ކުރީގެ ބަންޑާރަ ނައިބު ސުއޫދު: ސުޕްރީމް ކޯޓަށް ފާޑު ވިދާޅުވި މައްސަލަ ބަލަން އެ ކޯޓުން ވަނީ ނިންމާފައި-- ފޮޓޯ: މިހާރު
24 އެޕްރީލް 2019 - 11:27
12 comments
ކުރީގެ ބަންޑާރަ ނައިބު ހުސްނުއްސުއޫދު، ރާއްޖެ ޓީވީގެ ޕްރޮގްރާމެއްގައި ޖުޑީޝަރީއާ ބެހޭ ގޮތުން ދެއްކެވި ވާހަކަތަކާ ގުޅިގެން އޭނާ މިއަދު ސުޕްރީމް ކޯޓަށް ހާޒިރުވާން އަންގައިފި އެވެ.
ގޮތް ނޭނގޭ މަރުތަކުގެ މައްސަލަ ބަލާ ކޮމިޝަންގެ ރައީސްކަން ކުރައްވާ ސުއޫދަށް ސުޕްރީމް ކޯޓުން ފޮނުވާފައިވާ ޗިޓުގައި ބުނެފައިވަނީ މިއަދުގެ ވަގުތެއްގައި އެ ކޯޓުގެ ބޭނުމަކަށް ހާޒިރުވާން އަންގާ ކަމަށެވެ.
ޗިޓުގެ ފޮޓޯއެއް ޓުވީޓް ކުރައްވައި ސުއޫދު ވިދާޅުވީ، ގަޑި އަށް ވަޑައިގަންނަވާނެ ކަމަށާއި އަދި ޝަރުއީ ދާއިރާ އިސްލާހުކުރަން ކުރާ މަސައްކަތަށް ހުއްޓުމެއް ނެތް ކަމަށެވެ. އެ ޗިޓުގެ ބައެއް ސުއޫދު ޓުވީޓް ކުރައްވާފައި ވިޔަސް ހާޒިރުވާން ޖެހޭ ގަޑި ހާމައެއް ނުކުރައްވަ އެވެ.
ސުޕްރީމް ކޯޓުން އިއްޔެ ބުނެފައި ވަނީ ސުއޫދު ރާއްޖެ ޓީވީގައި ޝަރުއީ ދާއިރާއާ ބެހޭގޮތުން ދެއްކެވި ވާހަކަތަކާ ގުޅިގެން، ކޯޓުގެ ހުރުމަތް ރައްކާތެރި ކުރުމުގެ ގަވާއިދާއި ގާނޫނީ ވަކީލުންގެ ގަވާއިދުގެ ދަށުން އެ މައްސަލަ ބަލަން ސުޕްރީމް ކޯޓުގެ ފަނޑިޔާރުންގެ މަޖިލީހުން ބަލަން ނިންމާފައިވާ ކަމަށެވެ.
ރާއްޖެ ޓީވީގައި ހޯމަ ދުވަހުގެ ރޭ ވާހަކަ ދައްކަވަމުން ސުއޫދު ވަނީ ސުޕްރީމް ކޯޓުގެ ފަނޑިޔާރުންނަށް އިތުބާރު ނެތް ކަމަށް ވިދާޅުވެ، އެ ހުރިހާ ބޭފުޅުން ވެސް މަގާމުން ދުރުކުރަން ޖެހޭނެ ކަމަށް ވިދާޅުވެފަ އެވެ.
މީގެ ކުރިން ވެސް ޝަރުއީ ދާއިރާގެ އެކި ކަންކަމަށް ފާޑުވިދާޅުވެގެން ސުއޫދު ވަނީ ސަސްޕެންޑު ކޮށްފަ އެވެ. ޝަރުއީ ދާއިރާ އަށް ފާޑުކިޔާ އެހެން ބައެއް ވަކީލުން ވެސް މީގެ ކުރިން ސުޕްރީމް ކޯޓުން ވަނީ ސަސްޕެންޑު ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައްޔިތުމީހާ
24 April 2019
ސްޕްރީމްކޯޓުން ދެން ތިކަން ހުއްޓާލާފަ ރަށުތެރޭން ކޮންމެވެސް އެހެން ކަމަކާ އުޅެބަލަ.
ޥަސް
24 April 2019
ހުރުމަތަކީ އަމިއްލައަށް ގެއްލުވާލަންދެން ލިބިފައި ހުންނައެއްޗެކެވެ. ޢެއީ ގަދަކަމުން ހޯދޭ އެއްޗެއް ނޫނެވެ. ތިޔަކޯޓަށް އިތުބާރު ކުރަނީ ފަހެ ކާކު ހެއްޔެވެ. ތިކޯޓުގެ ފަޑިޔާރުން އަނެއްކާ ތިކޯޓަށް އިތުބާރު ކުރޭހެއްޔެވެ؟
އިސްމާލި
24 April 2019
ސުޕްރީމް ކޯޓުގެ ފަނޑިޔާރުންނަށް: ތިބޭފުޅުން ގެ އިއްޒަތާއި ކަރާމާތް އަދި ކޯޓުގެ ހުރުމަތް ބާރަށް އަންބޮނޑިއާލައި ބަނދެގެން ތިއްބަވާށެވެ. 19 ވަނަ މަޖްލިސް އެ އަންނަނީ ޖުޑިސަރީ އިސްލާހުކުރުމަށް ފޫގަޅައިގެންނެވެ. އެކަމަކު، ޕާޓީ ކުދިންނަށް ދޭންޖެހޭ ބަދަލުތައް ދީ ނިމުމަށްފަހު އެެވެ.
ހޮޓްކިންގ
24 April 2019
ސުޢޫދު ދެކޭގޮތުގައި ހުރިހާކަމެއް އެނގޭ އެންމެ މޮޅުމީހަކީ އޭނާ. އެކަމަކު އޭނާ ދައްކާ ވާހަކައިން މުޅި ނިޒާމުގައި ޖެހެނީ މައްސަލަ. ޤާނޫނީ ޢިލްމު އުނގެނިގެން ތި އެތައްބަޔަކު ސުޢޫދުގެ ވާހަތައް ގަބޫލު ނުކުރާތަން ފެންނަނީ. އެކަމަކު ސުޢޫދު ނޫން މީހަކު ސަރުކާރުން ކޮމެޓީއެއް ހެދިޔަސް ލާތަން ނުފެނޭ. މިހާ ހައިޖާނު ބޮޑުމީހަކަށް އިތުބާރު ނުކުރެވޭ. އޭނާއަކީ ގައުމީ ސަލާމަތަށް ހުރި ނުރައްކަލެއް. އަބަދު ކޯޓަށް ދަމާތަން ފެންނާނީ ކޮންމެވެސް މައްސަލައެއް އުޅޭތީ.
ަސުނޭނު
24 April 2019
އަހަރަމެން މިތިބީ ހަދާގޮތެއް ވަރަށް ކާރިން ބަލަން އިގޭތޯ.
ބޮން
24 April 2019
ހާޒިރުކޮށްފަ ބަހައްޓާށެވެ. ޖޫން މަސް ފެށިގެން ހިގައި ގަތުމާއެކު އަމިއްލަޔަށް ހޯދައިގަނެގެން އުޅޭ ބާރުތައް ދޫކޮށްލަންޖެހޭނެއެވެ. ސުމޯޓޯގެ ބާރު ކެނޑޭނެއެވެ. ރައްޔިތުން ވޯޓް ދިނީ އެގޮތަށެވެ. ރައްޔިތުންގެ ބަހަކީ ފަހު ބަހެވެ. ރައްޔިތުންވަނީ ސުމޯޓޯއަށް ނޫނެކޭ ބުނެފައެވެ.
އާރީ
24 April 2019
ސޫދުގެ ހިތްވަރަށް އަށްސަރިބަހާ ސާބަސް . ތީ ފިސާރި ބޭފުޅެއް. ތި ގޮތުގަ ހިފަހަށްޓާލާތި. ރަށްއިތުން ތިބީ މަނިކުފާނު ފަހަތުގަ
ހަސީން
24 April 2019
ސުޕްރީމް ކޯޓު ޖަޖުން އެންމެ ބިރު ގަންނަ މީހާ. ސާބަހޭ ސަރ ސޫދް. ތީ މޭން އެކޭ
ޑރ.ނަޒުނާ އަހުމަދު ހިތަދޫ/ޔޫކޭ
24 April 2019
ތިމީހުން ގެ ބޮޑުހުރުމަތުގެ ވާހަކަ ޕަބުލިކަށް ސާފުކޮށްދެއްވާތި..އެއްމެފަހަށް ތިޔަތަނަށް ވެއްދި 2 މީހުން ވައްދާފައިވަނީ ކީއްކޮށްދީގެން ކަން އަދި އެއީކޮންބަޔެއްކަން ކާކަށް ނޭނގެނީ.... ސޭޓު މިކަން ނިންމަން ރައްޔަތުން އަޢުލަބިއްޔަތުދިނީ އެމީސްމީހުންގެ ގާބިލުކމަކަށް ބެލުމެއްނެތި. ހޮވުނު ބައެއްމީސްމީހުންނަކީ އަސަސީފެންވަރުގެ މީހުން އަދި ސައިތައްޔާރުކުރަން އުޅުނުސޮރުންތައް. އުއްމީދަކީ މިފަދަ މީސްމީހުން ރައްޔަތުންނަށް ހަރާންކޯރުނުވާނެކަމަށް.ސޭޓޫ /ސޮރީ
ޢެޓޮމް
24 April 2019
65 ގޮނޑީގެ މާނައަކީ ޖުޑިޝަރީ ހަމަމަގަށް އަޅުވާށޭ.