21 އޯގަސްޓް 2016 - 11:16
ވިޔާނުދާކޮށް މަގުމަތީގައި އުޅެމުންދިޔަ 18 އަހަރުން ދަށުގެ 19 ކުއްޖަކަށް ދ. ވާނީގައި ހިންގި ކޭމްޕު ވަރަށް ކާމިޔާބު ކަމަށާއި މުޖުތަމައުން އެކުދިން އަލުން ބަލައިގަންނަން ޖެހޭނެ ކަމަށް ހޯމް މިނިސްޓަރު އަޒްލީން އަހުމަދު ރޭ ވިދާޅުވެއްޖެ އެވެ.
ދެ މަސް ދުވަހު ވާނީގައި ހިންގި ކޭމްޕް ނިންމަން އިސްކަންދަރު ކޮށީގައި ބޭއްވި ރަސްމިއްޔާތު ޝަރަފުވެރިކޮށްދެއްވައި ވާހަކަދައްކަވަމުން އަޒްލީން ވިދާޅުވީ ކޭމްޕަށް ދިޔަ ކުދިންގެ ދިރިއުޅުން ވަރަށް ބޮޑަށް ބަދަލުވެފައިވާ ކަމަށާއި އެ ކުދިން ހެޔޮ މަގުގައި ތިބުމަށް މުޖުތަމައުގެ އެއްބާރުލުން ބޭނުންވާ ކަމަށެވެ.
ކޭމްޕުގައި ބައިވެރިވި ކުއްޖަކަށް މިނިސްޓަރު އަޒްލީން ސެޓްފިކެޓް ހަވާލުކޮށްދެއްވަނީ.--ފޮޓޯ:މުހައްމަދު ޝަރުހާން\މިހާރު
"މިއީ ތިޔަ ބޭފުޅުންނަށް ދެ ވަނަ ފަހަރަށް ލިބުނު ދަރިން. އެހާވެސް ރަނގަޅަށް ތަރުބިއްޔަތު ކުރެވިފައި މިހުރީ. މުޖުތަމައުގައި މިހާރު ހުރި ކުދިންނާއި މި ކުދިންނާ އެއްވެސް ތަފާތެއް ނެތް،" އަޒްލީން ވިދާޅުވި އެވެ.
މިނިސްޓަރު ވިދާޅުވީ އުއްމީދީ ކޭމްޕުގައި ބައިވެރިވި ކުދިންނާ އިއްޔެ ބައްދަލުކުރި ކަމަށާއި މުސްތަގުބަލާ މެދު އެ ކުދިން ދެކޭ ގޮތް ބަލާފައިވާ ކަމަށެވެ. އަދި ކުދިންގެ ދިރިއުޅުމަށް އައިސްފައިވާ ބަދަލުތައް ވަރަށް ބޮޑަށް ދެނެގަނެވިފައިވާ ކަން ވެސް އޭނާ ފާހަގަކުރެއްވި އެވެ.
އުއްމީދީ ކޭމްޕަށް އެހީވި ސިފައިންގެ އޮފިސަރަކަށް، ޕޮލިސް ކޮމިޝަނަރު އަހުމަދު އަރީފް ސެޓްފިކެޓް ހަވާލުކޮށްދެއްވަނީ --ފޮޓޯ:މުހައްމަދު ޝަރުހާން\މިހާރު
މިިދިޔަ ޖޫން 18 އިން ފެށިގެން މި މަހުގެ 18 ވަނަ ދުވަހާ ހަމައަށް ބޭއްވި ކޭމްޕުގައި ބައިވެރިވި ކުދިންނަށް ތަމްރީނު ދިނީ ސިފައިންނާއި ކަރެކްޝަނަލް ސާވިސް އާއި ޖުވެނަލް ޖަސްޓިސް ޔުނިޓް އަދި ފުލުހުން ގުޅިގެންނެވެ.
މި ކުދިންނަށްް އެއް އަހަރު ދުވަހުގެ އިންޓާންޝިޕެއްގައި ބައިވެރިކުރަން ވެސް ވަނީ ނިންމައިފަ އެވެ. އެ އިންޓާންޝިޕްގެ ތެރޭގައި ވަޒީފާ އާއި މުޖުތަމައުގެ ތެރޭގައި އުޅޭނެ ގޮތްތައް ދަސްކޮށްދޭނެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ކަމަަނަ
21 August 2016
ދެވަނަ ފަހަރަށް ކުށުގެ ހާއްޔަށް އެމީހުން ވައްދަނީވެސް އެމީހުންގެ ރައްޓެހިން.. ތިޔައިގެ ތެރެއިން 10 ކުދިންވެސް ސަލާމަތުން ތިބެއްޖެއްޔާ ރަގަޅު.... އުއްމީދު ކުރަން ،،،،،،،،،،، އިންޓާރންޝިފްގައި ފުލުހުންގެ ބެލުމުގެ ދަށުން1 އަހަރު ގެންގުޅިބަލަ. ހެޔޮ ބަދަލު ފެންނާނެ...
ކުމަރާ
21 August 2016
ތިނުން ކުރނަންވީ ކަމަކީ. ކީއްކުރާ ބޮޑެތި ކޮންކުރީޓް ބިލްޑިންތަކެއްތަ؟
ރޯނުއެދުރު
21 August 2016
ނިކަން މިހާރުން އެކުދިންގެ ވާހަކަތަށް ގެނެސްދީބަ..މި ރަސްމިއްޔާތު ގަ ބައިވެރިވި އެކުދިންގެ މައިންބަފައިންގެ ލޮލުން ފައިބަމުން ތިޔައީ އުފަލުގެ ކަރުނަ ވަރަށްއިމޯޝަަނަލް ވަގުތެއް ...އެކުދިންގެ މައިނބަފައިންނަށް އެކުދިންނަށް އައިއްސަ ހުރި ބަދަލު ފެނިފަ ރޮމުން ދިޔައި އަސަރާއެކު