ޖޭޕީގެ ސެކްރެޓަރީ ޖެނެރަލްކަމުގެ ލިޔުން އެ ޕާޓީގެ ލީޑަރު ގާސިމް، ކުރީގެ މެމްބަރު އަލީ އާރިފާ އިއްޔެ ހަވާލު ކޮށްދެއްވަނީ.
24 އޮކްޓޯބަރ 2019 - 07:46
32 comments
ސަރުކާރު ހިންގާ ކޯލިޝަންގައި ހިމެނޭ ޖުމްހޫރީ ޕާޓީ (ޖޭޕީ) ގެ އާ ސެކްރެޓަރީ ޖެނެރަލަކަށް ކެލާ ދާއިރާގެ ކުރީގެ މެމްބަރު އަލީ އާރިފް އިއްޔެ އައްޔަންކޮށްފި އެވެ.
މިދިޔަ އަހަރުގެ ނޮވެމްބަރު 17 އާ ހަމައަށް ފަސް އަހަރު ވަންދެން ވެރިކަން ކުރި ޕީޕީއެމުން ވަކިވެވަޑައިގެން މިދިޔަ އޯގަސްޓް މަހު ޖޭޕީއާ ގުޅިވަޑައިގެންނެވި އަލީ އާރިފަށް އެ ޕާޓީގެ ސެކްރެޓަރީ ޖެނެރަލްކަމުގެ ލިޔުން ހަވާލު ކޮށްދެއްވީ ލީޑަރު ގާސިމް އިބްރާހީމެވެ.
އެންމެ ފަހުން ޖޭޕީގެ ސެކްރެޓަރީ ޖެނެރަލަކަށް ހުންނެވީ ހެލްތު މިނިސްޓްރީގެ ކުރީގެ ސްޓޭޓް މިނިސްޓަރު ޑރ. ހުސައިން ރަޝީދެވެ. އޭނާ އެ މަގާމު ފުރުއްވީ ހަތް ވަރަކަށް މަސް ވަންދެނެވެ.
ޖޭޕީގެ ހިންގުންތެރިކަން ކުރިއަށް ވުރެ ހަރުދަނާކޮށް، ކުރިމަގަށް ތަފާތު ޕްލޭންތައް ހަދަން ފަށާފައިވާއިރު، އެކަމުގައި އިސްކޮށް މިހާރު ފެންނަނީ ޕީޕީއެމްގައި ކުރިން އުޅުއްވި ބޭފުޅުންނެވެ.
އޭގެ ތެރޭގައި ޕީޕީއެމްގެ ޕާލަމެންޓްރީ ގްރޫޕުގެ އޭރުގެ ލީޑަރު އަހުމަދު ނިހާނާއި ވެލިދޫ ދާއިރާގެ ކުރީގެ މެމްބަރު ޔާމީން ރަޝީދާއި ބިލެއްދޫ ދާއިރާގެ ކުރީގެ މެމްބަރު އަހުމަދު މުބީންގެ އިތުރުން ޕީޕީއެމްގެ ސަރުކާރުގައި އެންމެ ފަހުން ހޯމް މިނިސްޓަރުކަން ކުރެއްވި އަޒްލީން އަހުމަދު ފާހަގަކުރެވެ އެވެ. ދެން އިސްކޮށް އެކި ކޮމިޓީތަކުގައި އުޅުއްވާ ތަން ފެންނަނީ ދަނގެތި ދާއިރާގެ ކުރީގެ މެމްބަރު އަދި ގާސިމާ އަބަދުވެސް ގާތްގުޅުމެއް ބާއްވަވާ އިލްހާމް އަހުމަދެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަބުރޭ
24 October 2019
ގާސިމޫ ތިޔަގާތްކުރަނީ..، މައުމޫނު މީހަކައްހެދީމަ ފައިންއަރާފަ ގިނަފައިސާ ދޭކޮޅައްދިޔައީ.
ޢަލިފުޅުގެ ބަސް
24 October 2019
މީހުން ބަލައި ނުގަންނަ ބައެއް ލައިގެން ކިހިނެތް ޕާޓީ ކުރިއަރުވާނީ. ތިބައިގަނޑަށް ޔަޢުނީ އާރިފު، ނިޙާނު، ދުވަހަކުވެސް ވޯޓެއް ނުދޭނަން. ޖޭޕީގެ ކަންތައް ވާ ނިމިއްޖެ.
އަހުމަދުބޭ
24 October 2019
ސޭޓް މިއުޅެނީއަޅެފަހެ ސަރުކާރަށް ޖެއްސުން ކުރަންތަ؟ ދެންބުނާނެ ތިމަންނާއާ އަޅައިލައްޗޭ؟ ނިކަމެތި ނުކުރައްޗޭ، ތިމާ ކުރާކަމެއް ތިމާއަކަށް ނޭގޭ، މިވަރުތަންކޮޅެއް ބޮޑުދޯ
މުޙުއްމާ
24 October 2019
ސޭޓްގެ ޕާރޓީއަކީ މިހާރު އިދިކޮޅު ޕާރޓީއެއްކަން ޔަޤީންވެއްޖެ ނުން.
ސީދާ
24 October 2019
ލަނޑަޔާ ވާނީ ހަމަ ލަނޑަޔާ
މިލިޓަރީ
24 October 2019
ވެރިކަމާހެދި އަންނަ ހުރިހާ ސަރުކާރަކަ ޤާސިމްގެ އުދަގޫ އެބަކުރޭ.
ވަތަން އިސްކުރަންޖެހޭ
24 October 2019
ސޭޓް ސިޔާސީ ދާއިރާއިން ދުރައްޖެހެން ޖެހޭ. މަގޭ ތާއީދެ މަނިކުފާނަކައް ނެއް.
ހައްގުބަސް
24 October 2019
ޤާސިމް އަމިލްލަޔަ ހެދިގޮތަކުން ޤާސިމް ނޫނެކޭ ބުނާނެ ގިނަމީހުން މިފަހަރު. ރައިސް ޔާމިންވެސް ޤާސިމައްވުރެ ކުރީގަ އުޅޭނީ.
މަންޑޭލާ
24 October 2019
މީނާ ވެރިކަމަ ދެނެ ހޮވާކަ ނެތިން.
ޝޮކްތެރަޕީ
24 October 2019
އަޅުގަނޑެ ދެން ދުވަހަކުވެސް ޤާސިމަކަ ވޯޓެއް ނުދޭނަން. ޤާސިމް ބޭނުންވަނީ ވެރިކަން ޤައުމައް ދެރަކަންތަ ވިޔަސް ޤާސިމަކަ ކަންބޮޑެއްނުވޭ. ދެނެ ޤާސިމް ހޮވަންވެސް މަސައްކަތެއް ނުކުރާނަން.