ރާއްޖެ އިން އދ. އަށް ކަނޑައަޅާފައި ހުންނަވާ ދާއިމީ މަންދޫބު އަދި އެމެރިކާ އާއި ކެނެޑާ އަށް ކަނޑައަޅާފައި ހުންނަވާ ސަފީރު ކަމުގެ މަގާމުން ވަކިވެވަޑައިގަންނަވާ ޑރ. އަލީ ނަސީރު (ވ) އދ.ގެ ސެކްރެޓަރީ ޖެނެރަލްއާ ބައްދަލުކުރައްވަނީ.
03 މެއި 2019 - 12:21
18 comments
ރާއްޖެ އިން އދ. އަށް ކަނޑައަޅާފައި ހުންނަވާ ދާއިމީ މަންދޫބު އަދި އެމެރިކާ އާއި ކެނެޑާ އަށް ކަނޑައަޅާފައި ހުންނަވާ ސަފީރު ކަމުގެ މަގާމުގައި ހުންނެވި ޑރ. އަލީ ނަސީރު މުހައްމަދު އެ މަގާމުތަކުގެ މަސައްކަތް ނިންމަވާލައްވައިފި އެވެ.
ކުރީގެ ރައީސް އަބްދުﷲ ޔާމީނުގެ ސަރުކާރުން ސަފީރުކަމުގެ މަގާމަށް އައްޔަން ކުރެއްވި އަލީ ނަސީރު އިއްޔެ ކުރެއްވި ޓްވީޓެއްގައި ވިދާޅުވީ އދ. އަށް ކަނޑައަޅާފައި ހުންނަ ދާއިމީ މަންދޫބުގެ މަގާމުގައި ޑިޕްލޮމެޓިކް އެންމެ މަތީ ހަރުފަތުގައި ރާއްޖެ ތަމްސީލު ކުރެއްވުމަކީ ލިބިވަޑައިގެންނެވި ޝަރަފެއް ކަމަށެވެ. އެ ޓްވީޓްގައި އޭނާ ރައީސް އިބްރާހީމް މުހައްމަދު ސޯލިހަށް ޝުކުރު އަދާކުރައްވައިފަ އެވެ.
އދ. އަށް ކަނޑައަޅާފައި ހުންނަ ދާއިމީ މަންދޫބުގެ މަގާމު ނިންމާލުމުގެ ގޮތުން ނަސީރު އިއްޔެ ވަނީ އދ.ގެ ސެކްރެޓަރީ ޖެނެރަލް އެންޓޯނިއޯ ގުޓަރެސްގެ އަރިހަށް ވަދާއީ ޒިޔާރަތެއް ވެސް ކުރައްވައިފަ އެވެ.
ނަސީރު ސަފީރުކަމަށް އައްޔަން ކުރީ 2017 ވަނަ އަހަރު އެވެ. އޭގެ ކުރިން އޭނާ ހުންނެވީ ފޮރިން ސެކްރެޓަރީގެ މަގާމުގަ އެވެ.
އދ. އަށް ކަނޑައަޅާފައިވާ ދާއިމީ މަންދޫބު ކަމާއި އެމެރިކާ އާއި ކެނެޑާ އަށް ކަނޑައަޅާފައި ހުންނަވާ ސަފީރުކަމުގެ މަގާމަށް ރައީސް އިބްރާހީމް މުހައްމަދު ސޯލިހުގެ ސަރުކާރުން ހަމަަޖައްސާފައި ވަނީ ތިލްމީޒާ ހުސައިން އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޮޑު އަރަނީ
05 May 2019
ފިޝަރީޒް މިނިސްޓްރީގައި އުޅުމުގެތެރޭގައި އަޅުގަނޑަށް ދެތިން ހަތަރު ވަރކްޝޮޕެއްގައި މިބޭފުޅާއާއި އެކު މަސައްކަތް ކޮށްލަން ފުރުސަތު ލިބުނު. އަލިނީ އަކީ މިމަގާމަށް ވަރަށް ގާބިލް ބޭފުޅެއް. އަދި އެހާމެ ހިތްތިރިވެސް ބޭފުޅެއް. އެއްވެސް ވަރަކަށް ތަފާތެއް ނުކުރައްވައި
ގަމާރު
04 May 2019
އިލްމާއި ތަޖުރިބާ ނެތިގެންތޯ ވޭތުވެ ދިޔަ5 އަހަރުގައި ނަޒާހަތްތެރިކަމުގެ ފުލެޓް ހޯދަވައި މިލިޔަނުން ފައިސާ ނަގައިގެން އެތިބީ
ކައްމަތިން
04 May 2019
އިންޑިޔާ އާ އާ އީޔޫ އާ ކޮމަންވެލްތު ކުރމަތީ ދެއްކެވި ސާބިތުކަމަކީ ގައުމުގެ ޙައްޤުގައި ކުރެއްވި ތާރީޚީ މަސައްކަތެއް
ވިސްނާ
03 May 2019
އަލީ ފޮރިން މިނިސްޓްރީ ގައި ބެހެއްޓުން ރަގަޅު. ފޮރިން ޕޮލިސީ އަކީ ރައީސް ހަމަޖައްސަވާ ގޮތެއް.
ހާޖީ
03 May 2019
އަޅުގަނޑު ދުށް އެންމެ ކުޅަދާނަ ޑިޕްލޮމެޓަކީ ޢަލީ ނަސީރު. ވާހަކަ ދެއްކެވުމުގައި ކުޅަދާނަ އަދި ހަމަ އެހާމެ ބަލާޣާތްތެރި. ރައީސަށް ދަންނަވަން އޮތީ ހަމައެކަނި ބަދަލެއް ގެނައުމުގެ ބޭނުމުގައި މިކަހަލަ ބޭފުޅުން އެއްފަރާތް ނުކުރައްވާށޭ. ތިލްމީޒާއަށްވިރެ އެތައް ގުނައެއް އެ މަޤާމަށް ޤާބިލު ބޭކަލެކޭ ތިޔަ އެއްފަރާތް ކުރައްވަނީ، ހަމައެކަނި ޔާމީނު އައްޔަނުކުރި މީހެއް ވީމައޭ ބުނެ.
މައްސަލަ
03 May 2019
ޑރ.އަލީ ނަސީރަކީ ފޮރިން މިނިސްޓްރީގައި 30 އަހަރު އުޅެފައިވާ ޚާރިޖީ ތަޖުރިބާކާރެއް. ޢިލްމާއި ތަޖުރިބާއާއި ކޮލިޓީގެ ގޮތުން އޭނާ އާ އެއްވަރުގެ ޑިޕްލޮމެޓުން ރާއްޖޭގައި މަދުވާނެ. އެންމެ ޖޫނިއަ ލެވެލުން ގޮސް ފޮރިން ސެކްރެޓަރީ އާ ހަމައަށް ވާސިލްވީ އެތައް އަހަރެއްގެ ތަޖުރިބާ އާއި އެންމެ މަތީ ތަޢުލީމާއެކު. އެމްޑީޕީ ހިސާން ހުސެއިންގެ ކޮއްކޮ ތިލްމީޒާ ހުސެއިން އަކީ އަލިނީ ހިނގި މަގަކުންވެސް ނުހިނގޭނެ މީހެއް. ކޮބައިތޯ މިދިޔަ ސަރުކާރާއި މިސަރުކާރުގެ ތަފާތަކީ؟
އއަޙއުއްމީދު
04 May 2019
މިފެނިގެންދަނީ ޤާބިލު މީހުން އެކަހެރިކޮށްފައި ސިޔާސީ ގޮތުން ޕާޓީގެ މީހުންއަށް މަޤާމުތައް ދޭ މަންޒަރު. ކުރީ ސަރުކާރަކާ ވަކި ތަފާތެއް ނެތް. ވަރަށް އުއްމީދުތަކާއެކު އެމްޑީޕީ އަށް ވޯޓުދިނީ. ވަރަށް ދެރަ ގޮތަށް އަދި މަޤާމުތަކަށް އައްޔަންކުރެވިގެން ދަނީ.
ހަކީމް
03 May 2019
ޔާމީނު ގެ ފަހުދުވަސްކޮޅު ހާދަ ހަޑިޔެއް ހާވަދިން މީހެކޭ ... ޗީޗީ .
ބޮނދު
03 May 2019
ޚުދުމުޚުތާރު އަނިޔާވެރި ކޮރަޕްޓް ވެރިކަމެއް ދިފާޢުކުރުމަށް ބައިނަލްއަގުވާމީ ދުނިޏޭގަ މަސައްކަތްކުރި ބޭފުޅެއްގެގޮތުގައި ތާރީޚް ހެކިދޭނެ.
އހްމަދު
04 May 2019
ޑރ. އަލިނީ އަކީ ސިޔާސީ ވިސްނުމެއްނެތި، ވަކި ފަރާތަކަށް ބުރަ ނުވެ، ޕްރޮފެޝަނަލް މީހެއް.
عبدالله ސަޢީދު
03 May 2019
ޑޮކްޓަރ ޢަލީ ނަޞީރު މުޙައްމަދަކީ، ފަސްބައިގައި އެއްވެސް ކިލަނބުކަމެއް ނެތް ވަރަށް ގާބިލް މޮޅު ބޭފުޅެކެވެ. މިރާއްޖޭގެ ކުރިއެރުމާ ތަރައްޤީއަށްޓަކައި ބުރައުފުލާފައިވާ ޒިންމާދާރު ބޭފުޅެކެވެ.
ބަބުރަންޖީ ހާޖީ
03 May 2019
ދެން އަވަހަށް ގެއަށް އާދޭ.
ހިޔަޅު
04 May 2019
ކަލޭމެން ކަހަކަ ތަންދޮރު ނޭގޭ މީހުން އުލޭނީ ގެއަށް ފޮނުވާލީމަ ކަންބޮޑުވެގެން. ޥ ވެދުން