އިކޮނޮމިކް މިނިސްޓަރު ފައްޔާޒް އިސްމާއިލް މިއަދު ވާހަކަ ދައްކަވަނީ. -- ފޮޓޯ: ހުސެން ވަހީދު/މިހާރު
06 ފެބުރުއަރީ 2019 - 11:47
8 comments
މިހާރު ރާއްޖޭގެ އިގްތިސާދުގެ ލޭނާރަކީ ކުދި އަދި މެދުފަންތީގެ ވިޔަފާރިތައް ކަމަށް އިކޮނޮމިކް މިނިސްޓަރު ފައްޔާޒު އިސްމާއިލް މިއަދު ވިދާޅުވެއްޖެ އެވެ.
ބޭންކިންގެ ހިދުމަތް ހޯދާ ފަރާތްތަކުގެ ދަރަނީގެ މައުލޫމާތު ލިބޭ ޕްލެޓްފޯމު އިފްތިތާހު ކުރުމަށް މަރުކަޒީ ބޭންކު މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބޭއްވި ރަސްމިއްޔާތުގައި ފައްޔާޒު ވިދާޅުވީ، ރާއްޖޭގެ އިގްތިސާދުގެ މުހިއްމު ދައުރެއް، ކުދި އަދި މެދުފަންތީގެ ވިޔަފާރިތަކުން އަދާކުރާ ކަމަށެވެ. އަދި އެ ވިޔަފާރިތަކަށް އޮތް އެންމެ ބޮޑު ހުރަހަކީ ބޭނުންނާ ފައިނޭންސް ނުލިބުން ކަމަށް ވިދާޅުވި އެވެ. މިކަމަށް ހައްލެއް ހޯދަން ވަރަށް އަވަހަށް ސަރުކާރުން އެސްއެމްއީ ބޭންކެއް ތައާރަފް ކުރާނެ ކަމަށް އޭނާ ވިދާޅުވި އެވެ.
"އަޅުގަނޑުމެން ކުދި އަދި މެދު ފަންތީގެ ވިޔަފާރިތައް ފުޅާކޮށް ވަރުގަދަކުރުމަށް ގިނަ މަސައްކަތްތައް ކުރަމުން މި ދަނީ. އެފަދަ ވިޔަފާރިތަކަށް ހާއްސަ ޕޮލިސީއެއް ގާއިމް ކުރެވި، ހާއްސަކަމެއް ކުދި އަދި މެދުފަންތީގެ ވިޔަފާރިތަކަށް ދިނުމަށް އަޅުގަނޑުމެން މިދަނީ މަސައްކަތްތަކެއް ކުރަމުން،" އޭނާ ވިދާޅުވި އެވެ.
އޭނާ ވިދާޅުވި ގޮތުގައި، ސަރުކާރުން އެންމެ ބޮޑު އިސްކަމެއް ދެނީ ރާއްޖޭގެ އާމްދަނީ އިތުރުކޮށް އިގްތިސާދު ކުރިއަށް ގެންދިއުމަށެވެ.
ފައްޔާޒު ވިދާޅުވީ ކުދި ވިޔަފާރިތަކުގެ އިތުރުން ރާއްޖޭގެ ބޮޑެތި ކުންފުނިތައް ކުރިއަށް އޮތް ތަނުގައި ރާއްޖޭން ބޭރުގައި މަސައްކަތްކުރާތަން ދެކެން ބޭނުންވާ ކަމަށެވެ. އެފަދަ ކަންކަމަށް ވެސް އެންމެ ބޮޑު ހުރަހަކީ ބޭނުންވާ ފައިސާ ނެތުން ކަމަށާއި ރާއްޖޭގައި ހިންގާ ބޭންކްތަކުގެ ތެރެއިން ބޭންކް އޮފް މޯލްޑިވްސް އަކީ އެކްސްޕޯޓް އިމްޕޯޓް ބޭންކެއްގެ ދައުރު ރާއްޖޭގައި އަދާކުރާ ބަޔަކަށް ވުން މުހިއްމު ކަމަށް ވިދާޅުވި އެވެ.
"ކުރިއަށް އޮތްތަނުގައި އަޅުގަނޑުމެން ދެކެން ބޭނުންވަނީ ދިވެހި ރާއްޖޭގެ ބޮޑެތި ކުންފުނިތައް، ދިވެހި ރާއްޖެއިން ބޭރުގައި މަސައްކަތް ކުރާތަން. ސަރުކާރު ކުންފުނިތައް ކަންމަތީ ފިހާރަ ހިންގުމުގެ ބަދަލުގައި ބޭރުގެ ބޮޑެތި ޕްރޮޖެކްޓްތަކުގައި ބައިވެރިވެ އޭގެ މަންފާ ދިވެހިރާއްޖެއަށް ހޯދަންޖެހޭ،" އޭނާ ވިދާޅުވި އެވެ.
އޭނާ ވިދާޅުވި، މާލީ ދާއިރާގައި ރާއްޖެއަށް މި ސަރަހައްދުގައި ފާހަގަކޮށްލެވޭ ގައުމަކަށް ވެވޭނެ ކަމަށާއި އެގޮތުން ވެސް އިސްލާމިކް ފައިނޭންސްގެ ދާއިރާއިން ރާއްޖެއަށް ބޮޑު ކުރިއެރުމެއް ހޯދޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުލޯކް ވާހަކަ
06 February 2019
ކަންކުރަނީ ދިމާ އިދިކޮޅަށް. ބޮޑެެތި ރިޒޯޓް މަހުޖަނުންނަށް އަބަދު ޓެކްސް ލުއިކޮށްދީ ދެން ތިބޭ މީހުންގެ އަތުން އޭތިކޮޅުވެސް އަތުލަނީ.
ފޫހި
06 February 2019
ހެޔޮނުވާނެ ކުދި ވިޔަފާރިކުރިއަރުވަން ބޭނުންވާނަމަ ހުރިހާގޮތަކުން ފަސޭހަވާންޖެހޭ. މީރާގެ ހަމަހަމަކަން އޮންނަންޖެހޭ. ކަންމަތީ ކުޑަކެފާއަކުން ޖީއެއްސޓީ ދައްކަންޖެހޭއިރު ހަމަ އެފެންވަރުގެ އެހެންކެފޭތަކުންނުނަގާ އަދި އަޅާވެސްނުިލާ. ވިޔަފާރިއެއް ފަށާއިރު ހުންނަނީ މީރާގެ ކުއްވެރިއަކަށްވެ ޖޫރިމަނާ ދައްކަންޖެހިފަ. ހެޔޮނުވާނެ 10 މިލިއަނުން ދަށުގެ ވިޔަފާރިތަކަށް ނޭވާލެވޭނެގޮތެއް ހަދާދީބަލަ.
ކަރީމުއްދީން ބާޝާ
06 February 2019
އަނެއްކާ މޮޅުވާހަކަދައްކަންފެށީ.....
ނަގިއްޔާ
06 February 2019
ރާއްޖެއަކީ މަސްވެރިގައުމެއް، ކޮންމެ ރަށެއްގެ ވަށާ ކަނޑު، މަހަށްނުދާ ރަށެއްނޯވޭ ބުންޏަސް އޯކޭ، އަހަރުމެންގެ މައިގަޑު ކެއުމަކީ މަހާ ކޮންމެސް އެއްޗަކާ، މަސްކިރާފަ އެހާ ބޮޑު އެއްޗެއްލިބޭ، މަސްނުބާނާ ގިނަދުވަސް ވެއްޖެއްޔާ ރަށުތެރޭ ނުތަނަވަސް ކަމެއް އުފެދި އެހެން ހުރިހާ ކާއެއްޗެއްގެ އަގު ބޮޑުވޭ، އެހެންވީމާ ކުރީގެ ރައީސް މައުމޫނެ މީގެ އެތަކައެއް އަހަރުކުރިން ވިދާޅުވި ބަސް އަދިވެސް ހަމަ ތެދު: ދިވެހިންގެ ލޭނާރަކީ މަސްވެރިކަން. އަދިވެސް.
އަދީބު
06 February 2019
އެސްއެމްއީއަށް ކިޔާ ރީތި ދިވެހިބަހެއް އޮވޭ..އެއީ ކުމެވި (ކުދި އަދި މެދުފަންތީގެ ވިޔަފާރީ)
އަހަންދު
06 February 2019
ކުޑަ ވިޔަފާރިއެއް ކުރަން އޮންލައިންކޮށް ޕޭމަންޓް ނެގޭނެގޮތެއްނޯވޭ. ބޭރުދުނިޔެއަށް ހުޅުވާލައިގެން ވެބްސައިޓެއްހަދައިގެން ޚިދުމަތެއް ދިނަސް ނުވަތަ އެއްޗެއް ވިއްކިޔަސް ފައިސާ ރާއްޖެގެނެވޭނެ ފަސޭހަގޮތެއް ނޯވޭ. ހުރިހާކަމެއްވެސް ބިނާވެފައިމިއޮތީ ބިއުރޮކްރަސީގެ 200 ލޭޔަރ ތެރެއިން ބޭންކަށް ކިޑްނީއެއް ވިއްކާލައިގެން ނޫނީ ނުކުރެވޭނެގޮތަށް. ކުދި އަދި މެދުފަންތީގެ ވިޔަފާރި ކުރިއެރުވޭނީ ދުނިޔެއަށް ރާއްޖެ ހުޅުވާލައިގެން.
ހަސަން އޯޒެޑް
06 February 2019
ތިއީ ބަރު ލޯނު.. މަނިކުފާނު ކޮންގޮތަކަށް ތޯ ތި ލުއިވަނީ.. ކުރިން ދިން 50000 18% ދައްކާނިމޭއިރު 74000.. 100000 ލޯނު ދައްކާ ނިމޭއިރު 200000... 300000 ލޯނު 600000 ކަން ޔަގީން. ރައްޔިތުންނަށް ތިފަދަ ލޯނު ދޭން ޖެހޭނި ބޮޑުވެގެން 8%.. އެހުން ގައުމު ތަކުގައި ވެސް ހިނގަނީ އެ އުސޫލު.. ޢާން ދެން ތި ޕޮރޮސެސިން އަވަސް ވާނެ.. ބޭނުން ވެފައި ހުރި ރައްޔިތުމީހާ ގަނބާލުންވިއްޔާ ދިވެހިރާއްޖޭގައި އޮންނަނީ..ނިޒާމަކީ ރައްޔިތުން ހިންދެމިލިޔަނުދިނުން..
މުޙައްމަދު ހާން
06 February 2019
މުޅިން ވާހަކަ އަދި އެއްވެސް ކަމެއް އަމަލުން ރައްޔަތު މީހާގެ ހިސާބަށް ތިރި ނުކުރެވޭ. ރާއްޖެތެރޭގައި، މިނިސްޓަރު ކުދިވިޔަފާރިވެރީން މި ތިބީ ރާއްޖެތެރޭގައި، ކޮބާ ޖަޒީރާ ކޮންސެޕްޓް ރާއްޖެ ތެރެ ސްލޯގަން އަކަށް ހަދައިގެން ވެރިކަމަށް އައިސް އެކަމެއް ނުފެނޭ ، މަނިކުފާނު ރާއްޖެތެރޭގެ މީހުންނަށް އެތަނަކުން ލިބޭ ނަފާ މަދު އަޅެ އަހަރަމެންނަށް ނަގާ ލޯނުން އިތުރަށް ދައްކަން ޖެހޭ ބައި ކުޑަވާނެ ފޯމިއުލާއެއް ނެތްތަ