކުރަން އުޅުނު ބަޣާވާތް ނާކާމިޔާބުވީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާރިއޢު

25 July 2016

ތުރުކީގެ ލޮބުވެތި ރައްޔިތުންނަކީ ނުހަނުވިސްނުން ރަނގަޅުބައެއް އިސްލާމީ އުއްމަތުގަ ހުޅަނގުން ހިންގާ ޖަރީމާތަ ތުރުކީގެ ރައްޔިތުން ރަނގަޅަޢްދެނެތިބި ޢުރުދުޣާންގެ ސަރުކާރާއި މެދު ހިއްނހަމަ ނުޖެހުމާއި އެކުވެސް ހުރިހާކަމެއްގެ ކުރިޔަށް ވަތަނީރޫހުނެރެ ލާއިންސާނީ ހުޅަނގަށް ނޫނެކޭބުނުމުގައި ކުރިޔަށް ފިޔަވަޅު އަޅައިފި . އެހެނިހެން ގައުމުތަކުން މިމަގުން ކަނަތަށް ކޮއްފިނަމަ ހުޅަނގުގެ ބޯވަތަށްޖަހާނެ.