ކާމިޔާބު ވާނީ ކޮރަޕްޝަނަށް ނޫނެކޭ ބުނެގެން: ނައިބު ރައީސް

ނައިބު ރައީސް އިންޖިނިއަރުންގެ މަހާސިންތާގައި ވާހަކަފުޅުދައްކަވަނީ-- ފޮޓޯ:ފެނަކަ

އިދުހާމް ނައީމް، މިހާރު

01 ޑިސެމްބަރ 2019 - 15:11

ރާއްޖޭގެ ކުންފުނިތަކުން ދޭން ބޭނުންވާ ހިދުމަތްތައް ފުރިހަމަ އަށް ދީ ކާމިޔާބު ހޯދަން ބޭނުން ނަމަ ކޮރަޕްޝަނަށް ނޫނެކޭ ބުނަންޖެހޭ ކަމަށް ނައިބު ރައީސް ފައިސަލް ނަސީމް މިއަދު ވިދާޅުވެއްޖެ އެވެ.

މިއަދު ފެށި ފެނަކައިގެ އިންޖިނިއަރުންގެ މަހާސިންތާ ޝަރަފުވެރިކޮށްދެއްވަމުން ނައިބު ރައީސް ވިދާޅުވީ ކުންފުނިތަކުން ކުރަމުން އަންނަނީ ރައްޔިތުންގެ އުއްމީދާ ގުޅިފައިވާ މަސައްކަތްތައް ކަމަށެވެ. އަދި ރައްޔިތުންގެ އެ އުއްމީދުތައް ފުރިހަމަ ކުރުމަށް، އިސްރާފުކުރުން ހުއްޓާލައި ކޮރަޕްޝަނަށް ނޫނެކޭ ބުނެ ހިދުމަތްތައް ރަނގަޅުކުރަން ޖެހޭ ކަމަށް ވިދާޅުވި އެވެ.

ނައިބު ރައީސް ވިދާޅުވި ގޮތުގައި ކުންފުނިތަކުން މަސައްކަތްތައް ކުރުމުގައި ބަލަންވާނީ ރައްޔިތުންގެ ޝަކުވާއެއް ނޯންނާނެހެން ހާމަކަން ބޮޑު ގޮތެއްގައި ކަންތައް ކުރާށެވެ. އަދި އަމިއްލަ ފައިދާ އަށް ވިސްނުމުގެ ބަދަލުގައި ރައްޔިތުންގެ ފައިދާއާ މެދު ވިސްނަން ޖެހޭ ކަމަށް ވެސް ވިދާޅުވި އެވެ. މިގޮތަށް ކަންތައް ކޮށްގެން ނޫނީ އެންމެ ފުރިހަމަ ހިދުމަތްތައް ރައްޔިތުންނަށް ފޯރުކޮށްނުދެވޭނެ ކަމަށް ނައިބު ރައީސް ވިދާޅުވި އެވެ.

"އިސްރާފުކުރުމުގެ ކަންތައް އެއްކޮށް ހުއްޓާލައި ކޮރަޕްޝަނަށް އަޅުގަނޑުމެން އެއްކޮށް ނޫނެކޭ ބުނަން އެބަ ޖެހޭ. އެނޫން އެއްވެސް އެހެން ގޮތަކަށް އަޅުގަނޑުމެން ބޭނުންވާ ކާމިޔާބު، އަޅުގަނޑުމެން ބޭނުންވާ ހަމަހަމަކަން، އަޅުގަނޑުމެން ބޭނުންވާ އުފާވެރިކަން ރައްޔިތުންގެ މޫނުމަތިން ނުފެންނާނެ،" ނައިބު ރައީސް ވިދާޅުވި އެވެ.

މީގެ ކުރިން ކުންފުނިތަކުން ކަންތައް ކުރި ގޮތްތަކުގެ ނަތީޖާއާ މެދު މިއަދު ވިސްނަން ޖެހޭ ކަމަށާއި އެކަމުން އިބުރަތް ހާސިލްކޮށް ކުރިއަށް އޮތް ތަނުގައި އެ ކުންފުނިތަކުން ދޭ ހިދުމަތްތައް ތެދުވެރިކަމާއެކު ދިނުމަށް ވެސް ނައިބު ރައީސް އެދިވަޑައިގަތެވެ.

"ވޭތުވެދިޔަ ދުވަސްތަކުގައި ވަކި ކަހަލަ ކަންތައްތަކަކަށް ހަމައެކަނި އަމާޒު ކުރެވިގެން ކަންތައްތަކެއް ކުރެވުނީ. އޭގެ ތެރޭގައި ވަކި ބަޔަކަށް ވަކި ރަށްތަކަކަށް އިހުމާލުވެފައި އޮތްކަމީ މިއަދު ރަނގަޅަށް ކަންތައް ކުރިއަށް ގެންދިއުމުގައި ވިސްނަން ޖެހޭ ކަމެއް،"

"އަޅުގަނޑު މިއަދު ދިވެހިރާއްޖޭގެ އެންމެނަށް ޔަގީންކޮށް އަރުވަން އޮތީ މި ސަރުކާރުން ރައްޔިތުން މެދުގައި ތަފާތުކުރުންތަކެއް ނުގެންގުޅޭނެ." ނައިބު ރައީސް ވިދާޅުވި އެވެ.

ކޮރަޕްޝަން ރާއްޖެ ކޮރަޕްޝަން ފެނަކަ ކޯޕަރޭޝަން ނައިބު ރައީސް ފައިސަލް ނަސީމް

11 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަނބިލި

02 December 2019

ކޮރަޕްޝަ ން އޮތީ މި ގައުމުގައި މޫލާފައި. ޒީރޯ ޓޮލަރެންސް އޭ ކިޔާފައި އައި ސަރުކާރުގެ ހާލު މާބޮޑުހެ ން ހީވަ ނީ. އެއްވެސް ކޮންޓްރޯލެއް ނެތް.އެމީހަކާ އެމީހެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޯންނާ

02 December 2019

ކޮރަޕްޝަނަށް ނޫނެކޭ މިސަރުކާރުން ބުނާތަނެއް ނުފެނޭ.. ޕްރޮޖެކްޓްތައް ދެނީ އަގު ބޮޑުކޮށް ބިޑުލާ މީހުނަށް، ބަދަލޭކިޔާހަ ސަރުކާރުގެ ކޯލިޝަން ޕާޓްނަރުންގެ ޖީބުތަކަށް ބިލިއަނެއްހާ ރުފިޔާ އެކިފަރާތްތަކަށް އެއް އަހަރު ދުވަހުގެތެރޭ ދީފި. ނާއިބް ރައީސްއެވެ. މީކޯއްޗެއްތޯއެވެ.؟ މިއަށް ކޮރަޕްޝަނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިމޮކްރަސީ

01 December 2019

ކުރިޔަށް އޮތް ތަނުގައްވެސް ކާމިޔާބު ލިބޭނީ ދައުލަތުގެ ފައިސާ ކަޓު ލިބޭގޮތަށް ރޭވިގެން ބަދަލުގެ ގޮތުގައި ބަހާ ހުސްކޮށްލީމަ އޭރުން 2023 ގަ ވ ގިނަ ވޯޓް ލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދައްސޫރަ

01 December 2019

5އަހަރުވަދެ ން ފުއްޕާ ދެދެ ންދާ ން ޖެހޭ ނީ ޖަލަށް ކިޔޮކޭވަރު އެގޭ ނީ މަގާމް ގެއްލު ނީމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޯދެން

01 December 2019

ކާމިޔާބު ވާނީ ދޮންމީހުން އުޅޭހެން އުޅެގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކީކޭ

01 December 2019

ކޮރަޕްޝަނަށް ނޫނެކޭ ބުނެގެން ކާމިޔާބު ވާނެނަމަ މިސަރުކާރަކަށް ކާމިޔާބެއް ނެތް. ސަރުކާރަށް 1 އަހަރު ވެގެންދިޔައިރު މިނިވަން މުއައްސަސާތަކުގެ އަނގަމަތީގައި ޓޭޕްއަޅާ ބަންދު ކުރުމަށްފަހު ހިންގަމުންދާ ކޮރަޕްޝަންގެ ގިނަ އަމަލުތަކެއް އެބަހުރި. ވަގުތު އައިސް ޖެހުމުން ފަޅާއަރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުރާސިލް

01 December 2019

މަނިކުފާނު ތިހަޔެން ވިދާޅުވިއަސް މިފެންނަނީ މިސަރުކާރުގައި މުޅީންވެސް ކަރަޕްޝަން އޮތްތަނެވެ. ބަދަލު ދިނުމާއި އިންސާފު ހޯދައިދިނުމުގެ ނަމުގައިވެސް ހުސް ކަރަޕްޝަނެވެ. ކަރަޕްޝަނުގެ ފަނި ނާޅާ އެއްވެސް ދިމާއެއް މިސަރުކާރުން ފެންނާކަށް ނެތެވެ. ހިތުން މޮޅުވާހަކަ ދައްކަވާއިރު މަނިކުފާނަށް ހީވަނީ ދިވެހިރައްޔިތުންމީ ގަމާރުންކަމަށް ހެއްޔެވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރީޕައުޑަރ

01 December 2019

އެހެންވީމަތޯ ޕޯޑިއަމް ތަކުގައި އަޑުގަދަ ކުރާމީހުންތައް ކުންފުނިތަކުގެ ވެރިންނައް ތިޔަލައްވަނީ އެތަންތާގައި މާސްޓަރ ޑިގްރީހޯލްޑަރުންތިއްބާ މިހާރުވެސް ދާލް އަތޮޅުގައި އެމްޓީސީސީގެ ފެރީހިދުމައް އެދެނީ ކޮން ހައިސިއްޔަކުންތޯ ކޮބާތޯ ފެރީގެ ޙިދުމައްދޭން ފަޅުރައްތައް ދިންމީހުން މި ނުވޭތޯ ކޮރަޕްޝަނަނަކައް ފަޅުރައްތައް ވެސް އެމީހުންނައް ފެރީދަތުރު އެމްޓީސީސީޔައް ގެއްލުންކޮއްފައި ކޮބާތޯ ތިޔަވިދާޅުވާއިންސާފް