ވިލިމާލޭގައި ހުންނަ ކުޑަކުދިންގެ ހިޔާ: އެތަން ވަގުތީ ގޮތުން ހިންގުން ހަވާލުކޮށްފައި ވަނީ މިނިސްޓްރީގެ ޑިރެކްޓަރަކާ.
27 ޖެނުއަރީ 2020 - 12:33
8 comments
ދައުލަތުގެ ބެލުމުގެ ދަށުގައި ތިބޭ ކުދިން ބަލަހައްޓާ މަރުކަޒު، ކުޑަކުދިންގެ ހިޔާ ހިންގުން ޖެންޑާ މިނިސްޓްރީގެ ޑިރެކްޓަރަކާ ވަގުތީ ގޮތުން ހަވާލުކޮށްފި އެވެ.
ޖެންޑާ މިނިސްޓްރީގެ ކޮމިއުނިކޭޝަން ޑައިރެކްޓަރު، އިބްރާހިމް މުހައްމަދު މިއަދު ވިދާޅުވީ އެތަން މިހާރު ހިންގަނީ މިނިސްޓްރީގެ ޑިރެކްޓަރެއްގެ ބެލުމުގެ ދަށުން ކަމަށެވެ. މުވައްޒަފުންގެ ނަން އެތަނުން ހާމަނުކުރަން އޮންނަ އުސޫލުގެ ދަށުން ހިޔާއާ ހަވާލުވެ ހުންނެވި ބޭފުޅެއްގެ ނަމެއް ވިދާޅެއް ނުވި އެވެ.
ހިޔާގެ އިސްވެރިއަކަށް ކުރިން ހުންނެވީ އަބްދުއްޝުކޫރު އަބްދުލް ހަކީމެވެ. ހިއުމަން ރައިޓްސް ކޮމިޝަން (އެޗްއާރުސީއެމް) އިން ބަލަމުން އަންނަ މައްސަލައަކާ ގުޅިގެން އެތަނުން އަންގައިގެން އޭނާ ވަނީ މިދިޔަ ހަފުތާގައި މަސައްކަތުން އެކަހަރިކޮށްފަ އެވެ.
ނަމަވެސް އެޗްއާރުސީއެމުން ބަލާ މައްސަލައިގެ އެއްވެސް ތަފްސީލެއް އެ ތަނުން ހާމައެއް ނުކުރެ އެވެ.
ވިލިމާލޭގައި ހުންނަ ކުޑަކުދިންގެ ހިޔާގައި ބައިތިއްބަނީ 13 އަހަރުން މަތީގެ ކުދިންނެވެ. އެ އުމުރުން ދަށުގެ ކުދިން ބަލަހައްޓަނީ ހުޅުމާލޭގައި ހުންނަ ފިޔަވަތީގަ އެވެ.
ދައުލަތުގެ ބެލުމުގެ ދަށަށް ކުއްޖަކު ނަގަނީ، މައިންބަފައިންނާއި އާއިލާގެ ތެރެއިން ވެސް ރައްކާތެރި މާހައުލެއް އެ ކުއްޖަކަށް ކަށަވަރުވާނެ ކަމުގެ ޔަގީންކަމާ މެދު ސުވާލު އުފެދި، އެ ނޫން ގޮތެއް ނެތުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮރަކާލި
28 January 2020
ރަނގަޅަށް ބަލާފަތޯ ޙާވާލުކުރީ
މަޫސަ
27 January 2020
މިނިސްޓްރީ ހިންގުންވެސް އެހެން މީހަކާ ހަވާލުކުރަންވީނު. އާދޭސްކޮށްފަ މިބުނަނީ.
ޝެލަރީ
27 January 2020
ހިޔާއާ ހަވާލުވީ ކާކުކަން އެންމެންނަށްވެސް އެނގެންޖެހޭނެ ނަންހާމަ ކުރުމަކީ ޤައުމީ ސަލާމަތައްހުރި ނުރަށްކަލެއްތޯ؟ ރަށްޔިތުން ފާޑު ކިޔާފާނެތީތޯ ނުވަތަ އަނެއްކާވެސް ގާތް ތިމާގެ ބޭފުޅަކައްވަނީތޯ ނުނީ ބަލަދު އަރާފަހުރި އެއްވެސް ޤާބިލްކަމެއްނެތް ބޭފުޅެއްތޯ؟
އެކަތަ
27 January 2020
ޖެންޑަރ މިނިސްޓްރީއަކަށް ތިކަމެއް ނުވާނެ. ތިތާކު ނުވެސްނެތް ތިތަން ހިންގާ އެކުދިންނާ އަޅާލައި ރަނގަޅުކޮށް ހަދާނެވަރުގެ އެންމެ މީހަކުވެެސް! އަޅުގަނޑު ސަރުކާރަށް މިގޮވާލަނީ އެކުދިންގެ ޙައްޤުގަ ބޮޑު މުސާރަދީފަވިޔަސް ބޭރުގެ ރަނގަޅު ގައުމަކުން ތިފަދަ ތަނެއް ހިންގާނެ ގާބިލް، ތަޖުރިބާކާރު ބޭފުޅަކު ގެންނަން. އެ ފަދަ އިލްމީ ބޭފުޅުން އެބަތިބި ދުނިޔޭގައި ބައިވަރު. ޙެޔޮ ނުވާނެ ތިހެން އެކްސްޕެރިމެންޓް ކުރާ ލެބޯޓަރީއަކަށް ތިތަން ނުހަދާ ތި މީސްމީހުން ލައިގެން!
ސަނައްޓޭ
27 January 2020
ހިޔާއާ ހަވާލުވީ ކާކުކަން އެންމެންނަށްވެސް އެނގެންޖެހޭނެ
ޙަކީމް
27 January 2020
ޝުކޫރު ހަވާލުވާ ކޮންމެ ތަނެއް ހަލާކު ކުރާ މީހެއް ތިއީ. ފީވަކު ސްކޫލް، މާމެންދޫ ސްކޫލް އަދި ގއ. އަތޮޅު މަދަރުސާގެ ކުރީގެ ދަރިވަރުނާއި ބެލެނިވެރިންނަށް އިނގޭނެ މީނަގެ މަގުޞަދަކަށްވަނީ ތަން ފަސާދަކޮށް ތަނުގެ ތިބި މޮޅެތި ޓީޗަރުން އެތަނުން ބޭރުކުރުމުގެ މަސައްކަތް މީނަ ކުރީ. މުޅިތަން ޕާޓީ ޖަގަހައަކަށް ހެދީ.
ވިސްނާލާށޭ
27 January 2020
މީހުން ހީކުރަނީ ކުޑަކުދިންގެ ހިޔާއަކީ އެކުދިން ހިމާޔަތްކުރާނެ ތަނެއްކަމަށް! ވިސްނާލާ! އެކި އެކި އެބިޔުސް (ޖިސްމާނީ/ޖިންސީ/ނަފްސާނީ) ވެފައިވާ ކުދިން "ހިމާޔަތްކުރަން" ކުޑަކުދިންގެ ހިޔާއަށްލުމުން އެކުދިން އެތަނުން "ފިލަން" މަސައްކަތްކުރަނީ ކޮންމެވެސް ކަމެއް އެތަނުން އެކުދިންނަށް ކުރާތިދޯ؟ އެތަނަކީ ކުޑަކުދިން ހިމާޔަތްކުރާ ތަނެއްބާ ނުވަތަ އެކުދިން މި ލެވެނީ އަނގަހުޅުވިފައިވާ ސިންގާއެއްގެ އަނގައިގެ ތެރެއަށްބާ؟
އަހްމަދު
27 January 2020
މިސަރުކާރު އައިފަހުން ތިތަނަށް ކިޔަންވީ "ކުޑަކުދިން ހަލާކުކުރާ"