އަފްރާޝީމްގެ މަރާ ގުޅޭ ލިޔެކިއުންތައް ފުލުހަކު ނެތް: ރިޔާޒް ރަޝީދު

ވިލުފުށީ ދާއިރާގެ މެމްބަރު ރިޔާޒް މަޖިލީހުގެ ކޮމިޓީއެއްގައި: ކުރީގެ ޕޮލިސް ކޮމިޝަނަރު ރިޔާޒަށް އޭނާ މިއަދު ފާޑު ވިދާޅުވި. ފޮޓޯ: ނިޝާން އަލީ /މިހާރު

އަލީ ނާފިޒް، މިހާރު

15 އޯގަސްޓް 2016 - 14:02

32 comments

ރައްޔިތުންގެ މަޖިލީހުގެ ކުރީގެ މެމްބަރު އަފްރާޝީމް އަލީ އަވަހާރަކޮށްލި މައްސަލައިގައި ފުލުހުން ކުރާ ތަހުގީގުގެ ލިޔެކިއުންތައް ފުލުހުންގެ އިދާރާގައި ނެތް ކަމަށް މަޖިލީހުގެ ވިލުފުށީ ދާއިރާގެ ޕީޕީއެމް މެމްބަރު ރިޔާޒް ރަޝީދު މިއަދު ވިދާޅުވެއްޖެ އެވެ.

ކުރީގެ ޕޮލިސް ކޮމިޝަނަރު އަބްދުﷲ ރިޔާޒް މަޖިލިހުގައި މިއަދު ދެއްކެވި ވާހަކައަކަށް ރައްދު ދެއްވައި ރިޔާޒް ރަޝީދު ވިދާޅުވީ އަބްދުﷲ ރިޔާޒް ފުލުހުންގެ ވެރިޔަކަށް ހުންނަވައިގެން ހިންގެވި ތަހުގީގުތައް ފުރިހަމަކޮށްފައި ނުވާ ކަމަށެވެ. އެ ގޮތުން، އަފްރާޝީމްގެ މަރުގެ ތަހުގީގުގެ "އެއްވެސް ލިޔެކިއުމެއް" ނެތް ކަމަށް އޭނާ ވިދާޅުވި އެވެ.

"... [ރިޔާޒް] ހޯމް މިނިސްޓަރު ކަމަށް އައްޔަން ނުކުރަން ރައީސް ޔާމީން ނިންމެވީ ވެސް އޭނާގެ ނާގާބިލް ކަމުން،" ރިޔާޒް ވިދާޅުވި އެވެ.

ވެރިކަން ކުރާ ޕީޕީއެމްގެ ޕާލިމެންޓްރީ ގްރޫޕުގެ ނައިބު ލީޑަރުކަން ވެސް ކުރައްވާ ރިޔާޒްގެ އެ ވާހަކަތައް ކިނބިދޫ ދާއިރާގެ މެމްބަރު ރިޔާޒް ދޮގު ކުރެއްވި އެވެ.

އޭނާ "މިހާރު" އަށް ވިދާޅުވީ އަފްރާޝީމްގެ މަރުގެ ތަހުގީގުގައި އޭރު ގޮސްފައި އޮތް ހިސާބާ ގުޅޭ ހުރިހާ ލިޔެކިއުމެއް އޭނާ ފުލުހުންގެ ވަޒީފާ އިން ވަކިވެވަޑައިގެންނެވިއިރު ފުލުހުންގެ އިދާރާގައި ހުންނާނެ ކަމަށެވެ. އެއްވެސް ތަހުގީގެއްގެ ލިޔެކިއުންތައް ނައްތާލުން ނުވަތަ ފުލުހުންގެ އިދާރާ އިން ބޭރުކުރުން އެއީ އެ ތަނުގައި ގާއިމްކޮށްފައިވާ ހަރުދަނާ ނިޒާމުގެ ތެރެއިން ކުރެވޭނެ ކަމެއް ނޫން ކަމަށް ރިޔާޒް ވިދާޅުވި އެވެ.

"އެއީ ސިޔާސީ ގޮތުން ރައީސް [އަބްދުﷲ] ޔާމީންގެ ރުހުން ތަންކޮޅެއް ބޮޑަށް ހޯދަން ޖެހިފައިވާތީ ވިދާޅުވި އެއްޗެއް،" އޭނާ ވިދާޅުވި އެވެ.

ކުރީގެ ޕޮލިސް ކޮމިޝަނަރު، ކިނބިދޫ ދާއިރާގެ މެމްބަރު އަބްދުﷲ ރިޔާޒް މަޖިލީހުގެ މިއަދުގެ ޖަލްސާގައި ވާހަކަ ދައްކަވަނީ.-- ފޮޓޯ: މަޖިލިސް

އަފްރާޝީމްގެ މަރުގެ މައްސަލައިގެ ލިޔެކިއުންތައް ނެތް ކަމަށް ރިޔާޒް ވިދާޅުވި ވާހަކަ ފުލުހުން ވެސް ދޮގު ކުރި އެވެ. ފުލުހުންގެ ތަރުޖަމާނު އިސްމާއިލް އަލީ ވިދާޅުވީ އެއްވެސް ތަހުގީގެއްގެ ލިޔެކިޔުންތައް ނައްތާލާފައި ނުވާނެ ކަމަށެވެ.

"ފުލުހުން މިހާތަނަށް ނައްތާލާފައި ވާނީ ބަނގުރަލާއި މަސްތުވާތަކެތި. އެ ތަކެތި ނައްތާލާއިރު ނައްތާލާއިރު މީޑިއާ ވެސް ގެންގޮސްގެން ނައްތާލާނީ،" އޭނާ ވިދާޅުވި އެވެ.

މަޖިލީހުގެ މިއަދުގެ ޖަލްސާގައި ކުރީގެ ޕޮލިސް ކޮމިޝަނަރު ރިޔާޒް ވަނީ ފުލުހުންގެ މުއައްސަސާ އަށް ވަރަށް ބޮޑަށް ފާޑު ވިދާޅުވެފަ އެވެ. އޭނާ ތުހުމަތު ކުރެއްވި ގޮތުގައި ފުލުހުންނަށް ހުށަހެޅޭ މައްސަލަތައް މިނިވަންކަމާ އެކު ތަހުގީގު ކުރުމުގެ ބާރެއް ނެތް ކަމަށާއި ފުލުހުން ބޭނުންކޮށްގެން ބޮޑެތި ޖަރީމާތައް ވެސް ހިންގަމުން އަންނަ ކަމަށެވެ.

މެމްބަރު ރިޔާޒް ރަޝީދު މެމްބަރު އަބްދުﷲ ރިޔާޒް (ތިމަރަފުށި) ޑރ. އަފްރާޝީމް އަވަހާރަކޮށްލުން ފުލުހުން ރައްޔިތުންގެ މަޖިލިސް

32 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސާދާސީދާ

16 August 2016

ތިއީ ހަަމަތެދެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން

16 August 2016

ރިޔާޒު ރަޝީދަކީ ފަސްމީރު ކުރި ރުކެއް.ދޯނަޏަކަށް އެރީއްޔާ ކެޔޮޅެއް.ދަރުފަޅާ ތަނެއް ގައި ވިއްޔާ ބޭހޮއްކޮ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޙްމަދު

16 August 2016

މަޖިލީހުގައި ކޮންމެ ކަމެއް ކުރިއަސް މައްސަލަ އެއް ނެތް.އެއީ ޤާނޫނުގެ ބާރު ނުހިގާ ސަރަސހައްދެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހަންމަދު

16 August 2016

އަތޮޅޭމެންގެ އަމިއްލަ ޒާތީކަންތަކާ ކިތަންމެވަރަކަށް ނަފުރަތުއޮތްނަމަވެސް، އަދި ބައިބަދަލުނުކުރިނަމަވެސް މިއީ ތަންފުކެއްބޮޑުވަރެއްކަމުގައި ބެލެވެއެވެ. ބަސްޤަބޫލުކުރެވޭ އެއްވެސްބޮޑެއް އެއްވެސްތަނެއް ނެތިގޮއްސިއެވެ. ނުވަތަ ވަނީ ނެތިދިއުމުގެ މަގުމަތީގައެވެ. މަރުޙޫމް ޑރ. އަފްރާޝީމްގެ ޤަތުލަކީ އާދައިގެ ޤަތުލެއްނޫނެވެ. ފުރަތަމަކީ، ހެކިނައްތާލުމެވެ. ދެވަނަކަމަކީ ދިގުދެންމުމެވެ. މިހިންގޮސް ޢަދަދު ކިތަންމެވަރަކަށް އިތުރުކުރެވުނުނަމަވެސް، ޙަޤީޤަތަކީ، އެޤަތުލްގެސިއްރު އަދިވެސް ސާފުނުވާކަމެވެ. އިތުރަށް ދިގުދެމިގެން އޮޅުންބޮޅުންވަމުންދާކަމެވެ. 2012ގެ ފެބުރުވަރީ 7ގެފަހުން ފުލުހުންގެ މުވައްޞަސާއަކީ އިތުބާރުހިފޭކަހަލަތަނަކަށްވަނީވެފައެވެ. އަދި އެދުވަހުގެފަހުން އެތަނުގެކަންތައް ގޮސްފައިވަނީ ގޯހުން ގޯހަށެވެ. އެވާހަކަދައްކާކަށްނެތީމެވެ. އެކަމަކު މިއީ ފުކެއްބޮޑުވަރެކެވެ. ރިޔާޒު ރަޝީދުމެން މިފަދަވާހަކަދައްކާއިރު ހިތުހުރިއެއްޗެއްގޮވީމަ އެކަމާއި ޤާނޫނީގޮތުން ފިޔަވަޅުއެޅެންނެތެއްކަމަކު، ތަންދޮރު ބަލައިލައިގެން ވާހަކަދެއްކުމަކީ، އޮތްކަމެކެވެ. މިމީސްމީހުން މިފަދަވާހަކަދެއްކީމަ، އެކަމުގެ ނުސީދާގެއްލުން ފުލުހުންގެ ޢާއިލާތަކަށް ލިބެމުންދާނެކަން މަޖިލީހުގެމެންބަރުން ނުވިސްނާނަމަ، ވިސްނާނީ ކާކުބާވައެވެ؟ މިފަދަވާހަކައެއް ޢާންމުންގެމީހަކު، ނުވަތަ މީޑިޔާއަކުން ބުނެފިނަމަ، ފުލުހުންނާއި ބޮޑުން އެބަޔަކަށް ޙަމަލާއަށް ކުޅަނދުރުހަތައިގެ ކުޅަނދުރުސިފައިންފަދައިން ޙަމަލާދެއެވެ. އެކަމަކު ވަކިފެކްޝަނެއްގެ، ވަކިބާރެއްލިބިގެން ވަކިގޮތަކަށް ވާހަކަދެއްކުމުން ހުރިހާކަމެއް މަޢާފުވާގޮތާއިމެދު ސުވާލުއުފެދެއެވެ. ދައުލަތުގެ ވެރިޔާ، އަސްކަރިއްޔާއާއި މަދަނީފުލުހުންގެ ކޮމާންޑިންއޮފިސަރަކީ ދައުލަތާއި ދައުލަތުގެ މުވައްސަސާތަކުގެ ޢަބުރުވެރިކަން ހިފެހެއްޓުމުގެ ޒިންމާ އަދާކުރާފަރާތަށްވީހިނދު އެކަމާނޫޅުއްވައި، ޕާޓީއާއި ފެކްޝަންގެބޮޑަކު މިފަދަވާހަކަދެއްކީމައި ބީރުކަންފަތެއްދިނުމަކީ ވަރަށްޢާންމު ސިފަޔަކަށްވީނަމަވެސް، ޤާނޫނާއި ޤަވާޢިދެއްއޮންނައިރު، މިމީސްމީހުން މައިތިރިކޮށް ޒިންމާދާރުކުރުވަން ނޫޅޭނަމަ، އެކަންކުރާނީ، ކާކުބާވައެވެ! އެކަމަކު ޕާޓީތެރޭގައި ކަންތައްހުރިގޮތުން،، ކޮމާންޑިން އޮފިސަރުގެ ކަންފަަތް ބީރުވީތާއެވެ!!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިސާލު

15 August 2016

މިސާލަކަށް، މަޖިލީސް ފްލޯގައި ވާހަކަ ދައްކަވަމުން މެމްބަރަކު މީހަކު މެރިކަމަށް ނުވަތަ މެރުމުގައި ބައިވެރިވިކަމަށް ވިދާޅުވެއްޖެޔާ، ދައުވާކުރެވިދާނެތަ ނުވަތަ ތަހުގީގު ކުރުމަށް އެއްވެސް ވުޒާރާއަކަށް ހާޒިރުކުރެވިދާނެތަ، ނޫނީ އެވިދާޅުވުމާ ގުޅިގެން ކުރެވޭނެކަމެއް އެބައޮތް ތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންދީދީ

15 August 2016

ޖަވާބު: ނުކުރެވޭނެ. ރައްޔިތުންގެ މަޖިލީހުގެ ތެރޭގައި ހިންގިކަމަކުން، ބުނާ ބުނުމަކުން، ދެއްކިވާހަކައަކުން، ޖެއްސި ވައްތަރަކުން، ކުރިއޝާރާތަކުން، ފެނުނު މަންޒަރަކުން، ހަލާކު ކުރި އެއްޗަކުން، ހިނގާލި ގޮތަކުން، ލެއްވި އަޑަކުން ކުށްވެރި ނުވުން ވާޖިބު ވެފައިވަނީ. ދަލީލު. ރައްޔިތުންގެ މަޖްލިސްގެ ތެރޭގައި އެ މަޖްލިސްގެ މެމްބަރުންނަށް ގޯނިގޯނިގައި ރިޝްވަތުގެ ފައިސާ ގެންދިޔަ ކަމަށް ދޭހަވާ ޢިބާރާތަކުން ވާހަކަ ދެއްކުމުން އެއީ ކުށެއް ނޫންކަމަށް ގަބޫލުކުރެވުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންދީނި

16 August 2016

ދޮންދީީދީ ގެ ޖަވާބަށް 100 މާރކްސް ލިބޭނެކަން ޔަޤީން....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިހްސާންތެރިޔާ

15 August 2016

ރިޔާޒު ރަޝީދުގެ މައްޗަށް އަބުރުގެ ދައުވާއެއް ނުކުރެވޭނެ. ސަބަބަކީ މަޖިލީހުގެ ތަޅުމުގައި މެމްބަރަކު ދައްކާ ވާހަކަ އަކަށް އެއްވެސް ދައުވާއެއް ނުކުރެވޭނެތީވެ. އެކަމަކު އަބުރާ ބެހުނީމަ ދައުވާ އަސްލު ހަޤީގަތުގައި ކުރެވެންޖެހޭނެ މަޖިލީހުގެ ތަޅުމުގައި ކުރިޔަސް. ސަބަބަކީ މާތް ވެގެންވާ އިސްލާމް ދީނުގައި އަބުރާ ބެހުން މަނާ ކޮށްފަވާތީވެ އެޔަކަށް އިތުރު ބަހެއް ނުކިޔޭނެ ކަމަށް ބަލައި އެޤާނޫނު ފާސް ކުރީތީވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުއިދުއް

15 August 2016

މިހާރު ހަބަރުތައް ކިހާހިތްގައިމުތޯ. ހުރިހާފަރާތެއްގެ ބަސްހުރީ ހިމަނާފަ. މިގޮތަށް ހަބަރު ލިއުނީމަ ކިޔާމީހާއަށް ވެގެންއުޅޭގޮތް ފަހުމްވާނެ. ހަމައެކަނި ރިޔާޒުރަޝީދުގެ ބަސް އޮތްނަމަ ފުލުހުންނަށް ފާޑުފާޑުގެ ތުހުމަތުތައް ކުރާނެ. ހިޔާލުފާޅުކުރުމުގެ ގާނޫންގެ ފައިދާއަކީ މިއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒު

15 August 2016

ހުރިހާ ފަރާތެއްގެ ބަސް ހުރިނަމަވެސް ފުލުހުންގެ މުއައްސަސާގެ ގަދަރާ ކަރާމާތައް އުނިކަން އަންނަ ޒާތައް އިއްޒަތްތެރި މެމްބަރު ވާހަކަ ނުދައްކާ ކަމަކަށް ނުވާނެ، އެހެންވީމަ ތީތި ކަޑަ.