ރައީސް އިބްރާހިމް މުހައްމަދު ސޯލިހު، އަނަސްގެ އާއިލާއާ ރަހުމަތްތެރިންނާ މިއަދު ބައްދަލުކުރައްވަނީ.-- ފޮޓޯ: މީދޫ ޓައިމްސް
11 ސެޕްޓެމްބަރ 2019 - 17:31
4 comments
މަރަލާފައިވާ ރ. މީދޫގެ ޒުވާނެއް ކަމުގައިވާ މުހައްމަދު އަނަސް އަށް އިންސާފު ހޯދައިދިނުމަށް މަސައްކަތްޕުޅު ކުރައްވާނެ ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
ރ. އަތޮޅުގެ ބައެއް ރަށްތަކަށް ކުރައްވާ ދަތުރުފުޅުގެ ތެރެއިން، މީދޫއަށް ވަޑައިގެން އެމަނިިކުފާނު ވަނީ އެ ރަށުގެ އިދާރާތަކުގެ އިސްވެރިންނާ މިއަދު ބައްދަލުކުރައްވައިފަ އެވެ. އެ ބައްދަލުވުމުގެ ހަވާސާގައި، ރަށުގެ ރައްޔިތުން ރައީސްއާ ވަކިން ބައްދަލުކުރައްވައި އަނަސް އަށް އިންސާފު ހޯދައިދިނުމަށް އެދިފައިވެ އެވެ.
އެ އާއިލާއަށާއި އަނަސްގެ ރަހުމަތްތެރިންނަށް ހިތްވަރުދެއްވައި އެމަނިކުފާނު ވިދާޅުވީ މަރާލާފައިވާ މީހުންގެ މައްސަލަތައް ބަލަން އުފެއްދި ކޮމިޝަނުން އެކަން ބަލަމުން އަންނަ ކަމަށެވެ. އަދި އަނަސްގެ އާއިލާ އަށް އިންސާފު ހޯއްދަވައިދެއްވަން މަސައްކަތްޕުޅު ކޮށްދެއްވާނެކަމަށް ވިދާޅުވި އެވެ.
މީގެ ދެ އަހަރުކުރިން ލިޓަސް ސާވިސް ސެންޓަރު ތެރޭގައި ހުއްޓާ ވަޅި ޖަހައި އަނަސް މަރާލި މައްސަލައިގައި އަށް މީހެއްގެ މައްޗަށް ދައުވާކުރި އެވެ. އޭގެތެރޭގައި ކުޑަ ކުއްޖަކު ވެސް ހިމެނެ އެވެ. އެ މައްސަލައިގެ އަޑުއެހުންތައް ވަނީ ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުރާދު
11 September 2019
ކަންމަތީ ގޭންގު ބަލިކަށިކުރާނެ ސަރުކާރެއް ދެކެންބޭނުމީ. ނިކަމެތި އާންމުން އުޅެންޖެހެނީ އަބަދުވެސް ބިރުވެރިކަމެއްގަ ތެރޭގަ, މިފަދަ މީހުންނަށް ނުބައިގޮތަކަށް ބަލާލެވުނަސް ނިމުނީ. މިއަކީ ބޮޑު އަޅުވެތިކަމެއް. ކަންމަތީ ފިހާރައެއްވެސް ނުވަތަ ކެފޭ އެއްވެސް ނުހިންގޭ މިފަދަ ގުރޫޕްތަކުގެ މާސީ އޮވެގެން ނޫންގޮތަކަށް. ދިވެހި ރައްޔިތުންނަށް ލިބެންޖެހޭ މިންވަރަކީ މިއެއްނޫން. މި ކުޑަކުޑަ މާލޭގަ އެކަނިވެސް ހާހުން އުޅޭ ފުލުހުންނާއި ސިފައިން. ނިކަމެތިންގެ ރައްކާތެރިކަމާއި އަމާންކަމަށް ކުރެވޭ ކަމެއްނެތް. ހިތާމަހުރި.
މަރޭމިތުރު
11 September 2019
މަރުތަކައް އިންސާފުހޯދަން ކުރާމަސައްކަތަކީ އަޅުކަމެކޭ! ވަރުވަރުގެ މަރުތައް މިހިނގާ މިމުޖުތަމައިން ފޮހެލަދޭށޭ!................ މަރުތަކަށް އިންސާފުހޯދަން ކުރާމަސައްކަތަކީވެސް އަޅުކަމެކޭ އެއްފަދަ ސަވާބުލިބޭނެކަމެއްކަމުގައި ދެކެނީ. ވަރަށްބޮޑައް ޝުކުރިއްޔާ ތިޔަ ކޮށްދެއްވާ މިންނެތް މަސައްކަތައް.
ތުނިޔަ
11 September 2019
ކޮބައިތޯ ފުވައްމުލަކުން ގެއްލުނު ޝާފިޢުގެ ޚަބަރަކީ؟ ހުރިހާ އެއްމެނަށް ހަމަ ހަމަ އުސޫލުން އިންސާފު ލިބިދޭންޖެހޭ!
އަހަންމަދާ
11 September 2019
ލިބޭނެ. އިންސާފު ލިބޭނެ. ފަހަރަކު ކަމެއް ނު އެކުރަނީ އިރާދަކުރެއްވިއްޔާ މި ހުރިހާ މަރެއްގެ ވެސް އިންސާފު ލިބުން އެއީ އަހަރުމެން އެންމެގެ އެދުން އަދި ކުރިއަށް އޮތްތާނގާ ގައުމުގައިވެސް އިންސާފުލިބުން.