ޚަބަރު / ފުލުހުން

ނުރައްކާތެރި އަމަލެއް ހިންގަން އުޅުނު ކަމަށް ބެލެވޭ ދެ މީހަކު އަތުލައިގެންފި

ހެލްމެޓް އަޅައިގެން ތިބި މީހުން އެކްސިޑެންޓުވި ސައިކަލް.--ފޮޓޯ: ޕޮލިސް

އާސިމާ ނިޒާރު، މިހާރު

05 އެޕްރީލް 2019 - 20:01

27 comments

ނުރައްކާތެރި އަމަލެއް ހިންގަން އުޅުނު ކަމަށް ބެލެވޭ ދެ މީހަކު ފުލުހުން ރޭ މާލެއިން ހައްޔަރުކޮށްފި އެވެ.

ފުލުހުންގެ މީޑިއާ އޮފިޝަލަކު ވިދާޅުވީ ހެޕީމާކެޓު ކައިރީގައި ހެލްމެޓް އަޅައިގެން ވަޅި ހިފައިގެން ބަޔަކު ތިބިކަމަށް 10:44 ހާއިރު މައުލޫމާތު ލިބިގެން އެ ސަރަހައްދަށް ދިޔައިރު، ހެލްމެޓް އަޅައިގެން ތިބި ދެ މީހުން ސައިކަލުގައި ދާން އުޅުމުގެ ތެރޭގައި ސައިކަލް އެކްސިޑެންޓުވެފައިވާ ކަމަށެވެ.

އެވަގުތު އެކްސިޑެންޓުވި މީހާ ހައްޔަރުކުރިއިރު ދެން ހުރި މީހާ ހައްޔަރުކުރީ ފިލައިގެން ދަނިކޮށް އައިޖީއެމްއެޗް ކެންޓީން ކައިރިންނެވެ.

އެމީހުން ތިބީ ހެލްމެޓް އަޅައި އެއް ގަމީސް މަތިން އަނެއް ގަމީސް ލައިގެންނެވެ. އަދި ސައިކަލުގެ އަސްލު ނަމްބަރު ޕްލޭޓުގެ މަތީގައި ފޭކު ނަމްބަރެއް ޖަހާފައި ވެ އެވެ.

އެ ދެ މީހުން ދުއްވި ސައިކަލު މިހާރު ވަނީ ޓޯކޮށްފަ އެވެ.

ފުލުހުންގެ ބެލުމުގެ ދަށަށް ގެންގޮސްފައިވަނީ 20 އަހަރުގެ ފިރިހެނަކާއި 22 އަހަރު ފިރިހެނެކެވެ. އެމީހުންގެ ބަންދަށް ކްރިމިނަލް ކޯޓުން ވަނީ 10 ދުވަސް ދީފަ އެވެ.

ފުލުހުން ކުށްކުރުން ވަޅިހެރުން ގޭންގް ހަމަނުޖެހުން

27 ކޮމެންޓް, 165 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބުއްޅަބޭ

06 April 2019

ކޮންމެވެސް އެމޯީހުންގެ ވަނަ ވަރު ހާމަނުކުރާތި ބައުގެ ކުދިންކޮޅެއްވީމަ ހިމާޔަތްކުރަންވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދައިހާ

06 April 2019

ފަހަތަށް ބޮލު ހުޅި ޖެހި މީހުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހޭބެ

06 April 2019

މިހާރު ހެލްމެޓް ކަންތައް މާބޮޑުވެއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަން

06 April 2019

ފުލުހުންނަށް ވަޅި ފެނުނުތަ؟ މަތިމަައްޗަށް 2 ގަމީސް ލައިގެން ހުރުމާއި، ހެލްމެޓް އަޅައިގެން ތިބުމަކީ ކުށަކަށް ނުވާތީ އަހާލީ. ފޭކް ނަންބަރު ބޯޑް ހުރުމުންވެސް ސައިކަލު ދުއްވަންތިބި މީހުންގެ ބަދަލުގައި ވެރިފަރާތް ޒިންމާނަގަން ޖެހުން ގާތް. ތި ދެމީހުން 10 ދުވަސްފަހުން ދޫކޮށްލާނެ