04 ސެޕްޓެމްބަރ 2019 - 13:04
14 comments
އައްޑޫ ގައި މިއަދު ފެށި ފަސް ވަނަ އިންޓަނޭޝަނަލް ޓީޗާސް ކޮންފެރެންސަށް 87 ކަރުދާސް ހުށަހަޅާފައިވާ ކަމަށް ނޭޝަނަލް އިންސްޓިޓިއުޓް އޮފް އެޑިއުކޭޝަން (އެންއައިއީ) އިން ބުނެފި އެވެ.
މިއަދާއި މާދަމާ ހިތަދޫ ގައި ކުރިއަށް ގެންދާ ޓީޗަރުންގެ ކޮންފެރެންސަކީ އެންއައިއީ އާއި އިނގިރޭސި ވިލާތުގެ ކެމްބްރިޖް ޔުނިވަސިޓީ ގުޅިގެން ބާއްވާ ހަރަކާތެކެވެ.
ހިތަދޫ ޝަރަފުއްދީން ސްކޫލްގައި ކުރިއަށް ގެންދާ ކޮންފަރެންސްގައި ތައުލީމީ ދާއިރާއާ ގުޅުން ހުރި އެކި ކަހަލަ ކަންކަމަށް ހާއްސަ 87 ކަރުދާހަކާ ބެހޭ ގޮތުން މަޝްވަރާ ކުރަން ނިންމި ނަމަވެސް، ކަރުދާސް ހުށަޙަޅަން ހުޅުވައިލި ފުރުސަތުގައި 100 އަށް ވުރެ ގިނަ ކަރުދާސް ހުށަހެޅި އެވެ. އަދި ކޮންފަރެންސަށް 98 ކަރުދާހެއް ފައިނަލް ކުރި އެވެ.
" A teacher can inspire learning and raise a student's achievement. In fact, if we recall our past, among our own teachers at school we remember one or two teachers who made a great difference in our lives. These are the teachers who made us what we are today." @aisthly pic.twitter.com/GtGP75HaNi
— Ministry of Education (@EducationMV) September 4, 2019
އެކަމަކު، ބައެއް ކަރުދާސްތައް ހުށަހެޅި ފަރާތްތަކަށް ކޮންފަރެންސްގައި ބައިވެރިވެވޭ ގޮތް ނުވުމުން ކޮންފަރެންސް ތެރޭގައި މަޝްވަރާ ކުރަން ނިންމާފައި ވަނީ ޖުމްލަ 87 ކަރުދާހަކަށެވެ.
މީގެ ތެރެއިން އެންމެ ގިނަ ކަރުދާސް ހުށަހެޅީ ކޮންފަރެންސް ކުރިއަށް ގެންދާ އައްޑޫގެ ސްކޫލްތަކުންނެވެ. އަދި އެއް ސްކޫލަކުން އެންމެ ގިނަ ކަރުދާސް ހުށަހެޅީ ހިތަދޫ ސްކޫލުންނެވެ. އެއީ 13 ކަރުދާހެވެ
ނަމަވެސް އެންއައިއީން ބުނީ އެންމެ ގިނަ ކަރުދާސް ހުށަހެޅީ އައްޑޫން ކަމަށް ވަކިން ހައިލައިޓް ކުރަން ބޭނުންނުވާ ކަމަށެވެ.
"އެހެންވެ އެބައި އަހަރެމެން ހަގީގަތުގައި ކައުންޓެއް ނުކުރަން. މީގައި މުހިއްމު ކަމަކީ ކޮންފަރެންސްގައި ބައިވެރިވާ ހުރިހާ ފަރާތްތަތަކެއް ވެސް އެއް ހަމައަކުން ބަލައިގެން ކޮންފަރެންސް ކުރިއަށް ގެންދިއުން،" ކޮންފެރެންސްގެ ކޯޑިނޭޓަރު ޝުހުދާ ރިޒްވާން ވިދާޅުވި އެވެ.
"މީގައި ބައިވެރިވާ ހުރިހާ ފަރާތްތަކަކުން ވެސް ވަރަށް މުހިއްމު ޕޭޕަރުތަކެއް ހުށަހަޅާފައި އެބަހުރި."
ކަރުދާސް ހުށަހަޅާފައިވާ ދާއިރާތަކުގެ ތެރޭގައި އެންމެ ގިނައިން ހުރީ ކަރިކިއުލަމް އިމްޕްލިމެންޓޭޝަނާއި ކަރިކިއުލަމް ރިލޭޓެޑް ޓީޗިން އާއި ޓީޗާސް ޕްރޮފެޝަނަލް ޑިވެލޮޕްމަންޓް އަދި އިންކްލޫސިވް އެޑިއުކޭޝަން ފަދަ ދާއިރާތަކާ ގުޅުން ހުރި ކަރުދާސްތަކެވެ.
މި ފަހަރުގެ ކޮންފަރެންސްގައި 250 މަންދޫބުން ބައިވެރިވާ އިރު، އޭގެ ތެރޭގައި މެލޭޝިއާ، ސިންގަޕޫރު، އިންޑިއާ، ސްރީ ލަންކާ، ޕާކިސްތާނު އަދި އިނގިރޭސި ވިލާތުގެ ތައުލީމީ ދާއިރާގެ މީހުން ހިމެނެ އެވެ.
ދެ ދުވަހުގެ މުއްދަތަށް ކުރިއަށް ގެންދާ ކޮންފަރެންސްގެ ތެރޭގައި ވަރަށް ގިނަ ހަރަކާތްތަކެއް ކުރިއަށް ގެންދަން ވަނީ ރާވައިފަ އެވެ. އޭގެ ތެރޭގައި ކަރުދާސްތަައް ހުށަހެޅުމާއި ޕެނަލް ޑިސްކަޝަންތަކާ އެކު، ތައުލީމީ ދާއިރާއާ ގުޅުން ހުރި އެކި ކަހަލަ މައްސަލަތަކަށް ވާހަކަ ދައްކައި ހިޔާލުބަދަލު ކުރުން ވެސް ހިމެނެ އެވެ.
މިއަދު ފެށީ ޓީޗަރުންގެ ކޮންފަރެންސްގެ ތެރެއިން.
ޓީޗާސް ކޮންފަރެންސަކީ ކިޔަވައި ދިނުމުގެ ފެންވަރު މަތިކޮށް، ދިމާވާ މައްސަލަތައް ދެނެގަނެ އެ ކަންކަމާ މެދު ފުޅާ ދާއިރާއެއްގައި މަޝްވަރާ ކުރަން ބާއްވާ ހަރަކާތެކެވެ. ޓީޗަރުންގެ ކޮންފަރެންސް އެންމެ ފަހުން ބޭއްވީ 2017 ގަ އެވެ. ހަތަރު ވަނަ އެ ކޮންފަރެންސް ގައި 220 އަށް ވުރެ ގިނަ މީހުން އެ ފަހަރު ބައިވެރިވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިޔާޒް
06 September 2019
ތިކޮންފަރެންސަށް އެނމެ ގާބިލްބޭފުޅަކީ ރ.ވާދޫ ސްކޫލް ޕްރިންސިޕަލް
ޒުވާނާ.
05 September 2019
ކޮބައިބާ ތިޔަބުނާ ކަރުދާސް ތަކަކީ ރައްޔިތުންނައް ފެނޭ އުތުރާ ދެކުނާ މާލޭގެ ތަފާތު ބޮޑުހަރަދުކޮއް ކައިކެން ފޮޑިތަޅާ އަޅުއިވޭ ރައްޔިތުންނައް ބޭކާރު ދަތުރުކޮއް ތީކޮންކަމެއް ފައިސާއިސްތާފު ނުކޮއް ހަރުދަނާ ކަމެއްކޮއްފަ ދައްކަބަލަ
ނަޖުދާ
04 September 2019
މާލޭގައި ހިންގާ އިންޓަނޭޝަނަލް ސްކޫލުތަކުގައިވެސް ތިބީ ދިވެހިން، އެކަމަކު އެތަންތަނުގެ ފެންވަރު ކިހާ ރަނގަޅުތޯ! ކީއްވެ ރާއްޖޭގެ ހުރިހާ ސްކޫލެއްގައި އެ ފެންވަރު ނުހިފެހެއްޓެންވީ، އަޅުގަނޑަކަށް ވިސްނާ ވިސްނާ ހަމަ ނޭންގުނު! ރައީސް ނަޝީދުގެ ވެރިކަމަށްފަހު އޯލެވެލް އިން ފާސްވާ ކުދީންގެ ނިސްބަތް މިހާރު ވަރަށް މަތިވެއްޖެ. އޭގެ ކުރީން 3000 ކުދީން އޯލެވެލް ހަދައިގެން ފާސްވަނީ 20 ކުދީން އެކަނި! މިކަން ރައީސް ނަޝީދު ބަދަލުކޮށް މުޅި ގައުމު ބަދަލުކޮށްލި
ވެރިން
05 September 2019
ކަލޭ ކޯޗެއް ކިޔަންކަމަށް ތިއުޅެނީ
ބޯކަރުދާސް
04 September 2019
ހުށަހެޅި ކަރުދާސްތައް 1. ބޯކަރުދާސް. 2. ނާސްތާ ކަރުދާސް 3. މުސާރަ ކަރުދާސް 4. ކިޔަވައިނުދީ އެކްސެލެންޓް ޖަހައިދޭ ކަރުދާސް. 5. ލިޔަންކިޔަން ހަމަޔަށް ނޭނގޭވަރަށް ދަރިވަރުންނަށް އުނގަންނައިދޭ ކަރުދާސް. 6. ފަރުވާކުޑަކޮށް ތަނެއް ދޮރެއް ވަކިނުވާ ގޮތަށް ކިޔަވައިދިނުމުގެ ކަރުދާސް. 7. މަދަނީ ބަސްނޭހުމުގެ ކަރުދާސް. މިހެން ގޮސް މިބާވަތުގެ ކިތަންމެ ކަރުދާހެން ހުންނާނެހެން ހީވަނީ.
ކައްކާ
04 September 2019
ރަށު މަދުރަސާގެ ފުރާޅުގަ ހަލާކުވެފަހުރި ދިމާލާއިބެހޭ ހޯދުންތަކެއް ހޯދައިގެން ކަރުދާހެއް ތައްޔާރުކޮށްގެން މިހުންނަނީ. މާދިގެއްނުވާނެ، ދޮޅުސޮފްހާ ހުންނާނީ. އެކަމަކު މިފަހަރު ފުރުސަތެއްނުލިބުނު.
މި ޤައުމު
04 September 2019
87 ކަރުދާސް އެންމެ 2 ދުވަހުން
އަނބިމީހާގެފިރިމީހާގެއަނބިމީހާ
04 September 2019
ކަރުދާސްތައް ބޭކާރުނުކުރާށެވެ.
އުސްތާޛްޒަކީ
04 September 2019
ތިޔަ ހުށަހެޅޭ ކަރުދާސްތަކުން ލިބޭ މަޢުލޫމާތުތަކުގެ ބޭނުން ތިޔަމިނިސްޓްރީ އިން ހިފާނެ ބާވައެވެ. އެހެން ނުވެއްޖެ ނަމަ ތިޔަ ކޮނެފަރެންސް އަކީ ވެސް އަނެއް ކެމްޕެއިން ޖަލްސާއަށް ވީ އެވެ. ދިރާސާ ކުރުމުގެ ބޭނުން ވެސް ކެނޑުނީއެވެ.
ފާތުމާދީ
04 September 2019
އެންމެ ގިނަ ކަރުދާސް ހިތަދޫ ސްކޫލުން. އެންމެ ރީތި ހޯލު ހިތަދޫ ސްކޫލުގައި، އެންމެ މަތީ ތަޢުލީމި ލިބިވަޑައިގެން ޕީއެޗްޑީ އާއެކު ހުންނެވި ޕްރިންސިޕަލް ހިތަދޫ ސްކޫލުގައި. އެކަމަކު ކޮންފަރެންސް ބާއްވަން، އޭސީ ކުރުން، ކާޕެޓް އަޅަން ކަމުދިޔައީ ޝަރަފުއްދީން ސްކޫލް.
Richardson
04 September 2019
ތިއޮތީވާ ޕީއެޗްޑީ އެއް.
އައްޑޫ ހިތަދޫ ކުއްޖާ
04 September 2019
ޕްރިން ސިޕަލު ގެ އަމިއްލަ ކޮމެންޓެއްތޯ؟
ާއަދީލު
04 September 2019
ޢެންމެ ރީތި ޕްރިންސިޕަލް. ޢެންމެ ލޯބިވާ ޕްރިންސިިޕަލް. އަހަރެން ހޮވުނު ނަމަ ކޮންފަރެސް ބާނީ ހިތަދޫ ސުކޫލުގައި
ހުސައިން2
04 September 2019
މާލޭ ބޭފުޅުން އަންނަންވީމާ، ތި ހޯލު ގައި 2 ދުވަސްތެރޭ 20 ވަރަކަށް އޭސީ ހަރަކުރެވުނެވެ. ތަނަށް 22 އަހަރު ވިއިރު މީގެ ކުރިން ތިތަން ހޫނުކަމަކަށް ނުވެއެވެ. މާލެއިން ބަޔަކު އަންނަ ނަމަ ރަށް ރަށުގެ ރައްޔިތުންލައްވާ ގުލާނުކުރުވުން ހުއްޓުވަންއެބަޖެހެއެވެ. އަދި ރައްޔިތުން އެކަން ހުއްޓާލަންވެސް އެބަޖެހެއެވެ.