އާ ޓާމިނަލް ހަދަން، ކުރީިގެ ބައެއް އިމާރާތްތައް ތަޅާލައި ބިން ސާފުކުރުމުގެ މަސައްކަތްކުރި ދުވަސްވަރުގެ ފޮޓޯއެއް: އާ ޓާމިނަލްގެ ޑިޒައިނަށް ބަދަލުތަކެއް ގެންނަން ވަނީ ނިންމާފައި
10 މާޗް 2019 - 12:39
43 comments
ސައުދީ އަރަބިއްޔާގެ ބިންލާދިން ގްރޫޕްއާ ހަވާލުކޮށްގެން ކުރީ ސަރުކާރުން ހަދަން ފެށި ވީއައިއޭގެ އާ ޓާމިނަލަށް އަނެއްކާވެސް ބަދަލުތަކެއް ގެންނަން އުޅޭކަން "މިހާރު" އަށް އެނގިއްޖެ އެވެ.
އާ ސަރުކާރުން ބޭނުންވަނީ، "މިހާރު" އަށް އެނގިފައިވާ ގޮތުގައި، ބައިނަލްއަގުވާމީ ދަތުރުތަކަށް ހާއްސަ ޓާމިނަލް ކުރިން ހަދަން އޮތް ވަރަށް ވުރެ ބޮޑުކުރާށެވެ. އަދި ޓާމިނަލްގެ އެހެން ބައެއް ޑިޒައިންތަކަށް ވެސް ބަދަލުތައް އަންނާނެ ކަމަށް، މައުލޫމާތު ހުރި ބައެއް ފަރާތްތަކުން ބުންޏެވެ.
މި ކަމާ ގުޅޭ ގޮތުން މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން އަދި އެއްވެސް މައުލޫމާތެއް ހާމައެއްނުކުރެ އެވެ. އެކަމަކު 350 މިލިއަން ޑޮލަރު ހޭދަކޮށްގެން ހަދާ ޓާމިނަލަށް ބަދަލުތަކެއް އަންނަ ވާހަކަ އެ ކުންފުނިން ދޮގެއް ވެސް ނުކުރެ އެވެ.
އަހަރަކު 7.5 މިލިއަން ދަތުރުވެރިންނަށް ހިދުމަތް ދޭ ގޮތަށް ފަރުމާކުރި ޓާމިނަލްގެ ފައުންޑޭޝަނަށް ބޭނުންވާ 1400 އަށް ވުރެ ގިނަ ދަގަނޑު ހޮޅި ޖެހުމުގެ މަސައްކަތް، ކުރީގެ ރައީސް އަބްދުﷲ ޔާމީންގެ ވެރިކަން ނިމުނު އިރު، ބިންލާދިން ގްރޫޕުން އޮތީ ފަށައިފަ އެވެ. ޓާމިނަލް ހަދަނީ، މިހާރު ހުރި ޓާމިނަލްގެ ދެކުނު ފަަރާތުގައި، 78،000 އަކަމީޓަރުގެ ސަރަހައްދެއްގަ އެވެ.
މެދުއިރުމަތީގެ ތަފާތު ހަތަރު ފަންޑަކުން ލޯނު ހަމަޖެހިފައިވާ މަޝްރޫއު ބިންލާދިން ގްރޫޕާ ހަވާލުކުރީ މެއި 2016 ގަ އެވެ.
އެމްއޭސީއެލްގެ އެކްޓިން މެނޭޖިން ޑިރެކްޓަރު މޫސާ ސޯލިހު އެންމެ ފަހުން ނޫސްވެރިންނާ ބައްދަލުކުރެއްވި ދުވަހު ވިދާޅުވީ އާ ޓާމިނަލް ނިމޭނެ ކަމަށް ލަފާކުރެވެނީ 2022 ގައި ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތަކުރުބޭ
11 March 2019
ބަލަ ރައީސް އިހައްދުވަހު ވިދާޅުވީ ޓަރމިނަލްގެ ޑިޒައިނެއްވެސް ޕްލޭނެއްވެސް ނެތޭ. މިހާރު ކޯޗެއް ތިބަދަލު ކުރަނީ ދެން؟
މައިލާން ހަބީބު
10 March 2019
އެއާޕޯޓް އޮތީ ނަޝީދުއަށް ބާއްވާފައި، ޕާލަމެންޓުން އެމްޑީޕީއަށް މެޖޯރިޓީ ލިބުމާއި އެކުގައި އެއާޕޯޓް ކޮމްޕެނީގެ ބޯޑަށް ނަޝީދު ބޭނުން މީހުން ވައްދައި، މާލޭ އިންޓަނޭޝަނަލް އެއާޕޯޓް އަނެއްކާވެސް ބޭރުބަޔަކަށް ދިނުން، ރައީސް ސޯލިހް ގެންދަނީ ނަޝީދު އަންގާހާ ގޮތަކަށް މަސައްކަތް ކުރަމުން، ނަޝީދު ގެންދަނީ އިބޫގެ ކުރިމަތީގައި ބަހައްޓައިގެން ގާސިމާދިމާލަށް ބަވަމުން ކޯލިޝަން ރޫޅަމުން
އިބްރާ
10 March 2019
ރައީސް މީހާ އިހަކައްދުވަހުބުނި ޓާމިނަލްގެ ޑިޒައިނެއްވެސް ނެތޭ. އާޓިކަލްގަ މިއޮތީ ޑިޒައިނަށް ބަލައިންނަވާހަކަ. ކޮންވާހަކައެއްތޯ ރަނގަޅީ!
އަނެއް ދިވެހި ރާއްޖެ
10 March 2019
ތިބަދަލް ގެނައުމަށް އެންމެ ބޮޑު ބާރެއް ލީ ، ކެނެރީގޭ މުހައްމަދު ނަސީދު ، މީނަގެ ކަމަކީ ދޮންމީހުން އަތުން ލާރި ހޯދައިގެން މިދިވެހި ރާއްޖެ ފަސާދަ ކުރުން
ހަސަން ނުވަވަނަ
10 March 2019
ދިވެހި ގައުމުގެ މިނިވަންކަން ގެއްލިދިޔަ ކޮންމެފަހަރެއަގަ އޭގެ އަޑިގަ ތިިބީ ސީދާ ދިވެހިން. އެމްޑީޕީގެ އެޖެންޑާ19 އަކީ ސީދާ އިންޑިއާ އަޅުވެތިކަމަށް ދިވެހި ގައުމު ދުއްވާލަން ރާވާފައޮތ ބޮޑު ރޭވުމެއް. އިހަށްނުވި ރައްކަލެއް ފަހުން ނުވެވޭނެ
މިއަދު
10 March 2019
އިންޑިޔާއިންނެގި 21 ބިލިއަން ޑޮލަރުން ރަޢިއްޔަތުންނަށްކޮއްދިންކަމެއް ބުދީބަލަ ރައިއްޔަތުމީހާބޮލަށްދަރަނި ޕާޓީ ކުދިން ކެންޕެއިނަށް ލާރިގަނޑު ވަރަށް އަދުލުވެރިދެއްތޯ
މިއަދު
10 March 2019
ކާލާނެ ލާރިކޮޅެއް އަތުލާގަންނާނެގޮތެއް ރާވާލަނީ
ދޭސީ
10 March 2019
އަޑު އިވޭ ޖީއެމްއާރާ އެއާޕޯޓުގެ ޕްލޭންތައް ހިއްސާކުރި ވާހަކަވެސް. ނޫސްވެރިން ސުވާލު ކުރޭ
900 ޑިގުރީ
10 March 2019
ޔާމިން ޗައިނާއަށް ގައުމުގެ ބައެއް ނާސީދު(އަންނި) އިންޑިޔާއަށް ގައުމުގެ ބައެއވިއްކާލި މީމިގައުމުގެ އަންދިރި އަންދިރީން ތިބެންވީ ޖަލުގަ
ރަދީފް
10 March 2019
މިހާރު ވެރިކަމުގަ ތިބީ ކަމެއް ކުރަން ދަންނަ ބައެއް ނޫން.ގްރޭޓަރ މާލޭ ބަސް ޓާމިނަލް ކޭކޭ ކުރިމަތިން ބޮޑުތަކުރުފާނު މަގުގަ ޖަންގްޝަނެއްގެ މަތިން ތާރުނަގާފަ 6 ފީފާ އަތުރާފަ ހުންނަތާ ބަރާބަރު 6 މަސް ފާއިތުވެގެންދަނީ.މިމަންޒަރު ފެންނަ ބަޔަކު ނެތް.ގައިމު ބޮޑު ސަރުކާރަކުން މިކަހަލަ ކުޑަ ކަމެއް ހައްލުނުވެ 6 މަސް ހޭދަވެގެން ދިޔައީމަ އެއީ ބަލައިގަންނަން އެހާ ފަސޭހަކަމެއް ނޫން.ނޫސްވެރިން މި 6 ފީފާގެ ހަގީގަތް ހޯދުން އެދެވެިގެންވޭ.ވ.ވެދުން