ޓްރެފިކް ޕޮލިސް: މިދިޔަ ހަފްތާގައި މާލެ ސަރަހައްދުގައި 53 އެކްސިޑެންޓެއް ހިނގި ކަމަށް ފުލުހުން ބުނި -- ފޮޓޯ: ނިޝާން އަލީ/މިހާރު
17 މާޗް 2019 - 13:03
15 comments
ގަވައިދާ ހިލާފަށް ބާރަށް ވެހިކަލް ދުއްވައިގެން މިދިޔަ ހަފުތާގައި ފިޔަވަޅު އެޅީ އެންމެ ވެހިކަލަކަށް ކަމަށް ފުލުހުންގެ ތަފާސް ހިސާބުން ދައްކައިފި އެވެ.
މި މަހުގެ 9-15 އަށް މާލެ ސަރަހައްދުން 934 އުޅަނދެއް ފުލުހުން ފާސްކުރި އެވެ. މީގެ ތެރޭގައި ހިމެނެނީ ބާރަށް ދުއްވި އެންމެ އުޅަނދެކެވެ. މ މަހުގެ ފުރަތަމަ ހަފުތާގެ ތަފާސް ހިސާބަށް ބަލާއިރު ބާރަށް ދުއްވުމުން އެއްވެސް ވެހިކަލަކަށް ފިޔަވަޅު އަޅައިފައެއް ނުވެ އެވެ.
TRAFFIC MANAGEMENT DEPARTMENT - Weekly Statistics (9th March to 15th March 2019) pic.twitter.com/FeR25fJMIR
— Maldives Police (@PoliceMv) March 17, 2019
ފުލުުހުން މިއަދު ކުރި ޓްވީޓެއް
ޓްރެފިކް ފުލުހުން އަންނަނީ ކޮންމެ ހަފުތާއެއްގައި އެތަނުން ކުރި މަސައްކަތުގެ ތަފްސީލު ހާމަކުރަމުންނެވެ.
މިދިޔަ ހަފުތާގައި ވަނީ އޭގެ ކުރީ ހަފުތާ އަށް ވުރެ އިތުރަށް 111 އުޅަނދެއް ފާސްކޮށްފަ އެވެ. އެގޮތުން މިދިޔަ ހަފުތާގައި މަގުމަތިން ނެގި އުޅަނދުގެ އަދަދާއި ލައިސެންސު ނެތި ދުއްވި މީހުންނާއި ރޯޑްވޯތިނެސް ނެތް އުޅަނދު ދުއްވި އަދަދު ވެސް ވަނީ ގިނަ ވެފަ އެވެ. ނަމަވެސް އެހެން މައްސަލަތައް ވަނީ މަދުވެފަ އެވެ.
މީގެ އިތުރުން ގަވާއިދާ ހިލާފަށް ޕާކުކުރުމުން 232 ސައިކަލެއްގައި ސްޓިކާ ޖެހި އެވެ. އަދި ހަތަރު ކާރަކާއި 42 ސައިކަލެއް ޓޯކޮށްފައިވާނެ ކަމަށް ވެސް ފުލުހުން ބުންޏެވެ.
މާލެ ސަރައްދުގައި މިދިޔަ ހަފުތާގައި 53 އެކްސިޑެންޓެއް ހިނގާފައި ވާއިރު، އޭގެ ކުރީ ހަފުތާގައި ވެސް 52 އެކްސިޑެންޓް ހިނގި އެވެ.
ފުލުހުން އަންނަނީ، ޓްރެފިކް ފުލުހުން ކުރާ މަސައްކަތުގެ އިތުރުން އެންވަޔަރަމެންޓް ޕޮލިހާއި ނެރިބާހުޑް ޕޮލިހުން ކުރާ މަސައްކަތްތަށް ވެސް އާންމުކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނު
17 March 2019
ވަރަށް ކަމުނުދޭ.. ހުރިހާ ކަމެއް ހުއްޓާލާފާ ބާރައް ދުއްވާ މީހުން މައިތިރި ކުރުން މުހިންމީ.. ނުބައި ތަނެއްގަ ޕާކު ކޮށްގެން މީހަކު މަރެއްނުވޭ. އުސްޓިކާ ނެތިގެން ވެސް މަރެއް ނުވޭ... ޕޮލިހުންނަށް ޕުރިއޯރިޓީ މިހުންނަނީ އޮޅުން އަރާފަހެން ހީވަނީ...
Ibrahim Hameed
17 March 2019
އެސް.ޓީ.އޯ، އެމް.ޕީ.އެލް އަދި ދިރާގު ޔުނިފޯރމްގައި ބައެއް މީހުން އަޑު ގަދަވާ ގޮތަށް ސައިލެންސަރ މޮޑިފައި ކޮށްގެން ވަރަށް ބާރަށް ސައިކްލް ދުއްވާ ތަން ވަރަށް ގިނައިން ފެނޭ!
އައިނުން
17 March 2019
ތީބޮޑު ޖޯކެއްނުން، ތިބުނާވާހަކައިގެ މާނައަކީ އެންމެންވެސް ގަވާއިދަށޭ ދޯއުޅެނީ ވަރައް ރަގަޅު. ކުރީދުވަހަކުވެސް ޕޮލިސް ޔުނީފޯމްގައިން ސޮރެއް ކިރިޔާ މަގޭސައިކަލާ އެއްނުވީ، އައިލެއް ބާރުކަމުން މައިތި ނުވެގެން، އަނެއްކާ މިއަދު ހަމަ ޔުނީފޯމް ގައިންއިސް އިސްބޭފުޅެއް ގޮސް ކާރަކައް ނޭރީ. އެހެންވީމާ ބާރައްދުއްވާ މީހުން ނޫޅޭކަންއިގޭ. ފުރަތަމް ކަލޭމެން ތިތަނުން ފަށާ ދެން އެހެންމީހުންގެ ވާހަކަ ދައްކާ
ޢަލިމަނިކުފާނު
17 March 2019
ޗެކްކުރާ ވަގުތާ ދިމާނުވަންޏާ ޢަދަދު މަދުވާނެ. ދަންފަޅިބަހައިގެން ތަފާތު ސަރަޙައްދުތަކުން، 24 ގަޑިއިރު ޗެކް ކުރާނަމަ ދަހި މަސްއައިނަކުން ކުރުދޮށީގައި މަސްބޭނުމެކޭ އެއްފަދަވާނެ.
ތައްޚާނު
17 March 2019
މަގުމަތީ އެކްސިޑެންޓް ތަކުގައި 99.99 % މީހުން މަރުވަނީ ބާރަށް ދުއްވާ މީހުންގެ ސަބަބުން. ފުލުހުން އަޅާ ފިޔަވަޅުތަކުގެ 99.99 % އަކީ ކޮންމެވެސް ސްޓިކަރ އެއް ނެތިގެން ކުރެވޭ ޖޫރިމަނާ.. ބޭރުގައުމު ތަކުގައި ބާރަށް ދުއްވާ މީހުންގެ ވެހިކަލް ޓޯކުރޭ.. ރާއްޖޭގައި ޓޯކުރަނީ ސްޓިކާތައް ނުޖަހާ ވެހިކަލްތައް. މީ ހަަ 3 ވަނަ ދުނިޔެ.
ހަމަހޭ
17 March 2019
ބާރައްދުއްވާ ގްރޫޕްގަ އެކަކުހުރީ ޕާޓީނޫން، ދެންއޭނަޔެއްނު ހައްޔަރުކުރެވޭނީ!!!.
އެންދެރި
17 March 2019
ބާރައް ދުއްވައެވެ. ވަކި ގަޑި ތަކެއްގައެވެ. ވަކި ބައެކެވެ. އެބަޔަކު ނުހުއްޓުވައެވެ.
މިރައިސްދޯ19
17 March 2019
ގޮޅިޖެހި ގަމީހުގަ ދުންޖަހާފަ އަންނަތަން ފެނުނީމަ ފުލުހުން މޫނު އަނބުރާލަނީ އަނެއްކޮޅަށް. އެހެންވިމަ ބާރަށް ދުއްވާތަނެއް ނުފެންނާނެ އެންނު. އެކަމު ރީތި އަންހެން ކުއްޖެއް ދޭބަލަ އެކުއްޖާ ހިފަހައްޓާ ދެލޯ ބޮޑުކޮށްގެން ތިބޭނެ.
ގަޑުބަޑު
17 March 2019
ދިވެހިން ހުރިހާ އެންމެންވެސް ދުއްވަނީ 25ކމ ގަ. މަ ގޮލާ ހީހީ ހުވާ!!!!
ހަކީމް
17 March 2019
ގޭންގު ކުދިން ދެކެ ފުލުހުން ބިރުގަނޭ ... ޤަބޫލުކުރަން ބޭނުންނުވާ ހަޤީގަތް ... ހެލްމެޓް ވެސް މުހިންމު ... އެއައްވުރެ މުހިންމު ފުލުހުން ގޭންގު ކުދިންދެކެ މިގަންނަ ބިރުގެ ހަޤީގަތް ހޯދުން.