ޚަބަރު / ރައްޔިތުންގެ މަޖިލީހުގެ އިންތިޚާބު 2019

މަޖިލީހުގެ މެމްބަރުން ވަކިކުރެވޭ ގޮތަށް ހަދަން ޕާޓީތަކަށް ޕެޓިޝަނެއް ހުށަހަޅައިފި

މެމްބަރުން ވަކިކުރެވޭ ޕެޓިޝަން، އެމްޑީޕީ އޮފީހާ ހަމްޒާ ހަވާލުކުރަނީ.-

އާސިމާ ނިޒާރު، މިހާރު

04 އެޕްރީލް 2019 - 19:02

ރައްޔިތުންގެ މަޖިލިހުގެ މެމްބަރުންގެ އިތުބާރު ނެތް ކަމުގެ ވޯޓު، އެ ދާއިރާއެއްގެ ރައްޔިތުންގެ މެދުގައި ނެގޭނެ އުސޫލެއް ގާއިމްކުރުމަށްޓަކައި 500 އަށްވުރެ ގިނަ މީހުންގެ ސޮޔާ އެކު ޕާޓީތަކަށް މިއަދު ޕެޓިޝަނެއް ހުށަހަޅައިފި އެވެ.

ޕެޓިޝަން ތައްޔާރުކުރުމުގައި އިސްކޮށް އުޅުއްވި ގަލޮޅު އުތުރު ދާއިރާއަށް އަމިއްލަ ގޮތުން ވާދަ ކުރައްވާ ހަމްޒާ ހަލީލް "މިހާރު" އަށް ވިދާޅުވީ ސަރުކާރު ކޯލިޝަންގައި މިވަގުތު އެންމެ ހަރަކާތްތެރިކޮށް އޮތް ތިން ޕާޓީ އަށް އެ ޕެޓިޝަން ހުށަހަޅާފައިވާ ކަމަށެވެ. އެއީ އެމްޑީޕީ އާއި ޖުމްހޫރީ ޕާޓީގެ އިތުރުން އަދާލަތު ޕާޓީ އެވެ.

މެމްބަރުން ވަކިކުރެވޭ ޕެޓިޝަން، ޖޭޕީ އޮފީހާ ހަމްޒާ ހަވާލުކުރަނީ.-

އޭނާ ވިދާޅުވީ ޕާޓީތަކަށް ޕެޓިޝަން ހުށަހެޅިކަމުގައި ވިއަސް ރާއްޖޭގެ އެކި ހިސާބުތަކުގައި އަދި ވެސް އެ ޕެޓިޝަންގައި ސޮއިކުރަމުން އަންނަ ކަމަށެވެ. ބިލަކަށްވެ މަޖިލީހަށް ހުށަހެޅަންދެން އެ ޕެޓިޝަންގެ މަސައްކަތްތައް ކުރިއަށްގެންދާނެ ކަމަށް ހަމްޒާ ވިދާޅުވި އެވެ.

ޕާޓީތަކުން އިހުލާސްތެރިކަން ދައްކައި، ރައްޔިތުންގެ ތާއީދާއެކު އެ ބިލް މަޖިލީހަށް ހުށަހަޅާނެ ކަމަށް އުއްމީދުކުރައްވާ ވިދާޅުވި އެވެ.

މެމްބަރުން ވަކިކުރެވޭ ޕެޓިޝަން، އަދާލަތު ޕާޓީގެ އޮފީހާ ހަމްޒާ ހަވާލުކުރަނީ.-

އޭނާ ކުރިން ވިދާޅުވި ގޮތުގައި ޖަލްސާތަކަށް ހާޒިރުނުވާ މެމްބަރުންނާއި ރައްޔިތުންގެ ވިންދާ އެއްގޮތަށް މަސައްކަތް ނުކުރައްވާ މެމްބަރުން ވަކިކުރުމުގެ ބާރު ރައްޔިތުންނަށް ލިބެން ޖެހެ އެވެ. ރައްޔިތުންގެ ތާއީދު ގެއްލޭ ހިސާބުން، އެ މެމްބަރަކަށް މަގާމުގައި ހުރެވިގެން ނުވާނެ ކަމަށް ވެސް އޭނާ ވިދާޅުވި އެވެ.

މަޖިލިހުގެ މެމްބަރުންގެ މައްޗަށް އިތުބާރު ނެތް ކަމުގެ ވޯޓު ނެގޭ ގޮތަށް ދުނިޔޭގެ ބައެއް އެހެން ގައުމުތަކުގައި އުސޫލުތައް ކަނޑައަޅާފައިވެ އެވެ. އޭގެ ތެރޭގައި އިނގިރޭސި ވިލާތް ވެސް ހިމެނެ އެވެ.

އެމްޑީޕީ އަދާލަތު ޕާޓީ އިލެކްޝަންސް ކޮމިޝަން ޖުމްހޫރީ ޕާޓީ ރައްޔިތުންގެ މަޖިލީހުގެ އިންތިޚާބު 2019

9 ކޮމެންޓް, 70 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކައްދާފުޅުދޮންތު

08 April 2019

ބަތްލަވާ ! 500 އަށްވުރެ ގިނަމީހުން ކޮންމެ ދާއިރާ އަކުން މެންބަރަކަށް ވޯޓްދޭ ! ދެން އެއަށް ވުރެ މަދު އަދަދެއްގެ ޕެޓީޝަނަކަށް މެންބަރު ނަގައި އެއްލައި ނުލެވޭނެދޯ ! ދެން އަނެއް ކޮޅުން ތީ ވަރަށް ނުރައްކާ ޚިޔާލެއް ! ވާގޮތެކީ މެންބަރަށް ވޯޓް ނުދިން މީހުންގެ 500 ވޯޓް ހަމަ ކޮށްލުމަކީ ކުރެވިދާނެ ކަމެއް ! ރަގަޅީ ދައުރު ހަމަވުމުން ! އެހެން މީހަކު ހޮވުން !

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމު

05 April 2019

ތީގައި އަހަރެންވެސް ސޮއެ ކުރިން ... ކުރަން ލަސްވެފަ އޮތްކަމެއް. ކެމްޕެއިން ކުރާއިރު ދައްކަނީ ވަރަށް ރީތީ މަންޒަރެއް .. ހޮވުނީމަ ވަނީ ބޮޑު ވަގަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިނިވަން ރާއްޖެ

04 April 2019

ހަމްޒާ އަކީ އިލްމީ ގާބިލު މަޑުމައިތިރި ބޭފުޅެއް. ހަމްޒާ ވަރަށް ރަނގަޅަށް ދަންނަ މީހެއްގެ ހައިސިއްޔަތުން މިބުނަނީ. މިކަހަލަ އިލްމީ ގާބިލު ރައްޔިތުންގެ އިހްސާސްތައް ދެނެގަނެ ރައްޔިތުންގެ ހައްގުތަކަށްޓަކައި މަސައްކަތްކުރާނެ ފަރާތްތައް މަޖްލީހަށް ހޮވަންވީ. ޕާޓީއިން އެންގީމަ އަންގާ ގޮތް ހަދަން ތިބޭ މީހުންނެއް ނޫން އަހަރެމެން ބޭނުންވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާލާ

04 April 2019

ތީ ދެއްކުންތެރި ސޮރެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1234

04 April 2019

100 ޕަސެންޓް ތާއީދު ތިކަމަށް. އަދި މަޖިލީހަށް ހަޒިރުނުވާ މެމްބަރުންގެ މުސާރަ ކެނޑޭގޮތްވެސް ހަދަން ޖެހޭނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުޑް

04 April 2019

މަށަށް އޮތީ އީވާ ނޫނީ ހަމްޒާ. ވަރަށް ކައިރިކައިރިން ދަނީ. އެމްޑީޕީގެ ވެޓިންގ ޕްރޮސެސް ގަ އިތުބާރެއް ނެތްކަން ނޫނީ އެފަދަ ޕްރޮސެސްއެއް ނުވެސް ނެތްކަން މިފަހަރު ފަޅާއެރުމުން އޭގެ ސަބަބުން ޑިސިޝަނަށް އަސަރުކޮށްފާނެ.