މާފުށީ ޖަލު: ޖަލުގައި ހިނގައިދިޔަ ކަންކަމާ ގުޅޭ ގޮތުން އީއެސްޖީގެ އޮފިސަރުންގެ ހިތްހަމަނުޖެހުން އެބަހުރި. --ފޮޓޯ/މިހާރު
23 ޖޫން 2019 - 10:35
67 comments
މާފުށީ ޖަލުގައި މިދިޔަ ބުރާސްފަތިދުވަހު ހިނގި ހަމަނުޖެހުންތަކާ ގުޅިގެން ޖަލުގެ އިމަޖެންސީ ސަޕޯޓް ގްރޫޕް (އީއެސްޖީ)ގެ އޮފިސަރުން ގޮޅިތަކަށް ވަނުމަށާއި އެކި ބޭނުންތަކުގައި ގައިދީން މާލެ ގެންނަން ދެކޮޅު ހަދައިފި އެވެ.
ޔުނިޓު ހަތަރެއްގައި ހަމަނުޖެހުން ހިނގީ އެހެން ގޮޅިއެއްގައި ތިބި ގައިދީންތަކެއްގެ އަތުން ޖަލަށް ވެއްދުން މަނާ އެއްޗެއް ގެނެސްދޭން އެދުމުން އެކަމަށް އޮފިސަރު އިންކާރު ކުރުމުންނެވެ. ގައިދީ އިސްވެ އޮފިސަރަށް ހަމަލާ ދިނުމާ އެކު އީއެސްޖީގެ އޮފިސަރުން ގޮޅިތަކަށް ވަދެ ޕެޕަ ސްޕްރޭޖަހައި ގައިދީން ގައިގައި ތަޅައި އަނިޔާކުރި އެވެ. ހަ ގައިދީއަކަށް އަނިޔާވި އިރު، ބައެއް މީހުންގެ ބޯ ތުނިކޮށް ކޮށާލި އެވެ.
މި ހަމަނުޖެހުމުގެ ތެރޭގައި ޔުނިޓު ހަތަރެއްގައި ހުރި ސީސީޓީވީ ކެމެރާތައް ވެސް ވަނީ ތަޅާލައިފަ އެވެ.
ހަމަނުޖެހުންތަކާ ގުޅިގެން އީއެސްޖީގެ ކޮމާންޑަރު ވަނީ ސަސްޕެންޑްކޮށްފަ އެވެ. އެއީ އެފަދަ ހާލަތެއްގައި ޒިންމާ އުފުލަން ޖެހެނީ އޭނާ ކަމަށް ވާތީ އެވެ. އެކަމަކު، ޖަލުގައި އަނިޔާކުރީ ކޮން އޮފިސަރުންނެއް ކަމެއް އަދި ނުހޯދޭ ކަމަށް ކަރެކްޝަންސުން ވަނީ ބުނެފަ އެވެ.
އީއެސްޖީ އޮފިސަރުން ގޮޅިތަކަށް ވަނުމަށާއި ގައިދީން މާލެ ގެންނަން ދެކޮޅު ހަދަނީ، އެނގިފައިވާ ގޮތުގައި، އެ މީހުންނަށް ރައްކާތެރި ކަމެއް ނެތް ކަމަށް ބުނެ އެވެ. ގައިދީން ބޭސްފަރުވާ އަށާއި ޝަރީއަތްތަކަށް މާލެ ގެންނަނީ ވެސް އެ އޮފިސަރުންނެވެ.
"އެ މީހުން ބޭނުމެއް ނުވޭ ގައިދީން ގޮވައިގެން މާލެ އަންނާކަށް ވެސް. މިއަދުގެ މިހާތަނަށް އެއްވެސް ގައިދީއަކު ނުގެނޭ،" މައުލޫމާތު އެނގިވަޑައިގަންނަވާ ބޭފުޅަކު "މިހާރު" އަށް ވިދާޅުވި އެވެ.
"އޮފިސަރުން ސަސްޕެންޑްކުރަންވީމަ ގަވާއިދާ އެއްގޮތަށް އަމަލުކުރާ އިރު، ގައިދީން މާލެ ގެނައުމާއި އެހެން ކަންކަމުގައި ގަވާއިދަށް އަމަލު ނުކުރާ ކަމުގެ ކަންބޮޑުވުން ފާޅުކުރަނީ. މިސާލަކަށް، ގައިދީން ގޮވައިގެން މާލެ އަންނަ އިރު ދެ އޮފިސަރުން ތިބެން ޖެހޭ އިރު، އެންމެ އޮފިސަރަކު ވެސް ދާން ޖެހިދާނެ."
މިކަމާ ގުޅިގެން ކަރެކްޝަންސް ސާވިސްގެ މީޑިއާ އޮފިޝަލް ވިދާޅުވީ ގައިދީން މާލެ ގެނައުމުގެ ކަންކަން ކުރިއަށް އެބަދާ ކަމަށެވެ. އިތުރު އެއްޗެއް ވިދާޅެއް ނުވެ އެވެ.
.އޮފިސަރުންގެ ހިތްހަމަނުޖެހުންތަކެއް ހުރި އިރު، ކޮމިޝަނާ އޮފް ޕްރިޒަންސް އަބްދުﷲ މުނާޒް ރޭ ވިދާޅުވެފައި ވަނީ ބުރާސްފަތިދުވަހު ހިނގައިދަ ކަންތައްތަކަށް ފަހު ޖަލުގެ ހާލަތު ކޮންޓްރޯލް ކުރެވިފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޤައިދިީންގެ ސަރުދާރު.
23 June 2019
ޤައިދީއަކު އޮފިސަރެއްގެ ގައިގާޖަހާއަނިޔަަާކުރުމުން އޮފިސަރުންތަކެއް ނުކުމެ އެހެން ގޮަޅިއެއްގައި ތިބިމީހުން ތަޅާ އަނިޔާކުރަން ޖެހުނު ސަބަބަކީ ކޮބައިތޯއެވެ? އޮފިސަރުން ތިބީ ދެގްރޫޕަކަށް ސަޕޯރޓް ކޮށްގެން ހެން ހާދަ ހީވެ އެވެ. އެއް ގްރޫޕާށް ލިބޭތަކެތި އަނެއް ގްރޫޕަށް ނުލިބިގެން މައްސަލަޖެހުނީމާ މިހެން ހީވީއެވެ.
ކިވެލް
23 June 2019
ހިމާޔަތްހޯދަން ދާނެ ތަނެއް ނެތް ގައުމެއް
ކައްތުބޭ
23 June 2019
މޯދީ ބްރަދަރގެ އެހީހޯދާލާ! އިންޑިއާ ޖަލުގެ އެނެކްސް އަކައް މާފުށީ ޖަލުހަދާލުމައްފަހު ޖަލުސީދާ ދިލްހީގެ ސެންޓްރަލް ކޮމާންޑްގެ ދަށުން އިންޑިއަން ބްރަދަރސް ގެނެސް ބަލަހައްޓާލާ. ދިވެހި އޮފިސަރުން ބައިތިއްބާނި އިންޑިއަން އޮފިސަރސްގެ batman ނުންނައް! ސަޅިއެއްނޫންތަ!
އިދުރީސް19
23 June 2019
ހުންނާނީ ރަކަނިމަސް ކެވިފަ. އިމްރާނާ މުނާޒުގެ ހަވާލުގައި ގެންގޮސް ގެންނަވާ އިއްޒަތްރެރި ގައިދީން.
ހުސެން
23 June 2019
ހަމަނުޖެހުން ހިންގާ ގައިދީއަކު އިސްވެ ޖަލުބަލަހަށްޓާ އޮފިސަރަކަށް ހަމަލާދިނީ، މިހެންކަމަށް ވާނަމަ ބާކީ ހުރި ގޮޅިތަކަށް ޖަލު ބަލަހަށްޓާ އޮފިސަރުންވަދެ އެތަންތަނުގައި ތިބި ގައިދީންގެ ގަޔަށް ޕޭޕަރ ސުޕުރޭޖަހާ އަނިޔާކުރަން ޖެހޭ ސަބަބެއް ނެތެއްނުން؟ ކަމެއް ދިމާވިޔަސް ޖަލުބަލަހަށްޓާ މީހުން ތިބެންޖެހޭނީ ހަމަހޭގަދޯ! ގައިދީންނަކީ އޮފިސަރުން ބޭނުންވީމަ ތަޅާއަނިޔާ ކުރަންތިބޭ ބައެއްނޫންކަން މި އޮފިސަރުންނަށް އެނގެންޖެހޭ، އަދިވެސް ކުރީޒަމާނުގެ ގޮތްގަނޑު..
އެއްކަންފަތް ބޮޑު
23 June 2019
އެންޑީޕީ ވެރިކަމުގަ 2009 އަހަރުވެސް ހަމަމިރޭވުން ރޭވީ. އެފަހަރު ދޫނިދޫ ޖަލުގަ ތިބިބަޔަކަށް އަނިޔާކޮއްފަ ބޯބޭލީ. ދެން މިކަމާގުޅިގެން އިދިކޮޅު ޕާޓީތަކުން ބަޔާންތައް ނެރެންފެށީ. ދެން މަޑުމަޑުން ލަވަމުން ލަވަމުން ގޮސް ބަގާވާތެއްކޮއް ވެރިކަންވައްޓާލީ. މިފަހަރުވެސް ހަދަން އެއުޅެނީ ހަމަ އޭތި. އެންޑީޕީ މީހުންތިބޭ ހަރުގޭގަ ރަނގަޅައް ދެމިޔަކަނުން ސޮނިފައިބާ ވަރަށް ދުފާލައިގެން ރާޒުވާ ކުޅެން. ހޭވެރިކަމެއް ވާއިރު އޮނަނާނީ ވާނީ ވެރިކަންވެއްޓިފަ.
ފައިސާ ފައިސާ
23 June 2019
މީ ފައިސާ ކޮޅެއްގެ މައްސަލައެއްތަ އަނެއްކާ. ބަހަންވާވަރަށް ނުބެހުނީމަ ހޮޅުއަށީގަވެސް ތަޅާ ގަނޭ. ޑިގު ކުޅޭ ބޭބެ ކައިރީ އަހަންވީ ދޯ!
ބޮޑުމީހާ
23 June 2019
އެމީހުންގެ މައްޗަށް ތިބި މީހުން އެމީހުންނަށް އިތުބާރު ނުކުރަންޏާ ވާނީ މިހެން. ގައިދީން ހެޔޮ އޮފިސަރުން މަރާލިޔަސް، އަޅާވެސް ނުލާ ތިބެންވީ
އޯނޯ
23 June 2019
ތަމެންގެ ދުވަސްދަނީތޭ ހާދަ ސުންޕާ ވައްތަރު ސިހުރެކޭ ތިޔާއީ އިނގޭތޭ ދައްކަގަ ތަމެންގެ އަތްތިލަ ބަލާލަން އޯނޯ ހުރި ހިތާމައެއްގެ ބޮޑު ކަމާއޭ....
ޚުރާ
23 June 2019
މުސާރަ ރިހަޔާ ރޮއްޓާ ޖަހާލައިގެން ކާލާފައި މަސައްކަތެށް ނުކުރޭ. މިއީ ކޮންކަހަ ބައެށް.