މި އަހަރު ހައްޖުގެ އަޅުކަން އަދާކުރުމަށް ދިޔަ ދިވެހިންތަކެއް ސައުދީ އެއާޕޯޓުގައި. --- ފޮޓޯ: އިސްލާމިކް މިނިސްޓްރީ
06 އޯގަސްޓް 2019 - 11:21
9 comments
ޕެންޝަން ފަންޑުން ފައިސާ ނަގައިގެން ފުރަތަމަ ފަހަރަށް 13 މީހަކު މި އަހަރު ހައްޖަށް ގޮސްފައިވާ ކަމަށް އެ އޮފީހުން ބުނެފި އެވެ.
ޕެންޝަން ފައިސާ އިން ހައްޖަށް ދެވޭނެ ގޮތް ހެދުމަކީ ރިޔާސީ އިންތިޚާބުގެ ކެމްޕެއިންގައި ރައީސް އިބްރާހިމް މުހައްމަދު ސޯލިހު ވެވަޑައިގެންނެވި ވައުދެކެވެ. އެ ވައުދާ އެއްގޮތަށް ޕެންޝަންގެ ގާނޫނަށް މަޖިލީހުން އިސްލާހުތަކެއް ގެނެސްފައިވެ އެވެ.
ޕެންޝަނާ ބެހޭ ގާނޫނާއި ގަވާއިދަށް ކުރިން ގެނައި އިސްލާހުގައިވާ ގޮތުން ޕެންޝަން ސްކީމްގެ ބައިވެރިއަކަށް ހައްޖުގެ އަޅުކަން އަދާކުރަން ދެވޭނީ ހައްޖަށް ގެންދިއުމުގެ ރަސްމީ އަގުގެ ގޮތުގައި ސަރުކާރުން އެ އަހަރަށް ކަނޑައަޅާ އަދަދުގެ 50 ޕަސެންޓަށް ވުރެ އިތުރުނުވާ މިންވަރަަށެވެ. ނަމަވެސް ޕެންޝަން ފަންޑުން ހައްޖަށް ދެވޭ މިންވަރު 80 ޕަސެންޓަށް ބޮޑުކުރަން މިދިޔަ ބުދަ ދުވަހު މަޖިލީހުން ވަނީ ފާސްކޮށްފަ އެވެ. އެ އިސްލާހު ރައީސް އިބްރާހިމް މުހައްމަދު ސޯލިހު ވަނީ އިއްޔެ ތަސްދީގުކުރައްވައިފަ އެވެ.
އެހެންކަމުން އަންނަ އަހަރުން ފެށިގެން، ހައްޖަށް ދިއުމަށް ޕެންޝަން ފަންޑުން 80 ޕަސެންޓް ދެއްކޭނެ އެވެ.
އެ ފަންޑުގެ ފައިސާއިން ހައްޖަށް ދެވޭ ޝަރުތުތަކުގެ ތެރޭގައި، ހައްޖަށް ދާން ފައިސާ ދޫކުރުމަށް އެދި ހުށަހަޅާ އިރު ރިޓަޔަމަންޓް ސޭވިން އެކައުންޓުގައި 336،000ރ. ހުރުން ހިމެނެ އެވެ. އެއީ ޕެންޝަން ލިބޭ އުމުރަށް ދިއުމުން މަހަކު 2،000ރ. ދިނުމަށް ބޭނުންވާ އެންމެ މަދު މިންވަރެވެ. މިހާރުން މިހާރަށް ޕެންޝަން ފައިސާއިން ހައްޖަށް ދެވޭ 6000 މީހުން އެބަ ތިބި ކަމަށް ޕެންޝަން އޮފީހުން ބުނެފައި ވެ އެވެ. އޭގެ ތެރެއިން ޝަރުތުހަމަވާ 13 މީހަކު އެކަމަށް ހުށަހަޅައި ހައްޖަށް ފައިސާ ދައްކާފައިވާ ކަމަށް އޮފިޝަލް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަމް
07 August 2019
ތިމީހުންނަށް މިއަހަރު ޖާގަ ލިބުނީ ކިހިނެއް؟ 2017 ގައި ފައިސާ ދެއްކީމަވެސް ކޯޕަރޭޝަނުން ބުނީ 2023ގައޭ ދެވޭނީ.
ލަކުޑި ހަމީދު
06 August 2019
ތީ ވަރަށް ފީކަޅާ ކަމެއް! ދީނީ ފަރުލަކަށް ހައްޖުވަނީ ހަމައެކަނި "ކެރިކުޅަދާނަ" ވާ މީހުންނަށް. ޕެންޝަނުން ހައްޖައްގޮސް ދެން ބާކީ ބައި އުމުރުގެ ބިކަހާލުގަ އުޅެން ޕެންޝަން ލާރިއަކީ އެހެން އެއްވެސް ކަމަކަށް ހޭދަކުރަން ހެޔޮވާވަރު އެއްޗެއްނޫން. ދީނީ ކަމެއް ވީމަ މީހުންނަށް މިހެން ބުނަންނުކެރެނީ ބަޔެއް "ޝޭހުން" އެމީހުންނާ ދިމާލަށް ދީނުން ބޭރުވީއޭ ބުނެފާނެތީ.
މުލޭ
06 August 2019
އެންމެ 13 މީހުން!. މިކަން މިކަން ކުރަނީ ހަމަ ނަމެެއްގަ. ޙައްޖަށް މީހުންގެންދާ ކުންފުނީގަ ހުރިހާ ބާރެއްއޮތީ. ފައިސާގެ ޙައގުވެރިޔާއަށް އެއްވެސް ކަމެއް ނުކުރެވޭ. އަޅުގަނޑު އާދޭސްކުރުމުންވެސް އެ ކުންފުނިން އެކަންކޮށްދެވޭނެގޮތެއް ނުވި. ތި ފަސްމީހުންނަކީ ޙައްޖު ކޯޕަރޭޝަނުގެ މީހުންނަށްވާނީ.
ޢަލީބެ
06 August 2019
ހައްޖަށް ދެވޭވަރަށް ފަންޑުގަ ލާރި ހުރި ކޮންމެ މީހަކަށްވެސް އެފައސާއިން ޙައްޖަށް ދެވެންޖެހޭނެ. އެހެންނޫނީ ވަޢުދު ފުއްދުނު ކަމަކަށް ނުވާނެ. ފަންޑުގަ ވަކިވަރެއް ބަހައްޓަން ތިޔަ ލާޒިމުކުރަނީ ކީއްވެ؟ ސަރުކާރުގަ ދުވަހަކު ނޫޅޭމީހާއަށް މިހާރު 5000 ރުފިޔާ ލިބެނީ ކީއްވެ؟ ކޮންއެއްޗެއް ބަހައްޓާފަ ހުރެގެން؟ ތިގޮތަށް ހަދާކަށް އަހަރެމެންގެ މުސާރައިން ކަނޑާކަށް އަހަރުމެން ގަބޫލެއްނޫން. ބަލަ މަގޭ އެކައުންޓުގަވެސް ފައިސާ ބެހެއްޓިދާނެއޭ.
@ޢަލީބެ
06 August 2019
ކެތް ކޮށްލާ އަންނަ 5 އަހަރުގެ ވައުދުގެ ތެރޭގަ ކޮންމެވެސް ބަދަލެއް ގެންނާނެ ވައުދުނުވެ ވާދަވެރިކަމެއްނެތި ދެން ވެެިކަމެއް ނުލިބޭނެ އެހެންވީމަ ބަދަލް ތަކެއް ދެންދާނީ އަންނަމުން އެންމެ ރަނގަޅު ގޮތަކީ ޕެންޝަނަށް ކަނޑާ ފައިސާ އެއްބައި ސަރުކާރުގަ އަނެއްބައި އެމީހާ ޙަވާލުގައި ބަހައްޓަން ދިނުން އެމަިހަަގެ ޕެޓީކޭޝްގެ ގޮތުގައި ދޭތެރއަކުން ސަރުކާރުން ބަލާނީ އެހުރިތޯ
ކުޑަމަނިކު
06 August 2019
މަ މިހާރު 20 އަހަރު ވެއްޖެ ސަރުކާރުގައި އުޅޭތާ. އެކަމަކު އަދި ފަންޑުގައިހުރީ 240،480 ރުފިޔާ. މިހާރުގެ %80 ލިބޭ އުސޫލުގައި ޝަރުތު ހަމަވާނީ 420،000 ރުފިޔާ ހުރެގެން. އެއަދަދު ހަމަވާނީ މިހާރު ލިބޭ މުސާރައިން އަދި 26 އަހަރު ފަހުން. މަށަށް ފަންޑުން ފައިސާނަގައިގެން ހައްޖަށްދެވޭނީ ދުނިޔޭގައި ހެޔޮހާލުގައި ހުރިއްޔާ އުމުރުން 64 ގެ ފަހުން. މަބޭނުމީ މަގޭ ގައިގެބާރު ނުދަނީސް ހައްޖައްދާން.
މޫސާފުޅު
06 August 2019
ހާދަ ހެއްވައޭދޯ މުޅި އުމުރު ވަޒީފާ އަދާކޮށްގެން ޕެންޝަނަށް ފައިސާ ދީގެން މުސްކުޅިވުމުން 2000ރ އެއްވެސް އެއްޗެއް ނުކަނޑާ މީހާއަށްވެސް 5000ރ
އަލީ.
06 August 2019
2000 * 12 * 14 = 336،000. 65 ވީމަ އިތުރައް 14 އަހަރުގަ ދިރިހުއްނާނެ ކަމަށް ބަލާފަ މިހިސާބު މިހަދަނީ؟ ތިޔައް ދުވަހަކު އެއްޗެއްނުލާ މިހާޔައްވެސް ސަރުކާރުން އެބަދޭ 5000. ހިޔެއްނުވޭ އެބަދަލް ވާނެހެން، އެހެންވީއިރު މަސައްކައްކޮއް ލާރި ޖަމާކުރިމީހާޔައް މިފަދަ ފުރުސަތު މިޔައްވުރެން ރަންގަޅުގޮތުގަ އޮއްނަން އެބަޖެހޭ. ޒުވާން އުުމުރުގައި އަޅުކަން ކުރުމުގެ ފުރުސަތު ފަހިކޮއްދޭން އެބަޖެހޭ.
އޮތްބަޅަށްދާމަނިކާފުރުޞަތެއްނެ
06 August 2019
ޙައްޖަށްދާން ނެގޭ % ކިތަންމެ މަތިކުރިޔަސް ސައުދީ ކޯޓާ ދެނީ ވަކިވަރަކަށެއެވެ. އަދިވެސް ވާންވީ ގޮތަކީހަމައެކަނި ފަރްޟް ހައްޖުގެ ބަދަލްގައި ސުންނަތް ޙައްޖާއި ގެދޮރު އެޅުމަށާ ރާނަން ފަށާ ހުންނަ ގެ ނިންމުމަށްވެސް މެއެވެ. ނުރުހޭނީ މަނިކެވެ.ނުރުހުނަސް ފެހި ގާނޫނު އަސާސީގެ ސަބަބުން ދެން އަންނަ ރިޔާސީ ދައުރަކަށް އާވަޢުދުތައް ރިޔާސީ ކެންޑިޑޭޓުން ވާނެއެވެ. ލިމިޓްވެފަ އޮވެގެން އެއްވެސް މީހަކަށް ވެރިކަމަށް އަންނަން ވޯޓެއް ނުލިބޭނެއެވެ.