ތިނަދޫގައި ގާއިމް ކުރާ ގޭސް ޕްލާންޓްގެ އެޅުމުގެ މަސައްކަތް ކުރާ ކުންފުނީގެ މީހުން-- ފޮޓޯ:ފޭސްބުކް
08 ޖެނުއަރީ 2020 - 14:25
12 comments
ގދ. ތިނަދޫގައި އިމާރާތް ކުރަމުންދާ ގޭސް ޕްލާންޓުގެ މަސައްކަތް ވަރަށް ބާރު ސްޕީޑުގައި ކުރިއަށްދާ ކަމަށާއި ކުރިއަށް އޮތް ހަ މަސް ތެރޭ މަސައްކަތް ނިންމާނެ ކަމަށް ކޮންޓްރެކްޓަރު ޔަގީންކަން ދީފައިވާ ކަމަށް އެރަށު ކައުންސިލުން ބުނެފި އެވެ.
ތިނަދޫ ކައުންސިލްގެ މެންބަރު އިބްރާހިމް އަސްއަދު ވިދާޅުވީ، މަސައްކަތް ހުއްޓިފައި އޮންނަތާ ތިން އަހަރެއްހާ ދުވަސް ފަހުން މިދިޔަ އަހަރުން ފެށިގެން ބާރު ސްޕީޑުގައި މަސައްކަތް ކުރިއަށްދާ ކަމަށެވެ. އެގޮތުން މިހާރު ޕްލާންޓްގެ ޓޭންކު އެތުރުމުގެ މަސައްކަތުގެ ބޮޑުބައި ނިމިފައިވާ ކަމަށް އޭނާ ވިދާޅުވި އެވެ.
ޗައިނާގެ ކުންފުންޏަކާ ހަވާލުކޮށްގެން މޯލްޑިވް ގޭހުން ހަދާ މި ޕްލާންޓަކީ ދެކުނުގެ ހަތަރު އަތޮޅުގެ ގޭސް ސަޕްލައި ކުރުމަށް ހަދާ ޕްލާންޓެކެވެ. މި ޕްލާންޓަކީ މިހާރު ކ.ތިލަފުށީގައި ހަދާފައިވާ ޕްލާންޓަށް ވުރެ ވެސް ބޮޑު ގޭސް ޕްލާންޓެކެވެ.
އަސްއަދު ވިދާޅުވީ، މަސައްކަތް ބާރު ސްޕީޑުގައި ކުރިއަށްދާ އިރު އެތަން ނިމުމުން ރަށުގެ ރައްޔިތުންނަށް ވަރަށް ބޮޑު ފައިދާއެއް ވާނެ ކަމަށް އުންމީދު ކުރައްވާ ކަމަށެވެ. އެގޮތުން ރަށުގައި ދިރިއުޅޭ މީހުންނަށް ވަޒީފާގެ ރަނގަޅު ފުރުސަތުތަކެއް ވެސް ލިބޭނެ ކަމަށް އޭނާ ވިދާޅުވި އެވެ.
ތިނަދޫގައި ގާއިމް ކުރާ ގޭސް ޕްލާންޓްގެ ކޮންސްޓްރަކްޝަން މަސައްކަތް ކުރާ ކުންފުނީގެ މުވައްޒަފުން-- ފޮޓޯ:ފޭސްބުކް
"ރަށަށް ލިބޭނެ ވަރަށް ބޮޑު ކުރިއެރުމެއް މިއީ. ދެކުނު ހަތަރު އަތޮޅުގެ ގޭހުގެ ކަންކަން ބެލެހެއްޓުމުން، ވިޔަފާރީގެ ބޮޑު މާހައުލަކަށް މި ރަށް ވާނެ. ވަޒީފާގެ ފުރުސަތުތައް ރަށުގެ ރައްޔިތުންނަށް ލިބޭނެ،" އޭނާ ވިދާޅުވި އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުން 2016 ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) ގެ ސަބްސިޑިއަރީ ކުންފުނި މޯލްޑިވް ގޭހުގެ ގޭސް ޕްލާންޓު އެޅުމަށްޓަކައި ތިނަދޫން 90،000 އަކަފޫޓުގެ ބިމެއް ވަނީ ދީފަ އެވެ. މި މަޝްރޫއުގެ ޖުމްލަ އަގަކީ 130 މިލިއަން ރުފިޔާ އެވެ. ތިނަދޫގެ ދެކުނު އަވަށުގައި ގާއިމުކުރާ ގޭސް ޕްލާންޓަކީ 1،500 މެޓްރިކް ޓަނުގެ އޮޓެމެޓިކް ސްޓޯރޭޖް ޓޭންކެކެވެ. މި ބިމުގައި ޑިސްޓްރިބިއުޝަން ޔުނިޓެއް ވެސް ހަދާނެ އެވެ.
ތިލަފުށީގައި ހުންނަ ގޭސް ޕްލާންޓަކީ މެނުއަލްކޮށް މަސައްކަތްކުރާ 1،100 މެޓްރިކް ޓަނުގެ ސްޓޯރޭޖް ޕްލާންޓެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަސީލް
09 January 2020
މީހަކާއި ފަޅިއެއް އުޅޭތަނެއްގައި ތިޔަ ފެސިލިޓީ ހަދައިގެން ބަނގުރޫޓުވުންނޫންކަމެއް ނުވާނެ.
ފަސީލުގެ ކާފަ
09 January 2020
ފަސީލަށް އިގޭތަ ތިޔަ ރަށްގަނޑުގައި މީހުނާއި ބުޅާ ގިނަވެގެންގޮސް ތިތަނަކީ އިންސާނުން ދިރިއުޅެން ކަމުނުދާ ދަރަޖައަށް ވެއްޓިފައިވާ ތަނެއްކަން. ދިވެހިންނަށް ތިނޫން ގޮތެއް ހޯދާދޭންޖެހޭ. މާލެ އަކީ އަހަރުމެން ދިރިއުޅެން ބޭނުންވާ ތަނެއްނޫން.
ދޮންހިޔަލަ
09 January 2020
ތި ޕްލާންޓަކީ ގދ.ވާދޫގަ އަޅަން އުޅުނު އެއްޗެއް. އެރަށަކީ ބިން ބޮޑު ރަށެއް. މީހުން ނޫޅޭ ހިސާބު ދުރުގަ ތީތި މާ ރީއްޗަށްވެސް އެޅުނީސް. އެކަމު ތިނަދޫ މީހުން ބޭނުންވަނީ އަބަދުވެސް ހުރިހާ އެއްޗެއް އެރަށަށް ގެންގޮސް އެރަށް އާބާދު ކުރަން. ކައިރި ރަށްތަކުން މީހުން ހުސްކުރަން އުޅޭހެން ހީވަނީ. ގދ.ވާދޫއަށް ތަރައްޤީ އަންނާނެ ކައިރި އެއަރޕޯޓް އަޅާ ނިމުމުން.
ސަރީފު
09 January 2020
ޔާމީނު ވަރެއް ހަމަނެތް....ރާއްޖެ ތަރައްގީ ވާނީ އަދިވެސް އެކަހަލަ ވެރިއެއް ލިބިގެން!
ސުރޭޝް
08 January 2020
ތިތަން ނިމުނީމަ ތިނަދޫ މީހުން ދޯ އެންމެ ގޭސް އަބުރާ ބަޔަކަށް ވާނީ.
އޮނަރަބްލް އަފީފު ދީދީ
08 January 2020
ދުވަސްކޮޅާއިވަރަށްގުޅޭ ޙަބަރެއް. އެމަރިކާއާއި އިރާނުގެކުރިމަތިލުންފެށި ދުނިޔޭގައި ތެލުގެއަގު އުފުލިއްޖެ. # މާލެނޫންރަށެއްގައި އިޤްތިސޯދީކަމެއްކުރާން މާލޭސަރުކާރުބޭނުންނުވާތީ ފެޓްރޯލާއި ޑީސަލް ރައްކާކުރަނީ ކ. ފޮނަދޫގައި. ޖެޓްފިއުލްގެ ސްޓޮކެއްހުރީ ހުޅުލޭގައި. # މިކަންބަދަލުކޮށް ތިނަދޫ ގޭސްޕްލާންޓްގެއިތުރުން ގޭންއެއަރޕޯޓްގައި 80 ހާސް ގެލަން ޖެޓްފިއުލް ސްޓޯރޭޖެއް ހަދާ ފަރެސްމާތޮޑާއާއި ލާމް ގަމުގައި 6 މަސްދުވަހުގެ ޕެޓްރޯލާއި ޑީސެލް ރައްކާކުރާންޖެހޭ.
ޟޮޕްލިފްޓަރ777
08 January 2020
އަޅުގަނޑު އަހާލަންބޭނުންވެ، ތިޕްލާންޓް ހުންނަނީ މީހުންދިރިއުޅޭ ހިސާބާ ކިހާ ދުރުމިނެއްގަތޯ... ބްލާރސްޓް ރޭޑިއަސް (ހާދިސާއެއް ހިނގައި އަލިފާންރޯވެ ޓޭންކް ގޮވައިފިނަމަ އަސަރުކުރާނެ ދުރުމިން)ގަ އެއްވެސް ބަޔަކު ދިރިއުޅޭތޯ.. ތިޔައީ އިގްތިސާދީ ކުރިއެރުމެއްކަަަމަކު ރަށުގެ ރައްޔިތުންގެ ސަލާމަތް އެންމެ މުހިންމުވާނީ..
މޮހޮދޮފުތާ
08 January 2020
ޟޮޕްލިފްޓަރ777 ތިއުޅޭ ރަށް ގަނޑުގައި އެސްޓީއޯއިން ތެޔޮރައްކާކޮށްފައިވާ ފުނަދޫ އޮތްތަނާއި ބެހޭގޮތުންވެސް ކޮންމެވެސް ކަހަލަ ކޮމެންޓެއް ކޮށްލަބަލަ.
ހާމިދާ.
08 January 2020
މާލެ ނޫން ރަށެއްގައި ކަމެއްކުރާއިރަށް ކޮންމެވެސް ވާހަކައެއް ހަދާލީދޯ ؟ ބަލަ މާލޭގައި އިމާރާތް ކޮށްފައިވަނީ އަދި މާލޭގައި މީހުން ދިރިއުޅެނީ އަދި މާލޭގައި ކުލި ހުރީ ކަމުދާ ގޮތަކަށްތަ ؟ މި ދައުލަތުގެ ޙަޒާނާ މާލެއަށް ތަޅާ ހުސްކުރާއިރު ރަށްރަށުގައި ސާފުބޯފެން ނެތުމަކީ ރަނގަޅުގޮތްތަ ؟
ޙާލިދު
08 January 2020
ޟުކުރިއްޔާ ރައިސް ޔާ މިން.
ކީއްވެބާ؟
08 January 2020
މީހުން ދިރިއުޅޭ ރަށެއްގަ ގޭސް ޕްލާންޓެއް ހެދު މަކީ، ނުރައްކާތެރި ކަ މެކެވެ. ތިސަރަޙައްދުގެ ފަޅު ރަށެއްގައި ހެދިނަ މަ އޭ، ހިތަށް އަރައެވެ.
އޮނަރަބްލް އަފީފު ދީދީ
08 January 2020
ކޮޅުމަޑުލުން އައްޑުއަށްހިމެނޭސަރަހައްދުތަކަށް އިންތިޙާބުކުރާ ކައުންސިލްމެންބަރުންގުޅިގެން މުޅިސަރަހައްދުޙިއްސާވާގޮތަށް މިފަދަޕްރޮޖެކްޓްތައްރާވާހިންގައިގެން މިސަރަހައްދުގައި އިޤްތިސޯދީހަރަކާތްފުޅާކޮށް "ކުލީ އަޅުވެތިކަމުން" ރައްޔިތުން މިންޖުކުރާންޖެހޭ. # ދެންކުރާންވީކަމަކީ މުޅިސަރަހައްދަށް 6 މަސްދުވަހަށްބޭނުންވާ ޑީސަލް ފަރޮސްމާތޮޑާ އާއި ލާމް ގަމުގައި ސްޓޯރުކުރެވޭނެގޮތްހެދުމާއި 80 ހާސް ގެލަން ޖެޓްފިއުލްސްޓޯރޭޖް ގޭންއެއަރޕޯޓްގައި ޤާއިމްކުރުން.