ސުއޫދު: ފަނޑިޔާރަކަށް އައްޔަން ކުރެއްވުމުން ސުއޫދު ވަނީ ޓުވިޓާ ޑީއެކްޓިވޭޓް ކުރައްވާފައި. --ފޮޓޯ/މިހާރު
11 ޑިސެމްބަރ 2019 - 12:26
25 comments
ސޯޝަލްމީޑިއާގައި އެކި މައްސަލަތަކާ ގުޅިގެން ޚިޔާލުފާޅުކުރައްވައި ގާނޫނީ ބަހުސްތަކުގައި ރައުޔު ވިދާޅުވަމުން ގެންދެވި ކުރީގެ ބަންޑާރަ ނައިބު ހުސްނުއްސުއޫދު، އޭނާގެ ޓުވިޓާ އެކައުންޓް ޑީއެކްޓިވޭޓް ކުރައްވައިފި އެވެ.
ސުއޫދު، ޓުވިޓާއާ ދުރަށް މިވަޑައިގަތީ ސުޕްރީމް ކޯޓުގެ ފަނޑިޔާރަކަށް އައްޔަން ކުރެއްވުމާ އެކުގަ އެވެ. އޭގެކުރިން އޭނާ ހުންނެވީ މަރާލާފައިވާ މީހުންނާއި ގެއްލުވާލާފައިވާ މީހުންގެ މައްސަލަތައް ބަލަން ރައީސް އިބްރާހިމް މުހައްމަދު ސޯލިހް އުފެއްދެވި ކޮމިޝަންގެ ރައީސްގެ މަގާމުގަ އެވެ.
ޓުވިޓާގައި ހަރަކާތްތެރި ސުއޫދު އޭރު ގެންދެވީ ކޮމިޝަނުން ބަލާ މައްސަލަތަކުގައި އާއްމުންގެ ކަންބޮޑުވުންތަކަށް ޖަވާބު ދެއްވަމުންނެވެ. އަދި ކޮމިޝަންގެ މަސައްކަތްތަކަށް އަމާޒުކުރި ފާޑުކިއުންތަކަށް ވެސް ރައްދު ދެއްވި އެވެ.
ގާނޫނާ ޚިލާފަށް ހިނގާ ކަންކަމުގައި ވެސް ސުއޫދު އޭނާ ދެކެވަޑައިގަންނަވާ ގޮތް، ގިނަ ބަޔަކު ފޮލޯކުރާ އެ އެކައުންޓް މެދުވެރި ކުރައްވައި ހާމަކުރެއްވި އެވެ.
ސުއޫދު ޓުވިޓާއާ ދުރަށް ވަޑައިގަތްއިރު، ފަނޑިޔާރުންގެ ސުލޫކީ މިންގަނޑު ބަހައްޓަންވާނީ އެ މީހުންގެ ތެދުވެރިކަމާއި އިޚްލާސްތެރިކަމާއި އަމާނާތްތެރިކަމާ މެދު އާއްމުންގެ މެދުގައި ސުވާލު ނުއުފެދޭ ފެންވަރަށް ކަމަށް ފަނޑިޔާރުންގެ ސުލޫކީ މިންގަނޑުގައިވެ އެވެ. ފަނޑިޔާރުން، އާއްމު ރައްޔިތުންނާ ގުޅުން ބަހައްޓަން ވާނީ އެކަމުގެ ސަބަބުން ވަކި ފަރާތަކަށް ހާއްސަ ކަމެއް ނުވަތަ ތައައްސުބެއް އޮންނަކަން ދޭހަ ނުވާ ގޮތަށެވެ. ފަނޑިޔާރުން، އެއްވެސް ފަރާތަކަށް ގާނޫނީ ލަފާ ދިނުން ފަދަ މަސައްކަތް ކުރުން ވެސް މަނަލެވެ.
އެކަމަކު، ޝަރުއީ ދާއިރާ ކުރިއަރުވަން ކުރަން ޖެހޭ ކަންކަން ކުރުމާއި ކިޔަވައި ދިނުމާއި ފޮތް ލިއުމާއި މަޒްމޫން ލިއުން ފަދަ އިލްމީ މަސައްކަތްތައް ކުރެވިދާނެ އެވެ. ސުއޫދަކީ، އިލްމީ ދިރާސާތައް ކުރައްވައި ފޮތް ލިއުއްވާ ބޭފުޅެކެވެ.
ހަތް ފަނޑިޔާރުން ތިއްބަވާ ސުޕްރީމް ކޯޓުގެ ބެންޗުގައި މިހާރު ތިއްބެވީ ފަސް ފަނޑިޔާރުންނެވެ. އުއްތަމަ ފަނޑިޔާރު، މުއުތަސިމް އަދުނާންއާ އެކު އެ ހުރިހާ ބޭފުޅުން އައްޔަންކުރީ މި ސަރުކާރުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެފް އެމް
11 December 2019
ޓްވިޓަރ އިން ދުރަކަށް ނުދޭ ދެއްތޯ ޓްވިޓަރގެ ނަން ބަދަލުކޮށް އެކައުންޓްގައި ލޮކްއެޅުވީ މާނަޔަކީ މިހާރުވެސް ފޮލޯކޮށްފައި ތިބި އެތަކެއްހާސް ފޮލޯވަރުންނާއި އެކު އެކައުންޓް އޮޕްރޭޓްކުރެވޭނެ އެހެންމީހަކަށް ފޮލޯނުކުރެވުން ތަފާތަކީ އެއްކަލަ އެލެކްސް އެކައުންޓެކޭ އެއްގޮތްވީ
އަޒީޒާ
11 December 2019
ހަސަންބެ ގެ ނަމުގައި ކޮމެންޓްކުރި ފަރާތަަށް ބުނެލަންއޮތީ މިރާއްޖޭގެ ވެރިކަން ޔާމީނަށް ދޭންއުޅެނީ ހައެއްކަ މީހުންނޭ. ވީއިރު ރައީސްކަމަކީ ޔާމީނަށް ދެން ހުވަފެނެއްގައިވެސް ނުފެންނާނެ އެއްޗެކޭ.
މަޖިލިސް
11 December 2019
ސިޔާސީ މީހުން މަގާމެއް ލިބުނީމާ ސޯޝަލް މީޑިއާޢި ކީއްކުރަންތޯ ރައްޔިތުންނަށްވެސް ގެއްލެއެވެ. ފަނޑިޔާރު ކޮށްފަހުރި ކެމްޕޭން ޓްވިޓްތަކާއި ކޮށްފައިވާ ޓްވިޓްތައް އެހެރީ ފެންނާށެވެ. ޢެތަކެތީގެ އަޅަކަށް ފަނޑިޔާރު މަނިކުފާނުވަނީ ވެ ނިމިފައެވެ.
ހަސަންބެ.
11 December 2019
ޓްވީޓާ ޑީއެކްޓިވޭޓް ކުރިއަސް އަހަރެމެންނަށް އެގޭ އެގޮޑީގައި އިދެގެން ރަބަރ ސްޓޭންޕް ޖަހާނީ ޕާޓީ ކުލައަށް ކަން. 2023 ވަނަ އަހަރަށްފަހު އަންނަ ޔާމީންގެ ވެރިކަމުގެ ފުރަތަމަ 72 ގަޑިއިރު ތެރޭ ޖޭއެސްސީގެ ނުފޫޒުން އައިޔަން ކޮށްފައިތިބި 7 ފަޑިޔާރުންވެސް ސްޕްރީމް ކޯޓުގެ ބެންޗުން ޑީ އެކްޓިވޭޓް ކުރާނެކަން އެއީ ޕީޕީ އެމްގެ ރިޔާސީ ވައުދެއްގޮތަށް މެނިފެސްޓޯގައި ލިޔުމަށްވަނީ ކަޑައަޅާފައި.
ކުނބު
11 December 2019
ތިޔަކަން ހަގީގަތަކަށް ވާނެ ހުވަފެނުގަ އެކަނި
ދޮންމަނިކު
11 December 2019
ކޮންމެޔަކަސް އެގޭ އެކައްޗަކީ ސޫދުއަކީ ބައެއް ކަހަލަ ފިކުރުގެ މީހުން ވަރަށް ޖެހިލުންވާ އަދި ބިރުގަންނަ ބޭފުޅެއްކަން. ސޫދަކީ މިގައުމުގަ ނަގާލެވޭނެ ވަރުގެ މޮޅު ގާނޫނީ އިލްމްވެރިއެއް. ލޯޔަރެއް. ގާނޫނީ ތަޖުރިބާކާރެއް. ކެރޭ ކުޅަދާނަ ލީޑަރެއް. އެމްޑީޕީ ގެ ފިކުރުގެ ތަބެއް. ހަމަ ގައިމުވެސް އިންސާފަށް ލޯބި ކުރައްވާ ބޭފުޅެއް. އެމަނިކުފާނު ހުންނަވާނީ ސީދާ ތެދުމަގުގަ.
މުނައްވަރު /
11 December 2019
މަރު ކޮމިޝަންގައި ތަ ހުޤީގު ކޮށްފަ ހުކުމް ކުރަން ސްޕްރީމް ކޯޓަށް. ޑަބަލްރޯލް.
ޝޮކްތެރަޕީ
11 December 2019
ކޮބާހޭ އަފްރަޝީމުގެ މަސްސަލަ. އެމްޑީޕީ ބޭނޭތީ އޮބްބާލީދޯ؟؟؟
އަރުވާލި އާދަނުގެ ސިޔާސީ ހާސަރު
11 December 2019
ކިހާދުރަކަށް ތޯ ؟ އެކަމު " ހަސަން ކާރި " ނޫންތޯ ؟ އޯކޭ ވާނެ.
ހާސަރު
11 December 2019
ރަގަޅު ނިންމުމެއް މިއާއި އެކު އެކީ ދެންވެސް ސްޕްރީމް ކޯޓްގައި ތިއްބެވި ފަނޑިޔާރުން ފަނޑިޔާރު ކަމާއި އެކު އާއްންމުންގެ ތެރޭގައި އުޅޭގޮތް ކޮންމެވެސް ވަރަކަށް ބަދަލުވާން އެބަޖެހޭ.
ޕާކަރ
11 December 2019
ނަޒާހަތްތެރިކަމުގެ ކަންފުޅެއްވެސް ނެތް ކަމަށް މީހެއް އެންމެ މަތީ ކޯޓަށް ލުމަކީ ދިވެހިރާއްޖޭގެ ދިމިކްރާތީ ހަޔާތައް ކަޅު ވިލާގަނޑެއްގެ އަސަރު ވަރަށް މަތީ ދަރަޖައަކަށްކޮށްފައިވާ ކަމުގެ އަލިގަދަ ހެއްކެއް. ހިތާމަހުރި
ކެޔޮޅުބޭ
11 December 2019
ނަޒާހަތްތެރި މިބަހުގެ މާނަ އެގޭތަ؟