މިރޭގެ ޖަލްސާގައި ޑިފެންސް މިނިސްޓަރު އާދަމް ވާހަކަ ދައްކަވަނީ: ކޮރަޕްޝަންގެ ބިރުވެރިކަން ރާއްޖޭގައި ބޮޑު ކަމަށް ވިދާޅުވި --މިހާރު ފޮޓޯ/ނިޝާން އަލީ
03 ނޮވެމްބަރ 2018 - 22:53
40 comments
ގައުމުގެ ސިޔާދަތަށް ނުރައްކާވާ މިންވަރަށް ރާއްޖޭގައި ކޮރަޕްޝަންގެ ބިރުވެރިކަން އެބައޮތް ކަމަށް ޑިފެންސް މިނިސްޓަރު އާދަމް ޝަރީފް މިރޭ ވިދާޅުވެއްޖެ އެވެ.
މިއަދު ފާހަގަ ކުރަމުންދާ ނަސްރު ދުވަހުގެ މުނާސަބަތުގައި މިރޭ ބޭއްވި ޖަލްސާގައި ވާހަކަ ދައްކަވަމުން އާދަމް ޝަރީފް ވަކި ބަޔަކު ބޭނުންވާ ގޮތަށް ކަންކަން ކުރުމަށްޓަކައި ކޮރަޕްޝަނަށް ދެވި ހިފުމުގެ ނަތީޖާއެއްގެ ގޮތުން ރާއްޖޭގެ ކަންކަން "ޚަރާބު ވެފައިވާ" ކަމަށެވެ. އަދި ކޮރަޕްޝަންގެ ސަބަބުން ގައުމުގެ ސިޔާދަތާއި މަސްލަހަތަށް ނުރައްކާވަމުންދާ މަންޒަރު އެބަ ފެންނަ ކަމަށާއި އެކަންކަން އޮތީ ބިރުވެރިވާން ޖެހޭ ދަރަޖައެއްގައި ކަމަށާއި ގައުމިއްޔަތަށް ބަދަލު ގެނެވިދާނެ ކަމުގެ އިންޒާރުގެ ރަނގަބީލު ޖެހެމުންދާ ކަމަށް ވެސް އާދަމް ވިދާޅުވި އެވެ.
"ނަޒާހަތްތެރިކަމާއި އިންސާފުގެ ތިލަފަތުގެ މީޒާނަކީ އަދި އަނިޔާ އާއި ބޭއިންސާފުގެ ހަންމުށި ހުއްޓުވައިދެނީ ކޮރަޕްޝަނާއި މާދިއްޔަތާއި ނުފޫޒުން ކަމަށް ގަބޫލު ކުރަންޖެހޭ ފަދަ މަންޒަރުތައް އަޅުގަނޑުމެންނަށް މިއަދު މިދަނީ ފެންނަމުން." އާދަމް ވިދާޅުވި އެވެ.
ކޮރަޕްޝަނަކީ މީގެ އެތައް ދުވަހެއް ކުރީއްސުރެން ފެށިގެން ދައްކަމުން ގެންދާ ވާހަކައެއް ކަން ފާހަގަ ކުރައްވައި، އާދަމް ވިދާޅުވީ ކޮރަޕްޝަންގެ ސަބަބުން ގައުމުގެ މަސްލަހަތު ގެއްލޭ މިންވަރަށް ބައެއް ތަންތަނުގެ ހާލަތު ގޮސްފައި އެބަހުރި ކަމަށެވެ. އެކަން ހުއްޓުވުމަށްޓަކައި ދައުލަތުގެ މުއައްސަސާތަކާއި ރައްޔިތުންގެ މަންދޫބުންނާއި އަމިއްލަ ޖަމާއަތްތަކުން ވެސް މަސައްކަތް ކުރަންޖެހޭ ކަމަށާއި އެހެން ނޫން ނަމަ، އޭގެ ގެއްލުން ފަހުން ފެނިގެންދާނެ ކަމަށް އޭނާ ވިދާޅުވި އެވެ.
"އެހެން ނޫނީ ވިއްޔާ އިސާހިތަކު ދިވެހިންގެ ސިޔާދަތު ގެއްލިދާނެ. ދިވެހިން އަޅުވެތި ވެދާނެ،" އާދަމް ވިދާޅުވި އެވެ.
މިރޭގެ ޖަލްސާގައި ޑިފެންސް މިނިސްޓަރާއި ސިފައިންގެ އޮފިސަރުން --މިހާރު ފޮޓޯ/ނިޝާން އަލީ
ނޮވެމްބަރު 3 ގައި ރާއްޖެއަށް ދިން އުދުވާނީ ހަމަލާއާ ގުޅިގެން އާދަމް ވިދާޅުވީ އޭގެފަހުން ވެސް އެފަދަ ހާދިސާތައް ރާއްޖެއަށް ވަނީ ކުރިމަތިވެފައި ކަަމަށެވެ. މި ސަރުކާރުގެ ވޭތުވެދިޔަ ފަސް އަހަރުގެ ތެރޭގައި އެފަދަ ހާދިސާތައް ދިމާވި މިންވަރު އިތުރުވި ކަމަށާއި އެކަންކަމުން ސަލާމަތް ވެވުނީ ރައީސް އަބްދުﷲ ޔާމީން ސާބިިތުވެ ހުންނެވުމާއި އެ ހާދިސާތަކުގައި ސިފައިން ކުރި ހަރުދަނާ މަސައްކަތްތަކުން ކަމަށް ވެސް އޭނާ ވިދާޅުވި އެވެ.
"ސިޔާސީ ނުފޫޒު އެއްކިބާވެ، ގައުމު އިސް ކުރައްވައިގެން ދިވެހި ސިފައިން ވަނީ އެތައް އަނދަވަޅަކަށް ވެއްޓެމުން ދިޔަ މި ގައުމު ސަލާމަތްކޮށް ދެއްވާފައި،" އާދަމް ވިދާޅުވި އެވެ.
ބޭރުގެ ނުފޫޒުތަކަށް އިޝާރާތް ކުރައްވައި، އާދަމް ވިދާޅުވި ގޮތުގައި ގައުމުތަކުގެ ވެރިކަން ބަދަލު ކުރުމުގައި ގިނަ ފަހަރަށް އެންމެ އިސް ދައުރެއް އަދާ ކުރާނީ އެ ގައުމަކާ މެދު ހަސަދަވެރިވާ ފަރާތްތަކެއް ނުވަތަ ގައުމުތަކެކެވެ. ބޭރުގެ ގައުމުތަކުން އެކަން ކުރަނީ ހައްގުތަކާއި މިނިވަންކަމުގެ ވާހަކަ ބަހަނާއަކަށް ދައްކައިގެން، ގައުމުތަކުގެ ދާޚިލީ ކަންކަމުގެ ތެރެއަށް ވަދެ، ހަމަނުޖެހުން އުފައްދައިގެން ކަމަށާއި ޚާއްސަކޮށް، އިސްލާމީ ގައުމުތަކަށް މި ނުރައްކާ ވަކިން ބޮޑު ކަމަށް ވެސް އާދަމް ވިދާޅުވި އެވެ.
"އެފަދަ ގައުމުތަކުގެ ވެރިންނާ މެދު ދުނިޔޭގެ ބޮޑެތި ގައުމުތަކުން ގެންގުޅެނީ ހިޔަޅުގެ ބުއްދި. ޚާއްސަކޮށް އިސްލާމީ ގައުމުތަކާ މެދު ބާރު ގަދަ ގައުމުތަކުން ކަންތައް ކުރަނީ ކަނޑުގެ އުސޫލުން. ބޮޑެތި ގައުމުތައް އަޑީގައި ތިބެގެން ދުނިޔޭގެ އިސްލާމީ ޒައީމުން އެކަހެރިކޮށް، ނުވަތަ އަޒުލް ކުރަމުންދަނީ މިދެންނެވި އުކުޅުތައް ބޭނުން ކޮށްގެން،" އާދަމް ވިދާޅުވި އެވެ.
އާދަމް ވިދާޅުވި ގޮތުގައި ވެރިންގެ އަބުރު ކަތިލައި، މުއައްސަސާތަކާ މެދު އިތުބާރު ގެއްލުވާލަން ދައްކާ ހަގީގަތާ ޚިލާފް ވާހަކަތަކަކީ ތެދު މައުލޫމާތު ކަމަށް ދެއްކުމުގެ ސަގާފަތެއް ވެސް މިހާރު ދުނިޔޭގައި ދަނީ ފަތުރަމުންނެވެ. އަދި ކުށެއް ނެތް މީހުންގެ ހައްގަށް ވުރެ ސިޔާސީ މީހުންގެ ހައްގުތައް އިސް ކުރަމުންދާ މަންޒަރު ފެންނަމުންދާ ކަމަށާއި އެއީ ވެސް އިންސާފުތޯ އޭނާ ސުވާލު އުފެއްދެވި އެވެ.
"ވަކި ބައެއްގެ ހައްގުތަކުގެ ވާހަކަ ދައްކާފައި، ދެން ތިބި މީހުންގެ ހައްގުތަކުގެ ވާހަކަ އާއި އެ މީހުންގެ އިމްތިޔާޒްތަކުގެ ވާހަކަ ނުދައްކާ ހިމޭނުން ތިބުމަކީ އިންސާފުތޯ؟. އެއްވެސް ކުށެއް ނެތި މަގުމަތީގައި އުޅެމުންދާ މީހުން މަރާލުމަށް ފަހު އެ މީހުންނަށް ލިބެންޖެހޭ އިންސާފު ލަސްވަމުންދާތީ ކަންބޮޑު ނުވަނީ ކީއްވެގެންތޯ؟" އޭނާ ސުވާލު ކުރެއްވި އެވެ.
"ގާނޫނުގެ ކުރިމަތީގައި އެންމެންނަކީ ހަމަހަމަ ބައެއް. އެހެންވީމަ ހުރިހާ މުއައްސަސާތަކުން ވެސް އެކަން ކަށަވަރުކޮށްދޭ ނަމަ ކިހާ ރަނގަޅު ވާނެތޯ؟" އާދަމް ވިދާޅުވި އެވެ.
އާދަމް ޝަރީފް ވިދާޅުވީ ނޮވެމްބަރު 3 ގައި ދިވެހި ސިފައިން ދެއްކީ ވަރަށް ވަރުގަދަ ހިތްވަރެއް ކަމަށާއި އަދި އޭރުގެ ރައީސް މައުމޫން އަބްދުލްގައްޔޫމް ކުރެއްވި މަސައްކަތްޕުޅާއި ރާއްޖެ ސަލާމަތް ކުރުމުގައި އެދުވަހު އިންޑިއާ ސަރުކާރުން ފޯރުކޮށް ދިން އެހީތެރިކަމަށްޓަކައި ވެސް ޝުކުރު އަދާ ކުރައްވާ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހަންމާ
04 November 2018
ވިސްނުނު އިރު އޮތީ ވާނެ ހަތަރެތި ވެފަ. ގައުމު ދަރާފަ އޮތްވަރު އިގެނީ ކާކަށް؟
ރަދުންގެ ފަސްބައި
04 November 2018
ވިސްނޭނީ ވިސްނޭނެބަޔަކަށްތާއެވެ. ކިޔަވައިގެން ތިބޭ ގަމާރުންނާއި ގަމާރުންނާޖެހި ގަމާރުވާ ގަމާރުން ވެސް ގަމާރުންގެ ތެރޭގައި ތިބޭނެތާއެވެ. އާދަނު ދެއްކި ވާހަކަތައް ވަރަށް ސާފެވެ. ނޮވެމްވަރު 3 ގެ ވާހަކައެވެ. ޤައުމުގެ ތަރިކަ ގަތުމަށާއި ޤައުމުހިމެނޭ ހިސާބު އެކުގައި ޙިސޯރު ކުރަން ކުރާ މަސައްކަތުގެ ވާހަކައެވެ. 1.22 ބިލިއަނުގެ ޚީޔާނާތުގައި އޭނާވެސް ނުހިމެނޭ ވާހަކައެއް ނޫނެވެ. އެކަމުގައި އޭނާގެ ޙިއްސާ އެނގިގެން ދަނީ ފުރާޅުން ޓިނި ނެގި ހިސާބުންނެވެ.
ފްލެޓް ބަހާ
04 November 2018
ކޮރަޕްޝަން ގެ ތުހުމަތު ގައި އެއްމެ ފުރަތަމަ މުއީޒް ހައްޔަރު ކުރަން ޖެހެއެވެ.
ޖޭމު
04 November 2018
ތެދެކެވެ.ފްލެޓް ދިނުމުގެ އުސޫލް ހަދާފައިވަނީ "ހަރުފަ ދުވާހެން" ނެވެ. ޝަރުތު ހަމަވިޔަސް ކަޓްވާން ބޭނުންވާ މީހުން ކަޓްވާފައި ޝަރުތު ހަމަ ނުވިޔަސް ފްލެޓް ދޭން ބޭނުންވާ މީހުނަށް ދެވޭ ގޮތަށެވެ.މީނާގެ އުސޫލްގެ މޮޅު ތަން ކޮޅަކީ އެއްމެ ދަރިއަކު ވެސް ނެތް ކާވެންޏެއް ވެސް ނުކޮށް ތިބި މީހުން ނަށް ފްލެޓް ލިބޭ ކެޓަގަރީ އެއް ހަދާފައިވާ އިރު ކާވަނި ކޮށްގެން ދަރިން 2 ލިބިފަފައިވާ މީހުނަށް ދްލެޓް ނުލިބޭ އުސޫލެއް ވެސް އޮންނަ ކަމެވެ.
ޖައިސާމް
04 November 2018
އާދަމް ޝަރީފް ލަދު ނުގަންނަކަން ޔާމިނު ސަރުކާރުގަ ހުރެގެން ކޮރަޕްޝަނޭ ކިޔަން.
ދަތްދޮޅި
04 November 2018
މިހާރުތޯ މަނިކުފާނަށް ތިޔަކަނ އަދި ތިޔަ އިހުސާސުވީ؟ ވަރަށް ހިތާމަހުރި. އެކަމު ތިޔަކަން މަނިކުފާނަށް ނޭގިއޮތްކަމަކަށް ގަބޫލެއް ނުކުރެވޭ. އެއީ ރާއްޖޭގެ އެންމެހާަ ރައްޔިތުންނަށް ތިޔަކަން އެނގިފައޮތީމަ. މިހާރު މަނިކުފާނު ތިޔަހެން ވިދާޅުވާނަމަ މަނިކުފާަނުގެ އިޚްލާސްތެރިކަމާމެދު ސުވާލުއުފެދޭ. އަދި ވައިއެޅުވުމުގެ ސިލްސިލާ 23 ސެޕްޓެމްބަރ ގަވަނީ ނިމިފަ.
އީމަން
04 November 2018
އާދަމް ޝަރީފު އުސްތާޒު ކައިރީ ތިވާހަކަ ދަންނަވަން ފެނޭ
ސިޔާދައްތަ
04 November 2018
ތިހާބޮޑު ނުރައްކަލެއްގެ ތެރޭގައި ނޫޅުއްވާ ތިކަންތައް ހައްލުކުރަން އެގޭ ބަޔަކާ ހަވާލުކޮއްފަ އަވަހަށް ވަޑައިގަންނަވާ. ކޮރަޕްޝަން މަދުކޮށް އަމަން އަމާންކަމާ، އިޖުތިމާއީ ހަމަޖެހުން ރައްޔިތުންނަށް ހޯދާދިނުމަށް މި ސަރުކާރަށް ލިބުނު 5 އަހަރު ހުރިހާ ކަމެއްވީ ގޯސް.
ޢަލިމަނިކުފާނު
04 November 2018
އާވާހަކައެއް ނޫން. އަޅުގަނޑުމެން ކުރިން ދައްކަމުން އައި ވާހަކަ. ހިތާމަހުރި ވާހައެއް. އެކަންކަމަށް ވިސްނަންވާ ވަރަށް ވިސްނާނުލެވުނީތީ، ނޫނީ ވިސްނާ ނުލީތީ މިއަދު ޙައިރާނެއް ނުވޭ.
ބަޑިތަކުރު
04 November 2018
5 އަހަރު ވަމުންދާއިރު މަޤާމުގެ މުއްދަތުވެސް ހަމަވާން ކައިރިވަމުން އަންނައިރު މާވަރަކަށް ކޮރަޕްޝަންގެ ވާހަކަ ދައްކަން މިފެށީ ކީއްވެބާވައެވެ. މިއޮއްހާދުވަހު އެޒާތުގެ ކަންފުޅެއްވެސް މިތާނގައި އޮތްކަން ދެނެހުރި ކަމަކަށް ނުހެދިއެވެ. އެންމެން އެހެންކިޔައި ބާވީފަހުން މިއަދު މިހެންކިޔާ މަޤްޞަދަކީ ކޮބައިތޯ ސުވާލު އުފެދެއެވެ.
އުދުހޭ
04 November 2018
ކޮރަޕްޝަނުގައި މަނިކުފާނުގެ ހިއްސާއަކީ ކޮބައިކަން ސާފުކޮށްލަދިންނަމަ. އެހެންމީހުންނަށް ނިސްބަތްވާގޮތަށް ވާހަކަދެއްކީމާ އަޅުގަނޑަށް ހައްތަހާވެސް ހީވަނީ އެދައްކަނީ ޔާމީނުގެ ވާހަކައޭ.