ބީއެމްއެލް ޑެޕިއުޓީ ސީއީއޯ މުހައްމަދު ޝަރީފު--ފޮޓޯ:ހުސައިން ވަހީދު/މިހާރު
06 ފެބުރުއަރީ 2019 - 14:03
29 comments
ބީއެމްއެލުން ދޫކުރާ ލުއި ލޯނުގެ މިންވަރު 300،000ރ އާ ހަމަޔަށް ބޮޑުކުރުމުގެ މަސައްކަތް ކުރަމުން އަންނަ ކަމަށް އެކުންފުނީގެ ޑެޕިއުޓީ ސީއީއޯ މުހައްމަދު ޝަރީފު މިއަދު ވިދާޅުވެއްޖެ އެވެ.
ދަރަނީގެ ވަނަވަރު އާންމުންނަށް ލިބޭ ގޮތަށް އެމްއެމްއޭ އިން ތައްޔާރުކުރި ވެބްސައިޓު އިފްތިތާހުކުރަން ބޭއްވި ރަސްމިއްޔާތުގައި، ޝަރީފު ވިދާޅުވީ އެ ބޭންކްގެ ލުއި ލޯނުގެ އިވެލުއޭޝަން އޮޓަމޭޓް ކުރެވި ލޯނު ހަމަޖެހޭ މުއްދަތު ފަސް ދުވަހުގެ މުއްދަތަކަށް މިހާރު ކުޑަކޮށްފައިވާ ކަމަށެވެ.
ޝަރީފު ވިދާޅުވި ގޮތުގައި 300،000ރ އާ ހަމައަށް ލިބޭ ލުއި ލޯނުގެ އިތުރުން އަމިއްލަ ފަރުދުންނަށް އަމާޒުކޮށްގެން އާ ލޯނުތަކެއް ތައާރަފްކުރުމުގެ މަސައްކަތް ވެސް އަންނަނީ ކުރަމުންނެވެ.
މިހާރު ލުއި ލޯނުގެ ގޮތުގައި އެންމެ ބޮޑުކޮށް ދޫކުރަނީ 100،000ރ އެވެ. މިއީ ވަރަށް ގިނަ އާންމުން މިހާރު ވެސް ނަގަމުން އަންނަ ލޯނެކެވެ.
ދަރަނީގެ މައުލޫމާތު އެނގޭ ވެބްސައިޓެއް ހަދައި އެ މެދުވެރިކޮށް އަމިއްލައަށް ރިޕޯޓް ނެގޭނެ ގޮތް ފަހިވުމަކީ ރާއްޖޭގެ ބޭންކިން ސިނާއަތަށް މުހިންމު ބަދަލެއް ކަމަށް ޝަރީފް ވިދާޅުވި އެވެ.
"އެމްއެމްއޭގެ އިތުރުން ބޭންކުތަކަށާއި އާންމު ފަރުދުންނަށް ވެސް މި ޚިދުމަތާ އެކު ވަރަށް ބޮޑު ލުއި ފަސޭހަވެގެންދާނެ. އަދި އަޅުގަނޑު ދެކޭ ގޮތުގައި މިއީ ރާއްޖޭގެ ބޭންކިން ނިޒާމަށް މިވަގުތު ބޭނުންވާ ފަދަ އީޖާދީ އަދި ޒަމާނީ ބަދަލެއް،" ޝަރީފް ވިދާޅުވި އެވެ.
އޭނާ ވިދާޅުވީ ބޭންކަކުން ކުރާ އެންމެ މުހިންމު މަސައްކަތަކީ ބޭންކަށް ލިބޭ ޑިޕޮސިޓް އިންވެސްޓްކުރުން ކަމަށާއި ލޯނެއް ދޫކުރުމުގައި އެ ލޯނު ދޫކުރެވޭ ފަރާތުގެ ކްރެޑިޓް ހިސްޓްރީ ނުވަތަ ކްރެޑިޓް ވާދިނެސް ބެލުމަކީ ބޭންކަށް ވަރަށް މުހިންމު ކަމެއް ކަމަށެވެ.
އެމްއެމްއޭގެ ކްރެޑިޓް އިންފޮމޭޝަން ބިއުރޯއަށް ބޭނުންވާ ސައްހަ މައުލޫމާތު، ރާއްޖޭގެ އެންމެ ބޮޑު ބޭންކްގެ ގޮތުން ބީއެމްއެލުން ފޯރުކޮށްދެމުން އަންނަ ކަަމަށް ވެސް އޭނާ ވިދާޅުވި އެވެ. އެހެންކަމުން އެ ބިއުރޯ އަށް ލިބޭ މައުލޫމާތުގެ އެންމެ ބޮޑު ބައެއް ހިއްސާވަނީ ބީއެމްއެލުން ކަން ޝަރީފް ފާހަގަކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިޔާނާތް
07 February 2019
4.9 މިލިޔަން ރުފިޔާ ދަވާލި ދެމަފިރިންގެ ވާހަކަވެސް ދައްކަބަލަ. އެމައްސަލަ އޮއްބާލާން ތިޔަ ގޮތަށް ހިމޭނުން ތިޔަތިބެނީ އެކަމެއް ކުރި ބަޔަކާ ބީއެމްއެލްގެ މަތީ މަގާމެއްގައި ހުރި މީހަކާ ގުޅުން އޮވެފައި އެކަމުގެ ނާޖާއިޒު ފައިދާ އަދިވެސް ނެގޭތީތޯ؟ ވަކި ބަޔަކަށް ވަކިގޮތެއްދޯ؟
ވާނުވާ ނޭގޭ
07 February 2019
ބޭންކުގައި ރައްޔިތުން ޑިޕޮސިޓްކުރާ ފައިސާއިން އިންވެސްޓް/ވިޔަފާރި ކުރަނީ. އެކަމަކު ބޭންކަށް ކުރާ ފައިދާއަކުން ޑިޕޮސިޓްކުރާ މީހުންނަށް ނުލިބޭ އެއްވެސް ފައިދާއެއް.. މަދު ބައެއްގެ ޖީބައް އެފައިސާ ވަންނަނީ. އެއީ ކޮން ބައެއް ކަން އަހަރަމެން ބޭނުން އެގެން.
ދޮނކަލޯ
07 February 2019
ތިޔަވިދާޅުވާލޯން ލިބެނީ މަހުޖަނުންނަށް މުސާރައިގެގޮތުގަ 25000 ލިބޭމީީހުންނެށް
Naseem
06 February 2019
=/50000 ގެލޯނެއްނެގީމާ 3އަހަރުންނިމުނީމާ =/72000 ދައްކަންޖެހުނު މީލުއިތޯބަރުތޯ ރައްޔިތުންނަށް ނޫސްވެރިން މިހާލުއިވާގޮތެއް ހާމަކޮށްދީ
ޝެލަރީ
06 February 2019
ތިލޯނުގެ އުފާވެރިކަން ލިބެނީ ބޮޑު މުސާރަ ލިބޭ މީހުނައް ދެއްތޯ؟ މަހަކު ދައްކާން ޖެހެނީ 1500 ރުފިޔާ އެކަމަކު މަހަކު 10000 ރުފިޔާ ލިބޭ މީހާއަށް ވެސް ގިނަވެގެން ދެނީ 50،000 ރުފިޔާ މީތި އޯކޯއެއްނޫން ދެއްތޯ؟
މުލު ވަގު
06 February 2019
4.9 މިލިޔަން ރުފިޔާ ދަވާލި ދެމަފިރިންގެ ވާހަކަވެސް ދައްކަބަލަ. އެމައްސަލަ އޮއްބާލާން ތިޔަ ގޮތަށް ހިމޭނުން ތިޔަތިބެނީ އެކަމެއް ކުރި ބަޔަކާ ބީއެމްއެލްގެ މަތީ މަގާމެއްގައި ހުރި މީހަކާ ގުޅުން އޮވެފައި އެކަމުގެ ނާޖާއިޒު ފައިދާ އަދިވެސް ނެގޭތީތޯ؟ ވަކި ބަޔަކަށް ވަކިގޮތެއްދޯ؟
އޮޅުންސުވާލި
06 February 2019
ޒުވާނުން މަޅީގަ ޖައްސަން ކުރާކަންކަން އންޓަރެސްޓް އިންތިހާއަށް ނަގައިގެން އަހަރަކު ރެކޯޑެއް ފައިބި އަހަރުވެސް އެފަދަ މިފަހަރުވެސް އެކަހަލަ މަޅިއރއް މިޖަހަނީ
ޙަސަން އަޙްމަދު
06 February 2019
މައްސަލައަކީ ބައެއް ރިސޯޓުތަކުގެ މުވައްޒަފުންގެ މުސާރަ މި ޖަމާ ކުރަނީ އިންޑިޔާ ބޭންކަށް ކަމަށް ވުން. ރިސޯޓު މުވައްޒަފުންނަކަށް އެހެންވެ ބީއެމައެލްގެ މި ކަހަލަ އެއްވެސް ނަސީބެއް ނުލިބޭ. އަދި ރިސޯޓު ތަކުގެ ފައިސާތައް ވެސް ގައުމީ ބެންކުގަ ދައުރުވުމަކީ ގައުމަށް ލިބޭނެ ކުރިއެރުމެއް.
ލުއި ރިބާ
06 February 2019
ލުއި ވިޔަސް ބަރުވިޔަސް ރިބާ ކެއުން ހުއްޓާލަންޖެހޭ
ބަގް
06 February 2019
އަމިއްލަ މީހުންގެވަޒީފައިގައިއުޅޭމީހުނައް ތިބުނާލޯނެއް ނުލިބޭ