11 ކުއްޖެއްގެ ބެލެނިވެރިކަން ހޯދަން ދައުލަތުން ކޯޓަށް

ކުޑަކުދިންގެ ހިޔާގައި ކުދިންތަކެއް: 11 ކުއްޖެއްގެ ބެލެނިވެރިކަން ދައުލަތަށް ނެގުމަށް މިއަދު ވަނީ ކޯޓަށް ހުށަހަޅާފައި--

އަހުމަދު ސާއިލް އަލީ، މިހާރު

08 ޑިސެމްބަރ 2019 - 15:45

ދައުލަތުގެ ބެލުމުގެ ދަށަށް ގެންގޮސްފައިވާ ކުޑަކުދިންތަކެއްގެ ގާނޫނީ ބެލެނިވެރިކަން ދައުލަތާ ހަވާލުކޮށްދިނުމަށް އެދި ފެމިލީ ކޯޓަށް، އެޓާނީ ޖެނަރަލް (އޭޖީ) އޮފީހުން މިއަދު މައްސަލަތަކެއް ހުށަހަޅައިފި އެވެ.

އޭޖީ އޮފީހުން ބުނީ އިތުރު 11 ކުއްޖެއްގެ ބެލެނިވެރިކަން ދައުލަތަށް ހޯދަން މިއަދު ފެމިލީ ކޯޓަށް ހުށަހަޅާފައިވާ ކަމަށެވެ. އެއީ ހަ މަހާއި 13 އަހަރާ ދޭތެރޭ ކުދިން ކަމަށް ވެސް އޭޖީން ބުނެ އެވެ.

އެ ކުދިން ދައުލަތުގެ ބެލުމުގެ ދަށަށް ގެންގޮސްފައި ވަނީ އެ ކުދިން ބެލެހެއްޓުމުގެ ޒިންމާއާ މައިންބަފައިން ހަވާލުވުމަށް އިންކާރުކޮށްފައި ވުމާއި މައިންބަފައިން އެ ކުދިން ބެލެހެއްޓުމުގައި ތަކުރާރުކޮށް އިހުމާލުވަމުން ދާތީ އެވެ. ނުވަތަ އެ ކުދިން ބެލެހެއްޓުމުގެ ޒިންމާއާ ހަވާލުވާނެ އެ ކުދިންގެ އާއިލާގެ އެއްވެސް މެންބަަރަކު ހަމަޖެހިފައި ނުވާތީ އެވެ.

އެއީ މުޅިން ވެސް ޖެންޑާ މިނިސްޓްރީގެ ބެލުމުގެ ދަށުގައި ތިބި ކުދިންނެވެ. އެ ކުދިންގެ މައިންބަފައިންގެ ތެެރޭގައި ގިނައީ މަސްތުވާތަކެތި ބޭނުންކުރަމުންދާ މީހުން ކަމަށް ޖެންޑާ މިނިސްޓްރީއާ ހަވާލާދީ އޭޖީން ބުނެ އެވެ.

އޭޖީން ބުނީ އެފަދަ މައްސަލަތަކުގައި ޖެންޑާ މިނިސްޓްރީން އެދިފައިވާ ހުރިހާ މައްސަލައެއް މިހާރު ކޯޓަށް ހުށަހަޅައި ނިމިފައިވާ ކަމަށެވެ. އަށާރަ ކުއްޖެއްގެ ބެލެނިވެރިކަން ދައުލަތަށް ނެގުމުގެ މައްސަލަ މިހާރު ވެސް ފެމެލީ ކޯޓުގައި ކުރިއަށް އެބަދެ އެވެ.

ކުޑަކުދިން ފެމިލީ ކޯޓު އެޓާނީ ޖެނެރަލް ކުޑަކުދިންގެ ހައްގުތައް ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީ

11 ކޮމެންޓް, 43 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފުންއަސަރު

09 December 2019

ތަކުލީފުތައް ގިނަވީވަރަކަށް ތިކަންކަމާ މީހުންއުޅޭލެއް މަދުވާނެ. ބޭނުންވަނީ ވީހާއަވަހަކަށް ތިޔަކަންކަން ނިންމޭނެ ގޮތެއް. އަހަރެންވެސް ތިފަދަކަމެއްގާ އެއްއަހަރަށްވުރެ ގިނަދުވަހު ތެޅެން ޖެހުނު. އަހަރެން އުޅުނީ ކުޑަކުޑަ މައުސޫމް ކުއްޖަކަށް އެހީވާން. އެކުއްޖާ ރަނގަޅުގޮތުގާ އަހަރެންގެ އާއިލާތެރޭގާ ތަރުބިޔަތުކޮށް ބޮޑުކުރަން. އެކަން މިހާރު ފުރިހަމަވެއްޖެ. އެކަމަކުވެސް މީކީ ކޮންމެ ކޮންމެ މީހަކަށް އުފުލޭވަރުގެ ތަކުލީފުތަކެއްނޫން. ގާނޫނީ ބެލެނިވެރިކަން....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމާސާއަލިބެ

08 December 2019

އޭރުންތާ ފާރުމަތީ އަރާތިބޭނީ ބެލެނިވެރިކަމެއްނެތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނޭ..

08 December 2019

ދައުލަތުގެ ހަރަދު ގިނަވީ..އެ ކުދިންނަށް ކުރާ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޣޣ

08 December 2019

ނުބެލިގެންތަ.... ދުށީން ދައުލަތުން ތިހެން ނަގާ ކުދިންނަށް ދައުލަތުން އަޅާނުލާ ވާހަކަ.... ދައުލަތުން ހަމަޖައްސާފަ ތިބޭ މީހުން މިތުއްތު ކުދިންނަށް އަނިޔާކުރާ ވާހަކަ ދެންމެ ސޯޝަލް މީޑިއާއިން މިކީ... ދުށިން ފޮޓޯ ވެސް.... ދައުލަތުން ދައުލަތަށް ނަގާ ކުދިންނަށް އަނިޔާވެރި ވުމަކީ ވަރަށް ބޮޑު ގޯހެއް... މި އަނިޔާ ކުރުމާ ފުރައްސާރައިގަ ބައިވެރިވާ އެންމެން ހައްޔަރު ކޮށް އަދަބު ހައްގު... ލައިންސާނީ ކަމުގެ ހައްދެއް ނެތް.... ރޮވިއްޖެ... ވަރަށް ދެރަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައްޕަ

08 December 2019

އެޑޮޕްޓު ކުރުމުގެ ގާނޫނެއް ހދަންޖެހޭ ވަރށް އަވަހަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޮޓް އެޑޮޕްޓް

08 December 2019

މަޖިލިހުން ފަހުން ފާސްކުރި، ކުޑަކުދިންގެ ޙައްޤުތަކާބެހޭ ޤާނޫނުގެ ދަށުން "ފޮސްޓަރ" ކުރެވޭނެ. ޤާނޫނެއް ނެތް އިރުވެސް އެކަން ކުރެވޭ ރާއްޖޭގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޫޓް

09 December 2019

އިސްލާމީ ޤައުމެއްގައި އެޑޮޕް ނުުކުރެވޭނެ. ތިމާގެ އަމިއްލަ ދަރިންނަށް ހަދާ ބައްޕަގެ ނަން ފަހަތައް ނުލުވޭނެ. ނަމަވެސް އެކުދިންނަށް ބޭނުންވާ ލޯތްބާއި އަޅާލުންދީ ތިމާގެ ބެލުމުގެ ދަށުގައި ކުދިން ބެލެހެއްޓޭން. އެއަށް ކިޔާ ފޮސްޓަރ ކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢިމްހާ

08 December 2019

ޢަޅެ ތީގެން ކުއްޖެއް އެޑޮޕްޓް ކުރަން ކިހެނެއްތަ ހަދާނީ ވަރަށް ބޭނުން ކުއްޖަކު ގެންނަން ކޮންމެވެސް މީހަކު ބުނެދީބަލަ ޕްލީޒް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޮޓް އެޑޮޕްޓް

08 December 2019

ޖެންޑަރ މިނިސްޓްރީއަށް ހުށަހަޅާ. އެސެސްމަންޓެއް ހަދާނެ ކުއްޖާ ބެލެހެއްޓޭނެތޯ. ދެން ފެމިލީ ކޯޓަށް ގޮސްގެން ކުއްޖާ ޙަވާލުކުރާނެ. އެކަމަކު އިސްލާމީ ކޮންސެޕްޓަކީ "ފޮސްޓަރ". މާނައަކީ، ދަރިފަސްކޮޅު އޮޅުވައި ނުލައި، ކުއްޖާގެ ނަސަބު އޮޅުވާނުލައި، އެ ކުއްޖާ ހެޔޮ ގޮތުގައި ބަލައި، ތަރުބިއްޔަތުކުރުން.