ރާއްޖޭގައި އުޅޭ ބިދޭސީންތަކެއް މަސައްކަތެއް ކުރަނީ. - ފޮޓޯ: މިހާރު
08 ސެޕްޓެމްބަރ 2018 - 13:32
17 comments
ރާއްޖޭގައި މަސައްކަތްކުރާ ބިދޭސީންނާއި ޓޫރިސްޓު ވިސާގައި އަންނަ މީހުން ރާއްޖޭގެ ސިޔާސީ އެއްވުންތަކާއި ހަރަކާތްތަކުގައި ބައިވެރިވާ ނަމަ ވިސާ ކެންސަލް ކުރާނެ ކަމުގެ އިންޒާރު މޯލްޑިވްސް އިމިގްރޭޝަނުން މިއަދު ދީފި އެވެ.
އިމިގްރޭޝަނުން ނެރުނު ބަޔާނެއްގައި ބުނީ ވަޒީފާގައި އުޅޭ ބިދޭސީނާއި ޓޫރިސްޓުން އެއްވެސް މިންވަރަކަށް ސިޔާސީ ކަމެއްގައި ހަރާތްތެރިވުމަކީ ވިސާ ދިނުމުގެ އުސޫލާ ހިލާފު ކަމެއް ކަމަށެވެ. އަދި އެފަދަ ކަމެއް ކޮށްފި ފަރާތެއްގެ ވިސާ ކެންސަލްކުރަން ފަސްނުޖެހޭނެ ކަމަށް ވެސް ބުންޏެވެ.
މިއީ ކުރިއަށް އޮތް ރިޔާސީ އިންތިހާބު ކަވަރުކުރަން ނުވަތަ މޮނިޓަކުރަން އަންނަ ބޭރު މީހުންނަށް އަމާޒުކުރި އިންޒާރެއް ކަމެއް ނުވަތަ ރާއްޖޭގައި މިހާރު ވެސް ވަޒީފާ އަދާކުރަމުން އަންނަ ބިދޭސީންގެ އަމަލް ހުރި ގޮތުން ނެރުނު ބަޔާނެއް ކަމެއް ނޭނގެ އެވެ.
"އަޅުގަނޑުމެން އެދެނީ ރާއްޖޭގައި އުޅޭ ހުރިހާ ބިދޭސީން ވެސް އަދި އެ މީހުން ލައްވައި މަސައްކަތްކުރުވާ ފަރާތުން ވެސް ރާއްޖޭގެ ގާނޫނުތަކަށާއި ގަވައިދުތަކަށް އިހުތިރާމްކުރާށެވެ،" އިމިގްރޭޝަންގެ ބަޔާނުގައިވެ އެވެ.
އިމިގްރޭޝަނުން ބުނީ ގަވައިދުތަކާ ހިލާފަށް ބިދޭސީން ލައްވާ މަސައްކަތްކުރުވާ ފަރާތްތަކާ މެދު ވެސް ގާނޫނުގައިވާ ގޮތުގެ މަތިން ފިޔަވަޅު އަޅާނެ ކަމަށެވެ.
އިމިގްރޭޝަންގެ އިންޒާރު މި ގޮތަށް އައިއިރު މާލެ އާއި ރަށްރަށުގެ މަގުތަކުގައި ޕީޕީއެމްގެ ދިދަފަތި ދެމުމާއި ކެމްޕޭން ޖަލްސާތައް ބާއްވަން ތަންތަން ތައްޔާރުކުރުން ފަދަ ކަންކަމުގައި ސަރުކާރު ކުންފުނިތަކުގެ ބިދޭސީ މުވައްޒަފުން ހަރަކާތްތެރިވެ އެވެ.
އިމިގްރޭޝަނުން މީގެ ކުރިން ވަނީ ޓޫރިސްޓު ވިސާގައި ރާއްޖެ އެތެރެވެ، ސިޔާސީ ބައެއް ހަރަކާތްތައް ކަވަރުކުރަން އުޅުނު ބޭރުގެ ނޫސްވެރިން އަނބުރާ ފޮނުވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލީމް
09 September 2018
ޕީީޕީއެމް ޖަލްސާ ތައްޔާރު ކުރަނީ ބިދޭސީން. ގިނައީކުންފުނިތަކުގެ މުވައްޒަފުން. ފޮނުވާލަންޏާ ފޮނުވާލާންވީ.
ދަތްނެތްކުއްޖާ
08 September 2018
ރޭގެ ޖަލްސާގައި ގޮނޑި އަތުރަން އުލުނީ ކޮންކޮން ޤައުމެއްގެ ކުދިންކޮލެއްތޯ!
ޢަލީމް
09 September 2018
ޕީޕީއެމްގެ ތާއީދު ބޮޑުކަމުން ހުރިހާ ކަމެއްކުރަނީ ބިދޭސީ މަސައްކަތު މީހުން. ލަދުންހަލާކު. އިދިކޮޅުފަރާތްތަކުގެ ގުޅިފައިވާ ޖަލްސާތައްޔާރުކުރީ މުޒލިންވެސް ދިވެހިން.
އިބަ
08 September 2018
މިފަހަރު އިމިގްރޭސަން ހާދަ އަބުއިވީ މި.އަހަރެމެން އިންޑިޢަގަ ސްޓޫޑެންޓް ވިސަގަހިރި ދުވަސް ވަރުވެސް އެތަނުގަ ނޭބަހުޑް ބަދަލުކޮށް އަހެން ހިސާބަކާށް ދިއުމުން އހިސަބެއްގެ ޕޮލިސް ސްޓޭސަނުގަ ރެގިސްޓްރިވަންޖެހޭ.ނޭބާހޫޑް ޕެތްރޯލްކުރަފުލުހުން ނަށް ހިސަބުގަޑުން ނުފެންނަ މުނެއް ފެނުނީމަ މަގުމަތިން ހުއްޓުވާ ސުވާލުކޮށް އައިޑެންޓިފިކޭސަން ދެއްކުމަށް ސުވާލުކުރޭ.މިގައުމުގަ ބިދޭސިން އޫޅެނީ ހިތުހުރުހާ ގޮތަކަށް.މިކަމުގަ އަޑީގަތިބެނީ ހަމަ ވިޔަފާރިވެރިންނާ ރާއްޖޭގަ ހިޔމަންޓްރެފިކިން ވިޔފަރިހިންގާ މީހުން.މާލޭގަ 4 ޕުރޮޅުވެހިކަލް އެތެރެކުރެވެނީވެސް ގަރާޖް އޮވެގެން.އެކަމަކު ފައިސާވެރިން ކާރު އެތެރެކުރާއިރު އެބުނާ ގަރާޖެއް ނޯވެ.މުޅިމަގުމަތީގަ ދެފަރާތުގަ ކާރު ޕާކުކޮށް މަގުތައް ތޮއްޖެހިފަ.މިއުސޫލުން ބިދޭސިން އެތެރެކުރުވަނީ.ކޮންޓްރެކްޓަށް މަސައްކަތް ހިންގާފަރާތް ތަކަށް އިމިގްރެސަން ނުވިކޭނަމަ ބިދޭސިން ހިތުހުރިހާ ގޮތަކަށް މާލެގައާ ރަށްރަށުގަ އުޅެވޭނެބާ.
ޑޮކްޓަރުންގެ ސިޓީ / އައްޑޫ ސިޓީ
08 September 2018
ރާއްޖޭގެއިމިޤްރޭޝަން ޤާނޫނާއިހިލާފަށް އެންމެގިނަ ބިދޭސިންއެތެރެވެތިބި ބަންގްދޭޝްރައްޔިތުން މިދައުރުގައި އެތެރެވިގޮތާއިބެހޭގޮތުން ބަންގާޅުފުލުހުންހޯދާފައިވާ ހެއްކާއި ޤަރީނާތަކުގެމައްޗަށްބިނާކޮށް “އެކަންކުރިމީހުންނަށް ހިއުމަންސްޓްރެފިކް ކުރުމުގެކުށުގެދައުވާއުފުލާ އެމީހުން ކަޓްގެގޮތުގައިނަގާފައިވާ 6 މިލިޔަނެއްހާ ޑޮލަރުގެ މައްސަލަ ބަންގާޅުފުލުހުންނާއި ގުޅިގެންތަޙްޤީގު ކުރާނީ އިބޫގެ ސަރުކާރުން. . . އަދި ދިވެހިޕާސްޕޯޓްގެ އިތުބާރު ބޭރު ޤައުމުތަކުގައި ހިފެހެއްޓުމަށް 18އ މަތީގެ އެންމެނަށް އެންމެޒަމާނީ ސެކިއުރިޓީ ފީޗާސްހިމެނޭ ޕާސްޕޯޓް ދޫކުރާނެ. . . . ސަރަހައްދުން އިންޑިޔާ، ސްރީލަންކާއާއި ސިންގަޕޯރގެ އިތުރުން އޮސްޓްރޭލިއާ ނިއުޒީލަންޑް، އެމަރިކާ، ކެނަޑާ، ޤަތަރު، ޖަޕާން، އާއި ޔޯރަޕިއަން އިއްތިހާދުގެ ޤައުމުތައްފިޔަވާ އެހެން ޤައުމުތަކުގެ މީހުން ރާއްޖެ އައުމުގެ ކުރިން “އެޑްވާންސް ވީސާ ނެގުމަށާއި 100 ޑޮލަރުގެ ވީސާފީއެއް” ތައާރަފްކޮށް ޤާނޫނާއި ހިލާފު ބިދޭސިންގެ މައްސަލަ ހައްލުކުރާނީވެސް އިބޫގެ ސަރުކާރު.
ޙަސަންން
08 September 2018
ގަވާއިދާ ހިލާފަށް އުޅޭބިދޭސީން ވަރަށް ވަރަށް ގިނަ. ބައެއްބިދޭސީން ފުޅާދާެިރާއެއްގަ ވިޔަފާރިކުރަނީ. މާރުކުކޭޓު ގޮޅިތަކުގެ ވެރިން އެއީ. ހެނދުނު 9 ޖަހާ އެހާއިރު ޒިކުރާ މިސްކިތް ކުރިމަތީބައިވަރު...ބޭނުން މީހަކު ބޭނުން ކަމެއް ކުރާވަރަށް ބިދޭސީން ލިބޭނެ. ލޭބަރ ޕްރޮސްޓިޓިއުޝަން. ކުރުނބާ ގާޑިއާތަކުގެ ވެރިން............ ކޮބާ އިމިގްރޭޝަން..... ޢެންމެ ކުޑަމިނުން ކާކު އެތެރެ ކުރި ބައެއްތޯ ބެލުމެއް އަދި ބަލާކަށް ވެސް ބޭނުމެއް ނުވޭ. ސުޕަމާޓް ތަކުގަ ހުސް ބިދޭސީން..... ހުރިހާކަމެއަ ވިޔަފާރިވެރިންނަށް... ގައުމަށް ބެލުމެއް ނެތް...
ރަންބުއްދި
08 September 2018
ތިޔައޮތި މިގައުމުގަ ވެރިން ހިންގާ ޖަރިމާ ހާމަޔަށް ފެންނަން.އަވައްތެރިގައުމެއްގަ ސުޓޫޑެންޓް ވިސަގަ ބޭރުގަ ކިޔަވަން ހުރި ދަރިވަރަކަށް ވިއްޔާ އެގެނޭ ވިސާނެތި ހިތުހުރިގޮތަކަށް ބޭރުގައުމެއްގަ ނޫޅެވޭނެކަން.ތިޔަ ބަންގާޅިންނެއްނޫން މައްސަލައަކީ.އެމީހުން އާމްދަނީ ހޯދަނީ ދިވެހިންނަށް ގިއްކިޔާފަ ގުލާނު ކޮށްދީގެން.ތިޔަ ބިދޭސިން ފޮނުވާލަން އިމިގްރޭސަން އޮފިސަރުން ނަށް ކެރޭނެތަ.ޓްރެފިކް ފުލުހުން ލައިސަން ޗެކުކުރާ ގޮތަށް އިމިގްރޭސަން އޮފިސަރުން ނުކުމެ ތިގޮތަށް މަޖީދިމަގު ނުވަތަ އެހެން ހިސާބަކު ތިބެ ބިދޭސިން ގެ ވާކުޕާމިޓު ވިސާ ޗެކުކުރަން ކެރޭނެތަ.ނުވަނެ.މަތިން ަންނާނީ ތިކަން ހުއްޓުވަން ޢޯޑަރު.ތިޔަ ބިދޭސިން ނަކީ ބަޔަކު މިހުން ކުރާ ވިޔަފާރިގަޑެއް.
ބާރޑީނަމްނަމް
08 September 2018
ކާނިވާ ސަރަހައްދުގައި ރޭގަ ބޭއްވި ޕީޕީ ޖަލްސާއަށް ދިދަޖަހާ ތައްޔާރުކުރަން އުޅުނީ މަގުހަދަން ގެންގުޅޭ ބަންގްލަދޭޝް މީހުން. އެމީހުން ދިޔައީ މިނިސްޓްރީން އަންގައިގެން. އިނގިގެން މިބުނަނީ. މުއިއްޒަށް ފިޔަވަޅު އަޅަން ކެރޭނެ؟
ސަބާހު
08 September 2018
ތީ މިތާ މަސައްކަތްކުރާ ބިޭސީންނަށް ދިން އިންޒާރެެއް ނޫން. ތީ އިންތިޚާބު ނުގަވައިދުން ކަވަރުކުރަން އުޅޭ މީހުންނަށް ދިން އިންޒާރެެއް. މިހެން މިބުނީ މިހާރު ހުރިހާ ފިހާރަތަކެއް ކައުންޓަރުތަކުގާ ބިދޭސީން ތިބޭތީ. ކަހާތަން ހިރުވާލާނެ މީހަކު ނެތް. އެކަމަކު ގަނޫނީގޮތުން ބޮޑުވެގެންވާ މަނާކަމެއް.
ޔައުނީ
08 September 2018
މި ޙަބަރު ކިޔައިިގެން ރުޅިއައިސްގެން މިއުޅެނީ އިންޑިޔާ މީހުން ދެއްތޯ؟ ސިޔާސީވިޔަސް ބޮޑުވަރު، އަމިއްލަ ގައުމު އޮޅޭވަރުވީމަ. ބަލަގަ މިއީ އިންޑިޔާގެ އަވަށެއް ނޫން، އަދި އަމުދުން ކޮމޮންވެލްތުގެ އިސްތިއުމާރީ ބާރު މިހާރު ހިނގާ ތަނެއްވެސް ނޫން!!!
ޖަހޯބަރާ
08 September 2018
އިއްޔެ އާރަންވޭގަ ޖެއްސިފްލައިޓުން މާގިނަ ބިދޭސީން އައީތޯ..! ނޫނީ ރޭގަ ބިރުވެރި ހުވަފެނެއް ފެނުނީތޯ..!
ސައީދާ
08 September 2018
ފިޔަވަޅެއްނޭޅުނެއްނޫން.! ކިތައްބިދޭސީން ގަވާއިދާހިލާފަށް "ކެސުއަލް ސްޓާފްން" ގެ ނަމުގަ އެހެން ބައެއްގަ އަތުން ހަޔާރކޮއްގެން ގެންގުޅެނީ. މިހާރު ރިސޯޓުގަ މާއާއްމުކަމެއް. ހިމަންދޫ ކާރީގަ އޮންނަރިސޯޓަކީ މިކަމުގަމާކުރީގައުޅޭ ބައެއް.