ވިޔަފާރި / ވެލާނާ އިންޓަނޭޝަނަލް އެއާޕޯޓް

ވެލާނާ އެއާޕޯޓުގެ އާ ޓާމިނަލް ހެދުމުގެ މަސައްކަތް ވެސް ކުރިޔަށް އެބަދޭ: އެމްއޭސީއެލް

އެމްއޭސީއެލްގެ މެނޭޖިން ޑިރެކްޓަރު އާދިލް މޫސާ މިއަދު ނޫސްވެރިންނާ ވާހަކަދައްކަވަނީ. ފޮޓޯ: ނިޝާން އަލީ /މިހާރު

އަބްދުﷲ ޖަމީލު، މިހާރު

31 ޖުލައި 2018 - 14:34

ވެލާނާ އިންޓަނޭޝަނަލް އެއާޕޯޓު (ވީއައިއޭ)ގެ ތަރައްގީގެ މަޝްރޫއުތައް ޝެޑިއުލާ އެއްގޮތަށް ކުރިޔަށްދާ ކަމަށާއި އާ ޓާމިނަލްގެ މަސައްކަތް ވެސް ކުރިޔަށްދާ ކަމަށް މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން މިއަދު ބުނެފި އެވެ.

އެއާޕޯޓުގައި ނޫސްވެރިންނާ ވާހަކަދައްކަވަމުން އެ ކުންފުނީގެ މެނޭޖިން ޑިރެކްޓަރު އާދިލް މޫސާ ވިދާޅުވީ ސައުދީ ބިންލާދިން ގްރޫޕާ ހަވާލުކޮށްގެން ކުރިޔަށް ގެންދާ އާ ޓާމިނަލްގެ ޕައިލް ޖެހުމާއި ޓާމިނަލް ސަރަހައްދުގައި ފެންސް ޖަހައި ނިމިފައިވާ ކަމަށެވެ.

ގާތްގަނޑަކަށް 350 މިލިއަން ޑޮލަރު ހަރަދުކޮށް، އަހަރަކު 7.5 މިލިއަން ފަސިންޖަރުންނަށް ހިދުމަތް ދެވޭ ފެންވަރަށް އެންމެ ޒަމާނީ ވަސީލަތްތަކާ އެކު ހަދާ އެއާޕޯޓުގެ ޓާމިނަލް ޕްރޮޖެކްޓްގެ މަސައްކަތް ސައުދީގެ އެންމެ ބޮޑު ކޮންސްޓްރަކްޝަން ކުންފުންޏާ ހަވާލުކުރީ މެއި، 2016 ގަ އެވެ. އޭރު އެމްއޭސީއެލް އިން ބުނެފައި ވަނީ އަލަށް ހަދާ ޓާމިނަލްގެ މަސައްކަތް ނިންމަން ތިން އަހަރެއްހާ ދުވަސް ނަގާނެ ކަމަށާއި އެ ތަން ބޭނުން ކުރަން ފެށޭނީ 2019 ވަނަ އަހަރު ކަމަށެވެ.

ވެލާނާ އިންޓަނޭޝަނަލް އެއާޕޯޓުގެ ޑިޕާޗާ ހޯލުގައި ހުރި އާ ޓާމިނަލްގެ ކުރެހުން ދައްކައިދޭ ބޯޑެއް: އާ ޓާމިނަލްގެ މަސައްކަތް ވެސް ކުރިޔަށްދާ ކަމަށް އެމްއޭސީއެލް އިން ބުނި.

އާ ޓާމިނަލް ހަދަން ފަށާފައި ވަނީ މިހާރުގެ އިންޓަނޭޝަނަލް ޓާމިނަލާ ޖެހިގެން ދެކުނަށް އޮތް ސަރަހައްދުގަ އެވެ.

އާދިލް ވިދާޅުވި ގޮތުގައި ކުންފުނިން މި ވަގުތު އެންމެ މުހިންމު މަސައްކަތެއްގެ ގޮތުގައި ކުރިޔަށް ގެންދަނީ އާ ރަންވޭ ނިންމުމުގެ މަސައްކަތެވެ. އަދި އެ ކުންފުނިން ލަފާކުރަނީ އާ ރަންވޭގެ މަސައްކަތް އަންނަ މަހުގެ 30 ގެ ނިޔަލަށް ނިންމާލެވޭނެ ކަމަށެވެ.

"އެންމެ މުހިންމު މަސައްކަތެއްގެ ގޮތުގައި މިހާރު ކުރިޔަށް ދަނީ ރަންވޭގެ މަސައްކަތްތައް. ރަންވޭގެ މަސައްކަތް ނިންމުމަށް ކުރަން ޖެހޭ މަސައްކަތްތައް ކުރިޔަށް އެބަދޭ،" އޭނާ ވިދާޅުވި އެވެ.

Hulhule ge aa terminal beynun kureveynee 2019 gai: MACL

The most trusted news source in the Maldives

Mihaaru

އާދިލް ވިދާޅުވީ އެ ކުންފުނިން މަސައްކަތްކުރަނީ ރަންވޭގެ އަމަލީ މަސައްކަތް އަންނަ މަހު ނިންމުމަށްފަހު، ސެޕްޓެމްބަރު މަހުގެ ކުރީކޮޅު ޓެސްޓް ފްލައިޓެއް ޖެއްސުމަށް ކުރަން ޖެހޭ ކަންތައްތައް ކަމަށެވެ.

އެ އެއާޕޯޓުގައި އަލަށް ހަދާ ރަންވޭގައި މިހާރު ވަނީ ސެންޓަ ލައިޓް އާއި ބޯޓު ޖައްސަން އަންނަ ޒޯނުގައި ހުންނަ އެޕްރޯޗް ލައިޓް ހަރުކުރަން ފަށައިފަ އެވެ. މީގެ އިތުރުން ރަންވޭގެ މެދު ބައި ނިންމުމުގެ މަސައްކަތް ވެސް މިހާރު ވަނީ ފަށައިފަ އެވެ. އެ މަސައްކަތް ވެސް ވިއްސަކަށް ދުވަހުގެ ތެރޭގައި ނިންމާލެވޭނެ ކަމަށް އެމްއޭސީއެލް އިން ލަފާކުރެ އެވެ.

އެމްއޭސީއެލް އެއާޕޯޓް އާ ޓާމިނަލް ވީއައިއޭގެ އާ ރަންވޭގެ މަޝްރޫއު ވެލާނާ އިންޓަނޭޝަނަލް އެއާޕޯޓް

9 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލިފުއަލިފު2018

01 August 2018

2016 ގަ ހަވާލު ކުރި މަސައްކަތެއް އަދި ކިރިޔާ ފެންސު ޖެހުނީ، ގައިމު ރަންވޭ ހަދނީ އެހެން ކުންފުންޏަކުން ، ޓާމިނަލް އަޅަން ހަވާލުކުރީ އެހެން ކުންފުޏަކާ، ރަންވޭ ނިންމާށޭކިޔާފަ މިކަން ނުހިނގާ އޮންނަންޖެހޭ ސަބަބެއްނުވިސްނޭ، ތީގަ ކޮންމެސް އެހެން ނުބައެއް އެބައުޅޭ، ނެގި ލޯނަށް ވީގޮތެއް ބަލަންޖެހޭ، އަނެއްކާ އޮޅިގެން ނުބައި އެކައުންޓަކަށް ޖަމާކުރިބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންނި ބަފާބޭ

01 August 2018

ކަމެއް ކުރިޔަސް ގޯސް ނުކުރިޔަސް ގޯސް... ދިވެހިންނަށް ރަގަޅު އެއް ޖޮތެއްވެސް ނޯންނާނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީމް

01 August 2018

2016 ގަ މަސައްކަތް ހަވާލުކުރި ޓާމިނަލް ގޯތީފެންސް ޖަހާނުނިމޭ 2018 ނިމެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިމަރުބެ

01 August 2018

އާދިލް ވިދާޅުވިޔަސް މިހާރު ޓާމިނަލް ހަދަނީ ބިންލާދިން ކޮންސްޓްރަކްޝަން ކުންފުންޏަކުންނޫން، ބިންލާދިން ކުންފުނި ބޭނުންކޮށްފައިވަނީ ޕްރޮކްސީއެއްގެ ގޮތުގައި، މުޅި އެއާޕޯޓްގެ މަސައްކަތް މިހާރު ހިންގަނީ ޗައިނާގެ ކުންފުނިން، އަދި ހުރިހައި މަސައްކަތު މީހުންވެސް އަދި ސާމާނުވެސް އެއީ ޗައިނާގެ ކުންފުނީގެ ފަރާތުން، ބިންލާދިން ކުންފުނި އެއީ ބީލަން ދިން ފަރާތް، އެކަމަކު ބިޑު އެމީހުން ނަގާފައި ޗައިނާގެ ކުންފުންޏާއި ހަވާލުކުރިފަހުން އެމީހުން އެކަމުގައި ބައިވެރިނުވޭ، އެމީހުންގެ ފައިދާއާއި، އަދި ރާއްޖެއިން ފައިދާނެގި ބަޔަކު ނަގާފައި މިހާރު ހަރަދުކުޑަކޮށް ހެދުމަށް ޗައިނާގެ ކުންފުންޏާއި ހަވާލުކުރީ، އެއާޕޯޓްގެ އަގު މުހައްމަދު ސައީދު ވިދާޅުވަނީ 1 ބިލިއަން ޑޮލަރޭ، ރައީސް ޔާމީނު ވިދާޅުވަނީ 1.2 ބިލިއަން ޑޮލަރޭ، ތިޔަ ކުންފުނިން ކިޔާ އަދަދަކީ 800 މިލިއަން ޑޮލަރު، އެހެންކަމުން ހުރިހައިކަމެއްވެސް ވަރަށް ސާފްވާންޖެހޭ، ރައްޔިތުންގެ ފައިސާހޭދަކުރާގޮތް ސާފްވާން އެބަޖެހޭ