މަޝްވަރާތަކަށް ގަތަރުގެ އަމީރު އީރާން އަށް

ގަތަރުގެ އަމީރު ޝެއިޚް ތަމީމް ބިން ހަމަދު އަލް ސާނީ. --ފޮޓޯ:އޭޕީ

ހަސަން އާމިރު، މިހާރު

12 ޖެނުއަރީ 2020 - 15:56

ދޯހާ (ޖެނުއަރީ 12) - އީރާނުގެ ސީނިއާ އޮފިޝަލުންނާ އެކު މަޝްވަރާ ކުރެއްވުމަށް ގަތަރުގެ އަމީރު ޝެއިޚް ތަމީމް އަލް ސާނީ ތެހެރާނަށް ވަޑައިގަންނަވަން ނިންމަވައިފި އެވެ.

ގަތަރުގެ އަމީރު އީރާނަށް މި ވަޑައިގަންނަވަނީ ގުދުސް ފޯސްގެ ކޮމާންޑަރު ގާސިމް ސުލައިމާނީ އެމެރިކާ އިން ހަމަލާދީ އަވަހާރަކޮށްލާފައި ވަނިކޮށް މެދުއިރުމަތީގެ މަސްރަހު ހޫނުވެފައި ވަނިކޮށެވެ. ސުލައިމާނީގެ މަރުގެ ބަދަލުހިފަން އީރާނުން ވަނީ އިރާގުގައި ތިބޭ އެމެރިކާ ސިފައިންގެ މަރުކަޒުތަކަށް މިސައިލް ހަމަލާދީފަ އެވެ.

ގަތަރުގެ ރަސްމީ ނޫސް އެޖެންސީން ބުނީ އަމީރުގެ ދަތުރުފުޅުގައި އީރާނުގެ ވެރިންނާ އެކު ދެ ގައުމުގެ ގުޅުމާ ގުޅޭ ގޮތުން މަޝްވަރާ ކުރައްވާނެ ކަމަށެވެ. މީގެ އިތުރުން މެދުއިރުމަތީގައި މިހާރު ހިނގަމުންދާ ކަންކަމާ ގުޅޭ ގޮތުން ވެސް މަޝްވަރާ ކުރައްވާނެ ކަމަށް ނޫސް އެޖެންސީން ބުނެފައިވެ އެވެ.

ގަތަރުގެ އަމީރު މިއަދު ވަނީ އޮމާނަށް ވަޑައިގެން އެ ގައުމުގެ އާ ރަސްގެފާން ސުލްތާން ހައިސަމް ބިން ތޯރިގް އަލް ސައިދުއާ ބައްދަލު ކުރައްވައިފަ އެވެ. ސުލްތާން ގާބޫސް ބިން ސައިދު އަލް ސައިދު އަވަހާރަވުމާ ގުޅިގެން އޮމާނުގެ ވެރިންނަށް ގަތަރުގެ އަމީރު ވަނީ ތައުޒިޔާ ރައްދު ކުރައްވައިފަ އެވެ.

ސުލައިމާނީ އަވަހާރަކޮށްލިތާ އެއް ދުވަސް ފަހުން ގަތަރުގެ ޚާރިޖީ ވަޒީރު ޝެއިޚް މުހައްމަދު ބިން އަބްދުއްރަހުމާން އާއި އީރާނުގެ ޚާރިޖީ ވަޒީރު ޖަވާދު ޒަރީފް ވަނީ ބައްދަލު ކުރައްވައިފަ އެވެ.

ގަތަރު އީރާން

2 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެކަތަ

13 January 2020

ހަނގުރާމައެއް ކޮށްގެން އެއްވެސް ބަޔަކަށް ވާނެ މޮޅެއް ނެތެވެ. އެމެރިކާއަށް ވެސް ވާނީ ގެއްލުމެވެ. އިރާނަށް އަދޖ އެއަށްވުރެ ބޮޑު ގެއްލުންވާނެއެެވެ. މަރުވެ، ޒަޚަމްވެ، ޔަތީމްވެގެންދާނީ ކުށެއް ނެތް އެތައް ބައެކެވެ. ޓްރަމްޕް ކުރާ ކަންކަމާ އެމެރިކާގެ ގިނަ ރައްޔިތުން ދެކޮޅެވެ. އެހެންވީމަ، ސުލައިމާނީގެ މަރުގެ ބަދަލު ޑިޕްލޮމެޓިކް އުސޫލުގެ ތެރެއިން ހައްލުކުރުން ބުއްދިވެރިއެވެ. ގަދަބަސްބުނެ ހެދުމަކުން ވާނެ ފައިދާއެއް އިރާނަކަށް ނެތެވެ.