02 ފެބުރުއަރީ 2020 - 13:28
18 comments
ނިކަމެތިންނަށް އެހީވުމުގައި މަޝްހޫރުކަން ހޯދާފައިވާ އަހުމަދު ހިޝާން އަށް ސީރިއަސް ތުހުމަތުތަކެއް ކޮށްފައިވަނިކޮށް އޭނާގެ ޕާސްޕޯޓް ވެސް ހިފަހައްޓައިފި އެވެ.
ރާއްޖޭން ބޭރަށް ދާން ސްރީ ލަންކަންގެ މަތިންދާބޯޓެއްގައި އިންދާ ފުލުހުން މިދިޔަ ހުކުރު ދުވަހު ވަނީ އޭނާ ހުއްޓުވައި، ފުލުސް އޮފީހަށް ހާޒިރުކޮށްފަ އެވެ. އަދި އޭނާއާ ގުޅޭގޮތުން ހުށަހަޅާފައިވާ މައްސަަލައެއް ބަލަމުންދާ ކަމަށް ފުލުހުން ބުންޏެވެ. އިތުރު ތަފްސީލެއް ނުދެ އެވެ.
"މިހާރު" އަށް އެނގިފައިވާގޮތުގައި ހިޝާންގެ މައްސަލަތަކެއް ތަހުގީގުކުރަން ފެށުމާ އެކު ފުލުހުންގެ އެދުމަށް މިހާރު ވަނީ އޭނާގެ ޕާސްޕޯޓް ހިފަހައްޓައިފަ އެވެ.
ފުލުސް އޮފީހަށް ހާޒިރު ކުރުމުން ހިޝާން ކުރި ޓްވީޓެއްގައި ބުނީ "ފުލުހުންގެ ފަަރާތުން އަޅުގަނޑަށް ފުރިހަމަ އަށް އެއްބާރުލުން އެބަ ލިބޭ" ކަމަށެވެ. އޭނާގެ މައްޗަށް ކުރެވޭ ތުހުމަތުތަކާ ގުޅޭގޮތުން އެއްޗެއް ނުބުނެ އެވެ.
އޭނާގެ މައްސަލައެއް ފުލުހުން ތަހުގީގު ކުރަމުން ދާއިރު އޭނާ އަށް ގިނަ ތުހުމަތުތަކެއްކޮށް ގިނަ ބަޔަކު އަންނަނީ ސޯޝަލް މީޑިއާގައި ޝުއޫރު ފާޅުކުރަމުންނެވެ. މުޖުތަމައުއަށް އެހީތެރިވުމުގެ ދާއިރާ އިން ގައުމީ އިނާމު ވެސް ލިބިފައިވާ ހިޝާނާ ބެހޭ ގޮތުން، ސޯޝަލް މީޑިއާގައި ބައެއް މީހުން ކުރި އެއް ތުހުމަތަކީ ފުރާވަރުގެ ފިރިހެން ކުދިންނަށް ޖިންސީ ގޯނާކުރުމެވެ.
Hishan aa behey gothun serious thuhumathu thakeh!
The most trusted news source in the Maldives
Mihaaru
ހިޝާންއާ ބެހޭ ގޮތުން ސީރިއަސް ތުހުމަތުތަކެއް ކުރުން---
ބައެއް މީހުން ވަނީ އެ މީހުންނަށް ދިމާވި ބައެއް ކަންކަން ވެސް، ސޯޝަލް މީޑިއާގައި ހިއްސާކޮށްފަ އެވެ. އަދި ހިޝާންއާ ދެކޮޅަށް ބައެއް މީހުން ބަޔާން ވެސް ދީފައިވާ ކަމަށްވެ އެވެ.
ހިޝާނަށް ބިރު ދައްކައި އިންޒާރު ދޭ ކަމަށް ބުނެ އޭނާ މި ފަހުން އަންނަނީ ޓްވީޓްކުރަމުންނެވެ. އެ ޓްވީޓްތަކާ ގުޅިގެން ފުލުހުން ބުނެފައި ވަނީ އެ މައްސަލަ ވެސް ބަލަމުން އަންނަ ކަމަށެވެ. ނަމަވެސް އިންޒާރު ދިން އިރު އޭނާ ހުރި ތަނަކާއި ބިރުދެއްކީ ކޮން ބަޔަކުކަން ވެސް ކިޔައިދީފައި ނުވާ ކަމަށް ފުލުހުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުރާ
04 February 2020
އަޅުގަނޑަށް ގަބޫލުކުރެވެނީ ފަރުދީގޮތުން ކަންކަން ކުރަން އުޅޭ މީހުނަށްވުރެ ބޮޑަށް ރަނގަޅުވާނީ ފާހަގަކޮށްލެވޭ އެންޓިޓީއަކާ މިފަދަ ކަންކަން ހަވާލުކުރުން. އަދި އެމބެސަޑަރުކަން އެފަދަ އޮގަނައިޒޭޝަނެއްގެ ފަރުދަކަށް ދިނުން. ޖަމާއަތަކުން އެފަދަ ގޯސްހެދުން ދުރުވަާނެ
އިޙްސާސް
03 February 2020
ބަސްޓުވީމަ ފިލާ ރައްކާވަންދޯ މިއުޅުނީ. ކަންތައްގަނޑު ފަޅާއެރީ
ދަނޑިފައި ދޮންހަސަނު
02 February 2020
ހޫނ ހޫނ!! ބަޔަކު ދެއްކި ބިރަކީ މިއީދޯ؟؟ ބިރުގަންނަވަރު ކަމެއް ނުކުރާމީހަކަށް ދެއްކޭނެ ބިރެއް ނޯންނާނެ!
ޙިނި
02 February 2020
ޙަންދާނުން ފިލައިގެން ގޮއްވާ ކަންނަން، ޖިންސީ ގޯނާ ކުރި ކަމުގެ ތުހުމަތު ސަރުކާރު އިސް ވެރިންނާ މމިނިސްޓަރުން ނައްވެސް ދުހުމަތު ކުރެވުނު، އެކަމަކު އޭގެން އެއްވެސް ކަމެއް ނުބެލުނު މައްސަލަ މަޑުނ އޮއްބާލީ
ގޯސް
02 February 2020
މީހަކު ވަރަށް ހަޑިމުޑުދާރުކަން ބޮޑު ޖަރީމާއެއް ކުރިކަމަށް އެހެން ބަޔަކު ތުހުމަތު ކުރުމާއި އޭނާ އެކަމެއް ކުރިކަމަށް ހެކި ނުލިބެނީސް އޭނާ ކުރިކަމެއްކަމަށް ނުނިންމަން އެހެންމީހަކު ބުނެފިނަމަ ނުވަތަ އޭނާގެ ހައްގުގައި ވާހަކަ ދައްކައިފި ނަމަ އެދެއްކި މީހަކީވެސް އެކަހަލަ ހަޑިމުޑުދާރު ކަންކަމަށް ހިތްވަރު ދޭ މީހަކަަށް މި މުޖުތަމައުގައި އެބަނިއްމާ. މީހަކު ކަމެއް ކުރުމާއި ނުކުރުމާއި ކަމެއް ގޯސްވުމާއި ނުވުމާއި މިއީ މުޅިން ދެކަމެއް.
ޙިނި
02 February 2020
މީނާޔައް އެވޯޑުދީ ކުޑަކުދިން ބަލަން ހަވާލުކޮއް ކަންތައް ކުރުމުގެ ޒިންމާނަގަނީ ކޮބައެއްބާ، ހިޔެއްނުވޭ އެކަކުވެސް ކޮންޕްލިސިޓް ވާނެހެނެއް
ޢަޖައިބު
02 February 2020
ޙެޔޮނުވަަނެ ޝައްކު ކުރަން
ޝާހިދާ
02 February 2020
ދަރިންގެ ޒިންމާ މައިންބަފައިން ނުނެގުން މީ ދެރަކަމެއް. އަމިއްލަ ދަރިންގެ ކަންތައް މިޒަމާނުގަ ހެޔޮ ނުވާނެ ގޮތް ނޭނގޭ/ ގާތްތިމާގެ މީހުންނާ ވެސް ޙަވާލު ކުރަން. ކިންމެ ބަޔަކު ވެސް އަމިއްލަ އަށް ދަރިންގެ ކަންތައް ކުރެވޭތޯ ބަލަންވީ އަދި ބަޔެއްގެ އެހީ ހޯދަން ޖެހުނަސް ވާނުވަަ އެނގެންޖެހޭނެ ބަލަންވާނެ. ދޫކޮށްނުލާ ދަރިންގެ ކަންތައް އެހެން މީހުންގެ އަތްމައްޗަށް.
މޮޑަފްް
02 February 2020
އެތަށް އަހަރުތަކަކުން ހޯދުނު ރީތިނަން އެންމެ ދުވަހަކުން ތިއޮތީ ވެއްޔާމޮޑެވިފަ. ދުނިޔެ ދައްކުވައިދިން އިބްރަތެއް. އެދުމެއްނެތި ވެދުމެއްނުކުރާނެކަން މިކަމުންވެސް އެނގިގެންދޭ.
ސައްމާހު
02 February 2020
ކޮބާތަ މިޤައުމުގަ އުޅޭ ސައިކޮލޮޖިސްޓުން؟ ކުޑަ ކުދިން ލައްވާ ބައްޕަ ކިޔުއްވައިގެން އެ ކުދިން އޭނާއާ އެކު ގެންގުޅުނީ އޭނާގެ ހަޔާތުގައިވެސް ގައިމު ކޮންމެވެސް ގޯހެއް ހިނގީމަތާ! މީނާގެ މައްޗަށް ކުށެއް ސާބިތުވެއްޖެނަމަ، އަދަބާއެކު ފަރުވާވެސް މުހިންމު. ނޫނީ އަނެއްކާ އެތައް ބައިވަރު އުމުރުން ހަގު ވިކްޓިމްސް ތިބޭނެ.