ރިޔާސީ އިންތިޚާބުގެ ކެމްޕެއިން ދުވަސްވަރު، އޭރުގެ އިދިކޮޅު ކެންޑިޑޭޓް އަދި މިހާރުގެ ރައީސް އިބްރާހިމް މުހައްމަދު ސޯލިހުގެ ބޮޑީގާޑެއްގެ ގޮތުގައި ފައްތާހު (ކ) ހަރަކާތްތެރިވަނީ.
15 ޖެނުއަރީ 2020 - 14:35
18 comments
ސިފައިންގެ ސްޕެޝަލް ޕްރޮޓެކްޝަން ގްރޫޕް (އެސްޕީޖީ) ގައި ބޮޑީގާޑެއްގެ ގޮތުގައި މަސައްކަތްކުރަނިކޮށް ވަޒީފާއިން ވަކިކުރި އަހުމަދު ފައްތާހަށް، ވަޒީފާއާ އެކު މާލީ ބަދަލު ވެސް ދޭން ސިވިލް ކޯޓުން މިއަދު ހުކުމްކޮށްފި އެވެ.
ސިވިލް ކޯޓުގެ ގާޒީ އަލީ އަބްދުﷲ އިއްވި ހުކުމުގައި ޑިފެންސް މިނިސްޓްރީ އާއި ދައުލަތަށް އަމުރުކުރީ ފައްތާހު ވަޒީފާ އިން ވަކިވި ދުވަހުން ފެށިގެން އެއް އަހަރުގެ ދުވަހަށް ޖެހޭ މުސާރަ އާއި އިނާޔާތްތަކާއި ރޯދަމަހުގެ އިނާޔަތާ އެކު، 183،720ރ، މިއަދުން ފެށިގެން އެއް މަސް ދުވަހުގެ ތެރޭގައި ދިނުމަށެވެ. އަދި މިއަދުން ފެށިގެން 15 ދުވަހުގެ ތެރޭގައި ކޯޕްރަލްގެ ވަޒީފާ އަނބުރާ ދޭން ވެސް ހުކުމުގައި ވަނީ އަންގައިފަ އެވެ.
ކުރީގެ ރައީސް އަބްދުﷲ ޔާމީންގެ ސަރުކާރު ވައްޓާލަން ސިފައިންގެ ތެރެއިން ބަޔަކު ހޯދާ ކަމުގެ ތުހުމަތުގައި، ވަޒީފާއިން އެކަހެރިކޮށް 14 ދުވަހު ބަންދުކުރުމަށް ފަހު ފައްތާހު ވަކިކުރީ އޮގަސްޓް، 18، 2016 ގަ އެވެ.
ރިޔާސީ އިންތިޚާބުގެ ދުވަސްވަރު، އޭރުގެ އިދިކޮޅު ކެންޑިޑޭޓް އަދި މިހާރުގެ ރައީސް އިބްރާހިމް މުހައްމަދު ސޯލިހުގެ ބޮޑީގާޑެއްގެ ގޮތުގައި މަސައްކަތްކުރި ފައްތާހު ހައްގު ހޯދަން ކޯޓަށް ހުށަހެޅީ ޖެނުއަރީ 2019 ގަ އެވެ.
އޭނާގެ މައްސަލަ ސިވިލް ކޯޓުގެ ޝަރީއަތަށް ދާން ޖެހުނީ ނަގައިދޭން ޖެހޭ ބަދަލާ މެދު ޑިސްޕިއުޓް މަރުހަލާއިން ހައްލުނުވުމުންނެވެ.
ފައްތާހު އެދުނީ ވަޒީފާއިން ވަކިކުރި ދުވަހުން ފެށިގެން ހުކުމް ކުރުމާ ހަމައަށް ހޭދަވާ މުއްދަތަށް ބަދަލު ނަގައިދިނުމަށެވެ. ނަމަވެސް ދައުލަތުން ބުނީ ބަދަލުގެ ގޮތުގައި ނަގައިދެވޭނީ އެއް އަހަރު ދުވަހުގެ މުސާރަ ކަމަށެވެ. އަދި ޝަރީއަތުން މައްސަލަ ނިމުނީ ވެސް އެގޮތަށެވެ.
ހުކުމުގައި ބުނީ ފައްތާހު ވަޒީފާ އިން ވަކިކުރީ ގާނޫނާ ހިލާފަށް ކަމަށެވެ.
ފައްތާހާ އެކު، އެސްޕީޖީގައި މަސައްކަތްކުރަނިކޮށް ވަޒީފާއިން ވަކިކުރި އަހުމަދު ޝާނީޒާއި ސިމާދު އަހުމަދުގެ މައްސަލަ ވެސް ކޯޓަށް ހުށަހެޅި އެވެ. އެ މީހުންނަށް ވެސް މާލީ ބަދަލާ އެކު ވަޒީފާ އަލުން އިއާދަކޮށްދޭން ކޯޓުން ވަނީ މިދިޔަ އަހަރު ހުކުމްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފައއތާހު
16 January 2020
ށަމާލު އެއީ ޗީފުވީމަ 8 އަހަރުގެ މިލިއަން ރުފިޔާ ފުރިހަމަ ބަދަލެއް ލިބުނު
ގޯސް
15 January 2020
އަހަރު ފެށުނީ. އޭނާ އެ މުއްދަތުގައި ހުރީ މިނިވަނެއްގެގޮތުގައި. ބޭނުންމަސައްކަތެއް ކޮށްގެން ފައިސާލިބޭނެ. ވީމާ ތިޔަ ނިންމުންގޯސް ޓެކްސްފައިސާ އިން ނުކުރާމަސައްކަތަށް ފައިސާއެއް ނުދެވޭނެ. ޥަޒީފާދިނުންއޯކޭ
ކައްކާ
15 January 2020
ނުހައްގުން ވަޒީފާއިންވަކިކޮށް ނުވިތާކަށް ނޫސްތަކުގަޖަހާ ޓީވީއިންގޮވާ އަބުރަށް ހުތުރުވެ އާއިލާތަކަށް އެތައް ދުއްތުރާލެއް ކުރިމަތިވި ބަޔަކަށް ބަދަލަށް ފައިސާފޮއްޗެއް ދީފިއްޔާ ތަމެންނަށް ގޯސްއެބަވެއޭ، އެކަމަކު ކ.މާލެތެރޭ ކުދިކުދި ކުންފުނިހަދައިގެންއުޅޭ ދެތިންސޮރަކަށް ބިލިއަނުން ދިނީމަ ތަމެންނަށް އޯކޭއޭ. ޖީއެމްއާރަށް ބިލިއަނުންދިނަސް ތަމެން ކޮމެންޓެއް ނުޖަހައޭ. ފުލެޓުއަޅާނަމޭކިޔާފަ ފައިސާކޮޅު ޕަކަޅާކޮށްގެން ފިލިމީހާގެ ހަބަރުގަ ތަގޭ ކޮމެންޓެއްނެތޭ.
ކައްކާ
15 January 2020
މީހެއްގެ ނުލަފާކަމުން މީހަކު މަރުވީމާ ބަދަލުނަގާދޭން އަމުރުކޮށްފިއްޔާ ކަލޭ ބުނާނީ މަރުވި މިހުރިހާދުވަހު މަސައްކަތެއްނުކުރެއޭ ދުނިޔެއަކުވެސްނެތޭ ނުކުރާ މަސައްކަތަކަށް ފައިސާދީގެންނުވާނެއޭ ދޮތަ.
އެފައިސާ މިފައިސާ
16 January 2020
ދެން ކަލޭވެސް ހަމަ ވަޒީފާއިން ކަނޑާ ލީމަ ނިމުނީތާ. އޭރުން ދެން މިނިވަން މީހެއްގެ ގޮތުގައި އުޅޭނީ ޗޮކް
ބާކޮލި
15 January 2020
މިއަހަރުގެ ބަދަލު މުބާރާތަށް މަރުހަބާ. މި އަހަރަށް ވާ ބައި މި ފެށުނީ.
އިބޫގެ ބޮޑީގާޑް
15 January 2020
ޖުޑީޝަރީ ހިގަނީ ނުފޫޒާ މަސްހުނި ވެގެން ކަމަށް ޤަބޫލް ކުރެވެނީ މިފަދަ ހުކުމް ތަކިގެ ސަބަބުން ނެވެ.
1828
15 January 2020
ދައުލަތުން އެއްބަސްވީ ވަޒީފާއިން ވަކިކުރީ ޤާނޫނާ ހިލާފަށް ކަމަށް. ޝަރިއަތުން ކަނޑައެޅީ ބަދަލުގެ ގޮތުގައި ދޭން ޖެހޭ އަދަދު.
ޒިން މާ ކުރުވަމ މާ
16 January 2020
ދައުލަތަކީ ކޮބާ...މިސަރުކާރުގެ ދައުލަތުގެ އެއްވެސް މުއައްސަސާއަކުން ހުކު މެނުކުރެވޭނެ މިސަރުކާރު ބޭނުންނުވާގޮތަކަށް..ލައިލާގެ ބޮޑީގާރޑަކަށްހުރީ ތި މީހާއެކަންޏެނޫން...ވަޒީފާއިން ކުށެނެތި ކަޑާލިނަ މަ...ސިޔާސީވީ މަ ކަޑާނެ...މިއަދު ވަޒީފާދީފަ ދިފާއީބާރުތެރެއަށް މި މީހަކުލީ މަ ސިޔާސީނުވާނެތަ.މިއީ ދެރަކަ މެ ގައު މު ހަލާކުވީ މިސަބަބާހެދި.ފުލުހުންގެ އިސްވެރިޔާ މނޑފގެ އިސްވެރިޔާ އާއް މު މީހެއްގެގޮތުގަ ސިޔާސީޕޯޑިޔަ މްތަކުގަ އެތައްދުވަހަކުއުޅެފަ މިއަދު
އެންދެރި
15 January 2020
ދައުރު ނިމެންދެން އޮތީ ޓެކްސް ފައިސާ އިން ބަދަލު ދިނުމެވެ.
1828
15 January 2020
ޤާނޫނާ ހިލާފަށް ވަޒީފާއިން ވަކިކުރިކަން ޝަރިއަތަށް ސާބިތު ވެއްޖެނަމަ ބަދަލުގެ ގޮތުގައު ދޭންޖެހޭނީ ދައުލަތުން ބޭނުންވާ އަދަދެއް ނޫން. ވަކިކުރި ދުވަހުން ފެށިގެން ވަޒިފާ އަނބުރާ އިއާދަ ކުރަންދެން ދޭން ޖެހޭ މުސާރައާއި އިނާޔަތް އަދި މަޤާމުގެ ކުރިއެރުން ދޭންޖެހޭނެ.
ހަސަން ލަތީފް އަލީ
15 January 2020
އެ ސޯލްޖަރަށް ފުރިހަމަ އިންސާފެއް ނުލިބުނު. ނުޙައްގު އަދަބު ދިން މީހުންގެ މުސާރައާއޖ ޢިނާޔަތްތަކުން ކަނޑައިގެން ބަދަލު ދިނީމާ ތިއަށް އިންސާފޭ ކިޔޭނީ
1828
15 January 2020
ހަސަން ލަތީފް އަލީ އެވެ. އިންސާފަކީ އޭރު އޮންނަ ސަރުކާރަކަށް ފެންނަ ގޮތަކަށް، ފެންނަ މިންވަރަކަށް ދޭ އެއްޗެއް. މިއީ އެކަމުގެ އަލިގަދަ ހެއްކެއް. ޑިސްބެޗް މަރުހަލާގައި ދައުލަތުން އެއްބަސްވީ ވަޒީފާއިން ވަކިކުރީ ޤާނޫނާ ހިލާފަށްކަމަށް. ޝަރިއަތަކަށް ނޫން އެކަން ފާހަގަ ކުރެވުނީކީ. ދައުލަތާ، ވަޒީފާއިން ވަކިކުރި ފަރާތާމެދު އެއްބަސް ނުވެވުނީ ބަދަލާމެދު. ޝަރިއަތުން ކަނޑަ އެޅީ ބަދަލުގެ ގޮތުގައި ދޭންޖެހޭ މިންވަރު.
ޖައިސާމް
15 January 2020
މިފައިސާ ދައްކަން ޖެހޭނީ ގާނޫނާ ހިލާފަށް މިކަން ކުރި މީހުން.
އެމީހުން
15 January 2020
އެމީހުން ފެލިޔަސް ދެން ނުލިބުނީ. ހައްގު ނުލިބިފަ ދޯ ހުންނާނީ. އެއީ ސަރުކާރުން އެއިރު ތިބި ބަޔަކު ކުރިކަމެއް. އެއަށް ސަރުކާރުން އެއިރުވިޔަސް މިއަދުވިޔަސް ބަދަލު ދޭން ޖެހޭނެ. ސަރުކާރުގެ ކަމެއް އަނެއްކާ އެ ބަދަލު އެކަމަށް އިހުމާލުވި ބައެއްގެ އަތުން އަތުލައި އަދަބު ދިނުން
ބަބުރު
15 January 2020
މިފައިސާ ދައްކަންޖެހޭނީ އާދަމް ޝަރީފް..
ޒައީމް
16 January 2020
އެމީހާ އޭނީ ޖަލުގައި. އެމީހާއަކީ މިފަދަ އެތައް ކުށަކުން ފުރިފަ ހުރި މީހެއް
އިންމައްކޮ
15 January 2020
މިކަމަކުން ސަލާމަތް ވާ ގޮތަކައް ކަމެއް ނުކުރެވޭތަ؟ ނޫނީ މިއީ ރާވައިގެން ކުރާކަމަކީތަ؟