ތެލެސީމިއާ ބަލި ހުންނަ ދެ ޒުވާނުން ކަމަށްވާ އަދުހަމް މުހައްމަދާއި (ކ) އާއި އިސްމާއިލް ފަޔާޒް.
14 ޖުލައި 2019 - 21:07
43 comments
މުޅި އުމުރަށް ލޭ އަޅަންޖެހޭ، ތެލެސީމިއާގެ ދެ ޒުވާނަކު މިއަދު މަރުވެއްޖެ އެވެ.
މާލޭގައި ދިރިއުޅެމުން އަންނަ އެ ދެ ޒުވާނުންގެ ތެރެއިން ހއ. އުލިގަން މޫންލައިޓް، އަދުހަމް މުހައްމަދު (އަދޫ) 24، މަރުވެފައި ވަނީ މިއަދު ހެނދުނުގެ ވަގުތެއްގަ އެވެ. އަދި މ. ފޯމޫންސް އިސްމާއިލް ފަޔާޒް 27، މަރުވީ މިއަދު ހަވީރުގެ ވަގުތެއްގަ އެވެ. ދެ ޒުވާނުންގެ ތެރެއިން އަދޫ އަކީ މަޝްހޫރު ލަވަކިޔުންތެރިޔާ ޝަލަބީ އިބްރާހިމްގެ އިވެންޓުތަކަށް ގޮސް، ފޮޓޯ ނަގާ ޝަލަބީގެ ފޮޓޯގްރާފަރެވެ.
އަދޫ އާއި ފަޔާޒްގެ ގާތް މީހަކު "މިހާރު" އަށް ކިޔައި ދިން ގޮތުގައި ދެ މީހުންނަކީ ވެސް އަޚުލާގު ރަނގަޅު، ހިތްހެޔޮ ދެ ޒުވާނުންނެވެ. ހާއްސަކޮށް، އެކުވެރިންނަށް އެހީތެރިވެވެން އޮތް ނަމަ، އެންމެ ފުޅާ މިންވަރަށް އެ ދެ ޒުވާނުން ވެސް އެހީތެރިވުމަށް އަބަދުވެސް އިސްކަންދޭ ކަމަށް އޭނާ ބުންޏެވެ.
"އަދޫ ފާހަގަ ކުރާނީ މޮޅު ފޮޓޯގްރާފަރެއްގެ ގޮތުގައި. އެއީ ހުނަރު ހުރި ކުއްޖެއް،" އެ މީހާ ބުންޏެވެ.
އޭނާ ބުނީ، އަދޫ މަރުވީ އައިޖީއެމްއެޗްގައި ފަރުވާ ދެމުން އަންނަތާ ދުވަސްތަކެއްވި ފަހުން ކަމަށެވެ. އެކަމަކު، ފަޔާޒް އައިޖީއެމްއެޗަށް ފަރުވާ ދޭން ގެންދިޔައީ ކުއްލިއަކަށް ކަމަށް ވެ އެވެ. ޑޮކްޓަރުގެ ރިޕޯޓުތައް ދައްކާ ގޮތުން ނަމަ، ފަޔާޒް މަރުވީ ކިޑްނީ ފެއިލް ވެގެންނެވެ.
"އަދޫ ހޮސްޕިޓަލްގައި ވަރަށް ދުވަސްވި. އައިސީޔޫގައި ބާއްވާފައި އޮއްވައި ވޯޑަށް ބަދަލުކޮށް، އަނެއްކާ ވެސް އައިސީޔޫ އަށް ބަދަލުކުރި ފަހުން މަރުވީ،" އޮންލައިންކޮށް ފޮޓޯގްރަފީ ކޯހެއްގައި ބައިވެރިވެ ޑިޕްލޮމާ ހާސިލް ކުރި އަދޫއާ ގުޅޭ ގޮތުން އޭނާގެ ރަހްމަތްތެރިއަކު ކިޔައި ދިނެވެ.
"އަދޫ އަށް ވީ ކިހިނެއް ކަން އަދި މިހާތަނަށް އެނގިފައެއް ނެތް،"
މިދިޔަ މަހުގެ 11 ވަނަ ދުވަހު އަދޫ "ދޯ" އަށް ދިން އިންޓަވިއުގައި ބުނި ގޮތުގައި އޭނާ ފޮޓޯގްރާފަރަކަށް އުޅޭތާ ތިން އަހަރު ވެދާނެ އެވެ. ޝަލަބީގެ އޮފިޝަލް ފޮޓޯގްރާފަރުގެ އިތުރުން އަދޫ ހައުސް އޮފް މިއުޒިކާއި ބަރިސްތާގެ ފޮޓޯތައް ވެސް ނަގައިދެ އެވެ.
އަދޫ އޭރު ބުނީ ފޮޓޯގްރަފީ ކެރިއަރާއި ހިތްހަމަޖެހޭ ވަޒީފާއަކާ އެކު ދިރިއުޅުން ބަދަލުވެފައިވާތީ ތެލެސީމިއާ ބަލި ރަނގަޅުކުރެވޭ ހަމައެކަނި ފަރުވާ ކަމަށްވާ ބޯންމެރޯ ޓްރާންސްޕްލާންޓް ހަދަން އިތުރު ފުރުސަތެއް ހޯދަން މަސައްކަތް ނުކުރާ ކަމަށެވެ.
ބްލަޑް ސާވިސްގައި ތެލެސީމިއާގެ 800 އަށް ވުރެ ގިނަ ދިވެހިން ރަޖިސްޓަރީ ވެފައިވާއިރު އޭގެ ތެރެއިން ދުނިޔޭގައި މިވަގުތު ތިބީ 635 މީހުންނެވެ.
ކައިވެނީގެ ކުރިން ތެލެސީމިއާ އަށް ޓެސްޓްކުރަން މިހާރު ލާޒިމްކުރެ އެވެ. އެކަމަކު ތެލެސީމިއާ ދެ ކެރިއަރުން ކައިވެނިކުރުމަށް ހުރަހެއް ނޯވެ އެވެ. ތެލެސީމިއާ ދެ ކެރިއަރުން ކައިވެނިކޮށްގެން ލިބޭ ދަރިފުޅަކީ ތެލެސީމިއާ ބަލީގެ ނުވަތަ ލޭ އަޅާ ކުއްޖަކަށް ވުމުގެ 25 ޕަސެންޓު ފުރުސަތު އޮވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝިފަާޒު
19 July 2019
މާތްﷲ މިދެ ފުރާނަ އަށް ސުވަރުގޭގެ ދާއިމީ ނިއުމަތް މިންވަރުކުރައްވާންދޭ.. އާމީން!
ތަރުމޯޒު މިތުރާ
16 July 2019
ތެލެސީމިއަކީ އޮޓޯ އިމިއުން ބައްޔެއް. ﷲ އިންސާނީ އުފައްދާފައިވަނީ އެއްމެ މޮޅަށް. ތެެލެސީމިއާއަކި ވެކްސިންގެ ސަބަބުން ބޯންމެރޯ މައްސަލަ ޖެހޭ.
ނަން
16 July 2019
މާތްﷲ މިދެ ފުރާނަ އަށް ސުވަރުގޭގެ ދާއިމީ ނިއުމަތް މިންވަރުކުރައްވާންދޭ.. އާމީން!
ދާމޫ
15 July 2019
މަރުނުވެ ތިބެވޭވަރަށް އަޅާލެވޭނެކަމަށް ހީކުރުމަކީ މޮޔަ ކަމެއް ތީ ދެން ފުކެއް ބޮޑުވަރު!
ކަމަނާ
15 July 2019
މާތްﷲ ދެ ފުރާނަ އަށް ސުވަރުގޭގެ ނިއުމަތް މިންވަރުކުރައްވާށި.. އާމީން
ޞޮފާ
16 July 2019
އާމީން
އަކޫ
15 July 2019
ދެބްރޯއަށް މާތްﷲ ހެޔޮރަހްމަތްލައްވާނދޭވެ.
ޞޮފާ
16 July 2019
އާމީން.
ހަސަންބެގެކޮއްކޮ
16 July 2019
އާމީން
ކަޅުކަޅުދޮނޭ
15 July 2019
ކޮންމެ މަރަކީވެސް ހާލިގުވަންތަ އިލާހް ދިރިތިބީން އެކަމަށް ތައްޔާރުވުމަށްދޭ މެސެޖް.. ސަރުދާރުމެން މިކަމާ ނުރުހި ވައްވައް ޖަހަމުން ދާއިރު ކަލެއާ މިހާރުވެ އެއްމެ ގާތީމަރު.. ވީރާނާ ވެފައިވާ ވަޅުގަޑެއްގެ ތެރޭ އިދެ އެތާ ދިރިއުުޅޭ ފަނިފަކްސާ ތަކަށްް އަމުރުު ކުުވުނީމަ އަދިތީ ސިޔާސީ މީހެއްނޫން.. ތިތަނުން ނުކުުމެ ދުނިޔޭގެ 6ފަރާތަށް ވިސްނާލީމަ ނަފްސު ކިޔައިދޭނެ ތީކާކުކަން...
މުޙައްމަދު ގާލިބު
15 July 2019
ތެލަސީމިއާގެ މައްސަލަ ހައްލުކުމަކީ ނުހަނު ފަސޭހަކަމަކަށްވީ ހިނދު އެކަން ސަރުކާރުން ނުކުރަނީ ކީއްވެބާ؟ "ޕްރިނޭޓަލް ޑައިގޮނޯސިސް އެންޑް މެޑިކަލް ޓާމިނޭޝަން އޮފް ޕްރެގްނަންސީ" ސައުދީ އަރަބިއްޔާ، އީރާން އަދި ޕާކިސްތާނުގައިވެސް މިކަން ކުރުން ހުއްދަ. އަދި އެގައުމުތަކުގައި މިކަންކުރޭ. ރާއްޖެޔާއި ޖެހިގެން ދެވަނަޔަށް ތެލަސީމިޔާގެ މައްސަލަ އެންމެ ބޮޑުގައުމު ކަމަށްވާ ސައިޕްރަސްގައި މިކަމަށް ހައްލު ހޯދަން ކުރާކަމަކީ މީ...ރާއްޖޭގައި މިކަން ނުކުރަންވީ ކީއްވެ؟
ކަމަނާ
15 July 2019
ކުރީޒަމާނުގައި ޓެސްޓް ނުކުރެވޭ އިރުގައި މިފަދަ ކަންކަން ބަލައި ގަނެވޭ. މިހާރު ޓެސްޓް ކޮށްފަ އެނގިހުރެ ކައިވެނިކޮށް ކުދިން ހޯދާ އެކުދިން ދުނިޔެއަށް ގެނަޔަސް އެހާތަކުލީފުގަ އުޅެނީ .. އަދި އނގިހުރެ ކޮށްފަ ޕްރެގްނެންސީ ޓަރމިނޭޓް ކުރުން އެއީ ވެސް ބަލައިގަނެވޭނެ ކަމެއް ނޫން .. މިފަދަ ފަރާތްތަކުން ދަރިން ނުހޯދާ ދަރުމަ އަށް ޔަތީމު ކުއްޖަކު ނަގައިގެން ހެޔޮގޮތުގައި ތަރުބިއްޔަތު ކުރުން މާރަނގަޅު .. ދުނިޔޭގައި ހުރިހާ މޮޅެއް ނުލިބޭނެ ..
ސަރުދާރު
15 July 2019
އިމްޕޯރޓު ދަށަށް! ގައުމުގެ އެކްސްޕޯޓު ދަށަށް! ގައުމުގެ ރިޒާރވް ދަށަށް! ގައުމުގެ އެކްސްޕޯޓު ދަށަށް! އުފެއްދުންތެރިކަން ދަށަށް! ރޯގާ ތައް ހަބޭސް! ތެލެސީމިޔާ ކުދިން މަރު! ހޮޅުއަށި ފޯރަމްތައް ބާރަށް ކުރިއަށް ހަބޭސް! ގޮތްދައްކާ ޖަލްސާ ތަކާ އެއްވުންތައް ބާރަށް ކުރިއަށް! އެޖެންޑާ 19 ސްޓަންޓް ބާރަށް ކުރިއަށް! ފމ އަބަދު ފަންޑު ހޯދާށޭ ކިަޔައިގެން ބޭރުގައި!
ސުންގަޑި ސުމްމިނުޓް
15 July 2019
ތި ވަކިވަގުތެއް ކަޑައެޅފައި އޮތްކަމެއްނޫން. 24ގަޑިއިރޭ 25ގަޑިއިރޭ ކިޔޭކަށްނެތް. އޮތީ ތައްޔާރުވެ ތިބުން.