އައްޑޫ އިކުއެޓޯރިއަލް ހޮސްޕިޓަލްގައި ސީޓީ ސްކޭންގެ ހިދުމަތް ފެށުން--- ފޮޓޯ: އިކުއެޓޯރިއަލް ހޮސްޕިޓަލް
20 ފެބުރުއަރީ 2020 - 18:12
29 comments
އައްޑޫގައި ތަރައްގީކޮށްފައިވާ އާ ޓާޝަރީ ހޮސްޕިޓަލް، އައްޑޫ އިކުއެޓޯރިއަލް ހޮސްޕިޓަލް (އޭއީއެޗް) ގައި ސީޓީ ސްކޭންގެ ހިދުމަތް މިއަދު ފަށައިފި އެވެ.
އެ ހިދުމަތް ފެށިކަން އިއުލާން ކުރުމުގެ ގޮތުން އެ ހޮސްޕިޓަލުން ކުރި ޓްވީޓެއްގައި ބުނީ ޑޮކްޓަރުންނާއި ނަރުހުންގެ އިތުރުން ޓެކްނިކަލް މުވައްޒަފުން ސީޓީ ސްކޭންގެ ހިދުމަތަށް އަހުލުވެރިކޮށްފައިވާ ކަމަށެވެ.
ޖެނުއަރީ މަހު ހުޅުވި އެ ހޮސްޕިޓަލުގައި 11 ދާއިރާއަކުން ފަރުވާ ދެ އެވެ. އޭގެ ތެރޭގައި ހިމެނެނީ އާންމު ބަލިތައް، ދަތުގެ ބަލިތައް، ސްކޭން، ކުޑަކުދިންގެ ބަލިތައް، އޮޕަރޭޝަންސް، ކަރުންމަތީގެ ބަލިތައް، ކަށީގެ ބަލިތައް، ނަފުސާނީ ބަލިތައް، އަންހެނުންގެ ބަލިތައް، ހަމުގެ ބަލިތައް އަދި ހިތުގެ ބަލިތަކެވެ.
އައްޑޫ އިކުއެޓޯރިއަލް ހޮސްޕިޓަލްގައި ސީޓީ ސްކޭންގެ ހިދުމަތް ފެށުން--- ފޮޓޯ: އިކުއެޓޯރިއަލް ހޮސްޕިޓަލް
ހިދުމަތް ދޭން ފެށި ނަމަވެސް އެތަނުގައި ކުރަން ޖެހޭ މަސައްކަތްތައް އަދިވެސް އެއްކޮށް ނުނިމޭތީ ބައެއް މަސައްކަތްތައް އަންނަނީ ކުރަމުންނެވެ.
މި ޓާޝަރީ ހޮސްޕިޓަލަކީ ސައޫދީ ފަންޑް ފޯ ޑިވެލޮޕްމަންޓާއި އޯޕެކް ފަންޑް ފޮ އިންޓަނޭޝަނަލް ޑިވެލޮޕްމަންޓް (އޮފިޑް) އިން 171 މިލިއަން ރުފިޔާ ހަރަދުކޮށްގެން ކުރީގެ ރައީސް އަބްދުﷲ ޔާމީންގެ ވެރިކަމުގައި ހަދަން ފެށި ތަނެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރީނާ އަހްމަދު
21 February 2020
ދެއިރު ދެ ދަޅައަށް ގޮވިޔަސް ހަގީގަތް ބަދަލު ނުކުރެވޭނެ. މި މެޝިންތަކަށް ލާރި ދެއްކީ މި ސަރުކާރުން، މެޝިންތައް ގެނެސް އައްޑޫ ހޮސްޕިޓަލުގައި ބެހެއްޓީ މި ސަރުކާރުން، މެޝިންތައް އޮޕަރޭޓް ކުރާނެ މީހުން ގެެނެސް އައްޑޫ ހޮސްޕިޓަލުގައި ބެހެއްޓީ މި ސަރުކާރުން، އެހެންވީމަ ހަމަ އައްޑޫ ހޮސްޕިޓަލުގައި ސީޓީ ސްކޭން ހިދުމަތް ފަށައިގެން ހުރިހާ ކްރެޑިޓެއް ލިބޭނީ މި ސަރުކާރުގެ ސިއްހީ ކަންތަކާ ހަވާލުވެ ތިބި މީހުންނަށް. މި ހުރިހާ ކަމެއް ހިނގިއިރު ޔަމީނު ޖަލުގައި!
މަލިކު
21 February 2020
އެހެން މީހުންނަށް ގަމާރަށް ގޮވާއިރު ތިމާޔަށް އިނގޭބާ އެއީ ޑޮކްޓަރުން ކުރަންޖެހޭ މަސައްކަތެެއް ނޫންކަން، ބަލަ ސީޓީ ސްކޭން އަކީ ރޭޑިއޯގްރަފަރސް ހަދާ އެއްޗެއް، ރޭޑިއޮލޮޖިސްޓުންނެއް ނޫން.....އަދިވެސް މީހުުންނަށް ގަމާރަށް ގޮވާ
އަހައްމައިދީ/އައްޑޫ/ޔޫކޭ
21 February 2020
މިހާރު ތި ދައްކަނީ ކޮން ވާހަަކައެއް؟ ކުރީގައި ބުނީ ޑަކްޓަރުން ނޫނީ ނަރުހުން ލައްވާ ސިޓީ ސްކޭން ހައްދާކަށް ނުވާނެޔޭ. އެހެންވެ މި ބުނީ އެކަން ކުރަނީ އެކަމަށް ހާއްސަ ކުރެވިފައިވާ ރޭޑިއޯގްރާފަރޭ. ބުނީމަ އަނެއްކާ އަނެއް ވާހަކަ. ކޮންމެ ގޮތެއްވިޔަސް ތި ބޭފުޅާ ހީކުރި ގޮތާ ހިލާފަށް ތި އޮތީ ޑަކްޓަރަކު ނޫނީ ނަރުހަކު ލައްވައެއް ނޫން ސްކޭން ހައްދާފައި. ދެންވެސް ހަލާ ދަނޑީގެ ދެކޮޅު ބަލާތި! ވަރަށް ވެދުން!
ޔާސިރު
21 February 2020
އައްޑޫ އައްޑޫ އައްޑޫ. ތި ނޫން ވާހަކައެއް ދައްކަބަލަ. ކޮބާތަ ބޮޑުތިލަދުންމަތި؟
ހއ އަތޮޅު މީހާ
21 February 2020
އަހަރުމެން އެހެން މީހުން ދެކެ ޙަސަދަވެރިވާކަށް ނުޖެހޭ. އައްޑޫ މީހުންނަކީ އެއްވެސް ޒަމާނެއްގައި މާލޭސަރުކާރު ހެދި ކޮންމެއެއްޗެއް ޤަބޫލުވެ ރިހުގެން ތިބިބައެއްނޫން. އެމީހުން އެމީހުންގެ ޙައްޤު ހޯދަން އުޅުމުން ބޮޑު ތިލަދުންމައްޗޭ ކިޔާފަ ގޮތް ދައްކާން އަހަރުމެން އުޅޭނެ ކަމެއްނެތް.
ޢައްޑޫ ރަދުން
20 February 2020
ވަރަށް ޝުކުރުވެރިވާން ނުދައްނަ ބައެއް. މިހެންވެކަންނޭނގެ މިމީހުންގެ ތެރޭގައި ތައުލީމީ މީހުންނާއި ވިޔަފާރިވެެރިން ތިބެފައި އެހާލުގައި އެއުޅެނީ.
މޮޔަ ރަސްގެފާނު.
21 February 2020
އަހަރުމެން ޝުކުރުވެރިވަނީ ﷲ އަށް. އަހަރުމެން މާލޭ ސަރުކާރަށް މަޖުބޫރު ކުރަނީ ދައުލަތުގެ ބަޖޭޓުން އަހަރުމެނަށް ޙައްޤޫވާ މިންވަރު ތިޔަ ރަށްގަނޑަށް ޙަރަދު ނުކޮށް އަހަރުމެނަށް ދިނުމަށް. ކަލޭ ހުރޭ ތިގޮތަށް ޝުކުރު ކޮށްގެން.
ބަތާނަ
20 February 2020
އުފާވެރި މަންޒަރެއް. މޭޔަރު ކަމަށްވާދަ ކުރައްވާ ނިޒާރަށް ގޮވާލަން މިފަހަރު ސަރުކާރާ ގުޅިގެން މަސައްކަތްކޮށް އައްޑޫ ތަރައްގީކުރުމަށް. ސޯބެ ހިނގި މަގުން ނަމަ ނަމަ ނުހިނގާތި.
އޮނަރަބްލް އަފީފު ދީދީ
20 February 2020
ބޮޑެތި މަކަރާއި ހީލަތް ހަދާފައި ނަމަވެސް މަޖުބޫރުވެގެން އައްޑޫގައި ހުރި އިމާރާތެއްގައި ޔާމީން ތިއޮތީ ހޮސްޕިޓަލެކޭ ކިޔާތަނެއް ހަދާދީފަ. # ހޮސްޕިޓަލް ހިންގުމަށާއި ތަނުގެ ދިރުމާއި ކުރިއެރުމަށް އިޤްތިސޯދީ ހަރަކާތް ބޭނުންވާއިރު އެމްޑީޕީގެ މެނިފެސްޓޯގައި މިފަދަ ގިނަވާހަކަ ތަކެއްހުއްޓަސް "ގެސްޓްހައުސް އަދި މަސްވެރިކަމުގެ ވިޔަފާރިއަށް މަގުފަހިކުރާން" ގޭން އެއަރޕޯޓް ތަރައްޤީކޮށް ހިންގުމަށް ސޯލިޙްގެ ސަރުކާރުން މަސައްކަތްކުރާތަނެއް ނުފެނޭ. ވަރަށް ދެރަ.
އޮނަރަބްލް އަފީފު ދީދީ
20 February 2020
ޓާޝަރީހޮސްޕިޓަލެއް އަޅާނަމޭ ކިޔާފައި ސައޫދީ ފަންޑް ފޯ ޑިވެލޮޕްމަންޓާއި އޯޕެކް ފަންޑް ފޮ އިންޓަނޭޝަނަލް ޑިވެލޮޕްމަންޓް (އޮފިޑް) އިން 171 މިލިއަން ރުފިޔާ ހޯދާފަ މާލޭސަރުކާރުން އައްޑޫ އީސީސީއަށް ދެތިން މެޝިން ވައްދާފައި އިރުއިރުކޮޅާ މިވާހަކަ މީޑިޔާގައި ޖަހަނީ ރާއްޖޭގެ އެހެން ރައްޔަތުންނާއި އަހަރުމެނާއި ޖައްސަންވެގެން. # އައްޑޫ މަގުތަކުގެ ހާލުފެނި އަހަރުމެން ވަނީ ސާފުބޯފެނާއި ނަރުދަމާގެ ހިދުމަތުން މަޙްރޫމްކޮށްފައިކަން އެގިއްޖެނަމަ އަންތަރީސްވާނެ.
އޮނަރަބްލް އަފީފު ދީދީ
20 February 2020
އީސީސީ ވީރާނާކޮށް ނައްތާލާފައި ދެކުނުގެ އަތޮޅުތަކުގެ ރައްޔަތުންނަށް ޙާއްސަކޮށްގެން ހޮސްޕިޓަލެއް އެޅާނަމުގަ ސައޫދީ ފަންޑް ފޯ ޑިވެލޮޕްމަންޓާއި އޯޕެކް ފަންޑް ފޮ އިންޓަނޭޝަނަލް ޑިވެލޮޕްމަންޓް (އޮފިޑް) އިން 171 މިލިއަން ރުފިޔާ ނަގައިގެން މާލޭ ސަރުކާރުން 4 އެނދާއި ދެތިން މެޝިން އީސީސީ ހުރި އިމާރާތަށް ވައްދާފައި ފައިސާއަށް ހެދިނެހެދިއެއްވެސް ނޭގުނު. # އެހެންވެ އަހަރުމެން މިބުނަނީ "މާލެއާއި ނުލާ" އުޅެވޭނެގޮތެއް އަހަރުމެން ހޯދާން ވެއްޖެއޭ.
ސަމާލު
20 February 2020
ސީޓީ ސްކޭން އަކީ ނަރުހުންނާއި ޑޮކްޓަރުންނަށް ދަސްކޮށްދީގެން ކުރަންޖެހޭ މަސައްކަތެއްނޫން، މީކީ ފޮޓޯ ނަގާ އުސޫލުން ކުރާކަމެއްނޫން، މިކަމަކީވެސް ކަމާބެހޭ އިލްމު އުގެނި ތަމްރީނު ލިބިފަތިބި ބަޔަކު ކުރަންޖެހޭ މަސައްކަތެއް، މިކަމަށް ޓްރެއިން ވެފަ ތިބިމީހުން ނޫން މީހުން މިކަންކުރުމަކީ ހުއްދަކަމެއްނޫން، ހެލްތް މިނިސްޓްރީ މިކަމުގަ ކުށްވެރިކުރަން
ގަމާރުސޯ
20 February 2020
ތި ބޭފުޅާ ހިސާބަށްވުރެ ގަމާރުވުމަކީ ހެލްތު މިނިސްޓްރީ މީހުން ޒިންމާވާންޖެހޭ ކަމެއްތަ؟ އެހެރީ ބުރުގާ ނައަޅާ އެތަނުގެ ރޭޑިއޮލޮޖިސްޓު. ވާނުވާ އޮޅުންފިލުވައިގެން ކޮމެންޓުކޮށްބަލަ ހެޔޮނުވާނެ!
ފުއްލާދުލި
20 February 2020
ދުވަހަކުވެސް އައްޑޫއަކަށް ކަމެއް ކޮށްދޭކަމަކަށް ނުވާނެ، އަހަރުމެން ވިހޭއްސުރެ އައްޑޫއަށް އެވެނިކަމެއް މިވެނި ކަމެއް ކޮށްދިން ވާހަކަ ނޫސްތަކާ ރޭޑިއޯތަކުން އިވޭނެ. އައްޑޫ މީހަކާ ދިމާވީމަ ބުނާނެ އެއްވެސް ކަމެއް ނުކުރޭ އަޅާނުލައޭ ފަޅޮލޭ. މިމީހުން ހިތެއް ނުފުރޭނެ ދުވަހަކުވެސް. މި ސަރުކާރަށް އިންޑިއާއިން ދިން އެހީގެ %99 ހަރަދުކުރަނީ އައްޑުއަށް. ބޮޑުސިންގާ އެއަރޕޯޓު ހެދީމާ ބ.ދަރަވަންދޫ އެއަރޕޯޓަށްވުރެ ވެސް ޓްރެފިކްދަށް. މިއީ ސަރުކާރުގެ ކުށެއްތޯ
ކައްކާ
20 February 2020
ތިބުނާ އެއާޕޯޓު ހެދީ އިނގިރޭސިން، ދަރަވަންދޫގަ ހެދީ މާލޭ ސަރުކާރުން. ދެން ތިބުނަނީ އެހެދި ފުޓްސެލްދަނޑުގެ ވާހަކަ ކަމަށްވަންޏާ އެހެދި ހުރިހާ ރަށަކުވެސް، މަގުތައް މެދުން ފަޅާފަ ހުންނަތާ ހައެއްކަ އަހަރު، އެހެނެއްނޫން އުތުރުގަ ހައެއްކަ ކުރޮޅި ދުއްވާ ރަށްރަށުގަ އެބަހުރި ބޯޓުފަހަރު ޖެއްސޭ ފެންވަރަށް ހުރިހާ މަގެއް ހަދާފަ. އިންޑިއާއިން ދިންއެހީ އަދި ލޮލަކަށް ނުފެނޭ، އޯޑިއޯނުގަ ހެދި އިމާރާތްވެސް އަދި ނުފެނެއެއްނު.
ފުއްދާލި
20 February 2020
މިއިން ދުވަހަކު ދިޔައިންތަ އައްޑުއަށް. އެތާގެ އާބާދީއާއި ބަލާފައި އެތަނަަށް ކަމެއް ކޮށްނުދޭ
ސޭ ނޯ ޓު ރޭސިޒަމް
20 February 2020
ރޭސިސްޓްނުވެ ހަޤީގަތަށް ވާހަކަދައްކާ. ޢަހަރެން މިއީ އައްޑޫމީހެއް ހަމަގައިމުވެސް އަހަރެން ބޭނުން ރާއްޖޭގެ ހުރިހާތަނެއް ތަރައްގީވާން. ވަކި ބަޔަކާ ތިވައްތަރަށް ޖައްސާލީމާ ފިތުނަ އުފެދޭނެކަން އިނގެންޖެހޭ. މައްސައަކީ ހުރިހާ ސިޔާސީޕާޓީތަކުގައިވެސް މިކަހަލަ މީހުން ތިބުން.
ކައްކާ
20 February 2020
ތިޔަ ހޮސްޕިޓަލެއް އަޅާވާހަކަ ދައްކާތާވެސް 20 އަހަރު ވެއްޖެ، އެހެންވީމަ ކުޑައިރުއްސުރެ ކޮންމެ އަހަރަކު އިވޭނީ އައްޑޫގަ ހޮސްޕިޓަލެއް އަޅާވާހަކަތާ. މިހާރު ވިއްސަކަށް ހޮސްޕިޓަލް ހުންނާނެކަމަށްދޯ ހީކޮށްގެން ތިހިރީ.