ވެލެންސިއާގެ ކެޕްޓަން ޕަރޭހޯ ތަށި އުފުލާލަނީ.-- ފޮޓޯ: އޭއެފްޕީ
26 މެއި 2019 - 10:11
32 comments
ސެވިލް، ސްޕެއިން (މެއި 26) - ޖެހިޖެހިގެން ފަސް ވަނަ ފަހަރަށް ސްޕެނިޝް ކަޕް ކާމިޔާބުކުރަން ނުކުތް ބާސެލޯނާ 2-1 އިން ބަލިކޮށް 11 އަހަރު ތެރޭ ފުރަތަމަ ފަހަރަށް ވެލެންސިއާ އިން މުބާރާތުގެ ތަށި އުފުލާލައިފި އެވެ.
އެންމެ ފަހުން ހަތަރު ފަހަރު މުބާރާތް ކާމިޔާބުކުރި ބާސެލޯނާ ރޭގެ މެޗަށް ނުކުތީ މި ފަހަރު ވެސް ތަށި އުފުލާލައި މުބާރާތުގެ ރެކޯޑެއް ގާއިމުކުރުމުގެ އަމާޒުގަ އެވެ. އެކަމަކު މި ފަހަރުގެ ލީގު ޗެމްޕިއަން ބާސެލޯނާ ހުއްޓުވައި ވެލެންސިއާ އިން ވަނީ 2008 ވަަނަ އަހަރަށް ފަހު ފުރަތަމަ ފަހަރަށް މި މުބާރާތް ކާމިޔާބުކުރީ އެވެ.
ސެވިއްޔާގެ ދަނޑުގައި ކުޅުނު ރޭގެ މެޗަށް ނުކުތްއިރު ބާސެލޯނާ އަށް ވަނީ އަނިޔާގެ މައްސަލަ ކުރިމަތިވެފަ އެވެ. އެ ގޮތުން އަނިޔާގެ ސަބަބުން ބާސެލޯނާގެ ކީޕަރު ޓާ ސްޓެގެން އާއި ލުއިސް ސުއަރޭޒް އަދި އޮސްމާން ޑެމްބެލޭ ރޭގެ މެޗުގައި ނުކުޅެ އެވެ.
ރޭގެ މެޗުގައި ފުރަތަމަ 33 މިނިޓްގެ ތެރޭގައި ވެލެންސިއާ އިން ވަނީ ދެ ގޯލުގެ ލީޑެއް ނަގައިފަ އެވެ. މެޗުގެ 21 ވަނަ މިނިޓްގައި ކެވިން ގަމޭރޯ އަށް އޭރިއާތެރެއިން ލިބުނު ބޯޅަ ހަމަޖެހިލާފައި ވަނީ ގޯލުގެ ތެރެއަށް ފޮނުވާލައިފަ އެވެ. ވެލެންސިއާގެ ލީޑުފުޅާކޮށްދިނީ މެޗުގެ 33 ވަނަ މިނިޓްގައި ސްޕެއިނުގެ ފޯވާޑް ރޮޑްރީގޯ މޮރޭނޯ އެވެ. ކާލޮސް ސޮލެއާ ނަގައިދިން ހުރަހަކުން ރޮޑްރީގޯ މި ގޯލު ޖެހީ ބޮލުންނެވެ.
ފުރަތަމަ ހާފް ނިމުމުގެ ކުރިން ބާސެލޯނާ މެޗުގެ ތެރެއަށް ގެންދަން އެ ޓީމުގެ ކެޕްޓަން ލިއޮނަލް މެސީ ޖެހި ބޯޅަ ވެލެންސިއާގެ ކީޕަރު ޔޯމޭ ޑޮމެނެކް ވަނީ މަތަކޮށްފަ އެވެ. ބާސެލޯނާ އިން ލަނޑެއް ޖެހުމަށް ކުރަމުން އައި މަސައްކަތް ކާމިޔާބުވީ މެޗުގެ 73 ވަނަ މިނިޓްގަ އެވެ. ކޯނަރަކުން އޭރިއާތެރެއަށް ހުރަަސްވި ބޯޅަ ކްލެމެންޓް ލޮންގްލެޓް ބޮލުން ފޮނުވާލިއިރު ކީޕަރު ޑޮމެނެކް އަތުގައި ޖެހިފައި އެ ބޯޅަ ލިބުނީ ގޯލު ކުރިމަތީގައި ހުރި މެސީ އަށެވެ. މެސީ ވަނީ ފަސޭހަކަމާ އެކު ގޯލުގެ ތެރެއަށް ބޯޅަ ފޮނުވާލައިފަ އެވެ.
މެޗުގެ އިތުރުވަގުތުގައި ވެލެންސިއާ އަށް ތިން ވަނަ ލަނޑެއް ޖަހައިދޭން ގޮންޒާލޯ ގުއޭޑޭޝް އަށް ލިބުނު ދެ ފުރުސަތުގެ ބޭނުން އޭނާ އަށް ނުކުރެވުނެވެ. ރޭގެ މެޗު ކުޅެމުންދިޔައިރު ފިނިހޫނުމިން ހުރީ 30 ޑިގްރީ ސެލްސިއަސްކަމުގައި ވުމުން ރެފްރީ ވަނީ ކޮންމެ ހާފެއްގައި ކޫލިން ބްރޭކެއް ދީފަ އެވެ.
މި ފަހަރުގެ ސީޒަން ހަަމައެކަނި ލީގުގެ ކާމިޔާބީން ނިންމާލަން ޖެހުމުން ބާސެލޯނާގެ ކޯޗު އާނެސްޓޯ ވަލްވޭޑޭ މަގާމުގައި ހުންނަން ސަޕޯޓަރުންގެ ޕްރެޝަރު ބޮޑުވެފައިވީ ނަމަވެސް ބާސެލޯނާގެ ރައީސް ޖޯސެފް ބާޓޮމެއު ރޭގެ މެޗަށް ފަހު ވެސް ވަނީ ވަލްވޭޑޭގެ ދިފާއުގައި ވާހަކަ ދައްކައިފަ އެވެ.
ވަލްވޭޑޭ ބުނީ ބާސެލޯނާ ކޯޗުގެ މަގާމުގައި ހުރެ މި ފަދަ ގޮތަކަށް ސީޒަން ނިންމާލަން ޖެހުމަކީ ފަސޭހަކަމެއް ނޫން ކަމަށާއި ބޭނުންވަނީ ޗެލެންޖެއްގެ ގޮތުގައި ނަގައިގެން އަންނަ ސީޒަނުގައި އިތުރު ކާމިޔާބީ ހޯދުމަށް ކަމަށެވެ.
ވެލެންސިއާގެ ކެޕްޓަން ޑެނީ ޕަރޭހޯ ބުނީ މެޗަށް ނުކުތްއިރު ބާސެލޯނާ ބަލިކުރަން ކުޅެންޖެހޭނެ ގޮތަކާ މެދާ މެދު ވަރަށް ރަނގަޅަށް ތައްޔާރުވި ކަމަށާއި މެޗުގައި އެ މީހުން ބޭނުންވި ޕްލޭން މަސައްކަތްކުރި ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނާގަބާޑި
27 May 2019
މަމީ ބާސާގެ ފޭނެއްނޫ އެކަމަކު ދުނިޔޭގެ އެއްމެ މޮޅު ކުޅުންތެރިޔާ އަކީ މެސީ މެސީ. ރުޅިއަންނަމީހަކު އަންނަންވީ މަބޭނުމީ ރާއްޖޭގެ ރައީސް ކަމައް ވެސް މެސީ ގެންނަން
ބްރިޖޓޯ
26 May 2019
ނިއު ކޮބާ؟
ކޯޗް
26 May 2019
ބާސާގެ ސްޓައިލަކީ ރެފްރީއަށް ނުފެންނަގޮތަށް އިދިކޮޅު ޓީމުގެ ކުޅުންތެރިންނަށް އަނިޔާކުރުން. މިހާރުވެސް މެސީއާއި ސްއަރޭޒްގެ އެފަދަ މައްސަލަތަކެއް އެބަބަލައެވެ.
ހަގީގަތް
26 May 2019
މެސީއާއި ސުއަރޭޒްގެ ކޮން މައްސަލައެއްތަ ބަލަނީ. މެސީއަކީ ފުޓްބޯޅަ ދަނޑުމަތީގައި އަދި ދަނޑު ބޭރުންވެސް އެންމެ އަޚްލާޤް ރަނގަޅު އެއް ކުޅުންތެރިޔާ. މިކަމާ އޭނަގެ ހޭޓަރުންވެސް އެއްބަސްވާނެ.
ސަނީީ
27 May 2019
މިހާރު ހޭޓަރުނަނަކީވެސް ބާރސާގެ ސަޕޯރޓަރުން. ސަޕޯރޓަރުންވެސް މެސީއަށް ބަވަނީ. އެއާރޕޯރޓުން ދިމާކޮށްފި. ދަނޑުމަތިން އެވަރަށް ފުރައްސާރަކުރޭ. ފައިގައި ބޯޅަޖެހޭ އިރަށް ބޫ ކުރޭ
ހަގީގަތް
27 May 2019
ސަނީޔަށް. ކޮން އިރަކުތަ ބާސާ ސަޕޯރޓަރުން މެސީ ފައިގަ ބޯޅަ ޖެހޭއިރަށް ބޫކުރީ. މަށެއް ދުވަހަކުވެސް އެމަންޒަރެއް ނުދެކެން. އެކަމަކު ކަލޭމެންގެ ހީރޯޔަށް އެތައް ފަހަރަކު ބޫކުރިތަން ފެނޭ. ރޯދަޔަށްހުރެ ދޮގު ނުހެދުމަށް ގޮވާލަން.
ހަޑިގިއްލާ
26 May 2019
ތިޔަ ނަތީޖާއިން އެނގުނީ ބާސެލޯނާ އަށްވުރެ އާސެނަލްގެ ފެންވަރު ރަނގަޅުކަން.. އާސެނަލުންވަނީ ވެލެންސިޔާ ދެލެގްގަވެސް ލަދުގަންނަވާލާފަ..
ޢިބޫ
26 May 2019
އާސެނަލް ބާސެލޮނާ އަތުން މޮޅުވި ހަނދާނެއްނުވޭ އެކަމަކު ތިކިޔަނީ އާސެނަލް މޮޅޭ. ލޮލް.
ރަދީފްް
26 May 2019
ރެފްރީ ގަނެގެން އާރސެނަލް ބަލިކުރި ހަނދާން ނެތުނީތޯ؟
ބައްޓޭ
26 May 2019
ބާސާނޫން ޓީމަކައް ތިލިބެންވެއްޖެދޯ
ބުސީ
26 May 2019
ވަލްވާޑޭ ލައިގެން ނުވާނެ ތިކަމެއް. ވަލްވާޑޭ އައުޓް. ބާރޓޮމޫ އައުޓް.
ހަގީގަތް
26 May 2019
މިތާގައި ކޮމެންޓްކްރާ ބާސާގެ ހޭޓަރުންނަށް. ބާސެލޯނާއަކީ ވަރަށް ޔުނީކް ސްޓައިލެއްގެ ފުޓްބޯޅައެއް ކުޅޭ ބައެއް. އެމީހުންނަށް ލިބުނު ބޮޑެތި ކާމިޔާބީތަކުގެ ސިއްރަކީވެސް މިސްޓައިލް. ގިނަ މީހުންނަށް ފުޓްބޯޅަޔަކީ ކިހާވަރެއްގެ ކުޅިވަރެއްކަން އިނގުނީވެސް ބާސާގެ ހިތްގައިމު ސްޓައިލްގެ ސަބަބުން. ބާސާ ސަޕޯރޓަރުން އަބަދުވެސް ބޭނުންވަނީ ބާސާގެ ސްޓައިލްގައި ކުޅެން. މިއަށް ގޮންޖަހާތީ މިހާރު ރުޅިއަންނަނީ. ހަމައެކަނި ނަތީޖާޔަކުން ސަޕޯރޓަރުންނަކަށް ނުފުދޭނެ.
ހިސޭ
26 May 2019
އެ ސްޓައިލަކީ ކޮބާ؟ ބާރސާ ސްޓައިލް ކިޔާ ސްޓައިލެއް ނޯވޭ. ބާރސާ އިން ކުޅޭ ސްޓައިލަކީ އެހެން ޓީމުތަކުން ކުރިން ކުޅެ ތަޖުރިބާ ކޮށްފަ ހުރި ސްޓައިލެއް. ފުޓްބޯޅައަކީ އާ ކަންކަން ތައާރަފުވެ، ބަދަލުވެ، އިވޯލްވްވަމުން އަންނަ އެއްޗެއްކަން ބާރސާ ސަޕީރޓަރުންނަށް ނޭނގުމަކީ މައްސަލައެއް. ޓިކިޓަކާ ސްޓައިލަށް ކުޅެ ކާމިޔާބު ހޯދި ސްޕެއިނަށް އަބަދު ކާމިޔާބު ލިބޭތޯ؟ އެސްޓައިލަށް ކައުންޓަރ ކުރަން ޓީމުތަކުން ދަސްކޮށްފި. އެއް ސްޓައިލެއްގައި އަަބަދު ކާމިޔާބެއް ނުލިބޭނެ
ކަރީމުއްދީން ބާޝާ
26 May 2019
ހެޑިން ކިޔާލީމާ މަދިޔައީ ސިއްސައިގެން. ރަނގަޅަށް ކިޔާލީމާ ވާނުވާ އިނގުނީ.
ހަގީގަތް
26 May 2019
މަރުހަބާ ވެލެންސިޔާ. ބާސާ ފޭނެއްގެ ހައިޞިއްޔަތުން މި ނަތީޖާޔާމެދު މާކަ ބޮޑަކަށް ދެރައެއްނުވޭ. އެކަމަކު އެންމެ ދެރަވަނީ ވަލްވާރޑޭ އަންނަ ސީޒަނުގައިވެސް ކޯޗަކަށް ހުންނާނެތީ. ކުރިޔަށް އޮތް ސީޒަނާމެދު އެއްވެސް އުންމީދެއްނެތް. ޗެމްޕިއަންސް ލީގުގެ ކުއާރޓާއިން ކަޓައި، ލަލިގާގެ ދެވަނަ ލިބި ކޮޕާ ޑެލްރޭވެސް އަންނަ ސީޒަނުގައި ނުލިބޭނެ. މިބުނީ ވަލްވާރޑޭ ހުރެއްޖެނަމަ. މިތާގަ ކޮމެންޓްކުރާ މީހުންނާ ޖަދަލުކުރާ ހިތްވަރެއް މިހާރަކުނެތް.
ރަދީފާާ
26 May 2019
އެކަމަކު ރަދީފް ބުނަނީ އެއީ ޓެކްޓިކްސް ދަންނަ މޮޅު ކޯޗެއް ކަމަށް. ބާރސާއަށް އެންމެ ރަނގަޅު ކޯޗު ކަމަށް ދުވަސްކޮޅެއް ކުރިން ބުނި. މިހާރު ކިހިނެއްބާ މިވަނީ؟
ހަގީގަތް
26 May 2019
ވަލްވާރޑޭއަކީ ޓެކްޓިކްސް ދަންނަ މޮޅު ކޯޗެއް ކަމަށް ބުނާ ކޮންމެ މީހަކީ ފުޓްބޯޅައިގައި އެއްޗެއް ނޭނގޭ ރޯނު އެދުރެއް. ރަދީފު ނުވަތަ ކޮންމެ މީހަކު ބުންޏަސް މިކަން އޮންނާނީ މިގޮތަށް. ވަލްވާރޑޭ ނޫން މީހަކު ޖެހިޖެހިގެން 2 ފަހަރު 3 ގޯލްގެ ލީޑެއް ފެނަކަށް ދުއްވައެއް ނުލާނެ. ވަލްވާރޑޭގެ ހަމައެކަނި ޓެކްޓިސްއަކީ ގޯލެއް ޖެހުމާއެކު ބަސް ޕާކުކޮށް އެލީޑު ދެމެހެއްޓުން. އަދި މެސީގެ މެޖިކަށް އިންތިޒާރުކުރުން.
ރަދީފާާ
26 May 2019
މިކަމުގައި ރަދީފްގެ ބަހެއް ބޭނުން
ރަދީފް
26 May 2019
އޭޒް ޕްރެޑިކްޓެޑް ރެއާލް އަދި ސްޕާސްގެ ޕްލާސްޓިކްތައް ހޮރުން ނިކުމެއްޖެ.ވ.ވެދުން
ހިސޭ
26 May 2019
ރަދީފް ބުނެބަލަ ގޯހީ މެސީތަ ނޫނީ ވަލްވާރޑޭތަ؟ ހަނދާނަށް އަންނަނީ ދުވަސްކޮޅެއް ކުރިން ވަލޭ އެއީ ކަމުދާ ކޯޗެއް ނޫނޭ ބުނީމަ ރަދީފް ބްރޯ އުތުރި އަރައިގަތް ހަނދާން. ޓެކްޓިކްސް ދަންނަ، މޮޅު ބާރސާއާ ގުޅޭ ކޯޗެކޭ ބުނި. މިހާރުވެސް ގަބޫލުކުރަނީ އެގޮތަށްތޯ؟ ކީއްވެގެންތޯ ބާރސާ ފޭނުން މެސީ ދެކެ އެހާ ރުޅި އަންނަނީ؟ ކީއްވެގެންތޯ ކްލަބްގެ ލެޖެންޑަށް ފުރައްސާރަކުރަނީ؟
ޢިބޫ
26 May 2019
ކޮން ބާސާ ފޭނެއް މެސީއަށް ފުރައްސާރަ ކުރަނީ.
ހިސޭ
26 May 2019
ޢިބޫ ތަންކޮޅެއް ލަހުން ހޮރުން ނުކުމެވުނީމަ ނޭނގުނީ. އެއާޕޯޓުންނާ ދަނޑުމަތިން މެސީއާ ދިމާއަށް އެއްޗެހި ކިޔާ، ފުރައްސާރަކުރިކަން ނޭނގެނީތަ؟