ރައީސް އޮފީހުގައި ބޭއްވި ރަސްމިއްޔާތުގައި ރައީސް އިބްރާޙިމް މުހައްމަދު ސޯލިހް އަދި ބައެއް މިނިސްޓަރުން ބައިވެރިިވެވަޑައިގަންނަވަނީ: ކުރީ ސަރުކާރުން އުފެއްދި ސިޔާސީ ދެ މަގާމެއް ވަނީ ދަމަހައްޓާފައި.---ފޮޓޯ: ހުސައިން ވަހީދު/މިހާރު
04 މާޗް 2019 - 14:03
22 comments
ކުރީގެ ރައީސް އަބްދުﷲ ޔާމީންގެ ސަރުކާރުން އުފެއްދި ސީނިއަ ޕޮލިސީ އެގްޒެކެޓިވް މަގާމުގެ އިތުރުން މުޅިން އަލަށް ޕޮލިސީ އެގްޒެކެޓިވްގެ މަގާމު އުފައްދަވައި، ބޭފުޅުން އައްޔަންކުރަން ފަށައިފި އެވެ.
ރައީސް އޮފީހުގެ ތަރުޖަމާނު އިބްރާހިމް ހޫދު މިއަދު ވިދާޅުވީ ޑެޕިއުޓީ މިނިސްޓަރުންގެ ފެންވަރަށް ވުރެ ދަށް އެ ދެ މަގާމަށް ބޭފުޅުން އައްޔަންކޮށްފައިވާ ކަމަށެވެ. ނަމަވެސް އެ މަގާމުތަކަށް މިހާތަނަށް ހަމަޖެއްސި ބޭފުޅުންގެ ސީދާ އަދަދެއް ވިދާޅެއް ނުވެ އެވެ.
ހޫދު ވިދާޅުވީ މި ސަރުކާރުގެ އޮނިގަނޑު ހެދިއިރު ވެސް ސީނިއަ ޕޮލިސީ އެގްޒެކެޓިވް އާއި ޕޮލިސީ އެގްޒެކެޓިވް ހިމަނާފައިވާ ކަމަށެވެ. އެކަމަކު ކުރީ ސަރުކާރުގެ ސިޔާސީ މަގާމުތަކަށް ވުރެ މި ސަރުކާރުގައި ސިޔާސީ މަގާމު މަދުވާނެ ކަމަށް ވިދާޅުވި އެވެ.
ރައީސް އޮފީހާއި މުލިއާގެ ނުހިމަނައި ކުރީގެ ސަރުކާރުގައި ސިޔާސީ މަގާމުތަކުގައި ތިބި މީހުންގެ އަދަދު 465 އަށް އެރި އެވެ. މި ސަރުކާރުގައި މިހާތަނަށް ސިޔާސީ މަގާމުތަކުގެ އަދަދު އުޅޭނީ 300 ގައި ކަމަށް ރައީސް އޮފީހުން ބުންޏެވެ.
ސީނިއަ ޕޮލިސީ އެގްޒެކެޓިވަކަށް މުސާރައިގެ ގޮތުގައި 13،000ރ. އަދި އެލަވަންސަށް 8،000ރ. އާ އެކު 21،000ރ ލިބޭނެ އެވެ. ޕޮލިސީ އެގްޒެކެޓިވްގެ މުސާރަ 11،000ރ. އަދި އެލަވަންސަށް 7،000ރ. އާ އެކު މަހެއްގެ އާމްދަނީއަކީ 18،000ރ އެވެ.
ހޫދު ވިދާޅުވި ގޮތުގައި އެ ދެ މަގާމަށް ބޭފުޅުން އައްޔަންކުރާނީ މިނިސްޓްރީއަކަށް ކޮންމެހެން ބޭނުންވުމާއި އަދި އެ ބޭނުންވާ ކަންކަމަށް ބަލައިފަ އެވެ.
އޭނާ ވިދާޅުވީ މުސާރައިގެ ގޮތުގައި ސިޔާސީ މުވައްޒަފުންނަށް މި ސަރުކާރުން ކުރާ ހޭދަ، ކުރީ ސަރުކާރަށް ވުރެ މަހަކު 1.5 މިލިއަން ރުފިޔާ މަދުވާނެ ކަމަށެވެ.
ކުރީގެ ސަރުކާރުގައި ސީނިއަ ޕޮލިސީ އެގްޒެކްޓިވްގެ މަގާމަށް، ބައެއް ޑެޕިއުޓީ މިނިސްޓަރުން ބަދަލުކުރި އެވެ. ނަމަވެސް އެ ބޭފުޅުން އެ މަގާމަށް އައްޔަންކުރީ ޑެޕިއުޓީ މިނިސްޓަރުންގެ ފެންވަރުގަ އެވެ.
ޑެޕިއުޓީ މިނިސްޓަރަކަށް މުސާރަ އާއި އެލަވަންސްގެ ގޮތުގައި ކޮންމެ މަހަކު ލިބިވަޑައިގަންނަވާނީ 30،500ރ. އެވެ. އެއީ 18،000ރ. ގެ މުސާރަ އާއި 12،500ރ. ގެ އެލަވަންސެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްއެމްއައި
06 March 2019
އެކަކު މަދުވިޔަސް ވަނީ މަދުކަމުގައިތާއެވެ. ކަލޭމެންގެ މުނާފިގު ކަމަކީ ދުވާލު މެންދުރުގެ އިރުހާ ފާޅުކަން ބޮޑު އެއްޗެކެވެ.
އަށްޑޫ ކަތީބު
05 March 2019
ގައުމުގަ ލާރިނެތޭ ކިޔާފަ ދުވާލަކު ދެދަޅަޔަށް ސިޔާސީ މަގާމު އުފައްދާ މިލިޔަން ރުފިޔާ އެބަ ބަހާ. މިކަން ހުއްޓުވިގެން ނޫނީ ގައުމު ކުރިޔަކަށް ނުދާނެ. މުޅި ދުނިޔެއަށް ބަލާލިޔަސް އެންމެ ދެރަހާލަތުގަ އޮތީ މިގައުމު. ލިބޭ ލާރިޔަށް ވާނުވާ ނޭގި ގައުމުގެ ތިޖޫރީ ހުސްވަނީ. ގައުމު ސަލާމަތީ ކަންތަކަށް ބަލާއިރުގަ އެންމެ ދަޝުދަރަޖައިގަ. މިކަމުން އަރައިގަނެވޭނެ ވެރިޔަކު އަންނާނެދުވަހަކަށް އަހަރެން އިންތިޒާރު މިކުރަނީ.
ނައިބުތުއްތު
05 March 2019
މިނިސްޓަރ، ސްޓޭޓްމިނިސްޓަރ، ޑެޕިއުޓީ މިނިސްޓަރ، ސީނިއަރ ޕޮލިސީ އެގްޒެކްޓިވް، ޕޮލިސީ އެގްޒެކްޓިވް ޑެޕއުޓީ ޕޮލިސީ އެގްޒެކްޓިވް، ކޮންމެ ކައުންސިލަކަށާއި، އަތޮޅު ކައުންސިލްގެ އިތުރުން ކޮންމެ ސްކޫލަކަށްވެސް މި މަޤާމްތައް އުފައްދަންވީ. އެއިރުން ސަރުކާރުން ބޭނުންވާގޮތަށް ޤާއުމު ހިންގޭނީ. ފައިސާ ހޯދާނެގޮތެއް ބަލާނެކަމެއްނެތް. ކުރީ ސަރުކާރުން އާމްދަނީ ލިބޭނެ މަގުވަނީ ތަނަވަސްކޮށްދީފައި
ސޯބު
05 March 2019
މިނިސްޓަރާ މިނިސްޓަރުގެ ނައިބާ ކުންފުނީ އެމް ޑީ ގެ އިތުރުން ރައީސް އަމިއްލަފުޅަށް އުފައްދައްޖެހޭ ސިޔާސީ މަގާމުތަކެއް ހުންނަން ޖެހޭނެކަމަކަށް ގަބޫލެއްނުކުރެވޭ. އެހާވަރުން މެނޭޖުކުރެވެން ޖެހޭނެ. ނޫނީ ހަމަ ބެލެވޭނީ ޕާރޓީ ބަލަދު އަރައިގެން ކުރާކަންކަންކަމަށް. ނުވަތަ ކޮރަޕްޝަން.
ބޭނޭ
05 March 2019
ހޮވާވަރުން މީހުންހޮވާ ޒިންމާތަކާ މައްސޫލިއްޔަތުތައް ހަވާލުކުރަާއިރު، މިސަރުކާރަށް ވީކަމެއްކޮބާ؟ހުސް މަގާމާ ކޮމިޓީތަ އޮތީ؟ މީތަ ތިބުނާ ހެޔޮ ވެރިކަމަކީ؟
ފިކުރީ ހަނގުރާމަ
05 March 2019
ކޮބާތަ ވައުދު ފުއްދުނު މިންވަރަކީ...މަޤާމު ބެހުން އަދި ވާނީ އިތުރު..މަޖްލިސް އިންތިހާބު ނިމުނީމާ ބޮޑު ރައުންޑެއްދާނެ...މަތިފަޑި ފުރޭނެ އިތުރު އެނެމްސް ވެސްލާން ޖެހިދާނެ
ަދަންޑަހިލް
05 March 2019
އަޅާނުކިޔަ ރައްޔިތުންގެ ފައިސާ ރަނގަޅު ގޮތުގައި ހޭދަކޮށްބަލަ. ކިހާ ދެރަކަމެއް. ހުރިހާ އެމްބަސީތަކަށް ލާފަ ހުރި ސިޔާސީ މީހުން އެއީ ހަމަ ބޭނުން ޖެހިގެން ލާފަ ހުރި ބަޔެއްތަ؟ މިކަމަށް މިހާރު ނޫސްއިން ރިޕޯޓެއް ހަދާދިނުން ވަރަށް އެދެން
ލީމް
05 March 2019
ތިހިރަ މުސާރައެއް ކިޔާލާފަވެސް ދެރަވޭ.ދެމަހުންވެސް 18000ރ. ނުލިބޭ އަހަރުންނަށް. މުއްސަނދިން މުއްސަނދިވަނީ. ނިކަމެތިން ހަމަ މިހާލުގައި.ކިޔެވެނީވެސް ދަތުރުކުރެވެނީވެސް ބޭސްފަރުވާ ކުރެވެނީވެސް ކުޑަމިނުން މާލެ ދެވޭނީވެސް ރުފިޔާ ލިބޭ މީހުނަށް.
އަންތަރު ބިން ޝައްދާދު
05 March 2019
ސަރުކާރުގެ ސިޔާސި މަގާމުތައް ގިނަވެފައިވަނީ ހަމަ ހަގީގަތުގައިވެސް އެއްޕާރޓީ އަށްވުރެ ގިނަ ޕާރޓީ ގުޅިގެން ރިޔާސީ އިންތިހާބު ކާމިޔާބުކުރަންޖެހުމުންނެވެ.ރާއްޖޭގެ ގާނޫނުއަސާސީ ގައި ރިޔާސީ 5 އަހަރުގެ ދައުރަކަށް ރައީސަކު އިންތިހާބުވާ ސަރުތުތައް ބަޔާންކޮށްފައި އޮތްގޮތުން 2008 ވަނައަހަރުން ފެށިގެން މިކަން މިދަނީ ގޯހުން ގޯހަށެެވެ.ބޭކާރުވެގެން މިދަނީ ނިކަމެތި ރައްޔިތުމީހާ ގެ އަސާސީ ހިދުމަތްތަކެވެ.މީ މަޖިލިސް 19 ގައި ވިސްނަންޖެހޭނެ ކަންކަމެވެ.
އެފް އެމް
04 March 2019
ވަރަށް ބޮޑު އޮޅުވާލުމެއް މީ މިނިސްޓަރުން ނުލައި ސިޔާސީ މަގަންތަކުގެ ތެރެއިން އެންމެ ބޮޑު މުސާރައެއް ލިބެނީ ސްޓޭޓް މިނިސްޓަރުންނަށް ނިމުނު ސަރުކަރުގައި ސްޓޭޓް މިނިސްޓަރުންގެ ޢަދަދު އުޅުނީ 12 ގައި މި ސަރުކާރުގައި 50 އަރައިފި ކޮންމެ މީހަކަށް 46000 ލިބޭނެ ކޮބައިތޯ އުފެއްދި ކޮމިޝަން ތަކާއި ކޮމެޓީތައް މުސާރަނުދިނަސް ދައުލަތުން ދެއްތޯ އެލަވަންސްގެ ނަމަގައިދޭ ފައިސާދެނީ އެއެންމެން ވީމަ 500 މިހާރު ހަމަވޭ