އަލީ ޒާހިރު: ސީލައިފް އެއްބަސްވުމުގެ ސަބަބުން ދައުލަތަށް މާލީ ގޮތުން ލިބުނު ގެއްލުމުގެ ބަދަލު ހޯދާނެ ކަމަށް ވިދާޅުވި. --ފޮޓޯ/އަލީ ޒާހިރު
18 ޖުލައި 2019 - 12:27
53 comments
ހުޅުމާލޭގައި 3،000 ފްލެޓް އަޅަން ބުކިން ފީ އާއި އެޑްވާންސްގެ ގޮތުގައި ސީލައިފުން ފައިސާ ނެގުމަށް ފަހު މަސައްކަތް ކުރިއަށް ނުގެންދިއުމުން ގެއްލުންވި މީހުންނަށް ބަދަލު ދެނީ އެ މަޝްރޫއު ކުރިއަށް ގެންދަން އެ ކުންފުނިން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އަށް ދައްކާފައިވާ ފައިސާ އިން ކަމަށް ރައީސް އޮފީހުގެ ޗީފް އޮފް ސްޓާފް އަލީ ޒާހިރު މިއަދު ވިދާޅުވެއްޖެ އެވެ.
ފްލެޓް އެޅުމުގެ މަޝްރޫއެއް ހުޅުވާލުމުން ސީލައިފަށް ގިނަ ބަޔަކު ދެއްކި ފައިސާ އަށް ކުންފުނީގެ އިސްވެރިން ޚިޔާނާތްތެރިވުމުން ލިބުނު ގެއްލުމުގެ ބަދަލު ހޯދަން 203 މީހަކު އެ ކުންފުންޏާ ދެކޮޅަށް ކޯޓުގައި ދައުވާ ކުރި އެވެ. އެ މައްސަލައިގެ ތެރެއަށް އެޗްޑީސީ އާއި އިކޮނޮމިކް މިނިސްޓްރީ ވަދެ، ކޯޓުން ބޭރުގައި މައްސަލަ ވަނީ ހައްލުކޮށްފަ އެވެ. އެއީ ދައުވާކުރި މީހުންނަށް ބަދަލު ދިނުމުގެ އެއްބަސްވުމެއް އެކުލަވާލައިގެންނެވެ.
ސެޓްމަންޓް އެއްބަސްވުމަކުން ބަދަލު ދިނުމުގެ އިތުރުން ސަރުކާރުން ކުރިއަށް ގެންދާ ބޯހިޔާވަހިކަމުގެ މަޝްރޫއަކުން ދެ އަހަރުގެ ތެރޭގައި އެ މީހުންނަށް ފްލެޓް ދޭން ވެސް ވަނީ ނިންމައިފަ އެވެ.
ސީލައިފްގެ އޮޅުވާލުމާއި މަކަރުތަކާ އެކު ވެސް ސަރުކާރަށް ބުރަބޮޑުވާ ގޮތަށް ސެޓްލްމަންޓް އެއްބަސްވުން އެކުލަވާލާފައިވާ ކަމަށް ބުނެ ފާޑުކިއުން ވަނީ އަމާޒުވެފަ އެވެ.
The government’s negotiations with Sealife is to ensure the rights of those 203+ citizens who had paid for flats. The money which is to be paid out is the advance deposited by the buyers and it will be adjusted from the Performance Guarantee of Sea Life re: completion of...(1/2)
— Ali Zahir (alipi) (@alixahir) July 18, 2019
އަލީ ޒާހިރު ކުރެއްވި ޓުވީޓް.
ކޯޓުން ބޭރުގައި މައްސަލަ ހައްލުކުރުމުގެ އެއްބަސްވުމަކަށް ދާން ޖެހުނު ސަބަބު އޮޅުންފިލުވައި ދެއްވަމުން އަލީ ޒާހިރު ކުރެއްވި ޓުވީޓެއްގައި ވިދާޅުވީ ސަރުކާރުން ބޭނުންވީ ސީލައިފަށް ފައިސާ ދައްކައި ގެއްލުން ލިބުނު 203 މީހުންގެ ހައްގުތައް ކަށަވަރުކޮށް ދިނުން ކަމަށެވެ. އެ މީހުންނަށް ބަދަލު ދޭން ނިންމީ ޕާފޯމަންސް ގެރެންޓީގެ ގޮތުގައި ސީލައިފުން ދީފައިވާ ފައިސާ އިން ކަމަށް ވެސް އޭނާ ވިދާޅުވި އެވެ.
ހުޅުމާލޭގައި ފްލެޓް އަޅަން ސީލައިފްއާ 2014 ގައި ހަވާލުކުރުމުން ޕާފޯމަންސް ގެރެންޓީގެ ގޮތުގައި އެއް މިލިއަން ޑޮލަރު (15 މިލިއަން ރުފިޔާ) އެޗްޑީސީ އަށް ދައްކާފައިވާ ކަމަށް އެ ކުންފުނިން ވަނީ ބުނެފަ އެވެ.
ސެޓްލްމަންޓް އެއްބަސްވުމުގެ ކުރިން އެޗްޑީސީން ބުނެފައިވާ ގޮތުގައި ބަދަލުގެ ގޮތުގައި ދޭންޖެހޭ ފައިސާގެ އަދަދު 24 މިލިއަން ރުފިޔާ އަށް އަރާނެ ކަމަށް އަންދާޒާ ކުރެވެ އެވެ.
އަލީ ޒާހިރު ވިދާޅުވި ގޮތުގައި ސީލައިފް އެއްބަސްވުމުގެ ސަބަބުން ލިބުނު މާލީ ގެއްލުމުގެ ބަދަލު އެޗްޑީސީން ހޯދާނެ އެވެ. އެއާއެކު ސީލައިފުން އެތައް ބަޔަކަށް މަކަރާއި ހީލަތް ހެދި މައްސަލައިގައި ޖިނާއީ ތަހުގީގު ވެސް ކުރިއަށް ދާނެ ކަމުގެ ޔަގީންކަން އޭނާ ދެއްވި އެވެ.
މަކަރާއި ހީލަތް ހެދި މައްސަލައިގައި ސީލައިފްގެ މެނޭޖިން ޑިރެކްޓަރު އަހްމަދު މޫސާ (އައްމަޓީ) ހޯދަން އިންޓަޕޯލް އިން ވަނީ ރެޑް ނޯޓިސް ނެރެފަ އެވެ. ސީލައިފްގެ މައްސަލަ ފުލުހުން ތަހުގީގު ކުރަން ފެށުމާ އެކު އޭނާ ވަނީ ފުރައިގެން ރާއްޖެ އިން ބޭރަށް ގޮސްފަ އެވެ.
އައްމަޓީ މިހާރު ދިރިއުޅެމުން އަންނަނީ ސްރީ ލަންކާގަ އެވެ.
ކުރީގެ ސަރުކާރުން 2014 ގައި ސީލައިފްއާ ފްލެޓް އެޅުމުގެ މަޝްރޫއެއް ހަވާލުކުރީ އެވަރުގެ ކަމަކަށް މާލީ ގޮތުން އެ ކުންފުނީގެ ގާބިލް ނޫން ކަން އެނގި ތިބެ އެވެ. ކުންފުނީގެ ހާލަތު ދެނެގަތުމަށް އެޗްޑީސީން ހެދި ރިޕޯޓުގައި އެކަން އޮތީ ފެންނާށެވެ. ޑައުން ޕޭމަންޓުގެ ގޮތުގައި ސީލައިފުން ބޮޑެތި އަދަދުތަކުން ފައިސާ ނެގީ ވެސް އޮޅުވާލައިގެންނެވެ.
އެ ކުންފުންޏާއި އެޗްޑީސީއާ އެކު ވެފައިވާ އެއްބަސްވުމުގައިވާ ގޮތުން، މަޝްރޫއުގެ 20 ޕަސެންޓް ނުނިމެނީސް ބުކިން ފީގެ ގޮތުގައި 50،000ރ. ގެ އިތުރުން އެއްވެސް ފައިސާއެއް ނުނެގޭނެ އެވެ. އެކަމަކު އެއްބަސްވުމާ ޚިލާފަށް ފައިސާ ނެގުމުން ވެސް ކަމާބެހޭ އެއްވެސް އިދާރާއަކުން ފިޔަވަޅެއް ނާޅަ އެވެ.
ފުރަތަމަ ފިޔަވަހީގައި ސީލައިފުން 300 އެޕާޓްމަންޓް ހަދަން ހުޅުވައިލުމުން 280 އަށް ވުރެ ގިނަ މީހުން ރަޖިސްޓްރޭޝަން ފީގެ ގޮތުގައި 50،000ރ ވަނީ ދައްކައިފަ އެވެ. އޭގެ އިތުރުން ބައެއް މީހުން ޑައުންޕޭމަންޓްގެ ގޮތުގައި 20 ޕަސެންޓަށް ވާ ފައިސާ ވެސް ދެއްކި އެވެ.
ސީލައިފް މައްސަލައިގައި ގެއްލުން ލިބުނު މީހުންނަށް ބަދަލު ދިނުމުގެ އެއްބަސްވުމެއް މި އެކުލާވާލީ އެންޓި ކޮރަޕްޝަނާއި ފުލުހުންނާއި އެސެޓް ރިކަވަރީ ކޮމިޝަނުން ވެސް މި މައްސަލަ ބަލަމުން އަންނަނިކޮށެވެ. ރިޔާސީ ކޮމިޝަނުން ބަލަމުން އަންނަ ސީލައިފްއާ ގުޅޭ މައްސަލައެއް ނިމެންދެން ބަދަލު ދިނުމުގެ ކަންކަން މަޑުޖައްސާލަން ވެސް އޮތީ އަންގައިފަ އެވެ.
އެސެޓް ރިކަވަރީ ކޮމިޝަނުން އެޗްޑީސީ އަށް ސިޓީ ލިއުނު ތާރީޚުގެ ގޮތުގައި މިދިޔަ ހޯމަ ދުވަސް ޖަހާފައި އިން ނަމަވެސް އެ ސިޓީ އެޗްޑީސީ އަށް ލިބުނީ މިދިޔަ އަންގާރަދުވެހެވެ.
އެޗްޑީސީން ބުނެފައިވާ ގޮތުގައި އެސެޓް ރިކަވަރީ ކޮމިޝަންގެ އެންގުން ލިބުނު އިރު ސެޓްލްމަންޓް އެއްބަސްވުމުގައި އޮތީ ސޮއިކޮށްފަ އެވެ. އޭގައި ސޮއިކޮށް، އެއަށް އަމަލުކުރަން ސިވިލް ކޯޓުން ހުކުމް ކުރީ ހޯމަ ދުވަހުގެ ރޭ 11 ޖެހި އިރެވެ.
އެހެން ވިޔަސް އެ އެންގުމާ މެދު ބޯޑުގައި މަޝްވަރާކުރަން އެޗްޑީސީން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަންތަރު ބިން ޝައްދާދު
19 July 2019
ތިހުރިހާ ކަމަކަށްވުރެ އަހަރެން ހައިރާންމިވަނީ ، އެޗް.ޑީ.ސީ އާއި ، ފިނޭންސް މިނިސްޓްރީ އާއި މިތަންތަން ހުއްޓާ ޢަލީ ޒާހިރު ތިކަމަށް ޖަވާބުދޭތި !!!!!! އަލީ ޒާހިރަކީ ރައީސް އޮފީހުގެ ޗީފް އޮފް ސްޓާފް
ވަޓޭ
19 July 2019
ކޮބާ ދުނިޔޭގަ ނެތްފެންވަރުގެ ނުރައްކާތެރި ޓެރަރިސްޓު ލުތުފީ ރާއްޖެ ގެނައި ސަރުކާރުން އާދައިގެ ޗޯރެއް ލަންކާއިން ނުގެނެވިގެން ތިއުޅެނީ ވެރިކަމުގައި ޔާމީނު ހުރީމަތަ؟ ނޫނީ ހޯމް މިނިސްޓަރަކަށް އުމަރު ނަސީރު ހުރީމަތަ؟ ނޫނީ އަނެއްކާ ޓުވީޓެއް ކޮއްލަންވީތަ؟؟
ދޮން ބަބުރު ސޮރު
18 July 2019
މަނިކުފާނޫ، ދެން މިތިބީ ބޮލެއްނެތް ބައެއްތަ؟ ބަލަގަ ތިޔަބުނާ ލައިފުން ވެސް ރައްޔިތުން އަތުން މަކަރާއި ހީލަތުން ނެގި ފައިސާ އެއިގެ ވެރިންނަށް ދިނުމުގެ ބަދަލުގައި ދިނީ މަނިކުފާނަށް އޮތަ؟ ކިހާ ހެސަ ދޯ
ބުލްބުލޭ
18 July 2019
ކޮބާހޭ ސީލައުފު ކުންފުނީގެ ޒިއްމާދާރު ވެރިން، މިއީ ވަރަށް ނުބައި ޕްރިސީޑެންޓެއް މިފެށުނީ، މިކަމުގެ ޒިއްމާ ނަގަންޖެހޭނީ ސީލައިފުން ދައުލަތުގެ ޚަޒާނާގައި ހުރި ފައިސާގައި ޖެހިގެން ނުވާނެ
ތެދުވެރިޔާ
18 July 2019
އަލީ ޒާހިރު މަގާމުގެ ދަހިވެތިކަމުގާ ތިހުންނަނީ. ޤައުމު ވިއްކާލާއިރުގަވެސް
ޝޮކްތެރަޕީ
18 July 2019
އަދާލަތު ޕާޓީ ކަންތަކުރިގޮތުން އެމްޑީޕީޔަ މިހާ ބޮޑު މެޖޯރަޓީއެއް ލިބުނީ. އަދާލަތު ޕާޓީ މިހާރު މިކަމާ ހިންހަމަނުހެޖެހޭ.
ތިމަންނަ
18 July 2019
އެއްބައެއްގެ ހައްގުނަގާ އަނެއްބަޔަކަށް ނުދޭށޭ , ވެރިnkން ދެމެހެއްޓޭނީ މިގޮތަށް ކަންތައްކޮށްގެން ކަމަށް ހީނުކުރާށެވެ. އިންސާފު ހޯދައިދިނުމުގައި މޫނެއް ކަނދުރާއެއް , އަމައެއް ބަައެއް , ރައްޓެއްސެއް ބީރައްޓެއްސެއް ނުބަލާ ހައްގުން އިންސާފުން ކަންކަން ނިންމާށެވެ. " މާދަމާ" އެބައޮތްކަން ހަދާންކުރާށެވެ
ކަދުރޭ2
18 July 2019
ދޭދޭ ފަރުދުންގެ މެދުގައި ކުރެވޭ ވިޔަފާރި މުޢާމަލާތެއްގައި ގެއްލުންވާ ފަރާތަށް އޭގެ ބަދަލު ސަރުކާރުންދޭ ގައުމެއްނޯންނާނެ މިއުޑުދަށުގައެއް މިރާއްޖެ ނޫނީ. މީހަމައަނބުރާގޭސް. ވެރިކަމުގައިތިބޭބައެއް ފައިދާނެގެން އޮތް ގޮތަކަށް ނަގާ ކަމުގެ ލާމަސީލު މިސާލެއްމީ.
ޖުނޭރު
18 July 2019
މި ސަރުކާރުގެ ދިފާއުގަ ސާބިތުކަން މަތީ ހައްގު ބަސް ބުނާ މައި މީހަކީ އަލީ
ޕޮޕާމި
18 July 2019
މަސައްވެސް ތިޔަކަމާއި އެބަ އެއްބަސްވެވޭ އަލީ ޒާހިރު ވަރަށް އިހުލާސްތެރިކަން ފާހަނގަކުރެވޭ
އަމީތާބު
18 July 2019
އެފަރާތަށް ސަރުކާރުން ބަދަލުދޭންޖެހޭ ހައްގު ގޮތެއް ނޯންނާނެ.
ބުއްޅަބޭ
18 July 2019
މިއުޅެނީ އައްޔެއް އަނދިރިއެއް ނުބަލާ ޒީރޯ ޓޮލެރެންސް ބޯޑުއަޅުވައިގެން މާލިއްޔަތު ކާލާތީ.
ނަގޫރޯޅި
18 July 2019
ބައެއްގެ ލާރިގަނޑެއް ކައްވާލައިގެން ފިލާއުޅޭ މީހެއްހޯދަން އިންޓަޕޯލް ރެޑްނޯޓިސް ނެރަފަ އޮތްމީހެއް، ހިފާ ހައްޔަރު ކުރުމުގެ ބަދަލުގަ ސަރުކާރުން ބެލީ އޭނަ ހުރިތަނައްގޮސް އޭނަޔާއެކު ސިއްރުޑީލެއްހެދޭތޯ. ނަސަންދުރާ ކަންތައްވެސް ހަމަނިމޭނީ ހަމަތިބީދައިން. މިހެން އެވަނީ އަސްލުވަގުން ފިލާތިބެ ވައްކަންކުރުވާފަ އޭގެން ބައިއަޅާތީ. ކުރިންވަގުބަދުނާމާ ބޮޑެތި ހިޔާނާތުގެކަންތައް ބޮލުގަ އެޅުވިމީހުންތެރޭން މިހާރު މިސަރުކާރައް ޑީލެއް ނެހެދި އޮތީ ރ.ޔާމިނާ އެކަނި.