ވާދަވެރިކަމެއް އޮންނަ ނަމަ ހިދުމަތް ރަނގަޅުވެ އަގު ހެޔޮވެގެން ދާނެ: ހަލީލް

މަންތާ އެއާގެ ސީއީއޯ މުހައްމަދު ހަލީލް އެ ކުންފުނީގެ ބްރޭންޑް ލޯންޗް ކުރި ރަސްމިއްޔާތުގައި ވާހަކަ ދައްކަވަނީ. -- ފޮޓޯ: ހުސެން ވަހީދު.

މުހައްމަދު ފައިޒާން އިސްމާއިލް، މިހާރު

23 ނޮވެމްބަރ 2018 - 21:02

10 comments

އޭވިއޭޝަން ދާއިރާގައި ރަނގަޅު ވާދަވެރިކަމެއް އޮންނަ ނަމަ އެ ދާއިރާގެ ހިދުމަތް ރަނގަޅުވެ ހިދުމަތުގެ އަގު ހެޔޮވެގެން ދާނެ ކަމަށް މަންތާ އެއާގެ ޗީފް އެގްޒެކެޓިވް އޮފިސަ މުހައްމަދު ހަލީލް ވިދާޅުވެއްޖެ އެވެ.

ރޭ ދަރުބާރުގޭގައި މަންތާ އެއާގެ ބްރޭންޑް ރަސްމީކޮށް ލޯންޗް ކުރުމަށް ބޭއްވި ރަސްމިއްޔާތުގައި ވާހަކަ ދައްކަވަމުން ހަލީލް ވިދާޅުވީ ރާއްޖޭގެ ވިޔަފާރިތަކުގެ މޮނޮޕޮލީގެ ސަބަބުން ގިނަ މައްސަލަތަކެއް ކުރިމަތި ވެފައިވާ ކަމަށެވެ.

އެގޮތުން ރާއްޖޭގައި މަތީ ފެންވަރުގެ ރިސޯޓުތައް ހިންގަމުން އަންނަ އިރު، ގިނަ ފަތުރުވެރިންގެ ޝަކުވާ އަކީ އެއާޕޯޓުން ރިސޯޓަށް ދިއުމުގައި ދިމާވާ ތަކުލީފާއި، އަތުން ހަރަދުވާ ގިނަ އަދަދުގެ ފައިސާ ކަން ހަލީލް ފާހަގަ ކުރެއްވި އެވެ.

އެހެންކަމުން ރާއްޖޭގައި ކުރިއަރަމުން އަންނަ ޓޫރިޒަމް ދާއިރާގައި ގެސްޓް ހައުސްތަކާއި ރިސޯޓުތަކަށް ޒިޔާރަތް ކުރާ ޓޫރިސްޓުން ބޭނުން ވަނީ އެއާޕޯޓުން ރިސޯޓާއި ހަމަޔަށް ގެންގޮސްދޭނެ އެއާލައިނެއް ކަމަށް އެބޭފުޅާ ވިދާޅުވި އެވެ.

މަންތާ އެއާގެ މުވައްޒަފުންގެ ޔުނިފޯމް ދައްކާލުން. -- ފޮޓޯ: ހުސެން ވަހީދު

"އެ މައްސަލަތަކަކީ މި ދާއިރާގައި އޮތް މޮނޮޕޮލީގެ ސަބަބުން ކުރިމަތިވެފައިވާ މައްސަލަތަކެއް. ރަނގަޅު ވާދަވެރިކަމެއް އޮންނަ ނަމަ ހިދުމަތް ރަނގަޅުވާނެ. އަގު ވެސް ހެޔޮވާނެ." ހަލީލް ވިދާޅުވި އެވެ.

ރާއްޖޭގެ މުއާސަލާތީ ދާއިރާ މިސާލަކަށް ނަންގަވައިގެން ހަލީލް ވިދާޅުވީ ފަހަކަށް އައިސް، އެ ދާއިރާގައި ވާދަވެރިކަން އިތުރު ވުމުން ރަނގަޅު ބަދަލު ފެނުނު ކަމަށެވެ. އަދި އޭވިއޭޝަން ދާއިރާގައި ވެސް އެކަން އެގޮތަށް ނުވާންވީ ސަބަބެއް ނެތް ކަމަށް ހަލީލް ފާހަގަ ކުރެއްވި އެވެ.

އޭވިއޭޝަން ދާއިރާއަށް ދިމާވެފައި އޮތް މޮނޮޕޮލައިޒޭޝަންގެ މައްސަލަ އަށް ކުރިމަތިލައި، އެ ދާއިރާގައި ވާދަވެރިކަން ގެނައުމަށް މަސައްކަތް ކުރާ މަންތާ އެއާގެ ދަތުރުތައް ފަށާއިރު އެ ކުންފުނީގައި މަސައްކަތް ކުރާ މުވައްޒަފުންގެ ތެރެއިން 80 ޕަސެންޓަކީ ދިވެހިންނެވެ.

Manta Air ge furathama mathindhaaboat raajje genesfi

The most trusted news source in the Maldives

Mihaaru

ރޭ ދަރުބާރުގޭގައި ބޭއްވި ރަސްމިއްޔާތުގައި މަންތާ އެއާގެ ބްރޭންޑް ލޯންޗް ކޮށްދެއްވީ ނައިބު ރައީސް ފައިސަލް ނަސީމެވެ. އަދި އެ ކުންފުނިން އަންނަ މަހު ދަތުރުތައް ފަށަން ވަނީ ހަމަޖެހިފަ އެވެ. އެގޮތުން އެ ދަތުރުތައް ފެށުމަށް އެ ކުންފުނީގެ ފުރަތަމަ ފްލައިޓް ގެނެސް، ކުދަގަދަކޮށް ފާހަގަ ކޮށްފައި ވެއެވެ.

މަންތާ އެއާ ވައިގެ ދަތުރުފަތުރު

10 ކޮމެންޓް, 36 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެއްމިލިއަންދެރުފިޔާ

24 November 2018

ވާދަވެރިކަން ނެތިގެނެއްނޫން ދޯ ދިރާގައި އުރީދޫގެ އިންޓަނެޓް އަގުބޮޑުވެފަ ސްޕީޑް ދައްވެފަ، ކަނެކްޝަން އިރުއިރު ކޮޅާ ކެންޑެެނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަވަރޭ

24 November 2018

ގދ. ކާޑެއްދޫ އަށް އަވަހަށް ދަތުރުތައް ފައްޓަވާ ދެއްވާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާރަނގާ - އައްޑޫ ސިޓީ

24 November 2018

ސޯލިޙްގެ ސަރުކާރުން ވަޒީފާއިން ވަކިކުރާނެކަން އެގުމުން “33 އަހަރު ވަޒީފާގައި ހުރިވާހަކަ އާއި އެއްވެސް ސިޔާސީ ފިކުރެއްނެތް ކަމަށް ބުނިމީހާ” ކުންފުނީގެ ހުރިހާ އުސޫލުތަކާއި ހިލާފުވެ 4.8މ ރުފިޔާގެ ދަރަނި ދޫކުރުންފަދަ ކަންކަން ނުކޮށް ކުންފުނި ރަނގަޅަށް ހިންގިނަމަ މިއަދު ކުންފުނި ބަޤުރޫޓްުވެދާނެ ކަމުގެ ބިރު ނޯންނާނެ. * * ސޯލިހް އަވަސްކޮށް ކުރާންޖެހޭކަމަކީ މޯލްޑިވިއަންގެ 50 ޕަސެންޓް ހިއްސާ ބޭރުގެ 2 ކުންފުންޏަކަށް ވިއްކާ މޯލްޑިވިއަން ސަލާމަތްކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރ.އަތޮޅު

24 November 2018

އިފުރަށް ވެސް ދަތުރު ޝެޑިއުލް ކޮލާތި. މޯލްޑިވިއަން އަށް އަބަދު ލާރި ދީގެން ވެސް އަގުހެވެއް ނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޙްމަދު

24 November 2018

މޯލްޑިވިއަން ދަސްވެފައި އޮތީ މީހުންގެ ޖީބް ކަންޑާލައިގެން ވެސް ފައިސާކޮޅު ދަމައިގަތުން. 999ރ ޓިކެޓް ލިބެޔޭ ކިޔާ އަޑުއަހަން! ކިތަންމެ ކުރިން ނެގިޔަސް 999ރ ލިބޭ ދުވަހެއް ނާދޭ. އެފްލައިޓް ތަކުން ދޭޙިދުމެތް އެހާ ގޯސް. މީގެ ދެދުވަސް ކުރިން މޯލްޑިވިއަން ފްލެއިޓެއްގައި ދަތުރު ކުރިން. ފެންތައްޓެއް ހޯދަންވެގެ އާދޭން ކުރިން. ފޭބި ގަޑީގައި އަހާލީން ފެންފޮދެއްވެސް ނުލިބިނޭ ވަރަށް ދެރައޭ. އެމަންޖެ ބުނީ މަވަރަށް ބިޒީއޭ!!!!!!!!!!!!!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިޒް1

24 November 2018

ނޫނޭ.. މޮނޮޕޮލީ އޮންނަން ޖެހެނީ ކޮލިގޭ އާއިލާއާއި، ޗަމްޕާ އާއިލާއާއި، ބުރުމާގާސިމް އާއިލާގައި އެކަނި. އެމީހުން ދިވެހިރާއްޖޭގެ ޓްއަރިޒަމް ސިނާއަތުގައި މޮނޮޕޮލީ ކިތަންމެ ވަރަކަށް އޮތަސް، ރައްޔިތުންވެސް، ޓޫރިސްޓުން ހަމަ ހެވިދިލިފައި ދައްކަންޖެހޭ އަގެއް ދެއްކުމަށް އެއްވެސް މައްސަލައެއް ނެތް...ހަލީލަކަށް ނޭނގުނީ މަތީފެންވަރުގެ ޓޫރިސްޓުން 1ގަޑި 15 މިނިޓްގެ ދަތުރަކަށް 350 ޑޮލަރު ދައްކަން ޖެހުމުން އެއީ ކަހެރުވަކެކޭވެސް ހިތަކަށް ނާރާނެކަން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އީސީޕްލޭން

24 November 2018

80 ޕަސެންޓް މުއައްޒަފުންނަކީ ދިވެހިންނޭ ބުނުމުން ވަރަށް ލޯބި ޖެހިއްޖެ. 90% އަށްވެސް ހަދާތި. މިތާ މިހާރު ގިނައީ އިންޑިޔާ/ލަންކާ މީހުން މެނޭޖުކޮށް ފައިސާ ކިލޯކިލޯއިން ގައުމުން ބޭރުކުރާ ކުންފުނިތަށް. ބާއްޖަވެރި ނިޔާމަ ދަތުރުތަކަކަށް އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުއިރޯނު

23 November 2018

ވާދަވެރިކަމާއެކު ތިކަން ކުރާކަށް މޯލްޑިވިއަނަކަށް ނުކެރޭނެ. ކުންފުނި ބަނގުރޫޓު ވާނެ. މޯލްޑިވިއަން ޑިޕެންޑްވެފަ އޮތީ ރާއްޖޭގެ ވައިގެ ދަތުރުފަތުރުގެ މޮނޮޕޮލީ މޯލްޑިވިއަަން އަތުގަ ބޭއްވުމުގެ މަގްސަދުގަ. ކަން މިހެން ހުރުމުން މަންތާ އެއާ ވަރަށް ވިސްނަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޑިގިއްލާ

24 November 2018

މޯލްޑިވިއަން ނުފޫޒުތަކުން އެއްކިބާކޮށް ހިންގުން ހަރުދަނާ ކުރަންވީ..... އަދި މޯލްޑިވިއަންގެ 40 އިންސައްތަ ބޭރުގެ ތަޖުރިބާކާރު ކުންފުންނަކަށްދީ އެއަރލައިން ވަރުގަދަ ކުރަންވީ.... އޭރަކުން ކޮންމެ އިންތިހާބަކާ ދިމާކޮށް ވަކިލާރިގުޅިން ކޮއިން ނަގާހެން ސިޔާސީ މީހުންނަކަށް އަތެއްވެސް ނުބޭނޭނެ... ދައުލަތައް ފައިދާވާނަމަ މޮނޮޕޮލީއޮތުމަކުން މައްސަލައެއްނެތް.