ދަފްތަރުގައި ޖެއްސުމަށް، ތިން ދުވަސް ތެރޭގައި 1،800 ފޯމު ނަގައިފި

ފްލެޓަށް އެދޭ ފޯމް ހޯދުމަށްޓަކައި ދަރުބާރުގޭގައި މީހުން ތޮއްޖެހިފައި.---ފޮޓޯ: ނިޝާން އަލީ/މިހާރު

އާމިނަތު ޝިފްލީން، މިހާރު

15 ޖުލައި 2018 - 18:30

މާލޭ ދަފްތަރުގައި ރަޖިސްޓްރީ ވުމަށް މިދިޔަ ތިން ދުވަހުގެ ތެރޭގައި 1،800 އަށް ވުރެ ގިނަ މީހުން ފޯމު ނަގާފައިވާ ކަމަށް ހައުސިން މިނިސްޓްރީން މިއަދު ބުނެފި އެވެ.

ދަފްތަރުގައި ރަޖިސްޓްރީ ވުމުގެ ފުރުސަތު މިދިޔަ ބުދަ ދުވަހު ހުޅުވާލުމާ އެކު، ބޮޑު ތަރުހީބެއް ލިބިފައި މި ވަނީ، ދަފްތަރުގައި ޖައްސާފައިވާ މީހުންނަށް ފްލެޓް ދޭން ސަރުކާރުން ނިންމާފައި ވާތީ އެވެ. މާލޭގެ ރަށްވެއްސެއްގެ ގޮތުގައި، ދަފްތަރުގައި ރަޖިސްޓަރީ ވެފައިވާ މީހުންނަށް ހިޔާ މަޝްރޫއުގެ ދަށުން ދެ ކެޓަގަރީއެއް ވަނީ ކަނޑައަޅައިފަ އެވެ. އެއީ ދަފްތަރުގައި ރަޖިސްޓަރީ ވެފައިވާ މީހުންނަށް ދޭ ދެ ކޮޓަރީގެ ފްލެޓާއި އެއް ކޮޓަރީގެ ފްލެޓް ހިމެނޭ ކެޓަގަރީ އެވެ.

ހައުސިން މިނިސްޓްރީން ބުނީ ދަފްތަރުގައި ރަޖިސްޓަރީ ވުމުގެ ފުރުސަތު، މުއްދަތެއް ނެތް ގޮތަށް ހުޅުވާލާފައި އޮތް ނަމަވެސް، ދަފްތަރު ކެޓަގަރީން ފްލެޓަށް ފޯމު ހުށަހެޅުމުގެ ފުރުސަތު އަންނަ މަހުގެ 31 ގައި ހަމަވާނެ ކަމަށެވެ. އެހެންވެ، ވީހާ ވެސް ގިނަ ބަޔަކު ދަފްތަރުގައި ރަޖިސްޓްރީ ވުމަށް މިނިސްޓްރީން އެދިފައި ވެ އެވެ.

ދަފްތަރުގައި ރަޖިސްޓަރީ ވުމުގެ ފުރުސަތު ހުޅުވާލުމާ އެކު، އެ ކަމަށް ހައުސިން މިނިސްޓްރީގައި ވަކި ތަނެއް ވަނީ ގާއިމްކޮށްފަ އެވެ. ދަފްތަރުގައި ރަޖިސްޓަރީ ވުމާއި އެ ކެޓަގަރީގެ ދަށުން ފްލެޓަށް ފޯމު ބަލައިގަތުން ވެސް ހަމަޖެހިފައިވަނީ އެތަނުންނެވެ.

ހައުސިން މިނިސްޓްރީގެ ނައިބު އިބްރާހިމް ނަޒީމް ވިދާޅުވީ، ދަފްތަރުގައި ރަޖިސްޓަރީ ވުމާ އެކު، ވަގުތީ ލިޔުމަކާއި ސްލިޕްކޮޅެއް ލިބޭނެ ކަމަށެވެ. ދަފްތަރު ކެޓަގަރީއަށް ފޯމު ހުށަހަޅަން ޖެހެނީ އެ ސްލިޕާ އެކު އެވެ.

އޭނާ ވިދާޅުވި ގޮތުގައި ދަފްތަރުގައި ރަޖިސްޓަރީ ވާން ހުށަހެޅި ނަމަވެސް، އެ މީހެއްގެ ނަން ދަފްތަރުގައި އޮންނާނީ އަންނަ ސެޕްޓެމްބަރު 23 ގައި އޮންނަ މި އަހަރުގެ ރިޔާސީ އިންތިޚާބަށް ފަހު އެވެ. އެއީ ރިޔާސީ އިންތިޚާބުުގައި ވޯޓުލުމުގެ ހައްގު ލިބިފައިވާ މީހުންގެ ލިސްޓު އެކުލަވާލައިި، މިހާރު އިއުލާން ކޮށްފައިވާތީ އެކަމުގެ ސަބަބުން ބައެއް މީހުންނަށް ވޯޓުލުމުގެ ހައްގު ގެއްލިދާނެތީ ކަމަށް ނަޒީމް ވިދާޅުވި އެވެ.

ދަފްތަރުގައި ރަޖިސްޓަރީ ވެފައިވާ މީހުންގެ ކެޓަގަރީ އަށް ގެނައި އިސްލާހުތަކުގެ ދަށުން މިހާރު ފްލެޓް ދިނުމުގައި ބަލަނީ ދަފްތަރުގައި ދެމިހުރި މުއްދަތަށާއި މާލޭގައި މެދުނުކެނޑި ދިރިއުޅުނު މުއްދަތަށެވެ.

އެގޮތުން، އެންމެ ގިނަ ޕޮއިންޓް ލިބެނީ ދަފްތަރުގައި ރަޖިސްޓަރީވެފައި ވާތާ އެންމެ ގިނަ ދުވަސްވީ މީހުންނަށާއި މާލޭގައި ދިރިއުޅޭތާ އެންމެ ގިނަ ދުވަސްވީ މީހުންނަށެވެ. މީގެ 31 އަހަރު ކުރިން ހުޅުވާލި "ހާއްސަ ދަފުތަރު"ގައި މިހާތަނަށް މާލޭގެ 3،264 މީހުން ރަޖިސްޓަރީ ވެފައި ވެ އެވެ. އަދި މާލެ އަށް ރަޖިސްޓަރީ ބަދަލުކުރުމަށް އެކި ރަށްރަށުން 12،000 އަށް ވުރެ ގިނަ މީހުން ރަޖިސްޓަރީ ވެފައިވެ އެވެ.

ހައުސިން މިނިސްޓްރީ ހައުސިން ޔުނިޓް މާލޭ ދަފްތަރު ހިޔާ ފްލެޓްތައް މާލެ

7 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތުންތުން

16 July 2018

ބުނާތީ އަޑުއަހާ ވާހަކައެއް: "ގަދަފައި ނަގާފާ ދަފްތަރު ހައުސިންގްއަް ބަދަލުކޮށް ދަފްތަރުގައި "ޖެއްސުމަށް ހުޅުވާލި" ބޭނުމަކީ މާލޭގައި މީހުން ދިރިއުޅޭގޭގޭގެ ވެރިންގެ އައިޑީ ކާޑު ހޯދުން. ސަބަބަކީ ސަރުކާރު ފިކުރަށް ތާއީދު އެންމެދަށް އެއްތަނަކީ މާލެ ކަން ކެމްޕޭނުއޮފީހުގެ ވެއެތުވެދިޔަ 4 އަހަރުގެ މަސައްކަތުން އެނގިފައިވާތީ، ސީދާ އިދިކޮޅު ފިކުރުގެ މީހުންގެ އައިޑީކާޑު ހޯދާ، އިލެކްޝަން ކޮމިޝަން މެދުވެރިކޮށް، ވޯޓުލާތަން އެހެންތާކަށް ބަދަލުކުރުން. އެމީހުންނަށް ވޯޓު ނުލެވޭނެގޮތް ހެދުން ނުވަތަ އުނދަގޫކުރުން. މިކަންކަމަކީ ވޯޓުލާމީހުންގެ ލިސްޓު އާންމު ކުރުމަށްފަހު ހިނގާނެ ކަންކަމޯލަ. އަނެއްބޭނުމަކީ ޕީޕީ ބޭނުންނުވާގޮތަކަށް ނަތީޖާ ނިކުމެއްޖެނަމަ ކޯޓަށް ވެއްދޭނެ މައްސަލަތަކެއް އުފެއްދުން." ކޮންމެގޮތެއްވިޔަސް އައިޑީކާޑު ކޮޕީ ދޭއިރު އެ ކޮޕީގައި އެ ކޮޕީ ދެވުނީ ކޮންކަމަކަށް ކޮންތާކަށްކަން ލިޔުއްވާ. އައިޑީކާޑަށް އަރާހެން މައުލޫމާތު ދެލިގަނޑަށް ނާރާހެން ލިޔުއްވާ. އެއިރަށް ކޮންމެސްވަރަކަށް ވަގުން ސަލާމަތްވެވިދާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދީބު

16 July 2018

މާނައަކީ ކުރިއަށް އޮތް އިންތިޚާބުގައި ރައީސް ޔާމީން ކާމިޔާބު ކުރައްވާނީ ތިޔަ 15 ހާސް ވޯޓުގެ ތަފާތުންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮހުއްތު

16 July 2018

މީ އަޖާއިބެއްކަހަލަ ކަންކަން ހިނގާ ޒަމާނެކެވެ. މާލޭގައި އޯކިޑް މަގުގައި އޯކިޑް ބިލްޑިންގ ކިޔާ ބިލްޑިންގއެއް އެބަހުއްޓެވެ. އަމީރު އަޙްމަދު މަގުގައިވެސް އޯކިޑް ބިލްޑިންގ ނަމަކަށް ކިޔާ ބިލްޑިންގއެއް އެބަހުއްޓެވެ. ޒަމާނުއްސުރެ މާލޭގައި އޯކިޑް މަގުގެ ނަން އެމަގަށް ދީގެން އެމަގުގައި އޯކިޑް ބިލްޑިންގ ބަހައްޓައިގެން އުޅެނިކޮށް އެހެން ބަޔަކަށް މިނަން ބިލްޑިންގއަކަށް ކިޔުނީ ކީއްވެގެން ކަމެއް އެނގޭ މީހަކު އެބަހުރި ބާވައެވެ. ކޮޕީރައިޓްސްގެ ގާނޫނު އޮތްކަން ދަންނަ މީހަކު އެބަހުރި ބާވައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރިކީލަ

16 July 2018

ބޮޑު ތަކުލީފުތަކެއް. ދެން ކިހިނެއް ވޯޓު ލިބޭނެ ކަމަށް ހީކުރަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހުމަދުބެ

15 July 2018

ދަފްތަރުގައި ކުރިން ޖެހެވެނީ 5 އަހަރު އުޅުނީމަ. ދަފްތަރު ކުރިންޖެހިފަތިބި މީހުނަށް މާރކްސްދޭއިރު އެ5އަހަރަށް ޕޮއިންޓުދޭންވާނެ. މިހާރު މާލޭއުޅުނު މުއްދަތު އޮންނާނީ މުއިއްޒުވެފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންނާނެއޭ

15 July 2018

ދަފްތަރުގައި ޖެއްސުމަށް، ތިން ދުވަސް ތެރޭގައި 1،800 ފޯމު ނަގައިފި ނަމަ އެކަމަކީ އެއީ މަމެން އުފާ ކުރާ ކަމެކޭ މީއޭ ރިޔާސީ އިންތިޚާބުގައި ގޭމް ޗޭންޖް ކުރާނެ އެއް އީކްއޭޝަން އަކީ ދެން އަނެއް އީކްއޭޝަން އަކީ އެއީ މާލެ ސަރަހައްދުގައި ވިޔަފާރި ކުރާ ފަރާތް ތަކަށް ކުޑަ އަގުގައި ތިލަފުށިން ވެސް އަދި ގުޅިފަޅުން ވެސް ބިން ލިބޭނެ ގޮތް ހެދުމޭ މިކަން ކަން ކުރާށޭ ކުރާށޭ ކުރާށޭ އެއިރުން މަމެންނަށް ޔަގީނޭ ހިންނަވަރޭ މެންނަށް މާލެ ސަރަހައްދުން 2000 ވޯޓް ވެސް ނުލިބޭނެއޭ އެކަން ކަށަވަރު ކުރުމަށްޓަކައި ސަރުކާރުގެ އެނަރޖީ ދުއްވަންވީ ސަރުކާރުން ހައްލު ނުކުރެވި ހުރި ކަންކަން ހައްލު ކުރަންއޭ މާލެ ސަރަަހައްދުން ފްލެޓްސް ތައް ދޭނެ ކަމުގެ ލިޔުން ހަވާލު ކުރަންވީ 20 ހާސް މީހުންނާއި 2019 ނިމުމުގެ ކުރިން އަދި މާލެ ސަރަަހައްދުން 50 ހާސް ވިޔަފާރި ބިން ތައް 50 ހާސް ވިޔަފާރި ވެރިންނަށް ދޭނެ ކަމުގެ ލިޔުން ތައް ހަވާލު ކުރަންވީ 2019 ނިމުމުގެ ކުރިން ބިން ތައް ދޭނެ ކަމަށް މަމެންނަށް ޔަގީނޭ އުފުރިގެން އަންނާނެ ކަން.