މީގެ ދުވަސްކޮޅެއް ކުރިން މަގުމަތިން ފެނުނު ކަމަށް ބުނާ ފަޓާހެއް
24 ސެޕްޓެމްބަރ 2019 - 19:13
ފަޓާސްތަކެއް ގެންގުޅުނު މީހަކު ހައްޔަރުކޮށް ފުލުހުން ތަހުގީގުކުރަން ފަށައިފި އެވެ.
ފުލުހުން ބުނި ގޮތުގައި އިއްޔެ ރޭ ފަތިހު 4:00 ހާއިރު މި މީހާ ހައްޔަރުކުރީ ހިލާލީގެ ކުރިމަތިން އޮންނަ، ފަރީދީ ގޯޅި ތެރޭ އުޅެނިކޮށް، ފުލުހުންނަށް ޝައްކުވެގެން ފާސްކުރި އިރު އޭނާގެ އަތުން ބަޑިބޭސް ފެނިގެންނެވެ. އަދި ފަހުން އޭނާގެ ގެ ފާސްކުރި އިރު ގެއިން ވެސް ބަޑިބޭހުގެ އެއްޗެހިތަކެއް ފެނިފައިވާ ކަމަށް ވެސް ފުލުހުން ބުންޏެވެ.
ހައްޔަރުކުރީ އުމުރުން 37 އަހަރުގެ ދިވެހި ފިރިހެނެއް ކަމަށާއި އޭނާ ތަހުގީގަށް ބަންދުގައި ބަހައްޓަން ކްރިމިނަލް ކޯޓުން އިއްޔެ ހަތް ދުވަސް ދީފައިވާ ކަމަށް ވެސް ފުލުހުން ބުންޏެވެ.
އެނގިފައިވާ ގޮތުގައި ފާސްކުރި އިރު ފެނުނީ ފަޓާހުގެ ގޮތުގައި ބޭނުންކުރާ އާދައިގެ ބަޑިބޭސްތަކެކެވެ. މިއީ އަވަށްޓެހި ގައުމުތަކުގައި އެކި މުސާބަތުތައް ފާހަގަކުރަން ރޯކުރާ ޒާތުގެ ފަޓާސްތަކެއް ކަމަށްވެ އެވެ.
ފަޓާސް އަދި ބަޑި ބޭހުގެ ބާވަތްތައް ރާއްޖެ އެތެރެކުރެވޭނީ ހާއްސަ ހުއްދައެއްގެ ދަށުން، ހާއްސަ ބޭނުންތަކަށެވެ.
ހައްޔަރުކުރި މީހާ އުޅޭ ގެއިން ފެނުނު އެއްޗިއްސަކީ އޭނާއާ ގުޅުމެއް ހުރި އެއްޗެއް ނޫން ކަމަށާއި އެއީ އާއިލާގެ ކުއްޖަކު ގެންގުޅެފައި ހުރި އެއްޗެއް ކަމަށް އެ މީހާ ބުނާ ކަމަށްވެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ނުރަބޯ
25 September 2019
ބަޑިބޭސް އެއީ މަނާ އެްްޗެއް. އެތެރެވާނީ ބަޔަކުން އެތެރެ ކޮށްދިނީމަ
ލައިފާ
25 September 2019
ޓެރަރިޒަމްގެ ބިލް ފާސްކުރަން އުޅޭތީ ބަލައިބަލަ އަސުލުވެސް ދޯ !
ކކކކ
25 September 2019
ފަޓާސް ކަމަށް ޝައްކުކުރެވޭ އެއްޗެހިތަކެއް ނޫންތަ.
ރަދީފް
25 September 2019
1980ގެ އަހަރުތަކުގެ ފަހުކޮޅު އަހަރުމެން ރަށުގަ (ގަންނަނީ ސ.ހިތަދޫ އަޔާގެ ހަސަންބެއްޔާ ފިހާރަ / ހަނި ގޯޅިއެއްގަ ހުންނަ ފިހާރައެއް) ވަރަށް ގިނައިން ބޭނުންކުރިއެއްޗެއް ފަޓާސްއެއީ. 20 ލާރިއަށް ފަޓާހެއް އޭރުލިބޭ.އެހެންވީމަ ފަޓާސް ހުއްދަ ޒަމާނުގަ ބޭނުންކުރުމުގެ އުފާވެސް ލިބުނު.އަވާ ޗައިލްޑްހުޑް އެއީ އޯސަމް ޓައިޓޭނިއަމް ޕްލެޓޭޑް ޗައިލްޑްހުޑެއް.ވ.ވެދުން
ޢެހެންތަ ހީވަނީ
25 September 2019
މިވަރުގެ ނިކަމެތިކަމެއް ރައްޔިތުން ތަހައްމަލް ކުރަމުންދާއިރުވެސް މަގުމަތި ހަލަބޮލިނުކޮއް ކާކުކީކޭހޭވެސް އަހައިނުލާތީ ގައުމު ހަލަބޮލިކުރާނެ ގޮތެއް ހޯދަނީތަ ؟ އިބޫސޯލިހުގެ ވެރިކަން ޕާފެކްޓް ވެގެންނެއްނުން މަގުތަކަށް ނިކުމެ މީހުން ހަލުތާލުނުކުރަނީ މުޒާހަރާ ނުކުރަނީ .ހާލުގަ ޖެހިފަ ތިބި ބަޔަކަށް ސަރުކާރުން އަޅައިލާހެން ހީވާތީކީ ވެސް ނުން އެވާހަކަ ނުދައްކަން އެތިބެނީ .ހާލުގަ ޖެހިފަ ތިބިބަޔަކަށް އިންތިހާއަށް އެހީތެރިކަމަށް ބޫނުންވެފަ ތިބީ .
ރަދީފް
25 September 2019
ޑްރަގް އެއީ ނުރައްކާތެރިއެއްޗެއް.
އަލީރާޖާ
25 September 2019
އޭނާ ކުރެން އަހާ ބަލާ އަލިފާން ރޯވި ކެމިކަލް ގުދަނަށް އޭގެ ފަޓާހެއް ރޯކޮށްފާ އެއްލިންތޯ؟
ހާމިދު ޝާހިދު
25 September 2019
ހިލާލީގޭ ކުރިމަތީގައި ދަންވަރު ފަޓާހެއް ހިފައިގެން އުޅެންޏާ އެއީ ނުބައެއް. މީހުންގެ މެދުގައި ޝައްކު އުފެއްދުމަށް އެ މަސައްކަތް ކުރަނީ.
ވަހީދު
25 September 2019
ދިވެހިންގެ މިޖީލުގެ ގިނަ މީހުން މިހާރު 30 އަހަރު 40 އަހަރުވިޔަސް ހުންނާނީ ކުޑަކުދިންގެ ވިސްނުން، އެހެންޏާ މަސްތުވާ ތަކެތި ބޭނުން ކުރުމުން، ނޫނީ އެހެން ބަޔަކު ބޭނުން ކުރާއިރު އަރާ ދުން ޖެހިގެން، ސިކުނޑި ސަކަރާތްވެފައި، ދެވަނަ ގޮތަކީ ފޯނުން ގޭމް ކުޅެކުޅެ ސިކުނޑި ޒީރޯވެފައި.
ބުރެކި
24 September 2019
ފަޓާހެއްދެކެ ބިރުން ފިތްކެނޑޭ ގައުމެއް މިނޫނިއްޔާ ދުނިޔެމައްޗަކުނެތް.
ނެޑް
25 September 2019
ސިންގަޕޫރު ނުދަންނަން؟
ވަހީދު
25 September 2019
މުޅި ކޮންސެޕްޓު އެއްކޮށް ވިސްނޭތޯ އުޅެބަލަ. ރޯވެއްވިއްޔާ މިހާ ފަސޭހައިން އެއްގެއިން އަނެއް ގެއަށް އަލިފާން ފެތުރޭ ގައުމެއް މިނޫނިއްޔާ އެބައޮތްތަ؟