16 އޮކްޓޯބަރ 2019 - 11:56
9 comments
މި ހަފުތާގެ ކުރީކޮޅު އައްޑު އަށް ކުރި ބޯ ވިއްސާރައިގައި ފެންބޮޑުވެ، ގެއްލުން ލިބުނު ގެތަކުގެ އަދަދު 200 އާ ގާތްކުރާނެ ކަަމަށް އައްޑޫ ސިޓީ ކައުންސިލުން މިއަދު ބުނެފި އެވެ.
އައްޑޫގެ އެކި އަވަށްތަކުގެ ގޭގެ އަށް ފެންވަނުމުގެ ސަބަބުން ފަރުނީޗަރާއި ހިފައިގެންގުޅޭ ސާމާނާއި ކަރަންޓް ސާމާނުތަކަށް ވެސް އެކި ވަރުގެ ގެއްލުންތައް ލިބިފައިވެ އެވެ.
ކައުންސިލަރު ޖަމްޝީދާ މުހައްމަދު "މިހާރު" އަށް ވިދާޅުވީ، ފެންބޮޑުވެ، ލިބުނު ގެއްލުންތަކުގެ މައުލޫމާތު އަދިވެސް އެއްކުރަމުން އަންނަ ކަމަށާއި މި ހަފުތާ ނިމުމުގެ ކުރިން އެސެސްމަންޓް ރިޕޯޓް ނިންމައި ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އަށް ފޮނުވާނެ ކަމަށެވެ.
އޭނާ ވިދާޅުވީ، ގެއްލުންތަކުގެ މައުލޫމާތު އެކި ގެ ތަކުން ކައުންސިލަށް ހުށަހަޅަމުން އަންނަ ކަމަށެވެ.
"އެ މައުލޫމާތުތައް ޕްރޮސެސް ކުރުމުގެ މަސައްކަތް ވަރަށް ބާރަށް ކުރިއަށް އެބަދޭ. އަޅުގަނޑުމެން މި މަސައްކަތް ކުރަނީ މި ހަފުތާ ނިމުމުގެ ކުރިން އެސެސްމަންޓް ރިޕޯޓް ޑިޒާސްޓާ އަށް ފޮނުވަން،" އޭނާ ވިދާޅުވި އެވެ.
ވިއްސާރައިގައި ލިބުނު ގެއްލުންތައް ޑިފެންސް މިނިސްޓަރު މާރިޔާ ބައްލަވަނީ.
ވިއްސާރާގައި ލިބުނު ގެއްލުންތައް، މިދިޔަ އާދީއްތަ ދުވަހު ޑިފެންސް މިނިސްޓަރު މާރިޔާ އަހުމަދު ދީދީ ވެސް އައްޑު އަށް ވަޑައިގެން ބައްލަވާފައިވެ އެވެ.
އެންޑީއެމްއޭގެ ޗީފް އެގްޒެކެޓިވް ހިސާން ހަސަން މިއަދު ވިދާޅުވީ، ވިއްސާރައިގެ އެސެސްމަންޓް ރިޕޯޓް ލިބުމާ އެކު، އެ އަށް ރިއާޔަތްކޮށް ގެއްލުން ލިބުނު މީހުންނަށް ދޭން ޖެހޭ އެހީ ދިނުމުގެ މަސައްކަތް ކުރިއަށް ގެންދާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަގިލި
16 October 2019
"މާލެއިން ޓީމެއް" ވަޑައިގެން ބައްލަވައިފި.
ބޮޑުމީހާ
16 October 2019
އެންމެ ފަހުން ފުޓްބޯޅަ ޓީމަށް 20000 ދިން. ޓޭބަލް ޓެނިސް ޓީމަށް ލައްކައިން ދިން. މާލޭގަ އަލިފާނުގަ ހާދިސާގަ ގެއްލުންވި މީހުންނަށް 3 މަހުގެ ކުލި ދިން. އައްޑޫ މީހުންނަށް ދޭ ވަރެއް އަންގާލައްޗޭ
ލުބްލާ
16 October 2019
އެމްޑީޕީގެ ހުރިހާ މެމްބަރުންގެ ގެއަށް މިހާރު ހުންނާނީ "ގެއްލުން ލިބިފަ". އެހެންވީމަ އަވަހަށް ދައުލަތުން އެމީހުންނަށް "އެހީތެރިކަން" ފޯރުކޮށްދީ. މިއޮތީ ވާ ސަރުކާރެއް.
އަލީ-
16 October 2019
އަންނަ އަހަރުގަ ވިއްސާރަވިޔަސް ހަމަ ތި 200 ގެއައް ގެއްލުން ވެގެން އުޅޭނެ. ބޮޑެތި ފިރިހެނުން ގުޅާފަ ޕޮލިސް ތިމަންނާމެން ގެއައް ފެންވަދެއްޖޭ. ޕޮލިހުން ދާއިރު ކިރުސަޔާ ބިސްކޯދު ކާން ބޮޑު މާސިންގާ ފިރިހެނުން މި ތިބެނީ. ތިމާމެންގެ ފަރުދީ ޒިންމާ އުފުލޭ ކަމަކަށް ނުވޭ.
ނަގިލި
16 October 2019
ފަރުދީ ޒިންމާނޫންތޯ ހުރިހާ ކަމަކީވެސް. މަގުތަކުގައި ވަޅުގަނޑު ހެދިގެން އެކްސިޑެންޓުވަނީ ދުއްވާއިރު ނުބަލާތީ. ބަލިޖެހެނީ އުޅެވޭގޮތުން. ކަރަންޓުބިލު ބޮޑުވަނީ ކަރަންޓު ބޭނުންކުރާތީ. އަތޮޅުން ފެންހުސްވަނީ މާގިނައިން ފެންބޭނުންކުރާތީ. ރަށްގިރައިގެން ގެދޮރު ހަލާކުވަނީ މޫދާއި މާކައިރީގަ ގެދޮރުހަދާތީ. މަގުތައް ހަލާކުވަނީ ވެހިކަލް ދުއްވާތީ. ފުލުހުންނަށް ގުޅަނީ ފުލުހުން ތިބޭތީ.
ވާލުސޮރު
16 October 2019
މިއީ ވަރަށް ރަނގަޅު ވާހަކައެއް. ގޭގެ ވަށައިގެން ބޮޑު ފާރު ރާނާ އުސް ގޭޓު ހަދަނީ ވާދަވެރިކަމުގަ، އެހެން ވިޔަސް އޮޅިގަނޑާ ގޭގެ ބިންގަނޑު އުސްކޮށްލުން ކަހަލަ އަމިއްލަ ސަލާމަތީ އެއްވެސް ކަމެއް ކުރަން ދަންނަ ބަޔަކު އުޅޭ ގައުމެއްނޫން މިއީ.
ފަލަޑޭ
16 October 2019
ރަށްރަށުގައި ފެންބޮޑުވެގެން ލިބޭ ގައްލުމަށް ސަރުކާރުން ފައިސާދޭކަށް ނުޖެހޭ. ގޭގެ ރަޖިސްޓްރީ ކުރާއިރު ދިރިއުޅޭތަނެއްގެ ގޮތަގއި ރަޖިސްޓްރީކުރާއިރު އެތަންތަނަކީ ގުދްރަތީ ކާރިސާއަށް ރަހްމަތްތެރިކޮތަކަށް ހަދާފައިވާ ތަންތަނަށް ވާންޖެހޭގޮތަށް ހެދުން މުހިއްމު.
މާލެތެރެ
16 October 2019
މާލޭގައި އަލިފާން ރޯވެގެން ލިބޭގެއްލުމަށް ބަދަލުދޭކަށް ވެސް ނުޖެހޭ. އަލިފާން ނިވިލައި، ގޮވާފަދަ އެއްޗިހި ހުރޭތޯ ބަލަންޖެހޭނެ ވެރިފަރާތުން. ނަރުދަމާ ހަމައެކަނި މާލޭގައެއްނުން އޮންނަން ޖެހެނީ. ބަލިވީމަ އާއިލާ ދަމައިގެން މާލެ ނުއައިސް މާލޭގެ ކުލި މަހުޖަނުންނަށް ނުވިކި ޙިދުމަތްތައް ލިބޭގޮތް ވާންޖެހޭ.
އައިޝަތު ެ
16 October 2019
މާރިޔާ ހާދަ އުފާފުޅުވެލައްވާފައި.